Politics

మేడిగడ్డ ప్రాజెక్టు అంశం సీరియస్ గా తీసుకొన్న కాంగ్రెస్ ప్రభుత్వం అందులో ఉన్న లోటుపాట్ల విషయంపై ఆచితూచి వ్యవహరిస్తోన్నట్టు తెలుస్తోంది. ఇందులో భాగంగా కాంగ్రెస్ ముఖ్య నేతలు కాళేశ్వరం ప్రాజెక్ట్ మొదలు పెట్టినప్పటి నుంచి ఇప్పటి వరకి జరిగిన ఘటనలపై ఆరా తీస్తున్నట్టు వార్తలు వస్తున్నాయి. ఇక ఎన్నికల ప్రచారంలో కాళేశ్వరం ప్రస్తావనతో ముందుకి వెళ్ళిన కాంగ్రెస్.. అధికారంలోకి వచ్చాక సైతం ఇదే అంశంలో పావులు కడుపుతోందని తెలుస్తోంది.

ఇందులో భాగంగా మేడిగడ్డ ప్రాజెక్టు (Medigadda Project)పై మాజీ సీఎం ఇప్పటి వరకు ఎందుకు నోరెత్తలేదని మంత్రి ఉత్తమ్‌ కుమార్ రెడ్డి (Uttam Kumar Reddy) ప్రశ్నించారు.. మరోవైపు అక్టోబర్‌ 21న పిల్లర్లు కుంగితే, సీరియస్‌ గా దర్యాప్తు, పరిశీలన కూడా జరగలేదని ఉత్తమ్ వెల్లడించారు.. కాళేశ్వరం మెంటనెన్స్ విషయంలో, నిర్మాణం చేసిన సంస్థని ప్రశ్నిస్తే.. ప్రాజెక్ట్ మొదలు పెట్టినప్పటి నుంచి కేసీఆర్‌ (KCR) చెప్పినట్లే నిర్మించామని ఇంజినీర్లు తెలుపుతున్నట్టు ఉత్తమ్ కుమార్ రెడ్డి ఆరోపించారు..

మరోవైపు సీఐజీ రిపోర్టు ప్రకారం కాళేశ్వరం (Kaleswaram) కింద 40 వేల ఎకరాలకే నీరు అందుతోందని ఉత్తమ్​ అన్నారు. రూ.లక్ష కోట్ల నిధులతో నిర్మించిన కాళేశ్వరం ప్రాజెక్టు కింద కొత్త ఆయకట్టు శూన్యమని ఆయన తెలిపారు. ఇదేకాకుండా.. రూ.25 కోట్లు వెచ్చించిన పాలమూరు ప్రాజెక్టు కింద సైతం కొత్త ఆయకట్టు శూన్యమని ఉత్తమ్ పేర్కొన్నారు.. కాగా మేడిగడ్డ ప్రాజెక్టు డిజైన్‌, నిర్మాణం తీవ్రమైన లోపభూయిష్టంగా ఉందని అసహనం వ్యక్తం చేశారు..

మరోవైపు పేదలకు అందుతోన్న రేషన్ సరకులపై స్పందించిన మంత్రి ఉత్తమ్ కుమార్.. కేంద్ర, రాష్ట్ర ప్రభుత్వాలు కిలో బియ్యానికి రూ.39 మాత్రమే ఖర్చు పెడుతున్నాయని అన్నారు. కేంద్రం 5 కిలోల బియ్యం ఇస్తే రాష్ట్రం అదనంగా కిలో మాత్రమే ఇచ్చిందని గుర్తు చేశారు. కేంద్ర, రాష్ట్ర ప్రభుత్వాల వైఖరి వల్ల పౌరసరఫరాల శాఖ రూ.56 వేల కోట్ల అప్పుల్లో ఉందని ఉత్తమ్ కుమార్ రెడ్డి ఆందోళన వ్యక్తం చేశారు. ఇక కాంగ్రెస్‌ ప్రభుత్వం బియ్యంతో పాటు కొన్ని నిత్యావసర సరుకులు ఇచ్చిందని గుర్తు చేసిన ఉత్తమ్‌.. బీజేపీ, బీఆర్ఎస్​ ప్రభుత్వాలు కేవలం బియ్యం మాత్రమే ఇచ్చాయని వెల్లడించారు..

