Politics

రాష్ట్రంలో నూతన సంవత్సర వేడుకలు (New Year Celebrations) ఉత్సాహంగా నిర్వహించుకొంటున్నారు.. ఇందులో భాగంగా రాజకీయ నేతలు సైతం శుభాకాంక్షలు తెలియచేసుకొంటున్నారు.. ఈ క్రమంలో రాజ్ భవన్ (Raj Bhavan)లో గవర్నర్ తమిళిసై సౌందర్‌రాజన్ (Tamilisai Soundararajan)కి న్యూ ఇయర్ విషెస్ చెప్పారు సీఎం రేవంత్ రెడ్డి.. మరోవైపు రాష్ట్ర ప్రజలకి సైతం శుభాకాంక్షలు తెలిపారు..

రాజ్ భవన్ లో నిర్వహించిన ఓపెన్ హౌస్ కార్యక్రమానికి హాజరైన రేవంత్.. గవర్నర్ దంపతులకు పుష్ఫగుచ్చం ఇచ్చి విషెస్ చెప్పారు. రేవంత్ వెంట మంత్రులు కొండా సురేఖ, సీతక్క, స్పీకర్ గడ్డం ప్రసాద్ ఉన్నారు. కాగా రేవంత్, రాజ్ భవన్ కు వెళ్లడం ఇదే తొలిసారి.. అంతకుముందు సెక్రటేరియట్ లో కొత్త ఏడాది హంగామా కనిపించింది.

మంత్రులు. మంత్రి సీతక్క, సీఎం రేవంత్ రెడ్డి (Revanth Reddy)ని కలిసి విషెస్ చెప్పారు.. ఇందిరాగాంధీ ఫోటోను బహుమతిగా ఇచ్చారు. అధికారులు, మినిస్టర్స్, పరస్పరం న్యూఇయర్ విషెస్ చెప్పుకొన్నారు. మరోవైపు సీఎంను కలిసేందుకు, అభిమానులు, జనం క్యూకట్టారు. సెక్రటేరియట్ చుట్టూ సీఎం కటౌట్స్ భారీగా ఏర్పాటు చేసి ఉత్సాహంగా కొత్త సంవత్సరం వేడుకలు జరుపుకొన్నారు..

-పార్లమెంటు ఎన్నికల్లో మెజార్టీ సీట్లుకు గురిపెట్టిన కాంగ్రెస్..
-బలమైన అభ్యర్థులపై అంచనాకు వచ్చిన రేవంత్..
-రంగంలోకి దిగుతోన్న ఆశావహులు..
-లోక్ సభ ఎన్నికల్లో కాంగ్రెస్ కి తప్పని తిప్పలు..

తెలంగాణ (Telangana) అసెంబ్లీ ఎన్నికల ఫలితాలు కాంగ్రెస్ (Congress) బీజేపీ (BJP)కి కొత్త ఉత్సాహం ఇవ్వగా..బీఆర్ఎస్ (BRS)ను డీలా చేశాయి. ఏది ఏమైనా మూడు పార్టీలు, పార్లమెంటు ఎన్నికల్లో (Parliament Elections) మెజార్టీ సీట్లు గెలువడమే లక్ష్యంగా వ్యూహరచనలు మొదలు పెట్టాయి. అయితే కాంగ్రెస్ రాబోయే పార్లమెంట్ ఎన్నికల్లో మెజారిటీ స్థానాలను కైవసం చేసుకోవాలని భావిస్తోంది. వ్యూహాత్మకంగా అడుగులు వేస్తోంది..

ఇందుకోసం ఎంపిక చేసిన స్థానాల్లో ముఖ్యమైన నేతలను బరిలో దింపేందుకు సిద్ధం అవుతోంది. ఇప్పటి నుంచే రాష్ట్ర ప్రభుత్వంలో భాగస్వామ్యం చేయడం ద్వారా ప్రజల్లోకి వెళ్లి ఓట్లు రాబట్టాలనే వ్యూహంలో హస్తం ఉన్నట్టు తెలుస్తోంది. ఈ క్రమంలో రేవంత్ రెడ్డి (Revanth Reddy) ఇప్పటికే బలమైన అభ్యర్థుల పై ఓ అంచనాకు వచ్చినట్లు వార్తలు వినిపిస్తున్నాయి.. కాగా ఈ పేర్లను 4న ఢిల్లీలో జరగనున్న పార్లమెంటు ఎన్నికల సన్నాహక కమిటీ సమావేశంలో, సీఎం రేవంత్‌ సమర్పించే అవకాశం ఉన్నట్టు తెలుస్తోంది.

గత ఎన్నికల్లో అభ్యర్థుల ప్రకటన విషయంలో వెనుకబడిన కాంగ్రెస్.. అసెంబ్లీ ఎన్నికల దగ్గరి నుంచి పార్లమెంట్ ఎన్నికల వరకి ఆచితూచి వ్యవహరిస్తుంది. అందుకే అభ్యర్థుల ప్రకటనలో దూకుడుగా ప్రవర్తిస్తుందని అనుకొంటున్నారు.. ఇప్పటికే ఆయా పార్లమెంటు నియోజకవర్గాలకు మంత్రులను ఇన్‌చార్జీలుగా నియమించిన అధిష్టానం.. ఏఐసీసీ, టీపీసీసీ నేతలకు బాధ్యతలు అప్పగించనున్నట్టు సమాచారం..

