Breaking News

యూపీలో యోగీ (Yogi Adityanath) సర్కార్ కీలక నిర్ణయం తీసుకుంది. రాష్ట్రంలో హలాల్ ట్యాగ్ (Halal Tag) ఉన్న ఆహార ఉత్పత్తులపై నిషేధం విధిస్తున్నట్టు పేర్కొంది. హలాల్ ట్యాగ్‌తో ఆహార ఉత్పత్తుల తయారీ, నిల్వ, పంపిణీ, అమ్మకాలపై నిషేధం విధిస్తున్నట్టు ప్రకటించింది. ఈ ఆదేశాలు వెంటనే అమలులోకి వస్తాయని యోగీ సర్కార్ వెల్లడించింది.

ఇక ఎగుమతి చేసేందుకు ఉద్దేశించిన ఆహార పదార్థాల విషయంలో ఈ నిషేధం వర్తించదని తెలిపింది. ఆహార ఉత్పత్తులకు హలాల్ ధృవీకరణ అనేది ఒక సమాంతర వ్యవస్థ అని ప్రభుత్వం పేర్కొంది. ఇది ఆహార పదార్థాల నాణ్యతకు సంబంధించి తీవ్ర గందరగోళాన్ని సృష్టిస్తోందని ప్రభుత్వం ఆందోళన వ్యక్తం చేసింది.

ఫుడ్ చట్టంలోని సెక్షన్ 89 ప్రకారం ఈ హలాల్ ధ్రువీకరణ అనేది అమోదయోగ్యం కాదని ప్రకటనలో ప్రభుత్వం వివరించింది. ఆ చట్టంలోని 29 ప్రకారం ఆహార పదార్థాల నాణ్యతను పరిశీలించి వాటి ప్రమాణాలను నిర్ణయించే హక్కు కేవలం అధికారులు, కొన్ని ప్రభుత్వ సంస్థలకు మాత్రమే ఉందని తేల్చి చెప్పింది.

ఇటీవల రాష్ట్రంలో కొంత మంది వ్యాపారస్తులు తమ ఆహార ఉత్పత్తులపై నకిలీ హలాల్ సర్టిఫికేట్ లేబుల్స్ ను అంటిస్తున్నారు. ఆ నకిలీ హలాల్ సర్టిఫికెట్స్ ద్వారా ప్రజల మతపరమైన భావాలను ఉపయోగించుకుని తమ ఆహార ఉత్పత్తుల అమ్మకాలను పెంచుకుంటూ దోపిడీకి పాల్పడుతున్నారంటూ ఆరోపిస్తు ఇటీవల పోలీసులు కేసులు నమోదు చేశారు. ఈ నేపథ్యంలో ప్రభుత్వం ఈ మేరకు నిర్ణయం తీసుకుంది.

కాంగ్రెస్ (Congress) పై ప్రధాని మోడీ (PM Modi) నిప్పులు చెరిగారు. కాంగ్రెస్ సర్కార్ ఎక్కడ ఉంటే అక్కడ ఉగ్రవాదం, మహిళలపై దౌర్జన్యాలు పెరిగిపోతాయన్నారు. రాజస్థాన్‌లో కాంగ్రెస్ తన ఉదాసీన వైఖరితో సంఘ వ్యతిరేక శక్తుల పట్ల చూసీ చూడనట్టుగా వ్యవహరించి రాష్ట్రాన్ని నేరాల్లో, అల్లర్లలో మొదటి స్థానానికి తీసుకు వచ్చిందంటూ తీవ్ర స్థాయిలో మోడీ ధ్వజమెత్తారు.