రాష్ట్రంలో కొలువుదీరిన రేవంత్ రెడ్డి (Revanth) సర్కార్ వివిధ శాఖల ప్రక్షాళనపై దృష్టి సారించింది. ఇప్పటికే పలు శాఖల అధికారులని బదిలీ చేసిన విషయం తెలిసిందే.. ఇప్పటికే పలవురు ఐఏఎస్, ఐపీఎస్ లకు స్థానచలనం కల్పించిన రేవంత్ సర్కార్.. ఆరోగ్య శాఖపై ఫోకస్ చేసింది. ఇందులో భాగంగా.. తాజాగా డైరెక్టర్ ఆఫ్ మెడికల్ ఎడ్యుకేషన్‌ డాక్టర్ రమేశ్ రెడ్డి స్థానంలో త్రివేణిని నియమించింది.

మరోవైపు బీఆర్ఎస్ (BRS) ప్రభుత్వ హయాం నుంచి కదలకుండా ఉన్న.. డైరెక్టర్ ఆఫ్ పబ్లిక్ హెల్త్ గడల శ్రీనివాసరావు (Srinivasa Rao) స్థానంలో, డాక్టర్ రవీంద్ర నాయక్‌ను నియమిస్తున్నట్టు ప్రభుత్వం ఉత్తర్వులు జారీ చేసింది.. కాంగ్రెస్ (Congress) ప్రభత్యం అధికారంలోకి వచ్చాక గత ప్రభుత్వంలో ఉన్న అన్ని శాఖల అధికారులకి స్థానచలనం కలుగుతోన్న విషయం తెలిసిందే..

ఇదే సమయంలో డీహెచ్‌గా పని చేసిన గడల శ్రీనివాసరావు గత ప్రభుత్వంతో సన్నిహితంగా మెలిగారనే ఆరోపణలు ఉన్నాయి. అదీగాక కొత్తగూడెం (Kothagudem) అసెంబ్లీ స్థానం నుంచి పోటీ చేయబోతున్నాడనే ప్రచారం జరిగింది. మరోవైపు శ్రీనివాసరావు సైతం తన ఆశని గులాబీ బాస్ ముందు ఉంచినట్టు సమాచారం..ఈమేరకు ఎలాగైనా కేసీఆర్ (KCR) తనకు టికెట్ ఇస్తారని శ్రీనివాసరావు చివరి వరకు ఆశలు పెట్టుకున్నట్టు తెలుస్తోంది.

ఈ క్రమంలో శ్రీనివాసరావు పెద్ద ఎత్తున నియోజకవర్గంలో పర్యటనలు చేస్తూ ప్రజలకు చేరువ అయ్యే ప్రయత్నాలు సైతం చేశారు. కానీ గులాబీ అధినేత టికెట్ నిరాకరించడంతో గొంతులో పచ్చివెలక్కాయపడ్డట్టు అయిన శ్రీనివాసరావు సైలెంట్ గా తనపని తాను చేసుకొంటూ ఉన్నాడు.. అయితే గత ప్రవర్తన తాలూకు అనుభవాలు మరచిపోని కొందరు అతడి వైఖరిపై తీవ్ర విమర్శలు వ్యక్తం చేయగా, రేవంత్ రెడ్డి సర్కార్ అతడికి స్థాన చలనం కల్పించిందనే గుసగుసలు వినిపిస్తున్నాయి..

తెలంగాణ(Telangana)లో చేనేత వస్త్రాలు అద్భుతంగా ఉన్నాయని రాష్ట్రపతి ద్రౌపది ముర్ము(Draupadi Murmu) ప్రశంసల జల్లు కురిపించారు. భూదాన్‌ పోచంపల్లి(Boodan Pochampally)లో రాష్ట్రపతి ఇవాళ (బుధవారం) పర్యటిస్తున్నారు. పోచంపల్లి టై అండ్‌ డై, ఇక్కత్‌ చీరల తయారీని పరిశీలించారు. అంతకు ముందు అధికారులు ఆమెకు ఘన స్వాగతం పలికారు.

శీతాకాల విడిదిలో భాగంగా హైదరాబాద్‌కు వచ్చిన ముర్ము బేగంపేట విమానాశ్రయం నుంచి ప్రత్యేక హెలికాప్టర్‌లో పోచంపల్లికి వెళ్లారు. ముందుగా పట్టణంలోని టూరిజం సెంటర్‌, ఆచార్య వినోబాబావే భవనానికి వెళ్లారు. భూదాన ఉద్యమకారులైన వినోబాబావే, వెదిరె రామచంద్రారెడ్డి విగ్రహాలకు నివాళులర్పించారు. అనంతరం వినోబాబావే భవనంలో ఫొటో ఎగ్జిబిషన్‌ను సందర్శించారు.

