Category:

Entertainment

ఎట్టకేలకు సోనీలీవ్‌ లోకి వచ్చిన ఏజెంట్‌!

by Sai September 22, 2023

written by Sai

సూపర్‌ హిట్టయిన సినిమాలే రెండు, మూడు వారాల్లో ఓటీటీల్లోకి వచ్చేస్తుంటే.. అల్ట్రా డిజాస్టర్ అయిన ఏజెంట్‌ సినిమాకు మాత్రం ఓటీటీ మోక్షం లేదు. ఆ మధ్య సోనిలివ్‌ సంస్థ అధికారికంగా ఓ డేట్‌ను ప్రకటించింది. తీరా చూస్తే ఆ రోజున రాలేదు. ఏదైనా టెక్నికల్‌ ఇష్యూ అయ్యింటుంది.. రెండు, మూడు రోజుల్లో వస్తుందనుకుంటే ఇప్పటికే ఐదు నెలలు దాటేసింది. ఇంకా ఓటీటీలోకి రాలేదు. దాంతో మళ్లీ ఈ సినిమాను రీ-ఎడిట్‌ చేస్తున్నారని, కొత్త సీన్స్‌ను యాడ్ చేస్తున్నారని బోలెడు వార్తలు పుట్టుకొచ్చాయి. అయితే అవన్నీ వాస్తవాలని అందులో ఎలాంటి నిజం లేదని ఆ మధ్య నిర్మాత అనీల్‌ సుంకర క్లారిటీ ఇచ్చేశాడు. ఇక అక్కినేని ఫ్యాన్స్‌కు అదిరిపోయే అప్‌డేట్‌ను సోనిలివ్‌ సంస్థ తీసుకొచ్చింది.

తాజాగా సోని లివ్‌ సంస్థ ఏజెంట్‌ మూవీ ఓటీటీ రిలీజ్‌ డేట్‌ను కన్ఫర్మ్‌ చేసింది. ఈ సినిమాను సెప్టెంబర్‌ 29నుంచి స్ట్రీమింగ్‌ చేస్తున్నట్లు అఫీషియల్‌గా ప్రకటించింది. ఈ వార్తతో అక్కినేని ఫ్యాన్స్‌ ఆనందం వ్యక్తం చేస్తున్నారు. ఇక పలువురు నెటిజన్లు తిరుపతిలో వెంకటేశ్వర స్వామిని చూసినప్పుడు కూడా ఇంత హ్యాపీగా ఫీలవ్వలేను అని ఫన్నీగా కామెంట్స్‌ చేస్తున్నారు. సురేందర్‌ రెడ్డి దర్శకత్వం వహించిన ఈ సినిమా మాములు డిజాస్టర్‌ కాలేదు. అటు నిర్మాతను, ఇటు డిస్ట్రిబ్యూటర్‌లను నిండా ముంచింది. పాతిక కోట్ల మార్కెట్‌ కూడా లేని అఖిల్‌తో ఎనభై కోట్ల బడ్జెట్‌తో సినిమా తీశారంటే కంటెంట్‌ ఏ రేంజ్‌లో ఉండి ఉండాలే.

ప్రస్తుతం కంటెంట్‌ యుగం నడుస్తుంది. కంటెంట్‌తో వస్తే చిన్న సినిమాలు సైతం పెద్ద సినిమాల రేంజ్‌లో కళ్లు చేదిరే కలెక్షన్‌లు తెచ్చిపెడుతున్నాయి. అలాంటిది బౌండెడ్‌ స్క్రిప్ట్‌ లేకుండా ముందుగా యాబై కోట్లు లెక్కలేసి.. ఆపై మళ్లీ ముప్పై కోట్లు ఖర్చు పెట్టి సినిమా తీసారు. తీరా బడ్జెట్‌లో సగం రేటుకే సినిమాను అమ్మేశారు. పోని అదైన వచ్చిందా అంటే అదీ లేదు. బడ్జెట్‌లో పదిశాతం కూడా రికవరీ చేయలేకపోయింది. ఇక ఈ సినిమా ఫేయిల్యూర్‌ను అనీల్ సుంకర నిర్మొహమాటంగానే ఒప్పేసుకున్నాడు. ఈ సినిమాను తక్కువ రేటుకే కొన్నప్పటికి బయ్యర్లు తీవ్ర నష్టాల్ని చూశారు.

స్పై యాక్షన్ థ్రిల్లర్ నేపథ్యంలో తెరకెక్కిన ఈ సినిమాలో మలయాళ నటుడు మమ్ముట్టి కీలకపాత్ర పోషించాడు. అఖిల్‌కు జోడీగా సాక్షీ వైద్య నటించింది. తమిళ సంగీత దర్శకుడు హిప్‌ హాప్‌ ఈ సినిమాకు స్వరాలు సమకూర్చాడు.