భరతపూర్‌లో నిర్వహించిన ఎన్నికల ర్యాలీలో ప్రధాని మోడీ పాల్గొన్నారు. ఈ ర్యాలీలో ఆయన మాట్లాడుతూ….. జాదూగర్ ప్రభుత్వానికి మరోసారి ఓటు వేయకూడదని ప్రజలు నిర్ణయానికి వచ్చారన్నారు. ఎన్నికల తర్వాత రాష్ట్రంలో కాంగ్రెస్ తుడిచి పెట్టుకుపోతుందన్నారు. మహిళలు తప్పుడు అత్యాచారం కేసులు పెడతారని సీఎం అశోక్ గహ్లోత్​ వ్యాఖ్యానించారని, అలాంటి వారిని మహిళలు కాపాడుతారా అని ప్రశ్నించారు.

రాష్ట్రంలో ప్రతీ పండగకు అల్లర్లు, రాళ్ల దాడులు జరగుతున్నాయన్నారు. మహిళల నమ్మకాన్ని కాంగ్రెస్ వమ్ము చేసిందన్నారు. అందువల్లే గెహ్లాట్ సర్కార్ కు ఓట్లు పడవన్నారు. రాష్ట్రంలో శాంతిభద్రతలను పరిరక్షించడం, మహిళలకు సురక్షిత వాతావరణాన్ని కల్పించడం తమ పార్టీ ఇచ్చే గ్యారెంటీలన్నారు. కాంగ్రెస్ సర్కార్ ఎక్కడ ఉంటే అక్కడ ఉగ్రవాదులు, నేరగాళ్లు ఉంటారని అన్నారు.

కాంగ్రెస్ ఎప్పుడు బుజ్జగింపులు చేస్తుందన్నారు. ఓటు బ్యాంకు రాజకీయాలే ఆ పార్టీకి ముఖ్యమన్నారు. దేశం ఇప్పుడు విశ్వగురువుగా ఎదుగుతోందన్నారు. కానీ రాజస్థాన్‌లో మాత్రం గత ఐదేండ్లలో అవినీతి, నేరాలు, అల్లర్లు, నేరాలు పెరిగాయన్నారు. కాంగ్రెస్​ అధికారంలో ఉన్న ప్రతి చోట అవినీతి, దోపిడీ జరుగుతోందన్నారు. కానీ బీజేపీ పాలనలో అభివృద్ధి జరుగుతోందన్నారు .

75 ఏండ్ల స్వతంత్ర భారతం ఇప్పుడిప్పుడు అభివృద్ధి (Development) ఫలాలను అందుకుంటోంది. ఈ అభివృద్ధికి కారణం మేమంటే మేమని అటు కాంగ్రెస్ (Congress), ఇటు బీజేపీ (BJP)లు తన్నుకుంటున్నాయి. అభివృద్ధి క్రెడిట్‌ను తమ ఖాతాలో వేసుకోవాలని ఇరు పార్టీలు పోటీ పడుతున్నాయి. ఈ క్రమంలో తాజాగా ఆర్థిక నివేదికలు బయటకు వస్తున్నాయి. అభివృద్ధి విషయంలో ఎవరి సత్తా ఏంటో ఆ నివేదికలు చెబుతున్నాయి.

భారత్ విశ్వ గురువుగా ఎదుగుతోంది. పాండమిక్ సమయంలో వ్యాక్సిన్ కనిపెట్టి ప్రపంచ దేశాలకు పెద్దన్నలాగా నిలిచింది. 1991లో ఆర్థిక సరళీకరణలు మొదలైన తర్వాత దేశం అభివృద్ధి పథంలో దూసుకు పోతోంది. ప్రస్తుతం ప్రపంచంలో ఐదవ అతి పెద్ద ఆర్థిక వ్యవస్థగా భారత్ నిలిచింది. ఇదే ఊపు కొనసాగితే త్వరలోనే ప్రపంచంలో అతి పెద్ద మూడవ ఆర్థిక వ్యవస్థగా భారత్ ఎదిగే అవకాశం ఉంది.

