National

Prakash Raj :ప్రముఖ నటుడు ప్రకాష్ రాజ్ (Prakash Raj) వివాదంలో చిక్కుకున్నారు. చంద్రయాన్-3 (Chandrayaan-3) పై ఆయన పెట్టిన పోస్ట్ వైరల్ గా మారడంతో నెటిజన్లు ఆయనపై తీవ్ర ఆగ్రహాన్ని వ్యక్తం చేశారు. చంద్రయాన్-3 మిషన్ విజయవంతం కావాలని కోరుతూ దేశంలో అనేక చోట్ల ప్రజలు గుడులలో ప్రత్యేక పూజలు, దేవతా విగ్రహాలకు అభిషేకాలు చేస్తున్న తరుణంలో.. దేశ వ్యాప్తంగా అంతా ఉత్కంఠగా ఎదురు చూస్తున్న వేళ ఆయన పెట్టిన వివాదాస్పద ట్వీట్ పై నెటిజన్స్ ఫైరయ్యారు. పైగా హిందూ సంఘాల సభ్యులు ఆయనపై కర్ణాటక (Karnataka) లోని భాగల్ కోట్ జిల్లా బనహట్టి పోలీసు స్టేషన్ లో ఫిర్యాదు చేశారు. ఆయనపై చర్యలు తీసుకోవాలని కోరారు.

దీంతో పోలీసులు ఆయనపై కేసు నమోదు చేశారు. చంద్రయాన్-3 పై ప్రకాష్ రాజ్ తన ఎక్స్ (ట్విట్టర్) లో వ్యంగ్యంగా ట్వీట్ చేశారు. చంద్రుని పై నుంచి విక్రమ్ ల్యాండర్ పంపిన ఫోటో ఇదేనంటూ ఓ చాయ్ వాలా ఫోటోను ఆయన ఈ నెల 20 న ట్వీట్ చేశారు. దీనిపై నెటిజన్స్ మండిపడగా దానికి ఆయన సమాధానమిస్తూ.. ద్వేషం కేవలం ద్వేషాన్ని మాత్రమే చూస్తుందని, తాను నీల్ ఆర్మ్ స్ట్రాంగ్ సమయంనాటి ఓ జోక్ ని మాత్రమే ప్రస్తావించానని అన్నారు.

ఆ వ్యోమగామి చంద్రునిపై అడుగు పెట్టినప్పుడు మన కేరళ చాయ్ వాలా సంతోషంతో సెలబ్రేట్ చేసుకున్నాడని, అతని గురించి మాత్రమే గుర్తు చేశానని అన్నారు. ఏ చాయ్ వాలా అన్నది ట్రోలర్లు చూశారా ? జోక్ ని జోక్ లాగే చూడాలని, లేని పక్షంలో అది మనపైనే అనుకోవాల్సి వస్తుందన్నారు.. చివరలో గ్రో అప్ అని హెచ్చరించారు.

మొట్టమొదటిసారి నీల్ ఆర్మ్ స్ట్రాంగ్ చంద్రునిపై కాలు మోపలేదా ? 1960 నుంచి మనకు ప్రేరణనిస్తున్న మలయాళీ చాయ్ వాలా కార్టూన్ గురించి మీకు తెలియకపోతే ‘జస్ట్ ఆస్కింగ్’ ను చదివి మిమ్మల్ని మీరు ఎడ్యుకేట్ కండి అన్నారు. ఈ సందర్భంగా ప్రకాష్ రాజ్.. మలయాళీ చాయ్ వాలా-నీల్ ఆర్మ్ స్ట్రాంగ్ జోక్ కి సంబంధించి ఓ బ్లాగ్ పోస్ట్ ను కూడా తన ట్వీట్ కి జోడించారు.

ఛత్తీస్ ఘడ్ లోని సాయిమౌళి ఆలయ కమిటీ వినూత్న ఆలోచన చేసింది. రానున్న రాఖీపౌర్ణమికి ఓ స్పెషల్ రక్షాబంధన్(Rakshabandhan)ని రెడీ చేస్తోంది. కొన్ని నెలల పాటు కష్టపడి రూపొందించిన రక్షాబంధన్ ని పంజాబ్ లోని ఉధం పూర్ సైనికులకు పంపించేందుకు సన్నాహాలు చేస్తోంది.

దీని పొడవు 27 అడుగులు, కాగా వెడల్పు 6 అడుగులు. అంతేకాదు
ఈ స్పెషల్ రక్షాబంధన్ లో 21 మంది వీరజవాన్ల ఫోటోలను పొందుపరిచింది. భారత ప్రభుత్వం ఇటీవలే వీరి పేర్లను అండమాన్ నికోబార్(Andaman Nicobar) దీవులకు పెట్టింది.

