Politics

సింహం సింగిల్ గా వచ్చింది.. గుంపును తయారు చేసింది.. పది సంవత్సరాలు తిరుగు లేకుండా పాలించింది. ఇంతకు ఈ సింహం ఎవరని అనుకుంటున్నారా? బీఆర్ఎస్ నేతలు కేసీఆర్ కి ఇచ్చిన బిరుదని ప్రచారం.. బీఆర్ఎస్ నేతలు ఎన్నికల ప్రచారం నిర్వహించినప్పుడు ఇదే విషయాన్ని ఎన్నో సార్లు ప్రస్తావించారని అనుకొంటున్నారు.. అదీగాక రాష్ట్రంలో బీఆర్ఎస్ గెలుపుని తన భుజాల మీద వేసుకొని పార్టీని రెండు సార్లు అధికారంలోకి తెచ్చిన ఘనత కూడా గులాబీ బాస్ కి సొంతం అని అనేవారు కూడా ఉన్నారు..

మరోవైపు తుంటి ఎముక విరగడం వల్ల యశోద ఆసుపత్రి (Yashoda Hospital)లో చికిత్స పొందుతున్న మాజీ సీఎం కేసీఆర్ (KCR)..రేపు డిశ్చార్జ్ అవుతోన్నట్టు సమాచారం.. డిశ్చార్జ్ అనంతరం ఫామ్ హౌస్ కి వెళ్ళకుండా.. నంది నగర్ (Nandi Nagar) ఇంటికి, కేసీఆర్ వెళ్లనున్నట్టు తెలుస్తోంది. ఇప్పటికే ఆయన కోసం నంది నగర్ ఇంటిని సిద్దం చేస్తోన్నట్టు పార్టీ వర్గాల సమాచారం.. అయితే కేసీఆర్.. మొదట కవిత (Kavitha) ఇంటికి వెళ్తారనే ప్రచారం జరిగింది. కానీ ప్రస్తుతం నంది నగర్ ఇంటికి వెళ్ళడానికి కేసీఆర్ సిద్దం అయినట్టు తెలుస్తోంది.

అనారోగ్యంతో సుమారు వారం రోజులుగా యశోద ఆసుపత్రిలోనే చికిత్స పొందుతున్న కేసీఆర్.. ప్రస్తుతం కొలుకుంటున్నట్టు ఆసుపత్రి వర్గాలు వెల్లడించాయి. కేసీఆర్ ఆరోగ్యం బాగానే ఉందని, భయపడాల్సిన అవసరం లేదని వైద్యులు స్పష్టం చేశారు. రేపు కేసీఆర్ ను డిశ్చార్జ్ చేస్తున్నట్లు వారు వెల్లడించారు. మరోవైపు కేసీఆర్‌ను పరామర్శించే వారి సంఖ్య పెరుగుతోంది. ఇప్పటికే పలువురు రాజకీయ, చిత్రపరిశ్రమకి చెందిన ప్రముఖులు ఆయనను పరామర్శించిన విషయం తెలిసిందే..

ఇదిలా ఉండగా.. రాష్ట్రంలో బీఆర్ఎస్ (BRS) ఓటమి చెందినప్పటి నుంచి కేసీఆర్ ఫామ్ హౌస్ కి పరిమితం అయిన విషయం తెలిసిందే.. ఈ క్రమంలో ఎన్నికల ముందు ఆయన చేసిన పూజలు.. వ్రతాలు అధికారం కట్టబెట్టలేదనే గుసగుసలు వినిపిస్తోన్నాయి.. కొంత మంది అయితే కర్మ నువ్వు మరచిన అది నిన్ను వెంటాడుతోందని అనుకొంటున్నట్టు టాక్..

గిరిజనుల భూములు కబ్జా చేశారని ఫిర్యాదుతో శామీర్‌పేట్ పోలీస్‌స్టేషన్‌లో మల్లారెడ్డిపై ఎస్సీ, ఎస్టీ, అట్రాసిటీ కేసు నమోదయ్యింది.. అయితే ఈ కేసు విషయంపై మాజీ మంత్రి మల్లారెడ్డి (Malla Reddy) స్పందించారు. తాను భూకబ్జాకు పాల్పడినట్లు వస్తున్న ఆరోపణలు అవాస్తవమని స్పష్టం చేశారు. కబ్జా చేయవలసిన అవసరం తనకు లేదని ఈ సందర్భంగా వెల్లడించారు. తనపై వచ్చిన ఆరోపణలు ప్రభుత్వ కక్ష సాధింపు చర్యలు కావని మల్లారెడ్డి వివరించారు.

భూ కబ్జా చేశానని కేసు నమోదైన విషయం వాస్తవమే అని తెలిపిన మల్లారెడ్డి.. ఈ విషయంలో కోర్టును ఆశ్రయిస్తానని చేశారు. మరోవైపు మల్లారెడ్డి.. మేడ్చల్ (Medchal) మల్కాజ్‌గిరి (Malkajiri)జిల్లా, మూడు చింతలపల్లి మండలం, కేశవరం (Kesavaram) గ్రామంలో గిరిజనులకు సంబంధించిన 47 ఎకరాల భూమి కబ్జా చేశారనే ప్రచారం జోరుగా సాగింది. ఈ ఆరోపణల నేపథ్యంలో నిన్నఆయనపై కేసు నమోదు కావడం దుమారం రేపింది..

