National

అంతరిక్షంలోకి అణ్వాయుధాలను పంపేందుకు తాము పూర్తి వ్యతిరేకమని రష్యా అధ్యక్షుడు వ్లాదిమిర్ పుతిన్ (Vladimir Putin) స్పష్టం చేశారు. అంతరిక్ష ఆధారిత యాంటీ శాటిలైట్‌ ఆయుధాలను రష్యా అభివృద్ధి చేస్తోందంటూ అమెరికా (USA) చేసిన ఆరోపణలు పూర్తిగా అవాస్తవమన్నారు.

ఉక్రెయిన్‌పై రష్యా యుద్ధం ప్రకటించిన తర్వాత మాస్కోపై పశ్చిమ దేశాలు ఆంక్షలు విధించిన సంగతి తెలిసిందే. అంతరిక్షంలో ఉపగ్రహ విధ్వంసక ఆయుధాన్ని రష్యా అభివృద్ధి చేస్తున్నట్లు తమకు సమాచారం ఉందని ఇటీవల అమెరికా ప్రకటించింది. ఇది తీవ్ర ఆందోళనకర అంశమని పేర్కొంది. ఆ ఆయుధాన్ని రష్యా ఇంకా మోహరించలేదని, ప్రస్తుతానికైతే ఎలాంటి ముప్పులేదని తెలిపింది.

అమెరికా ఆరోపణలను రష్యా తోసిపుచ్చింది. ఉక్రెయిన్‌కు సాయంపై అమెరికా కాంగ్రెస్ మద్దతు పొందేందుకు బైడెన్ సర్కారు ఈ కొత్త ఎత్తు వేసినట్లు ఆరోపించింది. రక్షణశాఖ మంత్రి సెర్గీ పొయిగుతో నిర్వహించిన సమావేశంలో ఆయన మాట్లాడారు. అంతరిక్షంలోకి అణ్వాయుధాలను పంపడాన్ని రష్యా ఎప్పటికీ సమర్థించబోదన్నారు.

కొన్ని దేశాలు కావాలనే తమపై ఆరోపణలు చేస్తున్నాయన్నారు. అంతరిక్ష రంగంలో మరింత అభివృద్ధి సాధించేందుకు తమతో కలిసి నడవాలని పాశ్చాత్యదేశాలను ఇప్పటికే పలుమార్లు ఆహ్వానించామని తెలిపారు. అయినా కొన్ని కారణాల వల్ల కొన్ని దేశాలు ముందుకు రాలేదంటూ పరోక్షంగా అమెరికాను ఉద్దేశించి అన్నారు.

రాబోయే లోక్‌ సభ సార్వత్రిక ఎన్నికల్లో బీజేపీ ఓడిపోతుందని కాంగ్రెస్‌ (Congress) అధ్యక్షుడు మల్లికార్జున్‌ ఖర్గే (Mallikarjun Kharge) అన్నారు. ప్రధాన మంత్రి నరేంద్ర మోడీ 400 సీట్ల ప్రణాళిక కార్య రూపం దాల్చదని వెల్లడించారు. లోక్‌ సభ ఎన్నికల్లో బీజేపీ 100 సీట్లు కూడా గెలవదని అని తెలిపారు. ఈ సారి బీజేపీ అధికారానికి దూరమవుతుందని చెప్పారు.

యూపీ అమేథిలో జరిగిన బహిరంగ సభలో మల్లికార్జున ఖర్గే పాల్గొని మాట్లాడుతూ… అమేథీ, రాయ్‌ బరేలీ ఎన్నికల్లో కాంగ్రెస్ ఎన్నోసార్లు విజయం సాధించిందని పేర్కొన్నారు. ప్రజల్లో శత్రుత్వం పెంచేందుకు బీజేపీ కుట్రలు చేస్తోందని వివరించారు. కాంగ్రెస్ హయాంలో అమేథీలో కోట్లాది ప్రాజెక్టులకు ఆమోదం లభించిందని తెలిపారు.

