Politics

పార్లమెంట్ ఎన్నికలు (Parliament Elections) సమీపిస్తుండటంతో బీఆర్ఎస్ (BRS) వర్కింగ్ ప్రెసిడెంట్ కేటీఆర్ (KTR) దూకుడుగా వ్యవహరిస్తున్నారనే చర్చ మొదలైంది. ఇప్పటికే ప్రభుత్వంపై తీవ్ర విమర్శలతో విరుచుకుపడుతోన్న దృశ్యాలు కనిపిస్తున్నాయి.. అయితే తాజాగా కేంద్రమంత్రి, కిషన్ రెడ్డిపై కీలక వ్యాఖ్యలు చేశారు.. భారతదేశంలో అత్యంత అట్టర్ ఫ్లాఫ్ మంత్రి అని విమర్శించారు..

హైదరాబాద్‌ (Hyderabad), యూసఫ్ గూడ‌లో బీఆర్ఎస్ పార్టీ జూబ్లీహిల్స్ నియోజకవర్గ సమీక్ష సమావేశం నేడు నిర్వహించారు. ఈ మీటింగ్‌కు హాజరైన కేటీఆర్.. అంబర్ పేటలో 2018లో ఓడిపోయిన సానుభూతితో గత పార్లమెంట్ ఎన్నికల్లో కిషన్ రెడ్డి గెలిచారని.. కానీ మరోసారి ఓటు అడిగే హక్కు ఆయనకు లేదని విమర్శించారు. సికింద్రాబాద్ ఎంపీగా, కేంద్రమంత్రిగా ఐదు సంవత్సరాల్లో తన నియోజకవర్గానికి ఏం చేశారని ప్రశ్నించారు.

మోడీ ప్రధాని అయిన తర్వాత దేశంలో అన్ని వస్తువుల ధరలు ఆకాశాన్ని అంటాయని తెలిపిన కేటీఆర్.. ఆయన ప్రధానమంత్రి కాదు పిరమైన మంత్రి అని ఎద్దేవా చేశారు. పార్లమెంట్ ఎన్నికలు ఎప్పుడు వచ్చినా హైదరాబాద్‌లో మళ్లీ ఎగిరేది గులాబీ జెండానే అని ధీమా వ్యక్తం చేశారు. మరోవైపు కాంగ్రెస్ (Congress) ప్రభుత్వం పై మండిపడ్డారు.. ఉచిత బస్సు పథకం రచ్చరచ్చ అయ్యిందని.. ఆరున్నర లక్షల మంది ఆటో డ్రైవర్లు ఆగమైపోయారని ఆరోపించారు.

బీజేపీని ఆపాలంటే ప్రాంతీయ పార్టీలతోనే సాధ్యమని స్పష్టం చేసిన కేటీఆర్.. రేవంత్‌ రెడ్డి, కేసీఆర్‌ బొండిగ పిసికేస్తానని అంటే.. బండి సంజయ్‌ బీఆర్‌ఎస్‌ ను ఖతం చేయాలని అంటున్నారని మండిపడ్డారు.. హామీలను అమలు చేయమంటే కాంగ్రెస్ నేతలకు కోపమొస్తుందని.. ఇందుకు పార్లమెంట్‌ ఎన్నికల్లో కాంగ్రెస్, బీజేపీలకు సరైన బుద్ధి చెప్పాలని కోరారు.. కాంగ్రెస్, బీజేపీ రెండూ ఒక్కటేనన్న కేటీఆర్. ఇద్దరూ కలిసి రాష్ట్రంలో డ్రామాలు ఆడుతున్నారని విమర్శించారు..

రాష్ట్ర అసెంబ్లీ ఎన్నికల్లో బీజేపీ (BJP) అభ్యర్థులు 8 మంది విజయం సాధించిన విషయం తెలిసిందే.. అయితే రాష్ట్రంలో సీనియర్ నేతలు ఓడిపోయినప్పటికీ కమలానికి ఉత్తర తెలంగాణ (Telangana)లో కొంత మైలేజీ పెరిగింది. 8 స్థానాల్లో గెలవడమే కాకుండా మరో 18 స్థానాల్లో రెండో స్థానంలో నిలిచింది. దీంతో బీజేపీ బాగా బలపడుతోందని హైకమాండ్ అంచనాకు వచ్చింది.