September 22, 2023 0 comment

parineeti-chopra-raghav-chadha-marriage-all-set-for-couples-grand-welcome-in-udaipur-watch

Parineethi -Raghav: వేడుకగా పరిణితీ..రాఘవ్‌ చద్దా వివాహా వేడుకలు!

by Sai September 22, 2023

written by Sai

ఆమ్ ఆద్మీ పార్టీ ఎంపీ రాఘవ్ చద్దాతో పరిణితీ చోప్రా కొంతకాలంగా ప్రేమలో ఉన్నారు. అయితే ఈ విషయం బయటకు రాకుండా చాలా కాలం జాగ్రత్తలు పడ్డారు. కానీ వీరిద్దరూ డిన్నర్ డేట్స్, లంచ్ డేట్స్ కి వెళ్తు కెమెరామెన్ లకు చిక్కారు. ఇంకేముంది ఫోటోలు వైరల్ గా మారాయి. దీంతో, వీరిద్దరి ప్రేమ వ్యవహారం కూడా వెలుగులోకి వచ్చింది. రీసెంట్ గా వీరి నిశ్చితార్థం కూడా జరిగింది.

ఇక వీరు పెళ్లికి రెడీ అవుతున్నారు. ఈ జంట సెప్టెంబర్ 24న పెళ్లి చేసుకోనుంది. ఈ జంట రాజస్థాన్‌లోని ఉదయ్‌పూర్‌లో వివాహం చేసుకోనున్నారు. ఈ రోజు వేదికపైకి వెళ్లనున్నారు. ఈ జంట వారి కుటుంబ సభ్యుల కోసం ఉదయపూర్ ఎయిర్‌పోర్టులో స్వాగతం పలికేందుకు ఇప్పటికే అన్ని ఏర్పాట్లు చేశారు.

అంతేకాకుండా పెళ్లి వేదిక అంతా దేదీప్యమానంగా వెలిగిపోతోంది. పరిణీతి చోప్రా, రాఘవ్ చద్దా వివాహ వేడుకలు ది తాజ్ లేక్ ప్యాలెస్, ది లీలా ప్యాలెస్‌లో జరుగుతాయి. వారి పెళ్లి జరగనున్న వేదికకు సంబంధించిన ఫోటోలు ప్రస్తుతం నెట్టింట వైరల్ గా మారాయి. పరిణీతి చోప్రా, రాఘవ్ చద్దా ప్రీ వెడ్డింగ్ వేడుకలు ఢిల్లీలో అర్దాస్ వేడుకతో ప్రారంభమయ్యాయి.

ఆ తర్వాత సంగీత సూఫీ రాత్రి జరిగింది. అతిథుల జాబితాలో ప్రియాంక చోప్రా తల్లి మధు చోప్రా ఉన్నారు. ఆమెతో పాటు ఆమె కుమారుడు సిద్ధార్థ్ చోప్రా కూడా ఉన్నారు. అతిథుల జాబితాలో క్రికెటర్ హర్భజన్ సింగ్ కూడా ఉన్నాడు.

మరోవైపు కట్టుదిట్టమైన భద్రత నడుమ ఈ వివాహ వేడుక జరగనుంది. నో ఫోన్ పాలసీని కూడా అమలు చేయనున్నారట. ఇక పెళ్లికి హాజరు కానున్న అతిథుల జాబితాలో నాలుగు రాష్ట్రాల ముఖ్యమంత్రులు ఉన్నారని సమాచారం. అరవింద్ కేజ్రీవాల్, భగవంత్ మాన్, అశోక్ గెహ్లోత్, భూపేశ్ బఘేల్ హాజరుకానున్నారట. వీరితో పాటు 200 మందికి పైగా గెస్ట్లు ఈ వేడుకకు రానున్నారు.

September 22, 2023 0 comment

Andhra Pradesh Entertainment Hyderabad Telangana

Hyderabad : నవదీప్ పిటిషన్ కొట్టేసిన హైకోర్టు

by Prasanna September 20, 2023

written by Prasanna

టాలీవుడ్ నటుడు నవదీప్‌ (Navdeep) కు తెలంగాణ హైకోర్టులో షాక్ తగిలింది. ఆయన పెట్టుకున్న పిటిషన్‌కు కొట్టేసింది. మత్తు పదార్థాల (Norcotics) కేసులో హీరో నవదీప్ ను విచారించాలన్ని పోలీసుల ప్రయత్నాన్ని అడ్డకోవాలని ఆయన హైకోర్టు (High Court) లో అభ్యర్థన పెట్టుకున్నారు.

మత్తు పదార్థాల కేసులో తనపై జరుగుతున్న విచారణ నిలుపుదల చేయాలని హైకోర్టులో నవదీప్‌ పిటిషన్ వేశారు. ఈ పిటిషన్ విచారణ ఇవాళ జరిగింది. అయితే హైకోర్టు నవదీప్ పెట్టుకున్న అభ్యర్థను తిరస్కరించింది. 41ఏ ప్రకారం నోటీసులు ఇవ్వాలని పోలీసులను ఆదేశించింది. విచారణకు హాజరుకావాల్సిందేనంటూ నవదీప్‌ను సూచించింది.