కానీ వాటిలో చాలా వరకు పెండింగ్‌లోనే ఉండిపోయాయని వెల్లడించారు. ప్రాజెక్టులు ఇంకా ఎందుకు అసంపూర్తిగా ఉన్నాయని బీజేపీని ప్రశ్నించాలని పిలుపునిచ్చారు. అమేథీ, రాయ్‌బరేలీలో అభివృద్ధి పనులు చేసేందుకు బీజేపీ ఇష్టపడదని వెల్లడించారు. తాను పార్ల‌మెంట్‌లో ఎప్పుడు మాట్లాడినా త‌న మైక్రోఫోన్‌ను స్విచాఫ్ చేస్తూ త‌న ప్ర‌సంగానికి అధికార పార్టీ స‌భ్యులు అడ్డుత‌గులుతున్నార‌ని ఆరోపణలు గుప్పించారు.

ప్రధాని మోడీ నియంత‌లాగా మారారని అన్నారు. ఆయ‌న మ‌రోసారి విజయం సాధిస్తే దేశంలో ప్ర‌జాస్వామ్యం ఉండ‌ద‌ని వివరించారు. రాబోయే రోజుల్లో రాజ్యాంగం ఉనికే క‌నుమ‌రుగ‌వుతుంద‌ని ఆందోళన వ్యక్తం చేశారు. రైతులు, కార్మికులు, ద‌ళితులు, బీసీలు, గిరిజ‌నుల‌కు మోడీ ఎలాంటి గ్యారంటీ ఇవ్వ‌ర‌ని దేశంలోని ఇద్ద‌రు ముగ్గురు సంప‌న్న పారిశ్రామిక‌వేత్త‌ల‌కే మోడీ గ్యారంటీ ల‌భిస్తుంద‌ని ఎద్దేవా చేశారు.

కేంద్రంలో మూడోసారి భారతీయ జనతాపార్టీ(BJP) అధికారంలోకి రావాలని అన్ని ప్రయత్నాలను చేస్తోంది. తెలంగాణలో పది ఎంపీ సీట్లలో గెలుపే లక్ష్యంగా ఆ పార్టీ అడుగులు వేస్తోంది. ఈ నేపథ్యంలో కేంద్ర హోంశాఖ మంత్రి అమిత్ షా(Union Home Minister Amit Shah) తెలంగాణ పర్యటన ఖరారైంది.

ఈ నెల 24వ తేదీన ఆయన రాష్ట్రానికి రానున్నారు. పార్లమెంట్ ఎన్నికల వేళ తెలంగాణ బీజేపీ నిర్వహిస్తోన్న విజయ సంకల్ప యాత్రలో అమిత్ షా పాల్గొన్నారు. ఇప్పటికే అసెంబ్లీ ఎన్నికల సమయంలో అమిత్‌షా వరుసగా పలుమార్లు తెలంగాణ పర్యటనలో భాగంగా పలు సభల్లో పాల్గొన్నారు.

అసెంబ్లీ ఎన్నికల్లో ఆశించిన ఫలితాలు రానప్పటికీ గత ఎన్నికలతో పోలిస్తే మాత్రం బీజేపీ కాస్త పుంజుకుందనే చెప్పాలి. ఈ నేపథ్యంలో కేంద్రంలోని అధికార బీజేపీ లోక్‌సభ ఎన్నికల్లో గెలుపే లక్ష్యంగా ప్రచారానికి శ్రీకారం చుట్టింది. ఛార్మినార్ భాగ్యలక్ష్మి ఆలయం నుంచి ప్రచారం మొదలుపెట్టింది.

ఇప్పటికే విజయ సంకల్ప రథయాత్రలను కేంద్ర మంత్రి, పార్టీ రాష్ట్ర అధ్యక్షుడు కిషన్ రెడ్డి ప్రారంభించిన విషయం తెలిసిందే. హైదరాబాద్‌ను మినహాయించి 16 ఎంపీ స్థానాలను ఐదు క్లస్టర్లుగా విభజించారు. ఒక్కో క్లస్టర్‌ పరిధిలో మూడు నుంచి నాలుగు ఎంపీ సెగ్మెంట్లు ఉన్నాయి. ఐదు క్లస్టర్లకు చారిత్రక ప్రదేశాల పేర్లు పెట్టారు.