ఈ నేపథ్యంలో ఛత్తీస్ గఢ్ సాయి మౌళి ఆలయ కమిటీ సభ్యులు ఈ స్పెషల్ రాఖీని రూపొందించడం విశేషం. ఈ రాఖీలో రాష్ట్రపతి ద్రౌపదీ ముర్ము(Draupadi Murmu),ప్రధాని నరేంద్రమోదీ(Narendra Modi),రక్షణశాఖా మంత్రి రాజనాథ్ సింఘ్ చిత్రాలు రూపొందించడం మరో ప్రత్యేకత.

గతేడాది ఇదే కమిటీ రెండున్నర అడుగుల వెడల్పు, 15 అడుగుల పొడవున్న రాఖీని తయారు చేసి లద్దాక్ సైనికులకు పంపించగా ఈ యేడాది ఉధంపూర్ సైనికులకు 27 అడుగుల పొడవు,6 అడుగుల వెడల్పుతో రాఖీని తయారు చేసి పంపిస్తోంది.

ప్రజలు తిరగబడితే ఎలా ఉంటుందో అమాత్యులకు తెలిసివచ్చింది. పశువులతో మంత్రి కాన్వాయ్(Convoy) ను అడ్డుకున్న వింత సంఘటన ఉత్తర ప్రదేశ్(Uttar Pradesh)లోని బరేలి జిల్లాలో జరిగింది. పశువుతో దిగ్బంధనం చేయబడ్డ మంత్రి శాఖ..పశుసంవర్ధక శాఖ(Department of Animal Husbandry)కావడం విశేషం.అయితే ఈ నిరసన ప్రక్రియకు కారణమైన వాళ్లపై పోలీసులు కేసు నమోదు చేశారు.

ఉత్తరప్రదేశ్‌(Uttar Pradesh)రాష్ట్ర పశుసంవర్ధక శాఖామంత్రి ధరంపాల్ సింగ్(Dharampal Singh) గురువారం తన నియోజకవర్గమైన అవోన్లాలోని గుర్గావ్ ప్రాంతంలో సుమారు రూ.9 కోట్లతో నిర్మించనున్న పశు వైద్యశాల భూమిపూజ కోసం వెళ్లారు.

కాగా, గ్రామంలోని వీధుల్లో సంచరించే పశువుల సమస్యను ఆయన దృష్టికి తీసుకెళ్లేందుకు గ్రామస్తులు ప్రయత్నించారు. దీంట్లో భాగంగా రోడ్డుపై పశువులను ఉంచి మంత్రి కాన్వాయ్‌ను అడ్డుకున్నారు.దీంతో తగిన స్థలాన్ని గుర్తించి గోశాల ఏర్పాటు చేస్తామని ఆయన హామీ ఇచ్చారు.

అయితే, మంత్రి ధరంపాల్ సింగ్ కాన్వాయ్‌ను గ్రామస్తులు పశువులతో అడ్డుకోవడంపై పశు వైద్యాధికారి సంజయ్‌ కుమార్‌ శర్మ(Sanjay Kumar Sharma)పోలీసులకు ఫిర్యాదు చేశారు. ఈ నేపథ్యంలో గుర్తు తెలియని 90 మందిపై ఆదివారం కేసు నమోదు చేశారు.మరోవైపు ఈ విషయం తెలుసుకున్న గ్రామస్తులు ఆ మంత్రిపై మండిపడుతున్నారు.

పోయిన చోటే వెతుక్కోవాలట..వ్యాపారంలో దెబ్బతిన్నాడు.తిన్నవాడు తిన్నట్టు ఉండిపోలేదు.ఆ నష్టాన్ని నమ్మిన వాళ్లనుంచి భర్తీ చేసుకోవాలనుకున్నాడు. నిరుద్యోగులు, గృహిణులే లక్ష్యంగా..పెట్టుబడుల పేరిట దొరికినవాళ్లని దొరికినట్టు ముంచేశాడు.

ఒక టెక్కీ ఇచ్చిన కంప్లైంట్ చివరికి పోలీసులకు చిక్కాడు వివరాల్లోకి వెళితే…ముంబయికి చెందిన రోనక్‌ భరత్‌ కుమార్‌ కక్కడ్‌..డిజిటల్‌ మార్కెటింగ్‌(Digital marketing)లో శిక్షణ తీసుకొని సొంతగా వ్యాపారం ప్రారంభించాడు.

వివిధ సంస్థల నుంచి ప్రకటనలు సేకరించి..వాటిని గూగుల్, సామాజిక మాధ్యమాలకు ఇచ్చి కమీషన్‌ తీసుకునేవాడు. వ్యాపార నిర్వహణకు. బ్లాక్‌ వే డిజిటల్, రొలైట్‌ మార్కెట్‌(Rolight Market) పేర్లతో బ్యాంకు ఖాతాలు తెరిచాడు. వాటి ద్వారానే ఆర్థిక లావాదేవీలు చేసేవాడు.