ఇదివరకే టాలీవుడ్ మత్తు పదార్థాల కేసులో నవదీప్ పేరు రాగా, తాజాగా మరోసారి ఈ కేసులో సినీ ఇండస్ట్రీకి లింకులు ఉన్నట్లు పోలీసులు భావిస్తున్నారు. మాదాపూర్ మాదకద్రవ్యాల కేసులో హీరో నవదీప్ కు సంబంధం ఉందని 29వ నిందితుడిగా హీరో నవదీప్ పేరు చేర్చినట్లు హైదరాబాద్ సీపీ సీవీ ఆనంద్ తెలిపారు. ఈ కేసులో ఇది వరకే ఫిల్మ్ ఫైనాన్షియర్ వెంకటరమణారెడ్డితో పాటు డియర్ మేఘ చిత్ర దర్శకుడు అనుగు సుశాంత్ రెడ్డి ని అరెస్ట్ చేసిన పోలీసులు దర్యాప్తు చేస్తున్నారు.

నవదీప్ స్నేహితుడు రాంచంద్ ను నార్కోటిక్ పోలీసులు ఇదివరకే అరెస్ట్ చేశారు. ఆ రాంచంద్ నుంచి సేకరించిన సమాచారం ప్రకారం.. నవదీప్ ను కన్స్యూమర్ గా ప్రాథమికంగా పోలీసులు తేల్చారు. దాంతో మాదాపూర్ మత్తు పదార్థాల కేసులో నవదీప్ పేరు చేర్చి దర్యాప్తు వేగవంతం చేసిన పోలీసులు ఆయనకు నోటీసులు జారీ చేశారు. నిందితులు తరచుగా హైదరాబాద్‌లో మత్తు పదార్థాల పార్టీలు నిర్వహిస్తున్నారని రిమాండ్‌ రిపోర్ట్‌లో పేర్కొన్నారు.

September 20, 2023 0 comment

Andhra Pradesh Entertainment Hyderabad Telangana

ANR : చివరి రోజు వరకూ నటించిన ఏకైక నటుడు ఏఎన్ఆర్

by Prasanna September 20, 2023

written by Prasanna

పరిపూర్ణమైన జీవితాన్ని అనుభవించి, జీవితంలో చివరి రోజు వరకు నటించిన ఏకైక నటుడు అక్కినేని నాగేశ్వరరావు అని మాజీ ఉపరాష్ట్రపతి వెంకయ్యనాయుడు అన్నారు. హైదరాబాద్ అన్నపూర్ణ స్టూడియో (Annapurna Studios) లో అక్కినేని నాగేశ్వరరావు శత జయంతి ఉత్సవాలు ఘనంగా జరుగుతున్నాయి. ఏఎన్ఆర్ విగ్రహాన్ని(ANR Statue) మాజీ ఉపరాష్ట్రపతి వెంకయ్యనాయుడు (Venkaiah Naidu) ఆవిష్కరించారు. ఈ విగ్రహావిష్కరణ కార్యక్రమంలో అక్కినేని కుటుంబసభ్యులు, సినీ ప్రముఖులు పాల్గొన్నారు.

ఈ కార్యక్రమంలో పాల్గొన్న సినీ, రాజకీయ, వ్యాపార రంగ ప్రముఖులు అక్కినేని పట్ల తమ అభిమానాన్ని చాటుకుంటూ…ఆయనతో తమకున్న అనుబంధాన్ని గుర్తుచేసుకున్నారు. పరిపూర్ణమైన జీవితం అంటే అక్కినేని నాగేశ్వరరావుదేనంటూ వారంతా కొనియాడారు. అక్కినేని శతజయంతి ఉత్సవాల కార్యక్రమానికి అల్లు అరవింద్, బ్రహ్మానందం, మురళీమోహన్, మోహన్ బాబు, శ్రీకాంత్, జగపతిబాబు, రామ్ చరణ్, మహేష్ బాబు, సుబ్బిరామిరెడ్డి, రామోజీ ఫిల్మ్ సిటీ ఎండీ విజయేశ్వరి, కీరవాణి, రాజమౌళి, తదిరత ప్రముఖులు పాల్గొన్నారు.

అక్కినేని నాగేశ్వరరావు అంటే తనకు చాలా అభిమానమని మాజీ ఉపరాష్ట్రపతి వెంకయ్యనాయుడు చెప్పారు. అక్కినేని మహానటుడే కాదు మహా మనిషి కూడా అని అన్నారు. అక్కినేనే ఒక నట విశ్వవిద్యాలయమన్న వెంకయ్యనాయుడు, తెలుగు ప్రజల హృదయాల్లో ఏఎన్ఆర్ ఇంకా జీవించే ఉన్నారన్నారు.