మరోవైపు పార్లమెంట్ ఎన్నికల్లో పోటీ చేసే వారిలో ఇతర పార్టీలకు చెందిన వారు సైతం ఉన్నట్టు చర్చించుకొంటున్నారు.. ఇప్పటి వరకూ వారితో చర్చలు కూడా పూర్తయ్యాయని చెబుతున్నారు. అయితే అసెంబ్లీ ఎన్నికల సమయంలో టికెట్లు దక్కని నాయకులకు ఎంపీ సీట్లు ఇస్తామనీ, కార్పొరేషన్‌ చైర్మెన్‌ పదవులిస్తామనీ, ఎమ్మెల్సీ పదవులిస్తామంటూ.. కాంగ్రెస్ హామీ ఇచ్చింది. ఈ నేపథ్యంలో ఆశావహులు కూడా రంగంలోకి దిగుతున్నారు. వీరి అంశాన్ని సైతం సీరియస్ గా తీసుకొన్న అధిష్టానం.. నాయకులను ఎట్లా సర్దుబాటు చేయాలనే దానిపై ప్రణాళికలు సిద్దం చేస్తున్నట్టు తెలుస్తోంది..

జీవితంలో బాల్యం చాలా గొప్పదని, బాల్యం లేకుంటే ఎంతో కోల్పోవాల్సివస్తుంది. అలాంటి బాల్యం రోడ్ల మీద.. చెత్త కుప్పల మధ్య గమ్యం లేకుండా గడుపుతోంది. ఇలాంటి వారి విషయంలో సైబరాబాద్ (Hyderabad) పోలీసులు జనవరి 1 వ తారీఖు నుంచి 31 వరకు ఆపరేషన్ స్మైల్-ఎక్స్ (Operation Smile) నిర్వహించనున్నారు.

సైబరాబాద్ (Cyberabad) పోలీస్ కమిషనర్ అవినాష్ మహంతి ఆదేశాల మేరకు సీపీ కార్యాలయంలో కన్వర్జెన్స్ సమావేశం నిర్వహించారు. ఈ కార్యక్రమంలో నిరాశ్రయులైన చిన్నారులు, బాలకార్మికుల రక్షణ కోసం తీసుకోవలసిన ప్రత్యేక చర్యలపై చర్చించారు.. ఈ క్రమంలో రోడ్లపై భిక్షాటన, కూడళ్లలో సరుకులు విక్రయిస్తున్న వారితో పాటు, అక్రమ రవాణాకు పాల్పడుతోన్న చిన్నారులను రక్షించి వారికి పునరావాసం కల్పించే దిశగా అడుగులు వేస్తున్నారు..

ఇందుకోసం సబ్ ఇన్‌స్పెక్టర్లు, కానిస్టేబుళ్లు, మహిళా కానిస్టేబుళ్లతో 11 బృందాలను ఏర్పాటు చేస్తున్నట్లు సైబరాబాద్ డబ్ల్యూఅండ్ సీఎస్‌డబ్ల్యూ డీసీపీ ఎల్‌సీ నాయక్ వెల్లడించారు. ఆపరేషన్ స్మైల్-ఎక్స్ లో భాగంగా.. మహిళలు, చిన్నారుల భద్రతకు ప్రాధాన్యత ఇస్తూ ఈ కార్యక్రమాలు నిర్వహిస్తామని తెలిపారు. సమాజంలో బాల కార్మికులు, భిక్షాటన చేస్తున్న వారి నిర్మూలనకు కృషి చేయాలన్నారు. అలాంటి వారిని రెస్క్యూ హోంకు తరలించాలని సూచించారు.

జిల్లా అధికారులు, పోలీసులు, స్వచ్ఛంద సంస్థలు, బాలల సంక్షేమ కమిటీ చైల్డ్‌లైన్‌ ప్రతినిధులు సమన్వయంతో పనిచేసి బాలకార్మికులు లేకుండా పనిచేయాలన్నారు. మరోవైపు ఆపరేషన్ స్మైల్ యొక్క ముఖ్య ఉద్దేశ్యం.. దర్పన్ అప్లికేషన్ ద్వారా తప్పిపోయిన పిల్లలను కనుగొనడం అని డీసీపీ ఎల్‌సీ నాయక్ పేర్కొన్నారు..

తెలంగాణ (Telangana) ప్రజలకు నూతన శకం మొదలైంది. ప్రజలందరికీ హృదయ పూర్వక నూతన సంవత్సర శుభాకాంక్షలు అని తెలిపారు.. నీటి పారుదల, పౌరసరఫరాల శాఖ మంత్రి ఉత్తమ్ కుమార్ రెడ్డి (Uttam Kumar Reddy).. ప్రత్యేక రాష్ట్రం వచ్చింది కానీ దురదృష్టవశాత్తు బీఆర్ఎస్ (BRS) ప్రభుత్వం రావడం వల్ల.. ప్రజలకు స్వేచ్ఛ, స్వాతంత్రం రాలేదని విమర్శించారు..

