Category:

Politics

Find the latest Telugu news and political news in Andhra and Telangana in Telugu, తెలుగు రాజకీయ వార్తలు, పాలిటిక్స్ న్యూస్,

Arrangements for Telangana elections have been completed

Nalgonda : ఓటు వేసి చిక్కుల్లో పడ్డ ఓటర్.. ఎందుకంటే..?

by Venu December 1, 2023

written by Venu

రాష్ట్రంలో అసెంబ్లీ ఎన్నికలను (Assembly Elections) ఎంత పకడ్బందీగా నిర్వహించాలని అధికారులు ప్రయత్నించినా అక్కడక్కడా కొందరు చేసే పనుల వల్ల వ్యవహారం చెడిపోతుంది. ఎలాంటి విద్వేషాలకు తావివ్వకుండా ఎన్నికలు సక్రమంగా, ప్రశాంతంగా నిర్వహించాలని ఈసీ తీవ్రంగా ప్రయత్నించింది. చివరికి ఓటింగ్ స్టేషన్ కి సెల్ ఫోన్ల అనుమతిని నిరాకరించింది. 144 సెక్షన్ కూడా విధించింది.

ఈ విషయాన్ని పదే పదే సోషల్ మీడియా ద్వారా ప్రచారం కూడా చేసింది. అయినా నూటికి ఒక్కడైనా మాట వినని వాడు ఉంటాడు కదా.. ప్రస్తుతం ఇదే జరిగింది. ఓ తిక్కలొడి తిక్క యవ్వారం వార్తల్లో నిలిచింది. నల్గొండ (Nalgonda) జిల్లాలో జరిగిన ఘటన వివరాలు చూస్తే..

మిర్యాలగూడ నియోజకవర్గం (Miryalaguda Constituency) వేములపల్లి (Vemulapalli) మండలం ఆమనగల్ (Amanagal) గ్రామంలో బంటు శ్రీనివాస్ అనే వ్యక్తి ఓటు వేయడానికి పోలింగ్ బూత్ లోకి వెళ్ళాడు.. అక్కడికి వెళ్లి ఓటు వేస్తూ ఫోటోస్ తీసుకున్నాడు. పోలింగ్ వీధుల్లో ఉన్న అధికారి ఈ విషయాన్ని గమనించి మొబైల్ ను పరిశీలించగా.. అందులో ఫోటోలు కనిపించాయి.. వెంటనే లోకల్ పోలీసులకు సమాచారం ఇచ్చాడు ఆ అధికారి.

ప్రిసైడింగ్ అధికారి వేమారెడ్డి ఫిర్యాదు మేరకు గురువారం వేములపల్లి పోలీస్ స్టేషన్ లో, బంటు శ్రీనివాస్ పై కేసు కేసు నమోదు చేసినట్లు పోలీసులు తెలిపారు. మరోవైపు ఎన్నికల నియమావళిని ఉల్లంఘించిన శ్రీనివాస్ పై ఎలాంటి చర్యలు తీసుకుంటారో తెలియవలసి ఉంది.

December 1, 2023 0 comment

Road Accidents : రోడ్డు టెర్రర్‌.. ప్రమాదంలో పదమూడు మంది మృతి..!!

by Venu December 1, 2023

written by Venu

దేశవ్యాప్తంగా చోటు చేసుకుంటున్న రోడ్డు ప్రమాదాలు జనాన్ని భయకంపితులు చేస్తున్నాయి. ఏటా లక్షల మంది రోడ్డు ప్రమాదాల కారణంగా ప్రాణాలు కోల్పోతున్నారు. ఈ ప్రమాదాలు ఆయా కుటుంబాలకు కన్నీటిని మిగులుస్తున్నాయి. మరోవైపు గతంతో పోలిస్తే ప్రస్తుతం రోడ్డు ప్రమాదాల సంఖ్య పెరిగినట్టు అధికారులు వెల్లడిస్తున్నారు. ఇక ఒడిశా (Odisha)లో ఘోర రోడ్డు ప్రమాదం జరిగింది.

ఒడిశా ప్రమాదంలో 8మంది మరణించగా.. మరో ఎనిమిది మంది గాయపడినట్టు సమాచారం. కెంధూఝర్ (Kendhujhar)లో ఆగి ఉన్న ట్రక్కును ఓ వ్యాన్ ఢీకొట్టడం వల్ల ప్రమాదం జరిగినట్టు పోలీసులు తెలుపుతున్నారు.. మరోవైపు ప్రమాదంలో గాయపడిన వారిని ఘటగావ్ ప్రాథమిక ఆరోగ్య కేంద్రానికి తరలించినట్టు పోలీసులు తెలిపారు. ఘటగావ్లో ఉన్న తారిణి ఆలయానికి వెళ్తుండగా ఈ ప్రమాదం జరిగినట్టు వారు వెల్లడించారు.