మరోవైపు అసెంబ్లీ ఎన్నికల కోసం బీజేపీ హైకమాండ్.. ఢిల్లీలో ఓ వార్ రూం సిద్ధం చేసినట్లు సమాచారం.. పార్లమెంట్ ఎన్నికల్లో కూడా అదే వార్ రూం నుంచి చక్రం తిప్పాలని భావిస్తున్నట్లు తెలుస్తోంది. ఈ క్రమంలో కనీసం పది నియోజకవర్గాల్లో గెలుపు అవకాశాలు ఉన్నాయని ఆ దిశగా ప్రయత్నించాలని ఇప్పటికే దిశానిర్దేశం చేశారు..

అదీగాక రాష్ట్రం నుంచి అత్యధిక ఎంపీ సీట్లు కైవసం చేసుకోవడమే లక్ష్యంగా పార్టీ శ్రేణులను ఎన్నికలకు సమాయత్తం చేసేందుకు ప్రస్తుతం క్లస్టర్‌ సమావేశాలను (Clusters Meetings) నిర్వహిస్తోంది. పది సీట్లు, 35 శాతం ఓటు బ్యాంకు కైవసం చేసుకోవడానికి వ్యూహాత్మకంగా అడుగులు వేస్తోంది. అందుకే రాష్ట్రంలోని 17 పార్లమెంట్‌ స్థానాలను ఐదు క్లస్టర్లుగా విభజించింది. వరంగల్‌, మహబూబాబాద్‌, ఖమ్మం ఒక క్లస్టర్‌గా, సికింద్రాబాద్‌, హైదరాబాద్‌, మల్కాజ్‌గిరి, భువనగిరి పార్లమెంట్‌ స్థానాలను మరో క్లస్టర్‌గా ఏర్పాటు చేసింది.

మహబూబ్‌నగర్, నాగర్‌కర్నూల్‌, నల్గొండ స్థానాలతో మూడో క్లస్టర్‌, పెద్దపల్లి, ఆదిలాబాద్‌, నిజామాబాద్‌ కలిపి నాలుగో క్లస్టర్‌ ఏర్పాటు చేసింది. జహీరాబాద్‌, మెదక్‌, చేవెళ్ల, కరీంనగర్‌ కలిపి ఐదో క్లస్టర్‌గా విభజించారు. మరోవైపు ఈ ఐదు పార్లమెంట్‌ క్లస్టర్లకు రాష్ట్ర నాయకత్వం ఇంఛార్జ్‌లను నియమించింది.

సభలు, సమావేశాలు నిర్వహిస్తూ, పార్టీ బలోపేతం, ఎన్నికల్లో విజయమే లక్ష్యంగా ముందుకు వెళ్లాలని సూచించింది. కాగా కేంద్రంలో మూడోసారి అధికారమే లక్ష్యంగా రాష్ట్రం నుంచి అత్యధిక ఎంపీ సీట్లు గెలుపొందాలనే కృతనిశ్చయంతో బీజేపీ పావులు కదుపుతోందని తెలుస్తోంది.

ధరణిలో ఉన్న క్షేత్రస్థాయి సమస్యల గురించి కమిటీ ఇటీవల కలెక్టర్ల సమావేశంలో కొన్ని వివరాలు సేకరించింది. ఇందులో భాగంగా రెవెన్యూ శాఖతో సంబంధం ఉన్న ఇతర శాఖలపై దృష్టి పెట్టింది. ఈ సందర్భంగా అటవీ భూములు, సరిహద్దులకు సంబంధించి ధరణిలో ఉన్న వివరాలు, పోర్టల్‌తో కలిగిన ప్రయోజనం, లోపాలు ఏవైనా ఉన్నాయా? అనే వివరాలను చర్చించడానికి మరోసారి ధరణి (Dharani) పునర్నిర్మాణ కమిటీ సమావేశం అయ్యింది.

ఇవాళ సచివాలయం (Secretariat)లో జరగనున్న ఈ సమావేశంలో.. ఈసారి అటవీ, గిరిజన సంక్షేమ, వ్యవసాయ శాఖ అధికారులు హాజరుకానున్నారు. కాగా ప్రభుత్వం ఏర్పాటు చేసిన కమిటీ (Committee) మూడు రోజుల క్రితం జిల్లా కలెక్టర్లతో సమావేశమైన విషయం తెలిసిందే. అయితే ప్రస్తుతం జరుగుతున్న సమావేశంలో ఈ పోర్టల్ అందిస్తున్న సేవలు, సాఫ్ట్‌వేర్‌ (Software)ను ఉపయోగిస్తున్న విధానం, ఎదుర్కొంటున్న సమస్యలపై చర్చ జరుగుతున్నట్లు తెలుస్తోంది.