అభివృద్ధి అనేది కేవలం ఒక రోజులో జరిగే ప్రక్రియ కాదు. దాని వెనుక కొన్ని దశాబ్దాల ప్రణాళికలు, ఏండ్ల తరబడి ప్రభుత్వాల కఠోరమైన శ్రమ ఉంటుంది. దేశంలో ప్రణాళిక సంఘం మొదలు నీతి అయోగ్ వరకు ఎన్నో ప్రణాళికలు, ఎన్నో అభివృద్ధి నమూనాలను రూపొందించి అమలు చేశాయి. వాటన్నిటి ఫలితమే మనం నేడు చూస్తున్న అభివృద్ధి.

దేశంలో అభివృద్ధి ప్రక్రియను మొదలు పెట్టింది కాంగ్రెస్ అయితే దాన్ని ప్రస్తుతం పరుగులు పెట్టిస్తోంది మాత్రం బీజేపీ అనేది నిర్వివాదమైన అంశం. ఇది ఇలా వుంటే అటు మన్మోహన్ సింగ్, ఇటు మోడీల్లో ఎవరి పాలనలో దేశం శరవేగంగా అభివృద్ధి చెందిందనే అంశంపై చర్చ నడుస్తోంది. దీంతో ఎవరు బెస్ట్ అనే విషయంపై గణాంకాల ఆధారంగా ఓ నిర్ణయానికి రావాలని నిపుణులు అంటున్నారు.

2014 వరకు భారత్‌లో అభివృద్ధి కాస్త నెమ్మదిగా ఉండగా, 2023 నుంచి అభివృద్ధి ఊపందుకుందని మోర్గాన్ స్టాన్లీ నివేదిక వెల్లడించింది. ఇక 2014లో జీడీపీ 98 లక్షల కోట్లు ఉండగా, 2023 వరకు 159.7 లక్షల కోట్లుగా ఉంది. 2014లో భారత ప్రభుత్వ వ్యయం రూ. 3.92 లక్షల కోట్లు ఉండగా, 2023 వరకు అది 10.3 లక్షల కోట్లకు పెరిగింది. 2014లో వ్యవసాయ బడ్జెట్ 21,900 కోట్లు, 2023లో 1.25 లక్షల కోట్లకు చేరింది.

విదేశీ మారక నిల్వలు 2014లో 313 బిలియన్ డాలర్లు ఉండగా, 2023లో అది 600 మిలియన్ డాలర్లకు చేరుకుంది. విదేశీ ప్రత్యక్ష పెట్టుబడులు 45 బిలియన్ డాలర్ల నుంచి 84.8 బిలియన్ డాలర్లకు పెరిగింది. తలసరి ఆదాయం 86454 నుంచి 1.50 లక్షలకు పెరిగింది. పేదరికం 2014లో 22 శాతం ఉండగా, 2023 నాటికి 10 శాతానికి గణనీయంగా తగ్గింది.

ఇక రక్షణ రంగ ఎగుమతులు 1941 కోట్ల నుంచి 16,000 కోట్లు అయింది. 2014లో ప్రపంచ ఎకానమీలో భారత్ 10వ స్థానంలో ఉండగా 2023 నాటికి ఐదవ స్ఠానానికి చేరుకుని ఒక బలమైన ఆర్థిక శక్తిగా అవతరించింది. నల్లా కనెక్షన్లు 3.2 కోట్ల నుంచి 12.7 కోట్లకు పెరిగింది. ఇక ఎయిర్ పోర్టు సంఖ్య 74 ఉండగా ఇప్పుడు ఆ సంఖ్య రెట్టింపు అయింది.

ఇక జాతీయ రహదారులు 91,287 కిలీ మీటర్లు ఉండగా, 1,45, 155గా ఉంది. రైల్వే నూతన లైన్లు 1520 నుంచి 2625కు చేరింది. ఆహార ఉత్పత్తిలో 265 మిలియన్ టన్నుల నుంచి 323.55 మిలియన్ టన్నులుకు చేరి సంవృద్ధిని సాధించింది. పప్పుల ఉత్పత్తిలో 1.2 మిలియన్ టన్నుల నుంచి 82.21 మిలియన్ టన్నులకు గణనీయంగా పెరిగింది.