మరోవైపు తమిళనాడు (Tamil Nadu) సేలం జిల్లాలో జరిగిన రోడ్డు ప్రమాదంలో ముగ్గురు ప్రాణాలు కోల్పోయారు. మరొకరు తీవ్రంగా గాయపడ్డారు. పికప్ వ్యాన్, ట్రక్కు ఢీ కొనగా ఈ ఘటన జరిగినట్టు స్థానిక పోలీసులు వెల్లడించారు. మృతదేహాలను స్వాధీనం చేసుకున్న పోలీసులు.. పోస్ట్మార్టం నిమిత్తం ప్రభుత్వాస్పత్రికి తరలించినట్టు తెలిపారు.

మరోవైపు ఉత్తర్ప్రదేశ్ (Uttar Pradesh)లోని ముజఫర్నగర్లో జరిగిన ప్రమాదంలో ఇద్దరు మరణించారు. వేగంగా వచ్చిన ఓ ట్రక్కు.. బైక్ను ఢీకొట్టడంతో ఈ ఘటన జరిగినట్టు పోలీసులు వెల్లడించారు. ప్రమాదానికి కారణమైన ట్రక్కు డ్రైవర్ పరారీలో ఉన్నట్టు వెల్లడించిన పోలీసులు.. ఇలా జరగడానికి అతివేగమే కారణమని తెలిపారు.. ఈ ప్రమాదాలపై కేసు నమోదు చేసుకున్న పోలీసులు దర్యాప్తు ప్రారంభించారు.

December 1, 2023 0 comment

CBN at Tirumala: Whenever there is a difficulty, pray to Lord.. Chandrababu in Tirumala..!

Andhra Pradesh Politics

CBN at Tirumala: కష్టం వచ్చినప్పుడల్లా శ్రీవారిని ప్రార్థించా.. తిరుమలలో చంద్రబాబు..!

by Mano December 1, 2023

written by Mano

కష్టం వచ్చినప్పుడల్లా తిరుమల తిరుపతి(Tirumala Tirupati) శ్రీ వేంకటేశ్వర స్వామి(Sri Venkateshwara Swami) ని ప్రార్థించానని తెలుగుదేశం పార్టీ అధినేత నారా చంద్రబాబునాయుడు(Chandrababu) అన్నారు. తిరుమల శ్రీవారిని ఇవాళ ఉదయం చంద్రబాబు దంపతులు దర్శించుకున్నారు. ఆయనకు అర్చకులు వేద ఆశీర్వాచనం అందజేసి ప్రసాదం అందించారు.

ఈ సందర్భంగా చంద్రబాబు మాట్లాడుతూ.. ‘నేను కష్టంలో ఉన్నప్పుడు ప్రపంచవ్యాప్తంగా వున్న ప్రజలందరు సంఘీభావం ప్రకటించారు.. 45 సంవత్సరాలుగా ప్రజా సేవలో ఉన్నా. ప్రపంచ పఠంలో భారత దేశం, భారత దేశంలో తెలుగు ప్రజలు అగ్రగామిగా ఉండాలన్నదే నా సంకల్పం. భవిష్యత్ కార్యచరణను త్వరలోనే ప్రకటిస్తా.’ అని చంద్రబాబు నాయుడు వెల్లడించారు.

వేంకటేశ్వర స్వామి పాదాల చెంత పుట్టిన తాను అంచెలంచెలుగా ఎదుగతూ వచ్చానని చంద్రబాబు చెప్పారు. 2003లో గరుడ సేవ రోజు 24 క్లైమర్ మైన్లతో దాడి జరిగినప్పుడూ వేంకటేశ్వర స్వామే ప్రాణ భిక్ష పెట్టారని చంద్రబాబు అన్నారు. మొన్న కూడా నాకు కష్టం వచ్చినప్పుడు శ్రీవారిని ప్రార్థించినట్లు తెలిపారు. అందుకు అనుగుణంగా ఆయన దర్శనం తరువాతే మిగిలిన కార్యక్రమాలను ప్రారంభిస్తానని చెప్పారు.