తనకి సంబంధించిన శాఖలపై కీలక వ్యాఖ్యలు చేసిన ఉత్తమ్.. నీటిపారుదల, పౌర సరఫరాల శాఖలో అవినీతి రహిత, పారదర్శకంగా, జవాబుదారితనంతో పాలన అందజేస్తామని తెలిపారు. ప్రత్యేక తెలంగాణ రాష్ట్ర పోరాటం 60 ఏళ్ల పాటు జరిగిందని గుర్తు చేసిన మంత్రి.. కేంద్రంలో అధికారంలో ఉన్న కాంగ్రెస్ (Congress) ప్రభుత్వం.. 2014లో ప్రత్యేక రాష్ట్రం ఏర్పాటుకు కృషి చేసిందని తెలిపారు..

తెలంగాణ వచ్చినప్పటి నుంచి పదేళ్ల నిర్బందాలు, నియంత పాలన పారద్రోలి ప్రజలు మళ్ళీ ఒక ప్రజాస్వామ్య పాలనకు అంకురార్పణ చేశారని ఉత్తమ్ అన్నారు. ప్రజా పాలన మొదలు కావడంతో రాష్ట్రములో పండుగ వాతావరణం ఏర్పడిందన్నారు. సచివాలయంలోకి ప్రజలు స్వేచ్ఛగా వచ్చి వారి విజ్ఞప్తులను అందజేస్తున్నారని మంత్రి తెలిపారు.

ప్రజల అవసరాలకు ఉపయోగపడేలా ప్రజా భవన్ మారినట్టు తెలిపిన ఉత్తమ్.. ఇలాంటి పాలన కోసమే ప్రజలు పోరాటం చేసి తెలంగాణ సాధించుకొన్నారని అన్నారు. గత పాలకులు రాష్ట్రాన్ని అప్పుల పాలు, అవినీతి పాలు చేసి దివాళా తీశారని మండిపడ్డారు.. కానీ కాంగ్రెస్ ప్రభుత్వం తిరిగి ప్రజలకు మేలు చేసే విధంగా నేడు ప్రణాళికలు చేస్తున్నట్టు తెలిపారు. కాంగ్రెస్ ఇచ్చిన ఆరు గ్యారంటీలు అమలు అవుతున్నాయని పేర్కొన్నారు..

రాష్ట్రంలో నూతన సంవత్సర వేడుకలను ఉత్సాహంగా జరుపుకొంటున్న ప్రజలు.. అదే ఉత్సాహంతో లిక్కర్ సేల్స్ (Liquor Sales) సైతం పెంచేశారు. కొత్త ఏడాది సందర్భంగా రాష్ట్రంలో లిక్కర్ సేల్స్ జోరు చూస్తే.. ఔరా అని ఆశ్చర్యపోవలసిందే.. ఆదివారం (Sunday) సెలవు ఉండటంతో.. సేల్స్ పెరగడం కామనే.. కానీ మద్యం డిపోలను ఓపెన్‌‌ పెట్టి మరీ లిక్కర్, బీర్లను వైన్ షాపులకు పంపారంటే ఆ సేల్స్ ఏ స్థాయిలో ఉన్నాయో అర్థం చేసుకోవచ్చు..

ముందే ఈవెంట్లు ఫిక్స్ చేసుకొన్న వారితో పాటు.. క్లబ్బులు, పబ్బుల్లోనూ లిక్కర్ ని భారీగా డంప్ చేశారు. మరోవైపు డిసెంబర్ 31న అర్ధరాత్రి 12 గంటల వరకు మద్యం దుకాణాలు తెరిచేందుకు అధికారులు అనుమతివ్వడం.. దీనితో పాటు రాత్రి ఒంటి గంట వరకు ఈవెంట్ల నిర్వహణకు ప్రత్యేక పర్మిషన్ ఇస్తూ రాష్ట్ర ప్రభుత్వం ఆదేశాలు జారీ చేయడం వల్ల మద్యం విక్రయాలు జోరుగా సాగాయి.. ఆదాయం సైతం భారీగా పెరిగింది.

రాష్ట్రంలో మూడు రోజుల్లో 4.76 లక్షల లిక్కర్ కేస్​లు, 6.31 లక్షల బీర్ కేస్​లు అమ్ముడయ్యాయి. ఇందులో ఒక్క డిసెంబర్ (December) 30వ తేదీనే రూ.313 కోట్ల లిక్కర్ సేల్ కావడం గమనార్హం. ఈ నెల 29, 30, 31వ తేదీల్లో ఏకంగా రూ.658 కోట్ల మేర లిక్కర్, బీర్లు అమ్ముడు పోయాయని అధికారులు వెల్లడించారు..