ఇక దేశంలో వర్శిటీల సంఖ్య 713 నుంచి 1113కు, కాలేజీల సంఖ్య 38498 నుంచి 43796కు, మెడికల్ కాలేజీలు 700 నుంచి 1341, నిర్మించిన పాఠశాలల సంఖ్య 6,37,000 నుంచి 6,53,000, జన ఔషధి కేంద్రాల సంఖ్య 80 నుంచి 9484, ఏయిమ్స్ సంఖ్య 7 నుంచి 23కు పెరిగింది. ఎవరి వల్ల వేగంగా అభివృద్ధి చెందిందనే విషయాన్ని పక్కకు పెడితే దేశం అభివృద్ధి చెందడం అనేది ప్రతి భారతీయుడు గర్వపడే విషయం.

అయోధ్య (Ayodhya )లో రామ్ లల్లా ( Ram Lalla) విగ్రహానికి జనవరి 22న ప్రతిష్టాపన చేయనున్నారు. ప్రతిష్టాపనకు సమయం దగ్గరపడుతుండటంతో నిర్మాణ పనులు వేగం పుంజుకున్నాయి. వీలైనంత త్వరగా నిర్మాణ పనులను పూర్తి చేయాలని నిర్మాణ కమిటీ ప్రయత్నిస్తోంది. ఆలయ నిర్మాణ పనులను 45 రోజుల్లో పూర్తి చేయాలని ఆలయ నిర్మాణ కమిటీ చైర్మన్ నృపేంద్ర మిశ్రా ఆదేశాలు జారీ చేశారు.

ఆలయంలో గ్రౌండ్ ఫ్లోర్ నిర్మాణ పనులను వచ్చే నెల 15లోగా పూర్తి చేసేలా ప్రణాళికలు రూపొందిచామన్నారు. ఇది ఇలా వుంటే వచ్చే ఏడాది జనవరి 22న రామ్​లల్లా విగ్రహ ప్రాణప్రతిష్ఠ జరగనున్న నేపథ్యంలో నిర్మాణ పనులను వీలైనంత త్వరగా పూర్తి చేయాలని లక్ష్యంగా పెట్టుకున్నట్టు ఎల్ అండ్ టీ ప్రాజెక్టు మేనేజర్ వినోద్ మెహతా వెల్లడించారు.

ఆలయ నిర్మాణ పనులను త్వరగా పూర్తి చేయాలని తమపై చాలా ఒత్తిడి ఉందని తెలిపారు. ఇప్పటికే ఆలయంలో గ్రౌండ్ ఫ్లోర్ నిర్మాణ పనులు చివరి దశకు చేరుకున్నాయన్నారు. స్తంభాలపైన శిల్పకళాకృతులను సుందరంగా చెక్కుతున్నారన్నారు. నృత్య మండపం పనులు పూర్తయ్యాయన్నారు. వచ్చే నెల నాటిని గ్రౌండ్ ఫ్లోర్ పనులను పూర్తిచేస్తామన్నారు. అదే సమయంలో రంగమండపాన్ని కూడా వచ్చే నెల నాటికి రెడీ చేస్తామన్నారు.

ఆలయం మొత్తాన్ని పసుపు రంగు విద్యుత్ దీపాలతో అలకంరించనున్నట్టు చెప్పారు. రెండు రకాల విద్యుత్ ధీపాలను ఇందులో ఉపయోగిస్తున్నామని వివరించారు.
రెండు రకాల లైట్లను ఉపయోగిస్తున్నట్లు తెలిపారు. ఆలయ పైకప్పు పై లైటింగ్ అమర్చే ప్రక్రియ పూర్తయిందన్నారు. వాల్వాస్ లైట్ల కాంతి నేరుగా స్తంభాలపై చెక్కిన శిల్పాలపై పడేలా అమరుస్తున్నట్టు తెలిపారు. విద్యుత్​ దీపాల అలంకరణ పనులన్నీ పూర్తయితే రామ్ లల్లా ఆలయం పూర్తిగా దేదీప్యమానంగా వెలిగిపోతుందన్నారు.