స్కిల్ డెవలప్‌మెంట్ స్కాం కేసులో చంద్రబాబు బెయిల్ రద్దు పిటిషన్‌ను సుప్రీంకోర్టు డిసెంబర్ 8కి వాయిదా వేసిన సంగతి తెలిసిందే. బెయిన్ కండీషన్లలో ఎలాంటి మార్పు చేయలేదు. బాబు బెయిల్ రద్దు చేయాలని కోరుతూ ఏపీ సీఐడీ దాఖలు చేసిన పిటిషన్‌ను జస్టిస్ బేలా త్రివేది, జస్టిస్ సతీష్ చంద్రశర్మ ధర్మాసనం విచారించింది. ప్రాథమిక వాదనల అనంతరం కేసును వాయిదా వేస్తూ ఉత్తర్వులు ఇచ్చింది.

ఇక, తిరుమలలో భక్తుల రద్దీ తగ్గింది. క్యూ కాంప్లెక్స్ 5 కంపార్ట్‌మెంట్లలో భక్తులు వేచి ఉన్నారు. నిన్న (గురువారం అర్ధరాత్రి వరకు 58,278 మంది స్వామివారిని దర్శించుకోగా 17,220 మంది భక్తులు తలనీలాలు సమర్పించున్నారు. ఇక, స్వామివారికి కానుకల రూపంలో హుండీలో దాదాపు 3.53 కోట్ల రూపాయలు సమర్పించారు. నవంబర్ మాసంలో శ్రీవారి భక్తులు హుండీ ద్వారా రూ.108కోట్లు కానుకలుగా సమర్పించారు.

December 1, 2023 0 comment

National Politics Telangana

Gas Cylinder Price : వినియోగదారులకు షాకిచ్చిన చమురు కంపెనీలు.. పెరిగిన గ్యాస్ సిలిండర్ ధర..!!

by Venu December 1, 2023

written by Venu

ఐదు రాష్ట్రాల అసెంబ్లీ ఎన్నికలు (Assembly Elections) ముగిసి రోజు కూడా గడవక ముందే.. ప్రజలకు చమురు కంపెనీలు షాకిచ్చాయి. 19 కిలోల కమర్షియల్ సిలిండర్‌ ధరను రూ.21 పెంచుతూ దేశీయ చమురు కంపెనీలు నిర్ణయం తీసుకున్నాయి. పెరిగిన ధరలు నేటి నుంచి అమల్లోకి వస్తాయని ప్రకటించాయి.

పెరిగిన కమర్షియల్ గ్యాస్ సిలిండర్‌ (Commercial Gas Cylinders) ధరలను గమనిస్తే.. ఢిల్లీలో గ్యాస్‌ సిలిండర్‌ ధర రూ.1796.50కు చేరింది. హైదరాబాద్ లో రూ.2024.5గా ఉంది. ముంబైలో రూ. 1,749.. చెన్నైలో రూ.1,968.50 పైసలుగా, కోల్‌కతాలో రూ. 1,908 గా ధరల్లో మార్పు కలిగింది. అయితే 14.2 కిలోల ఎల్‌పీజీ (LPG) గ్యాస్ సిలిండర్ ధరలో ఆయా కంపెనీలు ఎలాంటి మార్పు చేయలేదు.

ఈమేరకు డొమెస్టిక్ సిలిండర్ ప్రస్తుతం రూ.918.50కి విక్రయిస్తున్నారు. ఇక నవంబర్ 16వ తేదీన వాణిజ్య ఎల్‌పీజీ సిలిండర్ల ధరను కేంద్రం 57 రూపాయల మేర తగ్గించిన విషయం తెలిసిందే. అప్పట్లో ఊరట కల్పించినప్పటికీ.. 15 రోజుల వ్యవధిలోనే మళ్లీ రేట్లను పెంచడం షాక్ కు గురిచేస్తుంది. తాజా పెంపు వల్ల హోటల్, చిరు వ్యాపారులు, తోపుడుబండ్ల వ్యాపారుల పై భారం పడుతుందని తెలుస్తుంది. కాగా అంతర్జాతీయ ముడి చమురు రేట్లపై గ్యాస్ సిలిండర్ ధరలు ఆధారపడి ఉంటాయి. అందుకే కంపెనీలు ఈ ధరలను ప్రతి నెల ఒకటో తారీఖున మారుస్తుంటాయి.

మరోవైపు ఈ రోజు పెట్రోల్, డీజిల్ ధరలు వరుసగా 5పైసలు, 4పైసల చొప్పున తగ్గాయి. దీంతో విజయవాడలో లీటర్ పెట్రోల్ ధర రూ. 111.87 గాను, లీటర్ డీజిల్ రూ.99.61 గా ఉంది. హైదరాబాద్ లో లీటర్ పెట్రోల్ ధర రూ. 109.66 గాను, లీటర్ డీజిల్ ధర రూ. 97.82 గా ఉంది, నిన్న నమోదైన ధరలతో పోల్చితే ఇవాళ హైదరాబాద్ లో పెట్రోల్, డీజిల్ ధరలలో ఎలాంటి మార్పు లేదు..

