Politics

కాంగ్రెస్ ప్రభుత్వంలో సిలిండర్ ధర రూ.400 ఉంటే బీఆర్ఎస్ ప్రభుత్వంలో ఏకంగా రూ.1200కు పెంచారని మాజీ మంత్రి, కాంగ్రెస్ పార్టీ(Congress Party) అభ్యర్థి మహమ్మద్ షబ్బీర్ అలీ(Shabbir Ali) అన్నారు. నిజామాబాద్‌లోని గాజుల్ పేటలో ఎన్నికల ప్రచారంలో ఆయన మాట్లాడుతూ బీఆర్ఎస్ ప్రభుత్వ పాలనపై విమర్శలు చేశారు.

బీసీ బంధు, మైనార్టీ బంధు తదితర ప్రభుత్వ పథకాల్లో అవినీతి జరిగిందని ఆరోపిస్తూ.. ఎమ్మెల్యేల ప్రమేయంపై కేసీఆర్ మందలించారని మహ్మద్ అలీ వెల్లడించారు. కాంగ్రెస్ పార్టీ అధికారంలోకి వస్తే ప్రజా ధనాన్ని దుర్వినియోగం చేసే వారిపై కఠిన చర్యలు తీసుకుంటామన్నారు. స్థానిక ఆందోళనలను హైలైట్ చేస్తూ, షబ్బీర్ అలీ నగరం యొక్క దిగజారుతున్న పరిస్థితులను ఎత్తి చూపారు.

కాంగ్రెస్ ప్రభుత్వం రాగానే ప్రతీ మహిళకు 60 ఏళ్ల లోపు ఉన్న వారందరికీ రూ.2500 ఆర్థిక సాయాన్ని అందజేస్తామని చెప్పారు. రాష్ట్రంలో ఆర్టీసీ బస్సుల్లో మహిళలు ఎక్కడ ప్రయాణం చేసిన వారందరికీ ఫ్రీ అని తెలిపారు. తెలంగాణ ప్రభుత్వంలో నిరుద్యోగులకు ఉద్యోగాలు లేవని, కేసీఆర్ కుటుంబంలో మాత్రం అందరికీ ఉద్యోగాలే అని షబ్బీర్ అలీ మండిపడ్డారు.

మాజీ ముఖ్యమంత్రి రాజశేఖర్ రెడ్డి హయాంలోనే 108 సేవలు ప్రారంభమయ్యాయని గుర్తు చేశారు. ఎన్నికల్లో గెలుపొందాక ఆరోగ్యశ్రీ కి 10లక్షలు అమలు చేస్తామన్నారు. ప్రభుత్వం చెబుతున్న అభివృద్ధి నగరం నోచుకోలేదని షబ్బీర్ అలీ ఆరోపించారు. యూనివర్సిటీలో ఉద్యోగాల కోసం తెలంగాణ కోసం అమరులైతే ఆదుకోలేదన్నారు.

దశాబ్దాల కేంద్ర ప్రభుత్వ పాలనను షబ్బీర్ అలీ ప్రశ్నించారు. అదానీ, అంబానీలను ఉదాహరణగా చూపుతూ అభివృద్ధిని కోరుకునే కొద్దిమందికే లబ్ధి చేకూర్చారన్నారు. ప్రతీ ఒక్కరి అభివృద్ధి, ప్రగతి కోసం కాంగ్రెస్ పార్టీని గెలిపించుకోవాల్సిన అవసరం ఉందన్నారు. రానున్న ఎన్నికల్లో కాంగ్రెస్ పార్టీకి ఓటు వేసి అధికార పార్టీకి గుణపాఠం చెప్పాలని ప్రజలకు పిలుపునిచ్చారు.

తెలంగాణ (Telangana) ఎన్నికలలో గెలిచి మూడో సారి అధికారం చేపట్టాలని తీవ్రంగా ప్రయత్నిస్తున్న బీఆర్ఎస్ (BRS) పార్టీకి.. కాంగ్రెస్ కరెక్ట్ టైమ్ లో ఇచ్చిన ఎంట్రీ.. ఎదురుదెబ్బగా జనం భావిస్తున్నారు. ఇప్పటికే ఎన్నికల కోడ్ అమలవుతుండటంతో ప్రభుత్వ పథకాలకు కాస్త విరామం దొరికింది. మరోవైపు తెలంగాణ ప్రభుత్వం రైతుబంధు (Rythu Bandhu) రుణమాఫీ, ప్రభుత్వ ఉద్యోగులకు డీఏ (DA) చెల్లింపు విషయమై ఇప్పటికే ఈసీకి ప్రతిపాదనలు పంపింది.

కేంద్ర ఎన్నికల సంఘం, రాష్ట్ర ప్రభుత్వ ప్రతిపాదనలపై వివరణలు కోరిన.. ఇంకా అనుమతి ఇవ్వలేదు. 2022 జులై ఒకటో తేదీ నుంచి మూడు డీఏలు ఇవ్వాల్సి ఉందని, ఒక డీఏ చెల్లింపునకు అనుమతి ఇవ్వాలని రాష్ట్ర ప్రభుత్వం కోరుతుంది. మరోవైపు రెండో పంట పెట్టుబడి, రైతుబంధు చెల్లింపు కోసం కూడా రాష్ట్ర ప్రభుత్వం ఈసీని అనుమతి కోరింది.