రైతుల నిరసనపై కేంద్ర ప్రభుత్వ తీరుపై కాంగ్రెస్ (Congress) అగ్రనేత రాహుల్ గాంధీ (Rahul Gandhi) ఫైర్ అయ్యారు. పంటలకు కనీస మద్దతు ధర (MSP)పై “గందరగోళం” చేస్తున్న వారు హరిత విప్లవ పితామహుడు, భారతరత్న డాక్టర్ ఎంఎస్ స్వామినాథన్‌ను అవమానిస్తున్నారని అన్నారు.

కనీస మద్దతు ధర హామీ వల్ల వ్యవసాయంలో పెట్టుబడులు పెరుగుతాయని తెలిపారు. గ్రామీణ భారత దేశంలో డిమాండ్ పెరుగుతుందని చెప్పారు. దీంతో పాటు రైతులు వివిధ రకాల పంటలను పండించడంలో విశ్వాసాన్ని పొందుతారని రాహుల్ గాంధీ ట్వీట్ చేశారు.

మోడీ సర్కార్ చేసిన ప్ర‌తిపాద‌న రైతుల ప్ర‌యోజ‌నాల‌ను కాపాడేలా లేద‌ని మండిపడ్డారు. దేశంలో రూ. 14 లక్షల కోట్ల విలువైన బ్యాంకు రుణాలు మాఫీ చేశారని వెల్లడించారు. రూ. 1.8 లక్షల కోట్ల కార్పొరేట్ పన్నులను మినహాయింపు ఇచ్చారని చెప్పారు.

కానీ రైతుల కన్నీటిని తుడిచేందుకు చిన్న పాటి ఖర్చుకు కేంద్రం ఎందుకు వెనకాడుతోందని ప్రశ్నించారు. ఇక త‌మ పార్టీ కేంద్రంలో అధికారంలోకి రాగానే రైతుల పంట‌ల‌కు ఎంఎస్‌పీ ద‌క్కేలా క‌నీస మ‌ద్ద‌తు ధ‌ర‌కు చ‌ట్ట‌బ‌ద్ధ‌త క‌ల్పిస్తుంద‌ని రాహుల్ గాంధీ ఇప్పటికే హామీ ఇచ్చారు.

జమ్మూ కాశ్మీర్‌(Jammu and Kashmir)లో భూకంపం(Earthquake) సంభవించింది. రిక్టర్ స్కేల్‌(Richter scale)పై 5.5 తీవ్రత నమోదైంది. ఉత్తర కాశ్మీర్‌(North Kashmir)లో భూమికి 10 కిలోమీటర్ల లోతులో భూకంప కేంద్రాన్ని గుర్తించినట్లు సెంటర్ ఆఫ్ సిస్మోలజీ ప్రకారం, భూకంప కేంద్రం పేర్కొంది.

జమ్మూతో పాటు లడఖ్‌ని కార్గిల్‌లోనూ భూకంపం సంభవించింది. అయితే ఇప్పటి వరకు ఎలాంటి నష్టం జరగలేదని సమాచారం. ఉత్తర కశ్మీర్‌లో సోమవారం సాయంత్రం మరోసారి భూమి కంపించింది. సాయంత్రం 45 నిమిషాల ఆలస్యంగా భూకంపం సంభవించింది.

ఒక్కసారిగా బలమైన ప్రకంపనలు రావడంతో ప్రజలు భయాందోళనకు గురై ఇళ్ల నుంచి బయటకు పరుగులు తీశారు. దీంతో చాలాసేపు గందరగోళ పరిస్థితి నెలకొంది. అయితే రిక్టర్ స్కేలుపై భూకంప తీవ్రత తక్కువగా నమోదైంది. ఈ సంవత్సరం లోయలో సంభవించిన రెండో భూకంపం ఇది.