December 1, 2023 0 comment

telangana police blocked ap police nagarjuna sagar dam

Andhra Pradesh Breaking News Politics Telangana

Nagarjuna Sagar Dam : ముదురుతున్న జల వివాదం.. డ్యామ్ వద్ద మోహరిస్తున్న రెండు రాష్ట్రాల పోలీసులు..!!

by Venu December 1, 2023

written by Venu

రెండు తెలుగు రాష్ట్రాల మధ్య జల వివాదం (Water dispute) రోజురోజుకు ముదురుతుంది. నల్గొండ జిల్లా నాగార్జునసాగర్ డ్యాం మెయిన్ గేట్ నుంచి లోపలికి ప్రవేశించిన ఏపీ పోలీసులు 13 గేట్ల వరకు బారికేడ్లు, ఇనుప కంచెలు వేసిన విషయం తెలిసిందే.. ఏపీ అధికారులు 5వ గేటు నుంచి కుడి కాల్వలోకి 2000 క్యూసెక్కుల నీటిని విడుదల చేశారు. దీంతో ఈ ప్రాంతంలో ఉద్రిక్త వాతావరణం నెలకొంది. ఎన్నికల రోజునే ఈ వివాదం తెరపైకి రావడం చర్చాంశనీయంగా మారింది.

ఈ ఘటన నేపథ్యంలో నాగార్జునసాగర్ డ్యాం పై (Nagarjuna Sagar Dam)..ఏపీ (AP) తెలంగాణ (Telangana) పోలీసులు భారీగా మోహరించారు. అయితే నీటి విడుదలపై ఏపీ ఇరిగేషన్ అధికారులు వివరణ ఇచ్చారు. తాగునీటి కోసమే నీటి విడుదల చేసుకున్నట్లు చెబుతున్నారు. కాగా ఇదివరకే తెలంగాణ ప్రభుత్వం కృష్ణ రివర్ బోర్డ్ కు లేఖ రాసిన విషయం తెలిసిందే. మరోవైపు పల్నాడు జిల్లా ఎస్పీ రవిశంకర్ రెడ్డి నాగార్జునసాగర్‌లో పరిస్థితిని పర్యవేక్షిస్తున్నారు.

మరోవైపు ఆంధ్రప్రదేశ్ విభజన సమయం నుంచి నాగార్జున సాగర్ డ్యామ్ వివాదం రాజుకుంది. కృష్ణా రివర్ మేనేజ్‌మెంట్ బోర్డు ప్రాజెక్టు నిర్వహణను తెలంగాణ ప్రభుత్వానికి అప్పగించింది. అయినా ఈ జల వివాదంలో రెండు రాష్ట్రాల ప్రభుత్వాలు ఒక ఒప్పందానికి రాకపోవడం వల్ల తరచుగా నీటి వివాదాలు చోటు చేసుకుంటున్నాయి. అందులో ఎన్నికల సమయంలో ఏపీ ప్రాజెక్టు అధికారులకు కనీస సమాచారం ఇవ్వకుండా నీటిని విడుదల చేసుకోవడం వివాదస్పదంగా మారింది.

మరోవైపు ఓటింగ్ ముగియడంతో తెలంగాణ పోలీసు బలగాలు పెద్దఎత్తున డ్యాం వద్దకు చేరుకుంటున్నాయి. అవసరమైతే జేసీబీతో ఇనుప కంచెను తొలగించేందుకు పోలీసులు సిద్ధమవుతున్నారు. ఈ క్రమంలో ఏపీ పోలీసులు అప్రమత్తమయ్యారు. మరోవైపు మిర్యాలగూడ డీఎస్పీ, ఇరిగేషన్ అధికారులతో మాట్లాడి వివాదాన్ని పరిష్కరిస్తారని, ముళ్ల కంచెను తొలగించి వెనక్కి వెళ్లాలని ఏపీ పోలీసులకు సూచించారు. అయినా ఏపీ పోలీసులు స్పందించకపోవడంతో డ్యాం వద్ద ఎలాంటి పరిస్థితులు తలెత్తుతాయోనన్న ఉత్కంఠ నెలకొంది..

December 1, 2023 0 comment

TS Elections: The list of candidates who stood in the election ring has been released.. Most of them are from there...!