రైతులకు పెట్టుబడి సాయం అందించే క్రమంలో ఎదురవుతున్న సమస్యలు చర్చకు వచ్చినట్లు సమాచారం.. ధరణి సాఫ్ట్ వేర్ ద్వారా నిర్వహణ, భూముల సమాచారాన్ని ఏ విధంగా ఉపయోగిస్తున్నారనే విషయాలతో పాటుగా.. పోడు భూముల పట్టాల జారీ, పోర్టల్ వేదికగా దీనికోసం జారీ చేసే ఫాం ‘K’, ‘L’ల నిర్వహణ, షెడ్యూలు ప్రాంతాల్లో భూముల క్రయవిక్రయాల నిర్వహణ ఏ విధంగా సాగుతోంది. వీటిలో ఉన్న ఇబ్బందులకు సంబంధించి వివరాలు చర్చిస్తున్నట్టు తెలుస్తోంది.

మరోవైపు అటవీ, రెవెన్యూ శాఖల భూముల మధ్య ఉన్న సరిహద్దు సమస్యలు, రెవెన్యూ దస్త్రాల్లో నమోదైన అటవీ భూములకు సంబంధించిన అంశాలపై సైతం అధికారులు వివరాలు సేకరిస్తున్నట్టు సమాచారం.. అయితే గత ప్రభుత్వ హయాంలో ధరణి సమస్యలపై ఫిర్యాదులు భారీగా వచ్చాయి. దీంతో ప్రభుత్వ ప్రధాన కార్యదర్శి నవీన్ మిట్టల్.. సమావేశానికి తగిన సమాచారంతో హాజరు కావాలని జిల్లా కలెక్టర్లకు సమాచారం పంపారు.

ప్రస్తుతం రాష్ట్ర రాజకీయాలు సార్వత్రిక ఎన్నికల చుట్టూ తిరుగుతున్నాయి. అన్ని పార్టీలు గెలుపు కోసం పావులు కదుపుతున్నాయి. అసెంబ్లీ ఫలితాల్లో ఎదురు దెబ్బ తగలగా పార్లమెంట్ ఎన్నికల్లో సత్తాచాటి పరువు నిలుపుకోవాలని బీఆర్ఎస్ ప్రయత్నిస్తోంది. ఈక్రమంలో మరోసారి కల్వకుంట్ల కవిత ప్రభుత్వం పై మండిపడ్డారు.. కాంగ్రెస్ (Congress) పాలనలో విద్యార్థినిల భద్రత గాల్లో దీపంగా మారుతున్నదని ఆరోపణలు చేశారు..

శుక్రవారం రాత్రి సమయంలో సికింద్రాబాద్‌ (Secunderabad), ఉస్మానియా యూనివర్శిటీ (Osmania University), లేడీస్ హాస్టల్ లోకి ముగ్గురు గుర్తు తెలియని వ్యక్తులు ప్రవేశించిన సంగతి తెలిసిందే.. అయితే నిందితుల్లో ఒకరిని విద్యార్థినులు పట్టుకొని పోలీసులకు అప్పగించారు. ఈ ఘటనపై నేడు విద్యార్థులు ఆందోళన చేపట్టారు. కాగా ఈ ఘటనపై ఎక్స్ (X) వేదికగా కవిత స్పందించారు.

ఓయూ పరిధిలోని అమ్మాయిల వసతి గృహాల వద్ద ఆగంతకుల అల్లర్లు మితిమీరుతున్నాయని వార్తలు వచ్చినా.. ప్రభుత్వం మేల్కోలేదని మండిపడ్డ కవిత (Kavitha).. రెచ్చిపోయిన ఆగంతకులు నిన్న సికింద్రాబాద్ అమ్మాయిల వసతి గృహంలోకి చొరబడ్డారని వెల్లడించారు.. ఒకరిని పట్టుకొని పోలీసులకు అప్పగించిన మీ ధైర్య సాహసాలను అభినందిస్తున్నానని పేర్కొన్నారు..