అక్కినేని నాగేశ్వరరావుకి వచ్చినన్ని అవార్డులు, జరిగినన్ని సన్మానాలు మరే నటుడికి జరగలేదని హస్యనటుడు బ్రహ్మనందం అన్నారు. ఏఎన్ఆర్ విగ్రహావిష్కరణ చూడటమే మహాభాగ్యమని చెప్పారు. రైతు కుటుంబంలో పుట్టి అద్భుతమైన స్థితికి నటన అనే చిన్న అర్హతతో చేరుకుని, ఏఎన్ఆర్ మహోన్నత వ్యక్తిగా మారారని తెలిపారు. అక్కినేని నాగేశ్వరరావు క్రమశిక్షణ చాలా కఠినంగా ఉండేదని చెప్పారు.

అక్కినేని శతజయంతి ఉత్సవాలకు హాజరైన జయసుధ మాట్లాడుతూ…ఆయనతో చాలా చిత్రాలు చేయడం తన అదృష్టమని అన్నారు. వివిధ రంగాలపై ఆయనకు మంచి అవగాహన ఉందని జయసుధ తెలిపారు.

ఏఎన్ఆర్ చిన్నప్పటి నుంచి సినిమాల్లో చూసి ఆరాధించానని దర్శకుడు రాజమౌళి అన్నారు. అక్కినేని నాగేశ్వరరావు అందరికీ ఒక ప్రేరణనని చెప్పారు. దేవుడిపై నమ్మకం లేకున్నా.. భక్తిరస చిత్రాల్లో అద్భుతంగా నటించారని తెలిపారు.

ఏఎన్ఆర్ ఒక గ్రంథం.. పాఠ్యపుస్తకమని సీనియర్ సినీ నటుడు మోహన్ బాబు అన్నారు. అక్కినేని నాగేశ్వరరావు జీవితం ప్రతిఒక్కరికి స్ఫూర్తిదాయకమని కొనియాడారు.

September 20, 2023 0 comment

Breaking News Entertainment Politics

Razakar : రజాకార్..!కేటీఆర్..!! ఎందుకింత హాహాకార్!? హిందూ సంఘాల సూటి ప్రశ్న

by admin September 18, 2023

written by admin

– సంచలనం రేపుతున్న రజాకార్ మూవీ టీజర్
– నిజాం పాలనలో హిందువులపై..
– జరిగిన దారుణాలను వివరిస్తూ సినిమా
– కేటీఆర్ ను ట్యాగ్ చేస్తూ జర్నలిస్ట్ ముబాషిర్ ట్వీట్
– బీజేపీ నేతలపై మంత్రి ఫైర్
– కేటీఆర్ తీరుపై హిందూ సంఘాల ఆగ్రహం
– హిందువులపై జరిగిన అకృత్యాలను చూపిస్తే..
– ఎందుకు జీర్ణించుకోలేకపోతున్నారని సూటి ప్రశ్న

తెలంగాణ (Telangana) విమోచన దినోత్సవం సందర్భంగా రజాకార్ (Razakar) మూవీ టీజర్ రిలీజ్ అయింది. ఈ టీజర్ ను గమనిస్తే.. దేశానికి స్వాతంత్య్రం వచ్చిన టైంలో తెలంగాణలో హిందువులపై జరిగిన అరాచకాలను కళ్ళకి కట్టినట్టు చూపించారు. మెయిన్ లీడ్స్ ను ఎక్కువగా చూపించకపోయినా.. కథ, నేపథ్యం ఏంటో చెప్పారు. అయితే.. ఇందులో ముస్లిం వర్గాన్ని తప్పుగా చూపించారని వివాదం మొదలైంది. ఈ క్రమంలోనే ముబాషిర్ అనే జర్నలిస్ట్.. మంత్రి కేటీఆర్ (KTR) ను ట్యాగ్ చేస్తూ ట్వీట్ చేశాడు. సినిమా (Movie) రిలీజ్ ను ఆపేయాలని కోరాడు.

ముబాషిర్ ట్వీట్ పై మంత్రి కేటీఆర్ స్పందించారు. ‘‘కొంతమంది తెలివి విషయంలో దివాలా తీసిన బీజేపీ (BJP) జోకర్స్ స్వార్థ రాజకీయాల కోసం తెలంగాణలో మత విద్వేషాలు సృష్టించాలని శాయశక్తులా ప్రయత్నిస్తున్నారు. రజాకార్ సినిమా విషయం సెన్సార్ బోర్డ్ దృష్టికి తీసుకెళ్తాం. తెలంగాణ పోలీసులు కూడా లా అండ్ ఆర్డర్ పరిస్థితి దిగజారకుండా చూసుకుంటారు” అంటూ కేటీఆర్ తెలిపారు.