ఎన్నికల సమయంలో రాత్రికి రాత్రే రిజిస్ట్రేషన్ చేయించారని బాధితులు ఫిర్యాదులో పేర్కొన్నారు. దీంతో రంగంలోకి దిగిన పోలీసులు ప్రస్తుతం దీనిపై విచారణ జరుపుతున్నారు. అయితే మల్లారెడ్డి పై భూకబ్జా కేసు నమోదు కావడం ఇదేమి కొత్త కాదు. గతంలో ఇలాంటి ఆరోపణలు ఎన్నో వచ్చాయి. కానీ ఎప్పుడు కూడా అవి నిజాలుగా బయటకి రాలేదనే టాక్.. మేడ్చల్ మల్కాజ్‌గిరి నియోజక వర్గంలో ఉంది.

మరోవైపు గిరిజనుల భూములకు సంబంధించి తనకు ఎలాంటి సంబంధం లేదని మల్లారెడ్డి ప్రకటించారు. కొందరు మధ్యవర్తులు చేసిన పని తనపై నిందపడేలా చేసిందని.. వారే గిరిజనులు భూమిని కబ్జా చేసి ఉంటారని మల్లన్న తెలిపారు.. అయినా మేడ్చల్ మల్కాజ్‌గిరి నియోజక వర్గ పరిధిలో మల్లన్న లీలలు తెలియని వారు ఉన్నారా? అని ఈ విషయం తెలిసిన కొందరు అనుకొంటున్నారు. కొత్త ప్రభుత్వం అయినా నిజాలు బయటికి తీస్తారా? అని ఎదురుచూస్తున్నారు.

నిజం నీరులా ప్రవహిస్తే అబద్ధం నిప్పులా ఊరంతా చుట్టేస్తుందని అంటారు.. ప్రస్తుతం రాష్ట్రంలో కాంగ్రెస్ ప్రభుత్వం పై ఇలాంటి పరిస్థితి నెలకొందని ఆ పార్టీ నేతలు మండిపడుతోన్నారు. ముఖ్యంగా సోషల్ మీడియాలో స్ప్రెడ్ అవుతోన్న తప్పుడు ప్రచారాలపై ఐటీ శాఖ మంత్రి దుద్దిళ్ల శ్రీధర్ బాబు మండిపడ్డారు. గురువారం ఉదయం ఐటీ, పరిశ్రమలు, వాణిజ్య శాఖ మంత్రిగా బాధ్యతలు స్వీకరించిన శ్రీధర్ బాబు.. సంబంధిత అధికారులతో మొదటి సారి సమావేశం నిర్వహించారు.

ఈ సందర్భంగా ఐటీపై జరుగుతోన్న తప్పుడు ప్రచారాల విషయంలో మీడియాకు లీకులు ఇవ్వొద్దని శ్రీధర్ బాబు, అధికారులకి తెలిపినట్టు సమాచారం.. సోషల్ మీడియాలో ప్రభుత్వానికి వ్యతిరేకంగా పోస్టులు పెట్టకూడదని ఐటీ సెక్రటరీ, అధికారులను మంత్రి హెచ్చరించినట్టు తెలుస్తోంది. రాష్ట్రంలో కాంగ్రెస్ అధికారంలోకి రావడంతో.. ఐటీ కంపెనీలు హైదరాబాద్ నుంచి తరలి పోతున్నాయని జరుగుతోన్న దుష్పచారం పై శ్రీధర్ బాబు (Sridhar Babu) సీరియస్ అయ్యినట్టు సమాచారం..

కాగా హైదరాబాద్ (Hyderabad) లో స్థాపించాలని భావించిన కార్నింగ్ సంస్థ (Corning Company) తన ప్లాంట్ ను తెలంగాణ (Telangana)లో కాకుండా చెన్నైకి తరలిస్తున్నట్లు జాతీయ మీడియాలో కథనాలు వెలువడ్డాయి.. తమిళనాడులో ఎలక్ట్రానిక్స్ ఎకోసిస్టమ్ మెరుగ్గా ఉండటంతో పాటు.. ఆపిల్ సప్లయర్లు కూడా చేరువగా ఉంటారనే ఉద్దేశ్యంతో ఈ నిర్ణయం తీసుకొన్నట్లు ఆ వార్తల్లో పేర్కొన్నారు.

కానీ ఈ నిందను కాంగ్రెస్ ప్రభుత్వం పై మోపి.. సోషల్ మీడియాలో పెద్ద ఎత్తున ప్రచారం నిర్వహిస్తోన్నట్టు తన దృష్టికి వచ్చిందని శ్రీధర్ బాబు తెలిపారు. ఇలాంటి వార్తల విషయంలో కఠిన చర్యలు తీసుకొంటామని ఆయన వెల్లడించారు. రాష్ట్రంలో బీఆర్ఎస్ ప్రభుత్వం పోయి కాంగ్రెస్ ప్రభుత్వం రావడం వల్లే కార్నింగ్ సంస్థ పొరుగు రాష్ట్రాన్ని ఎంచుకుందనే వార్తలను అరికట్టాలని అధికారులని శ్రీధర్ బాబు ఆదేశించారు..