రైతుబంధు చెల్లింపులు ఈ నెల 24 వ తేదీ నుంచి ప్రారంభించాలని భావిస్తున్నట్లు రాష్ట్ర ప్రభుత్వం సీఈసీకి ఇచ్చిన లేఖలో పేర్కొన్నదని సమాచారం.. ఈ అంశానికి సంబంధించి కూడా సీఈసీ (CEC) కొన్ని వివరణలు కోరినట్లు సమాచారం. అయితే ఇప్పటి వరకు కేంద్ర ఎన్నికల సంఘం నుంచి ఇంకా ఎలాంటి సమాధానం రాలేదని సమాచారం..

కాంగ్రెస్ పార్టీ(Congress Party) చెన్నూరు అభ్యర్థి వివేక్ వెంకటస్వామి(Vivek Venkata Swami) ఇంట్లో ఐటీ సోదాల నేపథ్యంలో మాజీ ఎమ్మెల్యే నల్లాల ఓదెలు సంచలన వ్యాఖ్యలు చేశారు. ఓటమి భయంతోనే బీఆర్ఎస్ అభ్యర్థి బాల్క సుమన్ ఐటీతో దాడులు చేయిస్తున్నాడని ఆగ్రహం వ్యక్తం చేశారు. బాల్క సుమన్ ఎక్కడికి ప్రచారానికి వచ్చినా చెప్పులతో తరమాలంటూ ఘాటు విమర్శలు చేశారు.

హైదరాబాద్, మంచిర్యాలలోని వివేక్ ఇళ్లలో ఐటీ అధికారులు ఏకకాలంలో సోదాలు చేస్తున్నారు. వివేక్ ఇంటితో పాటు ఆయనకు సంబంధించిన కంపెనీలు, ఆయన ముఖ్య అనుచరులు, బంధువుల ఇళ్లలో కూడా ఐటీ దాడులు జరుగుతున్నాయి. వివేక్‌కు సంబంధించిన విశాఖ ఇండస్ట్రీస్ ప్రైవేట్ లిమిటెడ్ ఖాతా నుంచి విజిలెన్స్ సెక్యూరిటీ సర్వీసెస్ ప్రైవేట్ లిమిటెడ్ ఖాతాకు బదిలీ అయిన రూ.8 కోట్లను సైఫాబాద్ పోలీసులు ఇటీవల స్తంభింపజేసిన సంగతి తెలిసిందే.

సుమన్ పిరికి వాడని, అందుకే ఐటీతో దాడులు చేయిస్తున్నాడని మాజీ ఎమ్మెల్యే ఓదేలు విమర్శించారు. ఇప్పుడు సుమన్ అసలు రూపం బయట పడిందని అన్నారు. కాంగ్రెస్‌కు వస్తున్న ఆదరణ చూసి ఇలా ఐటీ దాడులు చేయిస్తున్నారని మండిపడ్డారు. ఐటీ దాడులతో వివేక్‌కు మరింత మైలేజ్ వస్తుందంటూ ఆసక్తికర వ్యాఖ్యలు చేశారు.

సోమాజిగూడలోని వివేక్ నివాసంలో ఐటీ సోదాలు ముగిశాయి. నాలుగైదు గంటల పాటు తనిఖీలు సాగాయి. స్తంభించిన నగదుపై ఈ నెల 13న ఐటీ అధికారులు ఆరా తీశారు. కాగా, మంచిర్యాలలోని వివేక్ ఇంట్లో సోదాలు కొనసాగుతున్నాయి. మరోవైపు,  అంగీలు మార్చినంత ఈజీగా పార్టీలు మార్చే వ్యక్తులకు ప్రజలు తగిన బుద్ధి చెప్పాలని వివేక్‌పై చెన్నూరు బాల్క సుమన్ ఆరోపించారు.

తెలంగాణ అసెంబ్లీ ఎన్నికల(Telangana Assembly Elections) నేపథ్యంలో పోలింగ్‌(polling)కు ఇంకా పదిరోజులే మిగులుంది. దీంతో బరిలో దిగిన అభ్యర్థులు పోటాపోటీగా ప్రచారాన్ని ముమ్మరం చేశారు. ఓటర్లను ప్రసన్నం చేసుకునే పనిలో ఉన్నారు. ఈసారి ఎలాగైనా గెలవాలని అమ్ముల పొదలోని వ్యూహాలను అమలు చేస్తున్నారు.

ఈ క్రమంలో ఎన్నికల వేళ చిల్ అయిపోవచ్చని అనుకున్న మందుబాబులకు ఎన్నికల సంఘం అనూహ్యంగా షాకిచ్చింది. తెలంగాణలో ఈనెల 30వ తేదీన పోలింగ్ జరగనున్న నేపథ్యంలో నవంబర్ 28, 29, 30వ తేదీల్లో వరుసగా మూడు రోజులు వైన్స్ బంద్ చేయాలని అధికారులు ఆదేశించారు. దీంతో మద్యం దుకాణాలు, బార్లు పూర్తిగా మూతపడనున్నాయి.