రజాకార్ సినిమాను యాటా స‌త్య‌నారాయ‌ణ తెరకెక్కించగా.. గూడూరు నారాయ‌ణ రెడ్డి (Narayana Reddy) నిర్మించారు. ఇప్పటిదాకా తెలంగాణ సాంస్కృతిక వైభవం మీద ఎన్నో చిత్రాలు వచ్చాయి. అయితే.. నిజాం అరాచకాలపై సినిమాలు పెద్దగా లేవు. కొన్నింటిని తీసినా అంతగా హైలైట్ కాలేదు. రజాకార్ సినిమాను పెద్ద సినిమా రేంజ్ లో చిత్రీకరించారు. దీంతో ఈ చిత్రంపై అంచనాలు పెరిగిపోయాయి. పాన్ ఇండియా మూవీగా రూపొందుతున్న ఈ సినిమా 2024లో రిలీజ్ కానుంది.

ఈ చిత్రంపై ముస్లింలు అభ్యంతరాలు వ్యక్తం చేస్తున్న నేపథ్యంలో కేటీఆర్ ఎంట్రీ ఇవ్వడం హాట్ టాపిక్ గా మారింది. అయితే.. ఆనాటి రజాకార్ల రాక్షసత్వాన్ని, నిజాం నిరంకుశత్వాన్ని, హిందువుల జీవితాన్ని కళ్లకు కట్టినట్టు రజాకార్ సినిమాలో చూపించారని.. ఇందులో తప్పేముందనేది హిందూ సంఘాల వాదన. నిజాం పాలనలో హిందువులపై జరిగిన దాడులపై పూర్తిస్థాయి సినిమాలు రాలేదని.. ఇన్నాళ్లకు ఆనాటి దారుణ అకృత్యాలను చూపిస్తూ రజాకార్ చిత్రం తీస్తే ఎందుకు జీర్ణించుకోలేకపోతున్నారని ప్రశ్నిస్తున్నాయి. హిందువులపై బీఆర్ఎస్ కు బాధ్యత లేదా? అని నిలదీస్తున్నాయి. కేటీఆర్ తీరును తప్పుబడుతున్న హిందూ సంఘాలు తగిన మూల్యం చెల్లించుకుంటారని హెచ్చరిస్తున్నాయి. హిందువులను.. హిందూ దేవుళ్ళను అవమానించేలా సినిమాలు తీస్తే మౌనం, ఇతర మతస్తులపై ఈగ వాలితే గగ్గోలు.. కొందరు పెక్యులరిస్ట్ లకు అలవాటుగా మారిపోయిందని మండిపడుతున్నాయి హిందూ సంఘాలు.

September 18, 2023 0 comment

Entertainment National Viral

Pak Miss Universe: కష్టాల్లో పాకిస్తాన్ ఫస్ట్ మిస్ యూనివర్స్…అసలేమైంది?

by Prasanna September 17, 2023

written by Prasanna

ఎరికా రాబిన్, పాకిస్తాన్ ఫస్ట్ మిస్ యూనివర్స్(Miss Universe). అందాల సుందరి పోటీల్లో పాల్గొని ఆ కిరీటాన్ని పొందిన పాకిస్థాన్ (Pakistan) యువతి ఎరికా రాబిన్ (Erika Robin) ఇప్పుడు కష్టాల్లో పడింది. అది కూడా ఆమె గెల్చుకున్న మిస్ యూనివర్స్ టైటిలే ఆమెను కష్టాల్లోకి నెట్టింది. మిస్ యూనివర్స్ టైటిల్ పొందిన ఎరికా రాబిన్ పై పాకిస్థాన్ ప్రభుత్వం విచారణకు ఆదేశాలను జారీ చేసింది. అసలు ఏం జరిగింది?

యూఏఈలో జరిగిన మిస్ యూనివర్స్ పోటీలో పాకిస్థాన్ కరాచీలో చెందిన ఎరికా రాబిన్ విన్నర్ గా నిలవడంతో పాటు పాకిస్థాన్ తొలి మిస్ యూనివర్స్ గా రికార్డ్ సృష్టించింది. మిస్ యూనివర్స్‌గా ఎరికా ఎంపికపై పాకిస్తాన్ ప్రభుత్వం పలు అనుమానాలు, సందేహాలతో దర్యాప్తుకు ఆదేశించింది.

మిస్ యూనివర్స్ అందాల పోటీని దుబాయ్ కి చెందిన బిజినెస్ గ్రూప్ యూజెన్ పబ్లిషింగ్ అండ్ మార్కెటింగ్ నిర్వహించింది. పాకిస్థాన్ పేరుతో ఈ కార్యక్రమాన్ని నిర్వహించింది. అయితే ఈ నిర్వహణపై పాకిస్థాన్ ప్రభుత్వం నుంచి ఎలాంటి అనుమతి తీసుకోలేదు. అయినప్పటికీ ఈ పోటీల్లో పాకిస్తాన్ పేరును ఉపయోగించినట్లు పాకిస్తాన్ విదేశీ వ్యవహారాల మంత్రిత్వ శాఖ గుర్తించింది.