భూదాన్‌ పోచంపల్లి(Boodan Pochampally)లో రాష్ట్రపతి మాట్లాడుతూ.. పోచంపల్లి, వరంగల్, సిరిసిల్ల వస్త్రాలకు ట్యాగ్ రావడం అభినందనీయమన్నారు. చేనేత పరిశ్రమ (Handloom cloths)తో గ్రామీణ ప్రాంత ప్రజలకు మంచి ఉపాధి దొరుకుతుందని, తెలంగాణ రాష్ట్రం మంచి చేనేత వస్త్రాలను అందిస్తున్నదని తెలిపారు. పోచంపల్లి చేనేత వస్త్రాలను చూస్తే ఎంతో ఆనందం కలిగిందని రాష్ట్రపతి చెప్పారు. భారత సంస్కృతి సంప్రదాయాల్లో చేనేత ఒకటని తెలిపారు.

యూఎన్‌ఏ భూధాన్ పోచంపల్లిని ప్రపంచ గ్రామీణ పర్యాటక ప్రాంతంగా గుర్తించడం ఈ ప్రాంతానికే గర్వకారణమన్నారు ముర్ము. ప్రభుత్వం ద్వారా చేనేత కళాకారులకు మద్దతు దొరుకుతుందని, చేనేత వస్త్రాల కళను వారసత్వంగా మరొకరికి అందించడం ప్రశంసనీయమన్నారు. చేనేత అభివృద్ధికి తన వంతు కృషి చేస్తానని హామీనిచ్చారు. మా ప్రాంత ప్రజలను పోచంపల్లికి తీసుకువస్తానంటూ రాష్ట్రపతి తెలిపారు. గ్రామీణ ప్రాంత వృత్తులను కాపాడుకోవాల్సిన అవసరముందని వెల్లడించారు.

తెలంగాణ (Telangana) లో కాంగ్రెస్ (Congress) ప్రభుత్వం అధికారంలోకి వచ్చాక ఉచిత బస్సు ప్రయాణం (Free Bus Travel) సౌకర్యాన్ని కలిపించింది. ఇందులో భాగంగా మహిళలు, బాలికలు, ట్రాన్స్ జెండర్స్ ఉచితంగా రాష్ట్రమంతటా ప్రయాణించవచ్చని తెలిపింది. ఈ ఫ్రీ బస్సు సర్వీస్ కి, మహాలక్ష్మి పథకం అని నామకరణం కూడా చేసింది. మొదట్లో ప్రూఫ్స్ ఏవి లేకుండానే బస్సులో ఉచిత ప్రయాణానికి అనుమతులిచ్చిన ప్రభుత్వం.. ప్రస్తుతం ఏదైనా ఐడీ కార్డు చూపించి ప్రయాణం చేయాలనే రూల్ పెట్టింది. అయితే ఏదైనా ఫ్రీగా వస్తే వదలరు కదా ! జనం..

ఈ క్రమంలో బస్సులో ప్రయాణం ఉచితం అనేసరికి మహిళలు ఎగడుతున్నారు.. ప్రస్తుతం రాష్ట్రంలో ఆటోలు ఆటకెక్కగా.. ఆర్టీసీ (RTC) బస్సులు మాత్రం సందులేకుండా నిండుకొంటున్నాయి.. దీంతో బస్సుల్లో రద్దీ భారీగా పెరిగిందని అధికారులు వెల్లడించారు..ఇదే సమయంలో తెలంగాణ ఆర్టీసీ తన చరిత్రలోనే ఆల్ టైం రికార్డు సాధించిందని అంటున్నారు అధికారులు.. ఆర్జీసీకి కూడా భారీగా రీయింబర్స్ ద్వారా లాభాలు వచ్చినట్లు సమాచారం. దీంతో అధికారులు ఆనందం వ్యక్తం చేశారు.

ఆర్టీసీ అధికారుల సమాచారం ప్రకారం.. సోమవారం ఒక్కరోజే రూ. 21.11 కోట్ల ఆదాయం వచ్చినట్లు వెల్లడించారు. కాగా రాష్ట్రంలో 97 డిపోలు ఉండగా.. సోమవారం నాడు దాదాపు 96 డిపోలకు భారీగా లాభాలు వచ్చినట్లు వారు వివరిస్తున్నారు. ఇలా జరగడం టీఎస్ ఆర్టీసీ (TS RTC) చరిత్రలో ఇదే మొదటిసారి కావడం గమనార్హం అంటున్నారు. మరోవైపు తెలంగాణ ఆర్టీసీ బస్సుల ఆక్యుపెన్సీ రేషియో 97.31 శాతానికి పెరిగినట్లు ఆర్టీసీ వర్గాలు వెల్లడించాయి.

