Entertainment

టాలీవుడ్ గర్వించదగ్గ ప్రముఖ నటుడు చంద్రమోహన్ (82) ప్రస్థానం ముగిసింది. చంద్రమోహన్ పార్థివదేహానికి ఆయన తమ్ముడు మల్లంపల్లి దుర్గాప్రసాద్, పంజాగుట్ట శ్మశాన వాటికలో అంతిమ సంస్కారాలు నిర్వహించారు. సినీ ప్రముఖులు, బంధువులు, సన్నిహితులు, అభిమానులు ఆశ్రనయనాల మధ్య దిగ్గజ నటుడికి అంతిమ వీడ్కోలు పలికారు.

చంద్రమోహన్ అపోలో ఆస్పత్రిలో చికిత్స పొందుతూ శనివారం తుదిశ్వాస విడిచారు. అనంతరం ఆయన పార్థివ దేహాన్ని ఫిల్మ్‌నగర్‌లోని నివాసంలో ఉంచారు. చంద్రమోహన్ మృతి పట్ల యావత్ సినీ ఇండస్ట్రీ దిగ్భ్రాంతికి లోనైంది. సినీ ప్రముఖులు సంతాపం వ్యక్తం చేశారు. 55 ఏళ్ల నుంచీ తెలుగు సినిమాతో కలసి నడుస్తున్న అనుభవం.. కలిపితే చంద్రమోహన్.

‘రంగుల రాట్నం’తో కెరీర్ స్టార్ట్ చేసిన చంద్రమోహన్. మొదటి సినిమాతోనే ఉత్తమ నటుడిగా నంది అవార్డు అందుకున్నారు. తన కెరీర్‌లో ఆయన రెండు ఫిలింఫేర్, ఆరు నంది అవార్డులు అందుకున్నారు. 2005లో ‘అతనొక్కడే’ సినిమాకు ఉత్తమ సహాయ నటుడిగా నంది అవార్డు అందుకున్నారు. 1987లో ‘చందమామ రావే’ సినిమాకు ఉత్తమ కమెడీయన్గా నంది అవార్డు అందుకున్నారు.

చంద్ర మోహన్ అసలు పేరు మల్లంపల్లి చంద్రశేఖర రావు. ఆయన 1945, మే 23న కృష్ణాజిల్లాలో జన్మించారు. బాపట్ల అగ్రికల్చర్ కాలేజ్‌లో డిగ్రీ చేశారు. చంద్రమోహన్‌కు ఇద్దరు కూతుళ్లు ఉన్నారు. ప్రఖ్యాత దర్శకుడు కే విశ్వనాథ్‌కు కజిన్ అవుతారు. వీరిద్దరి కాంబినేషన్‌లో వచ్చిన ‘సిరిసిరి మువ్వ’ సూపర్ డూపర్ హిట్‌గా నిలిచింది. బి.ఎన్. రెడ్డి దర్శకత్వంలో తెరకెక్కిన ఈ చిత్రం నటుడిగా చంద్రమోహన్‌కు మంచి పేరు తీసుకొచ్చింది.

అప్పట్లో చంద్రమోహన్ సరసన హీరోయిన్‌గా చేసిన వారి అదృష్టం కలిసి వస్తుంది అనేవారు. కట్ చేస్తే ఎక్కడికో వెళ్లేది వారి కెరీర్. అంతటి లక్కీ హ్యాండ్ చంద్రమోహన్‌ది అనేవారు. చంద్ర మోహన్‌తో నటించిన తర్వాతే శ్రీదేవి, జయప్రద, జయసుధ, రాధిక, రాధ, విజయశాంతి వంటి ఎంతో మంది హీరోయిన్లు స్టార్లుగా రాణించారు. తొలినాళ్లలో ‘కొత్త నీరు’ వంటి చిత్రాలతో సీరియస్ హీరోగా నటించిన చంద్రమోహన్ తర్వాత తన పంథా మార్చుకున్నారు.