ఉత్తరాఖండ్‌ లో వార్షిక చార్ ధామ్ యాత్ర ముగిసింది. ఈ నేపథ్యంలో బద్రీనాథ్ ఆలయ ద్వారాలను తాత్కాలికంగా మూసివేశారు. ఆలయాన్ని మూసివేసే ముందు ప్రధాన పూజారి రావల్ ఈశ్వర్ ప్రసాద్ నంబూద్రి స్త్రీ వేషధారణలో బద్రీ-విశాల్ ధామ్ గర్భగుడిలో లక్ష్మీ దేవి విగ్రహాన్ని ప్రతిష్టించారని ఆలయ వర్గాలు వెల్లడించాయి. అనంతరం ఉద్దవ్ జీ, కుబేర్ జీ దేవతా మూర్తులను పూజారి ఆలయ ప్రాంగణానికి తీసుకుని వచ్చారు.

శనివారం మధ్యాహ్నం 3.33 గంటలకు ఆలయ తలుపులను మూసివేశారు. శీతాకాలం నేపథ్యంలో ఆలయాన్ని తాత్కాలికంగా మూసి వేసిన్నట్టు చెప్పారు ఆలయ నిర్వాహకులు.

శీతాకాలంలో సుమారు 4 నెలల పాటు బద్రీనాథ్ ఆలయం పూర్తిగా మంచుతో కప్పబడి ఉంటుంది. అందువల్ల ఆలయ సందర్శనకు భక్తులను అనుమతించరు. మళ్లీ మే నెలలో భక్తులకు దర్శన భాగ్యాన్ని కల్పిస్తారు.

రుద్రప్రయాగ్‌ లోని బద్రీనాథ్ ధామ్‌ ను శనివారం అత్యంత సర్వాంగసుందరంగా ముస్తాబు చేశారు. 15 క్వింటాళ్ల బంతి పూలతో అలంకరించారు. శుక్రవారం సుమారు 10,000 మంది భక్తులు బద్రీనాథ్ ను దర్శించుకున్నట్టు అధికారులు వెల్లడించారు. ఈ ఏడాది 18.25 లక్షల మంది భక్తులు దర్శించుకున్నట్టు పేర్కొన్నారు.

రాహుల్ గాంధీ (Rahul Gandhi )పై పరువు నష్టం (Defamation) దావా వేసిన బీజేపీ నేత, ఎమ్మెల్యే పూర్ణేశ్ మోడీ (Purnesh MOdi)కి కీలక పదవిని ఆ పార్టీ కట్టబెట్టింది. దాద్రా నగర్ హవేలీ- డయ్యూ-డామన్ లో పార్టీ రాజకీయ వ్యవహారాల పరిశీలకునిగా ఆయన్ని నియమించింది. ఈ మేరకు బీజేపీ జాతీయ అధ్యక్షుడు జేపీ నడ్డా ఆదేశాలు జారీ చేశారు.

ఈ ఆదేశాలు తక్షణమే అమలులోకి వస్తాయని జేపీ నడ్డా తెలిపారు. ప్రస్తుతం పూర్ణేశ్ మోడీ పశ్చిమ సూరత్ ఎమ్మెల్యేగా ఉన్నారు. 2019లో కర్ణాటకలోని కొల్లార్ నియోజకవర్గంలో నిర్వహించిన ఓ ర్యాలీలో కాంగ్రెస్ అగ్రనేత రాహుల్ గాంధీ వివాదాస్పద వ్యాఖ్యలు చేశారు. దొంగలందరి ఇంటి పేరు మోడీ అని ఎందుకు ఉంటుందని ఆయన వ్యాఖ్యానించారు.