ఈ అందాల పోటీ నిర్వహణ కోసం ఒక వెబ్‌సైట్ లో పాకిస్తాన్‌కు చెందిన 24-28 సంవత్సరాల వయస్సు గల యువతులు దరఖాస్తు చేసుకోవాలని కోరారు. మిస్ యూనివర్స్ పాకిస్థాన్-2023 ను ఈ పోటీ ద్వారా ఎంపిక చేస్తామని అందులో పేర్కొన్నారు. ఆ తర్వాత చాలా మంది ఈ పోటీలకు అప్లై చేసుకున్నారు. ఆ తర్వాత జరిగిన అనేక వడపోతల అనంతరం మిస్ యూనివర్స్ పాకిస్తాన్-2023 పోటీలు జరిగాయి. అందులో కరాచీకి చెందిన 24 ఏళ్ల ఎరికా రాబిన్ మిస్ యూనివర్స్ పాకిస్తాన్-2023 గా ఎంపికైంది.

ఎరికా రాబిన్ క్రైస్తవ కుటుంబంలో జన్మించింది. ఎరికా 2020 సంవత్సరంలో మోడలింగ్ ప్రపంచంలోకి ప్రవేశించింది. పాకిస్థాన్‌కు చెందిన కొన్ని మ్యాగజైన్లకు మోడల్ గా పని చేసింది. 2023 నవంబర్ లో శాన్ సాల్వడార్‌లో జరగనున్న మిస్ యూనివర్స్-2023 పోటీలో ఎరికా పాకిస్థాన్ తరపున ప్రాతినిధ్యం కూడా వహిస్తున్నారు.

అయితే అసలు పాకిస్తాన్ కు సంబంధం లేకుండా పాకిస్తాన్ పేరుతో మిస్ యూనివర్స్ పోటీలను ఎలా నిర్వహించారని పాకిస్తాన్ విదేశాంగ మంత్రిత్వశాఖ విచారణ జరుపుతోంది. అందులో భాగంగా ఈ పోటీల్లో పార్టిసిపేట్ చేసి విన్నర్ గా నిలిచిన ఎరికా రాబిన్ ను కూడా విచారించాలని విదేశాంగ మంత్రిత్వశాఖ అధికారులను ఆదేశించింది.

September 17, 2023 0 comment

prime minister modi responded to actor madhavans tweet on bengaluru airport

Entertainment Politics Viral

Actor Madhavan: మాధవన్‌ ట్వీట్..మోడీ రిప్లై!

by Sai September 17, 2023

written by Sai

బెంగళూరు ఎయిర్ పోర్ట్‌లోని మౌలిక సదుపాయాలపై నటుడు మాధవన్ ప్రశంసలు కురిపించారు. మాధవన్ ట్వీట్‌పై ప్రధానమంత్రి మోడీ స్పందించారు.నటుడు, రైటర్, డైరెక్టర్ ఆర్.మాధవన్ ఇటీవల బెంగళూరులోని కెంపెగౌడ ఇంటర్నేషనల్ ఎయిర్‌పోర్ట్‌లో కొత్తగా తెరిచిన టెర్మినల్‌లోని మౌలిక సదుపాయాలపై ప్రశంసలు కురిపించారు.

విదేశాల్లో ఉన్న ఫీలింగ్ కలిగిందంటూ తన ఇన్‌స్టాగ్రామ్ ఖాతాలో పోస్టు పెట్టారు. ‘నేను కొత్త కెంపెగౌడ అంతర్జాతీయ విమానాశ్రయంలో ఉన్నాను. విదేశాల్లో ఉన్న ఫీలింగ్ కలుగుతోంది.. ఎవరు నమ్మలేరు ఇది విమానాశ్రయం అంటే. భారతదేశంలో మౌలిక సదుపాయాలు చూస్తుంటే నమ్మశక్యం కావడం లేదు.

ఎయిర్‌పోర్ట్‌లో వేలాడుతున్న మొక్కలు అన్నీ నిజమైన మొక్కలు. పైన ఇంకా నిర్మాణాలు చేసారు.. అన్నీ అద్భుతంగా ఉన్నాయి’ అంటూ వీడియోలో వాటిని చూపించారు.బెంగళూరులోని కెంపేగౌడ అంతర్జాతీయ విమానాశ్రయం. అత్యుత్తమమైనది. మౌలిక సదుపాయాలు ప్రపంచంలోనే అత్యుత్తమమైనవి.. చాలా గర్వంగా ఉంది’ అనే శీర్షికతో మాధవన్ పోస్ట్ చేసారు.

మాధవన్ పోస్టుపై ప్రధాని మోడీ స్పందించారు. ‘భారతదేశ వృద్ధికి నెక్స్ట్ జెన్ ఇన్‌ఫ్రాస్ట్రక్చర్’ అని ప్రధాని మోడీ రిప్లై చేసారు. విదేశీ విమానాశ్రయాల కంటే భారతీయ విమానాశ్రయాలు చాలా మెరుగ్గా ఉన్నాయంటూ నెటిజన్లు సైతం కామెంట్లు పెట్టారు.