‘బంగారు పిచుక’ వంటి సినిమాల నుంచీ ఆయనలోని కామెడీ యాక్టర్ బయటికొచ్చారు.‘గంగ మంగ’ వంటి కొన్ని చిత్రాల్లో విలనిజం చూపించారు. ఆయన మొత్తం 932 సినిమాల్లో వివిధ పాత్రల్లో నటించారు. తెలుగు ప్రేక్షకులను అలరిస్తూ వచ్చారు. ఆయన మృతితో సినీ ఇండస్ట్రీ తీవ్ర విషాదంలో మునిగింది. హీరోగా, కమెడియన్‌గా, క్యారెక్టర్‌ ఆర్టిస్టుగా తన విలక్షణ నటనతో మెప్పించారు చంద్రమోహన్.

 చంద్రమోహన్ నటించిన సూపర్ హిట్ సినిమాలు ఇవే..

‘బంగారు పిచుక’, ‘ఆదిత్య 369’, ‘పెద్దరికం’, ‘గులాబీ’, ‘రాముడొచ్చాడు’, ‘నిన్నే పెళ్లాడతా’, ‘ప్రేమించుకుందాం రా’, ‘చంద్రలేఖ’, ‘అందరూ హీరోలే’ ‘ఆత్మీయులు’, ‘తల్లిదండ్రులు’, ‘బొమ్మబొరుసు’, ‘సీతామాలక్ష్మి’, ‘శంకరాభరణం’,’తాయారమ్మ బంగారయ్య’, ‘మూడు ముళ్లు’, ‘చంటబ్బాయ్’, ‘శ్రీ షిరిడీ సాయిబాబా మహాత్యం’, ‘వివాహ భోజనంబు’, ‘త్రినేత్రుడు’, ‘యోగి వేమన’, ‘ఇంటింటి రామాయణం’, ‘కొరికలే గుర్రాలైతే’, ‘మంగళ తోరణాలు’ ‘కొత్తనీరు’, ‘సంతోషిమాత వ్రతం’, లాంటి సినిమాల్లో నటించారు.

సీనియర్ నటుడు చంద్రమోహన్(Chandramohan) శనివారం కన్నుమూశారు. ఆయన కొన్ని అనారోగ్య సమస్యల కారణంగా హైదరాబాద్ అపోలో ఆస్పత్రి(Appollo Hospital)లో చేరి చికిత్స పొందుతూ శనివారం ఉదయం 9.45 నిమిషాలకు ప్రాణాలు కోల్పోయారు. నేడు చంద్రమోహన్ అంత్యక్రియలు పంజాగుట్ట(Panjagutta) శ్మశాన వాటిలో నిర్వహించబోతున్నారు.

ఆయనకు కడసారి వీడ్కోలు పలికేందుకు పెద్ద ఎత్తున అభిమానులు సినీ ప్రముఖులు వెళ్తున్నారు. చంద్రమోహన్ శనివారం మృతిచెందగా ఆయనకు సోమవారం అంటే మూడ్రోజుల తర్వాత అంత్యక్రియలు నిర్వహిస్తున్నారు. ఇలా రెండు రోజుల పాటు ఆయన అంత్యక్రియలు ఆలస్యంగా ఎందుకు నిర్వహిస్తున్నారని చాలా మందికి డౌట్ వస్తోంది. అయితే ఇలా ఆలస్యంగా చేయడానికి ప్రధానంగా రెండు కారణాలు ఉన్నాయి.