మరోసారి ఇలాంటి సంఘటనలు పునరావృత్తం కాకుండా ప్రభుత్వం చర్యలు చేపట్టాలని డిమాండ్ చేశారు.. ఈ విషయాన్ని డీజీపీకి ట్యాగ్ చేశారు. మరోవైపు కాంగ్రెస్ ప్రభుత్వంపై బీఆర్ఎస్ నేతలు తీవ్రంగా విమర్శలు చేస్తుండటం రాష్ట్రంలో సంచలనంగా మారింది. త్వరలో లోక్ సభ ఎన్నికలు జరగనున్న నేపథ్యంలో ముందు జాగ్రత్తగా హస్తం పై వ్యతిరేకత వచ్చేలా ప్రయత్నిస్తున్నట్లుగా చెప్పుకొంటున్నారు..

ఎన్నో సవాళ్ళ మధ్య తెలంగాణ (Telangana) సీఎం (CM)గా బాధ్యతలు చేపట్టిన రేవంత్ రెడ్డి (Revanth Reddy).. తన పాలనకు ఢోకా లేకుండా.. ప్రజల్లో కాంగ్రెస్ పై ఉన్న నమ్మకం కోల్పోకుండా ముందుకు వెళ్తున్నట్టు తెలుస్తోంది. ఇప్పటికే పలు కీలక నిర్ణయాలు తీసుకొంటూ ముందుకువెళ్తున్న సీఎం.. తాజాగా నిరుద్యోగులకు గుడ్ న్యూస్ చెప్పారు. ఇప్పటికే టీఎస్పీఎస్సీ ప్రక్షాళన చేసిన కాంగ్రెస్ సర్కారు.. ఆర్థిక శాఖను ఉద్యోగాల ఖాళీలు వెంటనే రెడీ చేయాలని ఆదేశించారు.

మరోవైపు రేవంత్ ఆదేశాల మేరకు.. ఆర్థిక శాఖ ఖాళీలపై అప్రూవల్ ఇస్తే, టీఎస్సీఎస్సీ జాబ్ నోటిఫికేషన్ల ప్రకియ ఫిబ్రవరి నుంచే ప్రారంభం కానున్నట్లుగా తెలుస్తోంది.. ఇందులో భాగంగా త్వరలోనే టీఎస్పీఎస్సీపై సమీక్ష నిర్వహించనున్నట్లు సమాచారం.. ఇక యూపీఎస్సీ తరహాలో ప్రతి ఏడాది ఉద్యోగాల నియామక ప్రక్రియ చేపట్టేలా కొత్త బోర్డు, ప్రభుత్వం, ఆర్థిక శాఖతో సమన్వయం చేసుకోనున్నట్లు తెలిసింది.

అదీగాక లోక్ సభ ఎన్నికల కోడ్ అమలైతే ప్రజల్లో ప్రభుత్వం పట్ల నెగెటివ్ మెసేజ్ వెళ్ళే అవకాశం ఉండటంతో.. కోడ్ అమలు కాకముందే.. జాబ్ క్యాలెండర్ హామీపై కసరత్తు చేయాలని సీఎం అధికారులను ఆదేశించినట్లు సమాచారం. మరోవైపు గత బీఆర్ఎస్ (BRS) సర్కారు తొమ్మిదేళ్లలో ఒక్క డీఎస్సీ ప్రకటన వేయలేదు.. అయితే గతేడాది నవంబర్‌లో 5వేల టీచర్ల పోస్టుల భర్తీకి నోటిఫికేషన్ వేయగా ఎన్నికల కారణంగా వీటికి బ్రేక్ పడింది.

ఈ నేపథ్యంలో 5వేల ఉద్యోగాలకు మరో 7 వేల ఉద్యోగాలు కలిపి మొత్తం 12వేల టీచర్ల ఉద్యోగాలకు మెగా డీఎస్సీ వేయాలని రేవంత్ రెడ్డి ఫైనాన్స్ డిపార్ట్ మెంట్ ఉన్నతాధికారులను ఆదేశించినట్లు తెలిసింది. కాగా ఇప్పటికే టీఎస్పీఎస్సీ చైర్మన్ గా మహేందర్ రెడ్డితో పాటు సభ్యులు సైతం బాధ్యతలు చేపట్టిన విషయం తెలిసిందే.. ఈ క్రమంలో నిరుద్యోగులను సైతం ఆకర్షించడానికి చేసే ప్రయత్నాల్లో వేగం పెంచుతున్నారని తెలుస్తోంది.