ఈ మేరకు అధికారులు లైసెన్స్ దారులకు ఉత్తర్వులు జారీ చేశారు. ఈ ఆదేశాలను ఉల్లంఘిస్తే కఠిన చర్యలు తీసుకుంటామని కూడా అధికారులు హెచ్చరించారు. గత ఎన్నికలు, ఉపఎన్నికల్లో మద్యం ఏరులైన పారిన సంఘటనలను దృష్టిలో పెట్టుకున్న ఎన్నికల సంఘం ఈసారి అలా జరగకూడదని కఠిన నిర్ణయాలు తీసుకుంటోంది.

మరోవైపు, తెలంగాణ ఎన్నికల వేళ ధన ప్రవాహం ఎక్కువగా ఉంటుందన్న నేపథ్యంలో పోలీసులు కట్టుదిట్టమన చర్యలు తీసుకుంటున్నారు. ఎక్కడికక్కడ చెక్‌పోస్టులు ఏర్పాటు చేసి అన్ని వాహనాలను తనిఖీ చేస్తున్నారు. ఈ క్రమంలో ఇప్పటికే కోట్ల రూపాయల నగదు పట్టుబడినట్లు తెలుస్తోంది.

తెలంగాణ (Telangana) అసెంబ్లీ ఎన్నికల ప్రచారంలో కమలం జోరు పెంచుతుంది. జనసేన, బీజేపీ (BJP) పొత్తు ఖరారైన తర్వాత జనసేన అధ్యక్షుడు ప్రచారంలో పాల్గొనే విషయంలో క్లారిటీ ఇచ్చిన కాషాయం.. ఇప్పటికే ఉమ్మడి అభ్యర్థి నేమూరి శంకర్ గౌడ్ తరఫున వికారాబాద్ (Vikarabad) జిల్లా తాండూరు (Tandoor) నియోజకవర్గంలో నిర్వహించే భారీ సభలో జనసేన పాల్గొంటున్నట్టు తెలిపింది.

మరోవైపు బీజేపీ వరంగల్‌ (Warangal)లో భారీ బహిరంగ సభకు ఏర్పాట్లు చేస్తుంది. ఇప్పటికే రాష్ట్రంలో దూకుడు తగ్గించింది అనే ప్రచారం ఊపందుకున్న నేపథ్యంలో తెలంగాణపై బీజేపీ అగ్రనాయకత్వం పూర్తిగా ఫోకస్‌ చేసినట్టు తెలుస్తుంది.. రాష్ట్రంలో వరుసగా సభలతో హోరెత్తించడానికి సిద్దం అయిన కమలం.. తెలంగాణలో మంగళవారం నిర్మలాసీతారామన్‌, ఫడ్నవీస్, పీయుష్‌ గోయల్‌ ప్రచారం నిర్వహించనున్నారు.

నిర్మలా సీతారామన్, జూబ్లీహిల్స్‌లో.. దేవేంద్ర ఫడ్నవీస్‌ ముషీరాబాద్‌లో ప్రచారానికి సిద్దం అయ్యారు. మరోవైపు 24, 25, 26 తేదీల్లో యూపీ సీఎం యోగి ఆదిత్యనాథ్‌ తెలంగాణలో పర్యటించనున్నారు. ఈ నెల 25, 26న కేంద్రమంత్రి స్మృతి ఇరానీ, హుజూరాబాద్‌, మహేశ్వరం సభలకు హాజరవుతున్నారు.. మరోవైపు జనసేన అధ్యక్షుడు పవన్‌ కళ్యాణ్‌ ఈ నెల 22న వరంగల్‌లో జరిగే బహిరంగ సభలో పాల్గొంటున్నారు.. 26న అమిత్‌షాతో కలిసి హైదరాబాద్‌లో జనసేన ప్రచారం నిర్వహించే విధంగా కమలనాథులు పావులు కదుపుతున్నారు..

ఇప్పటికే రాష్ట్రంలో బీజేపీ అగ్రనేతలు ప్రచారం చేస్తున్న నేపథ్యంలో పవన్ కల్యాణ్ (Pawan Kalyan).. ప్రచారం పార్టీకి కలిసివస్తుందని బీజేపీ భావిస్తున్నట్టు తెలుస్తుంది. ఇక తెలంగాణలో అగ్రనేతల షెడ్యూల్ చూస్తే.. 24, 25, 26 తేదీల్లో యూపీ సీఎం యోగి పర్యటన.. 25, 26న స్మృతి ఇరానీ పర్యటన.. 22న వరంగల్‌ బహిరంగ సభకు పవన్‌.. 26న అమిత్‌షాతో కలిసి పవన్‌ ప్రచారం.. 25, 26, 27 తేదీల్లో మోదీ ప్రచారం నిర్వహించడానికి కమలం సిద్దం అయ్యింది.