వ్యాపారంలో ఆశించినంత లాభాలు రాకపోవటంతో ప్రత్యామ్నాయ మార్గాల కోసం టెలిగ్రామ్‌ యాప్‌లో వెతికాడు. అందులో తైవాన్‌(Taiwan)కు చెందిన స్వాంగ్‌లిన్(Swanglin),యూరప్‌(Europe)వ్యాపారి ఇరీన్‌లకి పరిచయమయ్యాడు.

దేశంలో నిర్వహించే వ్యాపారాల్లో భారీగా నగదు జమ అవుతుందని.. లావాదేవీలకు అవసరమైన బ్యాంకు ఖాతాలను ఇప్పించాలని కోరాడు. వారి వ్యాపారాల గురించి భరత్‌ ఆరాతీయగా వాస్తవాలు దాచి మోసంచేసే ప్రయత్నం చేస్తున్నట్లు గుర్తించారు.

పెట్టుబడులు, ఉద్యోగాల పేరిట చైనీయులు చేసే మోసాల గురించి..తనకు తెలుసంటూ వారి ద్వారానే అక్రమదందాల గుట్టు తెలుసుకున్నాడు.తనకు అనువుగా మలచుకొని పెద్దఎత్తున లాభపడ్డాడు.

సామాజిక మాద్యమాల ద్వారా లింకులు పంపి దేశవ్యాప్తంగా..కేవలం 6 నెలల్లోనే రూ. 500 కోట్లకు పైగా కొట్టేసి చైనాకు తరలించాడు. రెండు నెలల క్రితం హైదరాబాద్‌కి చెందిన బాధితుడి ఫిర్యాదుతో సైబర్‌క్రైమ్‌ పోలీసులు(Cyber Crime Police) కేసు నమోదు చేసి దర్యాప్తు చేయగా భరత్ వ్యవహారం బహిర్గతమైంది.

ఈ నెల 12న నగర సైబర్‌క్రైమ్‌ పోలీసులు అరెస్ట్‌ చేసి రిమాండ్‌కు తరలించారు. అనంతరం మూడ్రోజుల పాటు కస్టడీకి తీసుకొని సేకరించిన వాంగ్మూలంలో విస్తుపోయే వాస్తవాలు వెలగులోకి వచ్చాయి.

ఉద్యోగాలు, పెట్టుబడుల పేరిట బాధితులనుంచి బ్యాంకు ఖాతాలకు జమయ్యే నగదును క్రిప్టోగా మార్చి అందిస్తానని..అందుకు ప్రతిఫలంగా 20శాతం కమీషన్‌ ఇచ్చేలా ఒప్పందంకుదర్చుకున్నాడు.

దుబాయ్‌లో ఉంటున్న మిత్రుడు ప్రశాంత్‌కి ఆ విషయం చెప్పాడు. వచ్చే కమీషన్‌లో.. చెరిసగం పంచుకుందామంటూ ఆశచూపాడు. దుబాయ్‌లోని భారతీయుల బ్యాంకు ఖాతాలను సేకరించి వాటి ద్వారా భారతీయ కరెన్సీను దినార్లుగా మార్చి అంతే మొత్తం వారి ఖాతాల్లోనే జమచేసేవారు.

ఈ విధంగా సహకరించిన బ్యాంకు ఖాతాదారులకు ప్రశాంత్‌ ఉచితంగా విదేశీనగదు మార్పిడి సేవలు అందించేవాడు. దీంతో అక్కడి భారతీయులు తమ ఖాతాలను మిత్రుల చేతికిచ్చేవారు.

అక్రమ లావాదేవీలకు సుమారు 100 ఖాతాలు ఉపయోగించినట్లు.. సైబర్‌క్రైమ్‌ పోలీసుల దర్యాప్తులో తేలింది. బ్యాంకు ఖాతాల్లో జరిగే ఆన్‌లైన్‌ లావాదేవీలన్నీ భరత్‌కుమార్‌ ముంబయి నుంచే పర్యవేక్షించేవాడు.

మాయమాటలు చెప్పి కొందరు ఖాతాదారులతోనే నగదు డిపాజిట్, బదిలీ ప్రక్రియ చేయించేవాడని గుర్తించారు. ముంబయిలో భరత్‌కుమార్‌ని అరెస్ట్‌ చేసిన పోలీసులు కస్టడీకి తీసుకొని వివరాలు రాబట్టారు. వాటి ఆధారంగా మరికొందరి ఆచూకీని పోలీసులు గుర్తించారు.