Breaking News Politics Telangana

Assembly Elections 2023 : రాష్ట్ర వ్యాప్తంగా ముగిసిన పోలింగ్.. ఓటింగ్ శాతం ఎంతంటే..?

by Venu November 30, 2023

written by Venu

తెలంగాణ (Telangana)లో మొత్తానికి ఎన్నికల యుద్ధం ముగిసింది. అక్కడక్కడ చెదురుమదురు ఘటనలు జరిగిన చాలా చోట్ల పోలింగ్ ప్రశాంతంగా జరిగినట్టు అధికారులు తెలిపారు. సుమారుగా 3 కోట్లకు పైగా ఓటర్లు.. తమ తీర్పును ఈవీఎం (EVM)లలో నిక్షిప్తం చేశారు. కాగా బరిలో ఉన్న అభ్యర్థుల భవితవ్యం ఆదివారం తేలనుంది. కాగా ఈ ఎన్నికల్లో మొత్తం 2,290 మంది అభ్యర్థులు బరిలో నిలిచారు. అందులో 2068 మంది పురుషులు, 221 మంది మహిళలు కాగా.. ఒక ట్రాన్స్జెండర్ ఉన్నారు.

బీఆర్ఎస్ (BRS) మొత్తం 119 స్థానాల్లో పోటీ చేయగా.. కాంగ్రెస్ (Congress) 118 చోట్ల, బీజేపీ (BJP) 111 చోట్ల పోటీ చేశాయి. బీజేపీ మిత్రపక్షం జనసేన 8 స్థానాల్లో బరిలో నిలిచింది. సీపీఎం (CPM) 19, సీపీఐ ఒకచోట, బీఎస్పీ నుంచి 108 మంది అభ్యర్థులు బరిలో నిలిచారు. ఇతర పార్టీలు, స్వతంత్రులు పెద్ద సంఖ్యలో పోటీలో నిలిచారు. అత్యధికంగా ఎల్బీనగర్‌లో 48 మంది పోటీ చేస్తుండగా.. అత్యల్పంగా నారాయణపేట, బాన్సువాడల్లో కేవలం ఏడుగురు మాత్రమే బరిలో నిలిచారు.

ఇక సిర్పూర్, చెన్నూరు, బెల్లంపల్లి, మంచిర్యాల, ఆసిఫాబాద్, మంథని, భూపాలపల్లి, ములుగు, పినపాక, ఇల్లందు, కొత్తగూడెం, అశ్వరావుపేట, భద్రాచలం నియోజకవర్గాల్లో సాయంత్రం 4 గంటలకే పోలింగ్‌ ముగిసింది. మిగిలిన 106 నియోజకవర్గాల్లో.. సాయంత్రం ఐదు గంటల వరకు పోలింగ్ కొనసాగింది. రాష్ట్రవ్యాప్తంగా 35,655 పోలింగ్ కేంద్రాల్లో ఓటింగ్ నిర్వహించారు. దివ్యాంగుల కోసం ప్రత్యేక ఏర్పాట్లు చేశారు. 80 ఏళ్లు పైబడిన వారికి ఉచిత రవాణా సదుపాయం కల్పించారు.

మరోవైపు రాష్ట్రంలో మొత్తం ఓటర్ల సంఖ్య 3 కోట్ల 26 లక్షల 2 వేల 799 కాగా.. కోటీ 62 లక్షల 98 వేల 418 మంది పురుషులు ఉన్నారు. కోటీ 63 వేల 1705 మంది మహిళలు ఉన్నారు. ట్రాన్స్జెండర్లు 2,676 మంది ఉన్నారు. సర్వీసు ఓటర్ల సంఖ్య 15,406 కాగా.. ప్రవాస ఓటర్లు 2,944 మంది ఉన్నారు. 18 నుంచి 19 ఏళ్ల వయస్సు వారు 9 లక్షల 99 వేల 667 మంది ఉన్నారు.. మరోవైపు సాయంత్రం 5 గంటల వరకు 63.94 శాతం పోలింగ్‌ నమోదైందని సమాచారం..