రాహుల్ గాంధీ వ్యాఖ్యలపై దుమారం రేగింది. మోడీ అనేది ఒక కులం అని, తమ కులాన్ని అవమానించారంటూ రాహుల్ గాంధీపై బీజేపీ ఎమ్మెల్యే పూర్ణేశ్ మోడీ సూరత్ కోర్టులో పరువు నష్టం దావా వేశారు. దీనిపై విచారణ చేపట్టిర సూరత్ కోర్టు ఈ కేసులో రాహుల్ గాంధీని దోషిగా నిర్దారిస్తూ ఆయనకు రెండేండ్ల జైలు శిక్ష విధించింది. ఈ క్రమంలో ప్రజా ప్రాతినిధ్య చట్టం ప్రకారం ఆయన తన లోక్ సభ సభ్యత్వాన్ని కోల్పోయారు.

ఈ క్రమంలో రాహుల్ గాంధీ ఎంపీ హోదాలో ఉన్న అధికారిక నివాసాన్ని ఖాళీ చేయాల్సి వచ్చింది. ఆ తర్వాత సూరత్ కోర్టు ఇచ్చిన తీర్పును రాహుల్ గాంధీ సుప్రీం కోర్టులో సవాల్ చేశారు. ఈ క్రమంలో సూరత్ కోర్టు ఇచ్చిన తీర్పుపై సర్వోన్నత న్యాయస్థానం స్టే విధించింది. దీంతో రాహుల్ గాంధీ లోక్ సభ సభ్యత్వాన్ని స్పీకర్ పునరుద్దరించారు.

దేశ వ్యాప్తంగా పలు సంస్థలను బీజేపీ (BJP) కాషాయీకరణ (Saffronise) చేస్తోందని పశ్చిమ బెంగాల్ సీఎం మమతా బెనర్జీ (Mamatha Benarjee) అన్నారు. ఇప్పుడు టీమ్ ఇండియా జట్టును కూడా ఆ పార్టీ కాషాయికరించిందన్నారు. టీమ్ ఇండియా ఆటగాళ్లు ఇప్పుడు ఆరెంజ్ కలర్ జెర్సీ ధరించి ప్రాక్టీస్ సెషన్స్ పాల్గొంటున్నారని ఆమె తెలిపారు.

సెంట్రల్ కోల్‌కతాలోని పోస్తా బజార్‌లో జగత్ ధాత్రి పూజలో ఆమె పాల్గొన్నారు. ఈ సందర్బంగా ఆమె మాట్లాడుతూ.. టీమిండియా సభ్యుల ప్రాక్టీస్ సెషన్ సమయంలో వేసుకునే డ్రెస్‌ను బీజేపీ కాషాయికరించిందన్నారు. అంతేకాదు ఇప్పుడు మెట్రో స్టేషన్లకు కూడా కాషాయ రంగులు వేస్తున్నారంటూ ఆరోపణలు గుప్పించారు.

మోడీ సర్కార్ ఇప్పుడు అన్ని సంస్థలకు కాషాయ రంగు వేసే పనిలో ఉందని మండిపడ్డారు. టీమి ఇండియా ఆటగాళ్లను చూసి తాను గర్వపడుతున్నానని చెప్పారు. ప్రపంచకప్‌లో భారత్ విజయం సాధిస్తుందని తాను బలంగా నమ్ముతున్నానన్నారు. బీజేపీ నేతలు విగ్రహాలను ప్రతిష్టించడంలో తనకు ఎలాంటి ఇబ్బంది లేదన్నారు.

కానీ వాళ్లు దేశం మొత్తం కాషాయ రంగులోకి మార్చాలని అనుకుంటున్నారంటూ ఫైర్ అయ్యారు. యూపీలో మాయావతి స్వయంగా ఆమె విగ్రహాన్ని ఆవిష్కరించుకున్నారని అన్నానరు. అలాంటి విషయాలు తాను గతంలో ఎప్పుడూ వినలేదన్నారను. ఇలాంటి నాటకాలు ప్రతి సారి లబ్ది చేకూర్చవన్నారు. అధికారం ఈ రోజు ఉంటుంది రేపు పోతుందన్నారు.