చంద్రమోహన్ భార్య జలంధర, ఇద్దరు కుమార్తెలు ఉన్నారు. పెద్ద కుమార్తె పేరు మధుర మీనాక్షి. ఆమె సైకాలజిస్టుగా పని చేస్తున్నారు. అలాగే చిన్న కుమార్తె మాధవి చెన్నెలో సెటిల్ అయ్యారు. పెద్ద కూతురు మధుర మీనాక్షి మాత్రం అమెరికాలో ఉంటున్నారు. అయితే ఆవిడ తండ్రి అంత్యక్రియల కోసం రావడానికి కాస్త సమయం పట్టింది. కాబట్టి రెండు రోజులు ఆలస్యంగా ఈయన అంత్యక్రియలు నిర్వహించాలని కుటుంబ సభ్యులు నిర్ణయం తీసుకున్నారు.

దీపావళి పండుగకు ఒక్క రోజు ముందే చంద్రమోహన్ చనిపోవడం నిజంగా బాధాకరమే. పండుగ వదిలిపెట్టుకొని అంత్యక్రియలకు వెళ్లేందుకు ఎవరూ ఎక్కువగా ఇష్టపడరు. దీని వల్ల చాలా మంది అభిమానులు కూడా ఆయనను కడసారి చూసేందుకు రాలేరని భావించి అంత్యక్రియలు సోమవారం నిర్వహించాలనుకున్నట్లు సమాచారం. ఈ రెండు కారణాలతో చంద్రమోహన్ అంత్యక్రియలను నేడు నిర్వహిస్తున్నారు.

సోషల్ మీడియా వచ్చాక ఏ వార్త అయినా క్షణాల్లో వైరల్ అవడం నిత్యం చూస్తూనే ఉన్నాం. సెలబ్రిటీల విషయంలో అయితే రాకెట్ కంటే వేగంగా గాసిప్స్ దూసుకు పోతున్నాయి. ప్రస్తుతం ఓ బుల్లితెర నటి విషయంలో జరిగిన సంఘటన తనకు తెలియకుండా.. సోషల్ మీడియా ద్వారా అంతా పాకేసింది. చివరికి ఆ విషయం పై తాను క్లారిటీ ఇచ్చింది. ఇంతకి విషయం ఏంటంటే..

రంగారెడ్డి (Rangareddy) జిల్లా ఇబ్రహీంపట్నం (Ibrahimpatnam) పీఎస్‌ పరిధి జేబీ (JB) వెంచర్‌లో ఉన్న విల్లాలో.. లిక్కర్‌ పార్టీ జరుగుతుందన్న సమాచారం రావడంతో.. మహేశ్వరం ఎస్‌వోటీ పోలీసులు అక్కడికి వెళ్లారు. ఆ విల్లా బిగ్‌బాస్‌ (Bigboss) కంటెస్టెంట్‌, నటి హిమజదని (Himaja) గుర్తించిన పోలీసులు.. అక్కడ 15 లీటర్ల లిక్కర్‌, డీజే సిస్టమ్‌ను స్వాధీనం చేసుకుని ఆ పార్టీలో ఉన్న వారిని అరెస్ట్ చేసినట్టు వార్తలు వచ్చాయి.

అయితే ఈ న్యూస్ పై స్పందించిన నటి హిమజ తన మీద తప్పుడు వార్తలు రావడంపై మండిపడ్డారు. కొత్త ఇంట్లో ఫ్రెండ్స్‌తో కలిసి దీపావళి సెలెబ్రేషన్స్ చేసుకుంటున్నానని, ఎవరో రాంగ్ ఇన్ఫర్మేషన్ ఇచ్చి పోలీసులని రప్పించారని తెలిపింది. పోలీసులు వచ్చి తమ డ్యూటీ తాము చేసుకుని వెళ్లారని హిమజ వెల్లడించింది.

కానీ మీడియాలో మాత్రం వేరే విధంగా ప్రచారం జరిగిందని హిమజ మండిపడ్డారు. పండుగ రోజు ఇంట్లో రేవ్ పార్టీ చేసుకుంటారా?.. పూజ చేసుకుంటుంటే ఇలా జరిగిందంటూ ఒక వీడియో కూడా సోషల్ మీడియాలో పోస్టు చేశారు నటి హిమజ..