అభ్యర్థుల సంఖ్యను దృష్టిలో పెట్టుకొని అధికారులు.. 59 వేల 779 బ్యాలెట్ యూనిట్లను పోలింగ్ కోసం వినియోగించారు. రిజర్వ్ బ్యాలెట్ యూనిట్లు కలిపి మొత్తం 75 వేల 464 బ్యాలెట్ యూనిట్లు అందుబాటులో ఉంచారు. 44 వేల 828 కంట్రోల్ యూనిట్లు, 49 వేల 460 వీవీప్యాట్ యంత్రాలను ఎన్నికల్లో వినియోగించారు. ఈవీఎం యంత్రాలకు ఎక్కడైనా ఇబ్బందులు తలెత్తితే వెంటనే సరి చేసేందుకు వీలుగా 400కు పైగా ఈసీఐఎల్ ఇంజినీర్లు ను సిద్దంగా ఉంచారు..

November 30, 2023 0 comment

Andhra Pradesh Breaking News Politics

Chandrababu : వాయిదాపడిన చంద్రబాబు కేసులు.. బెడిసికొడుతున్న ప్లాను..!!

by Venu November 30, 2023

written by Venu

టీడీపీ (TDP) అధినేత చంద్రబాబు నాయుడు (Chandrababu Naidu) ముందస్తు బెయిల్ పిటీషన్‌పై విచారణ వాయిదా పడింది. సుప్రీం కోర్టు (Supreme Court)లో ఫైబర్ నెట్ కేసు (Fiber Net Case)కు సంబంధించి ముందస్తు బెయిల్‌ అంశం ఈరోజు విచారణకు రాగా.. జస్టిస్ అనిరుద్ బోస్, జస్టిస్ బేలా ఎం త్రివేదీలతో కూడిన ధర్మాసనం విచారణ జరిపింది.. ఈ కేసును డిసెంబర్ 12కు వాయిదా వేస్తున్నట్టు తెలిపింది.

మరోవైపు డిసెంబర్ 12 వరకు వరకూ చంద్రబాబుపై ఎలాంటి చర్యలూ తీసుకోకూడదని న్యాయస్థానం ఆదేశించింది. ఈ నేపథ్యంలో డిసెంబర్ 12లోపు స్కిల్ కేసులో తీర్పు వెలువడే అవకాశాలు కనిపిస్తున్నట్టు ప్రచారం జరుగుతుంది. ఇదిలా ఉండగా ఇసుక కేసులో (Sand Case)లో కూడా ముందస్తు బెయిల్ పిటీషన్‌పై విచారణను హైకోర్టు వాయిదా వేసింది. డిసెంబర్ 6న విచారణ చేపడతామని వెల్లడించింది.

వాస్తవానికి ఏపీ హైకోర్టులో (AP HighCourt) చంద్రబాబు ముందస్తు బెయిల్ కేసు అంశం పై ఈరోజు సీఐడీ తరపున అడ్వకేట్ జనరల్ వాదనలు వినిపించాల్సి ఉంది. అయితే విచారణ సమయంలో తమకు మరింత గడువు కావాలని సీఐడీ తరపు న్యాయవాది కోర్టును కోరారు. దీంతో చంద్రబాబు తరపున న్యాయవాదులు అభ్యంతరం వ్యక్తం చేశారు. తాము వాదనలు పూర్తి చేశామని, సీఐడీ తరపు న్యాయవాదులు కావాలనే ఆలస్యం చేస్తున్నారని కోర్టు దృష్టికి తీసుకొచ్చారు.

ఇరువురి వాదనలు విన్న హైకోర్టు.. సీఐడీ తరపున న్యాయవాదుల వాదనల కోసం డిసెంబర్ 6కు విచారణను వాయిదా వేస్తున్నట్లు ప్రకటించింది. మొత్తానికి చంద్రబాబు కేసుల వ్యవహారంలో కీలక పరిణామాలు చోటు చేసుకుంటున్నాయి.. కాగా ఇప్పటికే స్కిల్ కేసులో రాజమండ్రి జైలులో 53 రోజులు రిమాండ్ ఖైదీగా ఉన్న చంద్రబాబుకు అనారోగ్య కారణాలతో హైకోర్టు తొలుత మధ్యంతర బెయిల్..ఆ తరువాత రెగ్యులర్ బెయిల్ మంజూరు చేసిన విషయం తెలిసిందే..

November 30, 2023 0 comment

Hyderabad Politics Telangana

Hyderabad : ప్రముఖ రెస్టారెంట్లో ఫిష్ బిర్యానీ ఆర్డర్.. ఏం వచ్చిందో తెలిస్తే షాక్ అవుతారు..!

by Venu November 30, 2023

written by Venu

హైదరాబాద్ (Hyderabad) బిర్యానీ అంటే నాన్ వెజ్ (Non Veg) ప్రియులకు ఎంతో ఇష్టం. లొట్టలు వేసుకుంటూ మరీ తింటారు. ఇక ఒంటరిగా ఉన్న వారికి.. ఉద్యోగస్తులకు సమయం చాలక ఆన్లైన్లో ఆర్డర్స్ ఇచ్చి బిర్యానీలు తెప్పించుకుని తింటారు. ఇలాంటి ఫుడ్ ఆరోగ్యానికి అంత మంచిది కాదని తెలిసినా.. సమయం దొరక్కపోవడంతో తప్పదు మరీ అని సమాధానం ఇస్తారు.