September 17, 2023 0 comment

Entertainment

Megastar-Anushka: జగదేకవీరుడికి జోడీగా జేజమ్మ!

by Prasanna September 16, 2023

written by Prasanna

మెగాస్టార్ (Megastar) తో అనుష్కశెట్టి జతకట్టనుంది. చాలా రోజులుగా సినిమాలకు గ్యాప్ ఇచ్చిన అనుష్క శెట్టి (Anushka Shetty) ‘పొలిశెట్టి’ మూవీతో మళ్లీ తెలుగులో డీసెంట్ హిట్ కొట్టింది. దీని తర్వాత అనుష్క ఏ సినిమా చేస్తుంది, అసలు నటిస్తుందా లేదా అనే టాపిక్ నడిచింది. తాజా సమాచారం ప్రకారం చిరంజీవి 157వ సినిమాలో అనుష్కశెట్టి హీరోయిన్ గా ఎంపికైనట్లు తెలుస్తోంది. ఈ సినిమాకి ‘బింబిసార’ (Bimbisara) డైరెక్టర్ వశిష్ట దర్శకత్వం వహించనున్నారు.

అనుష్క ‘సూపర్’ సినిమాతో టాలీవుడ్ లో అడుగు పెట్టి ‘బాహుబలి’తో పాన్ ఇండియా స్టార్ అయింది. ఈ మధ్య ఆమె గ్లామర్‌‌ రోల్స్‌ కాకుండా హీరోయిన్ ఓరియెంటెడ్ సినిమాలపై దృష్టి పెట్టింది. ‘నిశ్శబ్దం’ సినిమా వచ్చి రెండేళ్లవుతున్నా మళ్లీ తెరపైకి రాలేదామె. తాజాగా నవీన్ పోలిశెట్టితో జతకట్టి హిట్ కొట్టింది.

అనుష్క హోమ్ బ్యానర్ లాంటి ప్రొడక్షన్ యావీ క్రియేషన్స్ లోనే చిరంజీవి 157 వ సినిమా తెరకెక్కనుంది. చిరంజీవి సరసన అనుష్క గతంలో అనుష్క ఒక స్పెషల్ సాంగ్ చేసింది కానీ, హిరోయిన్ గా చేయలేదు. దీంతో ఈ కాంబినేషన్ పై క్రేజ్ ఉంది.

‘జగదేక వీరుడు అతిలోక సుందరి’ లాంటి మరో ఫాంటసీ ఎంటర్‌టైనర్‌లో చిరంజీవిని చూడాలని అభిమానులు ఎప్పటినుంచో వెయిట్ చేస్తున్నారు. అలాంటి సినిమాలో చిరంజీవి, అనుష్క నటిస్తే ఆ కిక్కే వేరుగా ఉంటుందని చిరు ఫ్యాన్స్ సంబరపడిపోతున్నారు.

September 16, 2023 0 comment

jr ntr speech after receiving best actor award for rrr at siima awards 2023 dubai

Entertainment

Ntr: నా ప్రతి కన్నీటి చుక్కకు వారే తోడుగా ఉన్నారు: ఎన్టీఆర్‌!

by Sai September 16, 2023

written by Sai

సౌత్‌ ఇండియన్‌ ఇంటర్నేషనల్‌ మూవీ అవార్డ్స్‌(SIIMA) 2023 వేడుకలు దుబాయ్ లో ఘనంగా నిన్న సెప్టెంబర్ 15న జరిగాయి. రెండు రోజుల పాటు ఈ అవార్డు వేడుకలు జరుగుతుండగా నిన్న తెలుగు, కన్నడ పరిశ్రమల అవార్డుల వేడుక జరగగా నేడు తమిళ్, మలయాళం సినీ పరిశ్రమలకు సంబంధించిన వేడుక జరగనుంది.

దుబాయ్ లో గ్రాండ్ గా జరిగిన ఈ ఈవెంట్లో అనేకమంది సినీ ప్రముఖులు హాజరయ్యారు.సైమా 2023 అవార్డ్స్ లో ఉత్తమ నటుడిగా తెలుగులో RRR సినిమాకు గాను ఎన్టీఆర్ గెలుచుకున్నారు.

వేదికపై ఎన్టీఆర్ బెస్ట్ యాక్టర్ సైమా అవార్డు అందుకున్న అనంతరం కేవలం ఫ్యాన్స్ గురించి మాట్లాడారు.ఎన్టీఆర్ సైమా అవార్డుల వేదికపై మాట్లాడుతూ.. నా ఒడిదుడుకుల్లో, నేను కిందపడ్డప్పుడల్లా నన్ను పైకి లేపినందుకు, నా కళ్ళ వెంట వచ్చిన ప్రతి నీటి చుక్కకు వారు కూడా కన్నీరు కార్చినందుకు..