కాగా మహాలక్ష్మి పథకం వల్ల ప్రభుత్వం నష్టాల పాలవుతుందని భావించిన ప్రజలు.. లాభాల విషయం తెలిసి షాక్ అవుతున్నారని అధికారులు అంటున్నారు.. ఇక ముందు ముందు ఈ స్కీమ్‌లో ఆర్టీసీ ఇంకెన్ని రికార్డులు బద్దలు కొడుతుందో చూడాలని అనుకొనే వారు ఉన్నారు.. మరో వైపు ఫ్రీగా వస్తే ఫినాయిల్ తాగే రకాలున్న దేశంలో ఉచితం అంటే ఎగబడక చస్తారా అని వాదించే వారు కూడా ఉన్నారు.. కానీ ఇప్పటికీ విషయం అర్థంగాక బస్సులన్నీ ఫ్రీ సర్వీస్ ఇస్తుంటే లాభాలు ఎట్లా వచ్చాయని కొందరు బుర్రలు బద్ధలు కొట్టుకొంటున్నారు..

తెలంగాణ (Telangana) రాష్ట్ర ఆర్థిక పరిస్థితి, అప్పులపై కాంగ్రెస్ (Congress) ప్రభుత్వం విడుదల చేసిన శ్వేతపత్రంపై అసెంబ్లీలో పెద్ద సమరమే జరుగుతోన్నట్టు తెలుస్తోంది. కాంగ్రెస్ పొందుపరచిన వివరాలు తప్పుల తడకగా ఉన్నాయని …బీఆర్ఎస్ (BRS) మాజీ మంత్రి హరీశ్‌రావు ఆరోపణలు చేస్తున్నారు. రాష్ట్రం ఆర్థికంగా బలపడటానికి బీఆర్‌ఎస్‌ ప్రభుత్వం బలమైన పునాదులు వేసిందని తెలిపిన హరీష్ రావు.. ఆ దారుల వెంట ముందడుగు వేస్తూ ప్రజలే కేంద్రంగా కొత్త ప్రభుత్వం పనిచేయాలని సూచించారు..

తెలంగాణ అసెంబ్లీ సమావేశాల్లో భాగంగా ఈరోజు రాష్ట్ర ఆర్థిక పరిస్థితిపై 42 పేజీలతో కూడిన శ్వేతపత్రాన్ని ప్రభుత్వం విడుదల చేసింది. ఉప ముఖ్యమంత్రి భట్టి విక్రమార్క (Bhatti Vikramarka) శ్వేత పత్రాన్ని విడుదల చేసిన క్రమంలో.. హరీష్ రావు (Harish Rao) పలువిమర్శలు చేశారు.. శ్వేత పత్రం పేరుతో తమకు కన్వినెంట్‌ గా వైట్‌ పేపరును కాంగ్రెస్ తయారు చేసుకుందని ఆరోపించారు. ఇది కక్ష సాధింపు లెక్కగా ఉందని అన్నారు.

రాష్ట్ర సర్కార్‌.. శ్వేత పత్రం చూస్తుంటే.. వాస్తవాల వక్రీకరణలా ఉందన్న హరీష్ రావు.. రాజకీయ కక్షల చుట్టూ పరిభ్రమించే వైఖరికి భిన్నంగా.. అభివృద్ధి కక్షలో పరిభ్రమిస్తే కాంగ్రెస్ కి మంచిదని సూచించారు. మరోవైపు ఆర్థిక శ్వేతపత్రం పేజీ 5లో ఉన్న అంశాలపై హరీష్ రావు మండిపడ్డారు.. కర్ణాటక రాష్ట్రానికి సంబంధించి బడ్జెట్‌ అంచనా వ్యయాలకు సంబంధించి కాగ్‌ రిపోర్టు చూశామని తెలిపిన హరీశ్‌రావు.. అందులో అన్ని తప్పిదాలే ఉన్నట్టు ఆరోపించారు.

కర్ణాటక బడ్జెట్‌ అంచనా 2,31,142 కోట్లు ఉంటే.. కాంగ్రెస్ నేతలు మాత్రం 2,31,642 కోట్లుగా చూపించారన్నారని హరీష్ రావు ఆరోపించారు.. వ్యయాల్లో కూడా 2,61,932 కోట్లు అని చూపించారని.. కాగ్‌ రిపోర్టు ఆధారంగా 2,54,525 కోట్లు ఉందన్నారు హారీష్ రావు. అంటే.. దాదాపు 7 వేల కోట్ల వ్యయాన్ని ఎక్కువగా చూపించారని హరీష్ రావు ఆరోపణలు చేశారు. మొత్తంగా గత ప్రభుత్వాన్ని బద్నాం చేయాలనే ధోరణిలో కాంగ్రెస్ నేతలు కనిపిన్నారని విమర్శించారు..