జనవరి 2న జమ్మూకశ్మీర్‌లో భూకంపం సంభవించింది. జనవరి 2వ తేదీ ఉదయం 11:30 గంటల ప్రాంతంలో జమ్మూకశ్మీర్‌లో 3.9తీవ్రతతో భూకంపం సంభవించింది. 5 కిలోమీటర్ల లోతులో భూకంపం సంభవించినట్లు గుర్తించారు. అంతకుముందు డిసెంబర్ 30 న, జమ్మూ, కాశ్మీర్‌లోని కుప్వారాలో కూడా భూకంపం సంభవించింది.

ఉత్తర కొరియా అధినేత కిమ్ జోంగ్ ఉన్ Kim Jong Un)కు రష్యా అధ్యక్షుడు వ్లాదిమిర్ పుతిన్ (Vladimir Putin) అదిరిపోయే ఓ గిఫ్ట్‌ను ఇచ్చారు. వ్యక్తిగత అవసరాలకు వాడుకునేందుకు ఆయనకు ఓ కారును బహూకరించారు. ఈ విషయాన్ని కొరియన్ సెంట్రల్ న్యూస్ ఏజెన్సీ తెలిపింది.

ఫిబ్రవరి 18న కిమ్ తరఫున ఆయన సోదరి కిమ్ యో జోంగ్, వర్కర్స్ పార్టీ ఆఫ్ కొరియా ప్రతినిధి పాక్ జోంగ్ ఛోన్ దాన్ని అందుకున్నట్లు వెల్లడించింది. ఈ సందర్భంగా కిమ్ యో జోంగ్ రష్యాకు కృతజ్ఞతలు తెలియజేశారు. ఇరువురు నేతల మధ్య ఉన్న ప్రత్యేకమైన బంధానికి ఇది నిదర్శనమని వ్యాఖ్యానించారు.

రష్యా, ఉత్తరకొరియాపై అంతర్జాతీయంగా కఠిన ఆంక్షలు కొనసాగుతున్న విషయం తెలిసిందే. సెప్టెంబర్ పుతిన్, కిమ్ మాస్కోలో సమావేశమయ్యారు. ఇరు దేశాల మధ్య బంధాన్ని మరింత బలోపేతం చేయాలని నిర్ణయించారు. ఉక్రెయిన్‌పై యుద్ధం విషయంలో రష్యాకు ఉత్తర కొరియా సహకరిస్తున్నట్లు సమాచారం.

అయితే, ఉత్తర కొరియా మాత్రం ఆ ఆరోపణలను ఖండించింది. వ్యక్తిగతంగా కిమ్‌కు వాహనాలంటే చాలా ఇష్టమనే ప్రచారం ఉంది. ఆయన వద్ద అత్యంత విలాసవంతమైన కార్లు చాలా ఉన్నట్లు సమాచారం. సెప్టెంబర్‌లో రష్యా పర్యటనకు వెళ్లినప్పుడు పుతిన్ కారు ఆరస్ సెనేట్ లిమోసిన్‌ను కిమ్ ఆసక్తిగా పరిశీలించినట్లు వార్తలు వచ్చాయి.

న్ని గమనించి ఆయన్ని కారులో ఎక్కించుకుకొని స్వయంగా పుతిన్ డ్రైవ్ చేశారు. కిమ్ దగ్గర మెర్సిడెస్, రోల్స్ రాయిస్, మేబ్యాక్, లెక్సస్‌కు చెందిన పలు లగ్జరీ కార్లు ఉన్నట్లు సమాచారం. అయితే, వీటిని ఉత్తర కొరియాకు ఎగుమతి చేయడంపై ఐరాస నిషేధం విధించింది. తాజాగా పుతిన్ కారు పంపడం సైతం ఆంక్షల ఉల్లంఘన కిందకే వస్తుందని పలువురు అంటున్నారు.