అయితే.. నగరంలో నివసిస్తున్న ఒక వ్యక్తి తాజాగా ఫిష్ బిర్యానీ (Fish biryani) తిందామని, జొమాటో (Zomato)లో ఆర్డరిచ్చి ఓ రెస్టారెంట్ నుంచి తెప్పించుకున్నాడు. కానీ, ఆ ఫిష్ బిర్యానీలో చనిపోయిన బొద్దింక కూడా రావడంతో కంగుతిన్నాడు. తాను కోఠీలోని గ్రాండ్ హోటల్ నుండి జొమాటో ద్వారా బిర్యానీ తెప్పించుకుంటే చనిపోయిన బొద్దింకలు వచ్చాయని తెలిపాడు.

బహుశా హోటల్ వారు నాకు అదనంగా ప్రోటీన్స్ ఇద్దామనుకుని చనిపోయిన బొద్దింకలను ఫిష్ బిర్యానీలో మిక్స్చేసి పంపించారని వ్యంగ్యంగా మాట్లాడాడు. ఈ పోస్టుపై నెటిజన్స్ రకరకాలుగా స్పందించారు. ఫిర్యాదు చేయమని కొందరు సలహా ఇవ్వగా.. హోటల్ యాజమాన్యాన్ని వదలొద్దని మరికొందరు పోస్టులు పెట్టారు.

ఇక్కడ రోజూ వందల మంది తింటారు.. నేను కూడా నెలకు రెండు మూడు సార్లు అక్కడ బిర్యానీ తింటానని ఒకరు.. ఇది చాలా షాకింగ్ గా ఉందని మరొకరు పోస్ట్ చేశారు. ప్రస్తుతం సోషల్ మీడియాలో ఈ పోస్ట్ వైరల్ అవుతోంది.

November 30, 2023 0 comment

Maoists' call for Chhattisgarh bandh.. High alert on the border in Telangana!

Breaking News National Politics Telangana

Maoists : తెలంగాణలో రెచ్చిపోతున్న మావోయిస్టులు.. 25మంది వ్యాపారులు కిడ్నాప్..!!

by Venu November 30, 2023

written by Venu

తెలంగాణ (Telangana)లో మరోసారి మావోయిస్టులు (Maoists) రెచ్చిపోయారు. భద్రాద్రి కొత్తగూడెం (Kothagudem) జిల్లాకు చెందిన 25మంది వ్యాపారులను కిడ్నాప్ చేశారు. పోలీసులకు సహకరిస్తే హతమారుస్తామని వ్యాపారులను, మావోయిస్టులు హెచ్చరించి వదలిపెట్టినట్టు సమాచారం.. వీరిలో కొందరు చత్తీస్‌గఢ్ రాష్ట్రంలోని సుక్మా జిల్లా గొల్లపల్లికి చెందిన వారీగా.. మరికొందరు కొత్తగూడెం జిల్లా దుమ్ముగూడెం మండలానికి చెందిన వ్యాపారులుగా గుర్తించారు.

మరోవైపు తెలంగాణ అసెంబ్లీ ఎన్నికల పోలింగ్ నేపథ్యంలో మావోయిస్టులు వ్యాపారస్తులను కిడ్నాప్ చేయడం కలకలం రేపుతోంది. ఇదిలా ఉండగా చర్ల మండలం, బెస్త కొత్తూరు, అంజినాపురం గ్రామాల మధ్య మావోయిస్టులు అమర్చిన మందు పాతరను పోలీసులు వెలికి తీశారు. అదీగాక ఛత్తీస్‌గఢ్‌ (Chhattisgarh)లో మావోయిస్టులు ఓ టవర్ జనరేటర్‌ను తగలబెట్టిన ఘటన వెలుగులోకి వచ్చింది.

ఛత్తీస్‌గఢ్- దంతెవాడ నారాయణపూర్ జిల్లాల మార్గ మధ్యలోని హర్రా కొడేర్ గ్రామంలో జియో టవర్ జనరేటర్‌ను మావోయిస్టులు తగలబెట్టారు. అనంతరం ఘటనా స్థలంలో బ్యానర్లు, కరపత్రాలను వదలి వెళ్లారు. మరోవైపు మావోయిస్టులు డిసెంబర్ 2 నుండి 8 వరకు పి.ఎల్.జి.ఏ. వారోత్సవాలను గ్రామగ్రామాన నిర్వహించి విజయవంతం చేయాలని పిలుపునిచ్చారు..