నేను నవ్వినప్పుడల్లా నాతో పాటు వాళ్ళు కూడా నవ్వినందుకు నా అభిమాన సోదరులందరికి పాదాభివందనాలు అని తెలిపాడు. దీంతో ఎన్టీఆర్ స్పీచ్ సోషల్ మీడియాలో వైరల్ గా మారింది.

September 16, 2023 0 comment

siima-awards-2023-winners-list-ntr-sreeleela-got-best-actors-awards

Entertainment

SIIMA: సైమా అవార్డ్స్‌ ఉత్తమ నటుడు ఎన్టీఆర్‌..ఉత్తమ నటి శ్రీలీల!

by Sai September 16, 2023

written by Sai

సౌత్‌ ఇండియా ఇంటర్నేషనల్‌ మూవీ అవార్ట్స్‌ – 2023 (SIIMA) వేడుక దుబాయ్‌ లో అట్టహాసంగా జరుగుతోంది. రెండు రోజులపాటు జరగనున్న ఈ వేడుక దుబాయ్‌లోని వరల్డ్‌ ట్రేడ్‌ సెంటర్‌లో 15వ తేదీన ఘనంగా ప్రారంభమైంది. మొదటిరోజు తెలుగు, కన్నడ స్టార్స్‌ హాజరయ్యారు. టాలీవుడ్‌ యంగ్‌టైగర్‌ ఎన్టీఆర్‌, రానా, రిషబ్‌ శెట్టి, రక్షిత్‌ శెట్టి, రామ్‌ మిరియాల, మృణాల్‌ ఠాకూర్‌, అడవి శేష్‌, శ్రుతి హాసన్‌, శ్రీలీల, శ్రీనిధి, అశ్వినీ దత్‌, నిఖిల్‌ సహా పలువురు స్టార్స్‌ పాల్గొని సందడి చేశారు.

కాగా, 2023 సంవత్సరానికి గానూ ఉత్తమ నటుడిగా ఎన్టీఆర్‌ (Jr NTR) అవార్డును అందుకున్నారు. ‘ఆర్‌ఆర్‌ఆర్‌’ (RRR) చిత్రానికి గానూ ఎన్టీఆర్‌కు ఈ అవార్డు వరించింది. ‘ధమాకా’ చిత్రానికి గానూ ఉత్తమ నటిగా శ్రీలీలకు అవార్డు వరించింది. ఇక ఉత్తమ చిత్రంగా సీతారామం, ఉత్తమ దర్శకుడిగా రాజమౌళి ఎంపికయ్యారు. ఉత్తమ సహాయ నటుడిగా రానా (భీమ్లా నాయక్‌), ఉత్తమ సహాయ నటిగా సంగీత (మసూద)కు అవార్డులు వరించాయి.

ఉత్తమ నటుడు : ఎన్టీఆర్‌ (ఆర్‌ఆర్‌ఆర్‌ చిత్రం), ఉత్తమ నటి : శ్రీలీల (ధమాకా), ఉత్తమ సహాయ నటుడు : రానా (భీమ్లానాయక్‌), ఉత్తమ దర్శకుడు : ఎస్‌ఎస్‌ రాజమౌళి (ఆర్‌ఆర్‌ఆర్‌),ఉత్తమ చిత్రం : సీతారామం (వైజయంతీ మూవీస్‌, స్వప్న మూవీస్‌), ఉత్తమ సహాయ నటి : సంగీత (మసూద), ఉత్తమ పరిచయ నటి : మృణాల్‌ ఠాకూర్‌ (సీతారామం), ఉత్తమ సంగీత దర్శకుడు : ఎంఎం కీరవాణి (ఆర్‌ఆర్‌ఆర్‌) ఉత్తమ సినిమాటోగ్రఫీ : కె.కె సెంథిల్‌ కుమార్‌ (ఆర్‌ఆర్‌ఆర్‌).

ఉత్తమ గేయ రచయిత : చంద్రబోస్‌ (నాటు నాటు- ఆర్‌ఆర్‌ఆర్)
ఉత్తమ నేపథ్య గాయకుడు : రామ్‌ మిరియాల (డీజే టిల్లు), ఉత్తమ విలన్‌ : సుహాస్‌ (హిట్‌ 2), ఉత్తమ పరిచయ దర్శకుడు : మల్లిడి వశిష్ట (బింబిసార), ఉత్తమ నటుడు (క్రిటిక్స్‌) : అడవి శేష్‌ (మేజర్‌), ఉత్తమ నటి (క్రిటిక్స్‌) : మృణాల్‌ ఠాకూర్‌ (సీతారామం), ఉత్తమ హాస్య నటుడు : శ్రీనివాస్‌ రెడ్డి (కార్తికేయ 2), ఉత్తమ పరిచయ నిర్మాత (తెలుగు) : శరత్‌, అనురాగ్‌ (మేజర్‌)

September 16, 2023 0 comment

Newer Posts

Older Posts