తెలంగాణలో అసెంబ్లీ ఎన్నికల పోలింగ్.. పోలీసుల నిఘా నీడల మధ్య కొనసాగుతోంది. ఎన్నికల నేపథ్యంలో అధికారులు భారీగా పోలీస్ బందోబస్తు ఏర్పాటు చేశారు. పోలింగ్ కేంద్రాల వద్ద కట్టుదిట్టమైన భద్రత కల్పించారు. లక్షమంది పోలీస్ సిబ్బంది ఎన్నికల విధుల్లో ఉన్నారు.. అయినా అక్కడక్కడా ఉద్రిక్త పరిస్థితులు నెలకొంటున్నాయి.

November 30, 2023 0 comment

Politics Telangana

Huzur Nagar : సీఐకి వార్నింగ్ ఇచ్చిన ఎమ్మెల్యే సైదిరెడ్డి..!?

by Venu November 30, 2023

written by Venu

రాష్ట్రంలో బీపీ ఉన్న వారికి హైబీపీ.. హైబీపీ ఉన్న వారికి లో బీపీ వచ్చేలా తెలంగాణ (Telangana) రాజకీయాలు సాగుతున్నాయంటున్నారు. పార్టీలకు జీవన్మరణ సమస్యగా మారిన ఈ ఎన్నికలు కురుక్షేత్రాన్ని తలపిస్తున్నాయి.. ఇక పోలింగ్ స్టేషన్లలో బీఆర్ఎస్ (BRS) నేతల తీరు వివాదాస్పదంగా మారటం కనిపిస్తుంది. ఇప్పటికే పలువురు బీఆర్ఎస్ నేతలు ఎన్నికల కోడ్ ఉల్లంఘనకు పాల్పడుతున్నట్టు వార్తలు వస్తున్నాయి.

మరోవైపు ఎమ్మెల్యే (MLA) సైదిరెడ్డి (Saidireddy) వివాదస్పద వ్యాఖ్యలు చేసి వార్తల్లో నిలిచారు. నేనే గెలుస్తా.. అప్పుడు నీ సంగతి చూస్తా.. నీ గొంతు తగ్గించుకొని మాట్లాడు.. లేకపోతే నీ సంగతి చెప్తానంటూ ఎమ్మెల్యే సైదిరెడ్డి ఓ సీఐ (CI)ని బెదిరించినట్టు ప్రచారం జరుగుతుంది. దీంతో సూర్యాపేట (Suryapet) జిల్లా హుజూర్ నగర్ (Huzur Nagar) వీవీ మందిర్ స్కూల్ దగ్గర హై టెన్షన్ నెలకొంది.

తన అనుచరులతో కలసి ఎమ్మెల్యే సైదిరెడ్డి బీఆర్ఎస్ పార్టీ కండువాలతో పోలింగ్ బూత్ కు ఓటు వేయడానికి వచ్చారు. దీంతో కండువా తీయమని డ్యూటీలో ఉన్న సీఐ చెప్పారు. తన డ్యూటీ తాను చేసిన సీఐ పట్ల సైదిరెడ్డి దురుసుగా ప్రవర్తించడం సంచలనంగా మారింది. ఈ క్రమంలో ఎమ్మెల్యే, సీఐకి మధ్య వాగ్వాదం నెలకొంది. దీంతో అక్కడ ఉద్రిక్తత వాతావరణం నెలకొంది.

గణిత శాస్త్రంలో ఉన్న కూడికలు, తీసివేతలు, హెచ్చవేతలు రాజకీయాల్లో కూడా వుంటాయి.. అయితే అవసరాన్ని, అవకాశాన్ని బట్టి అవి మారుతుంటాయి. అలాగని అధికారం చేతిలో ఉందికదా అని ఇలా ప్రవర్తించడం.. దురుసుగా వ్యవహరించడం సరికాదని సైదిరెడ్డి తీరు చూసిన కొందరు అభిప్రాయపడుతున్నారు.. లెక్క మారి బీఆర్ఎస్ అధికారం కోల్పోతే నీ అహంకారం నలుగురిలో నిన్ను నవ్వులపాలు చేస్తుందని అంటున్నారు..

November 30, 2023 0 comment

Newer Posts

Older Posts