Politics

తెలంగాణ ప్రజలతో బీఆర్ఎస్ ది పేగు బంధమని.. కాంగ్రెస్ ది అధికారం కోసం అహంకారమని ఎమ్మెల్సీ కవిత(Mlc Kavitha) అన్నారు. కాంగ్రెస్‌కు పెట్టే గుణం లేదని, అధికారకాంక్ష మాత్రమే ఉందని మండిపడ్డారు. పచ్చబడ్డ తెలంగాణను ఆగం కానివ్వద్దని ప్రజలను కోరారు. ఎన్నికల ప్రచారంలో భాగంగా ధర్మపురి(Dharmapuri) లో ఆమె పర్యటించారు. ఈ సందర్భంగా ఆమె మాట్లాడుతూ కీలక వ్యాఖ్యలు చేశారు.

తెలంగాణ ప్రజలతో బీఆర్ఎస్ పార్టీది పేగు బంధమని, ఏమీ లేని నాడు తెలంగాణ ఉద్యమం కోసం కొట్లాడినాడు కూడా ప్రజలతో ఉన్నామని, ఇప్పుడు కూడా ప్రజలతోనే ఉంటున్నామని కవిత అన్నారు. ఉమ్మడి పాలనలో కరెంటు ఉండేది కాదని, నీళ్లు లేవని, రైతులకు ఒక్క పైసా ఇచ్చిన వాళ్లు లేరని కవిత గుర్తు చేశారు. కాంగ్రెస్ పార్టీకి 55 ఏళ్ల అవకాశం ఇస్తే ఏం చేసిందని కవిత ప్రశ్నించారు.

కాంగ్రెస్‌కు 55 ఏళ్లు అవకాశమిస్తే పింఛన్లు రూ.200 ఇచ్చారని, రైతులకు పైసా ఇవ్వలేదని గుర్తుచేశారు. కాంగ్రెస్ పార్టీది పెట్టే గుణం కాదని, అధికారకాంక్ష మాత్రమే ఉంటుందని మండిపడ్డారు. తమది పేగు బంధం అయితే కాంగ్రెస్ వాళ్లది అధికారం కోసం అహంకారమని ధ్వజమెత్తారు. అధికారం శాశ్వతం కాదని, అనుబంధం శాశ్వతంగా ఉంటుందని స్పష్టం చేశారు.రాష్ట్రంలో హనుమంతుడి గుడి లేని ఊరు లేదు.. కేసీఆర్ పథకం అందని ఇళ్లు లేదని ఎమ్మెల్సీ కవిత చెప్పుకొచ్చారు.

రాష్ట్రంలో మరోసారి కేసీఆర్ ప్రభుత్వం ఏర్పడగానే పింఛన్లు రూ.5వేలకు పెరుగుతుందన్నారు, పోలింగ్ తేదీ నాడు ఓటు వేయడానికి వెళ్లే ముందు లైట్ వేయాలని, ఒకవేళ లైట్ వెలిగితే బీఆర్ఎస్ కారు గుర్తుకు ఓటేయాలన్నారు. గతంలో కరెంట్ ఉంటే వార్త అని, ఇప్పుడు కరెంట్ లేకపోతే వార్త అని కవిత అన్నారు.

ప్రధాని మోదీ పాలనలో నిత్యావసరాలు పెరగడంతో పేదల పాలిట గుదిబండలా మారిందని విమర్శించారు. రూ. 1200గా ఉన్న సిలిండర్ ధరను సబ్సిడీ కింద రూ. 400కే ఇవ్వాలని సీఎం కేసీఆర్ సంకల్పించారని చెప్పారు. ఎన్నికల ప్రచారంలో ఎమ్మెల్సీ కవిత వెంట ధర్మపురి బీఆర్ఎస్ అభ్యర్థి మంత్రి కొప్పుల ఈశ్వర్, పెద్దపల్లి ఎంపీ వెంకటేశ్ నేత, జగిత్యాల జిల్లా పరిషత్ చైర్పర్సన్ దావ వసంతు తదితరులు ఉన్నారు.

కాంగ్రెస్ పార్టీపై సీఎం కేసీఆర్ పచ్చి అబద్దాలు చెబుతున్నారని అధికార బీఆర్ఎస్, బీజేపీ పార్టీలపై టీపీసీసీ చీఫ్ రేవంత్ రెడ్డి(Tpcc chief Revanth Reddy) అన్నారు. హైదరాబాద్‌(HYD)లో ఆదివారం రేవంత్ రెడ్డి మీట్ ది ప్రెస్(Meet The Press) కార్యక్రమంలో పాల్గొన్నారు. ఈ సందర్భంగా ఆయన మాట్లాడుతూ.. సీఎం కేసీఆర్‌ను గద్దె దించాలని పిలుపునిచ్చారు. బీజేపీ అసంబద్ధ హామీలను నమ్మవద్దని సూచించారు.

సీఎం కేసీఆర్ కాంగ్రెస్ మేనిఫెస్టోను చూసి భయపడుతున్నారని రేవంత్ అన్నారు. గత అసెంబ్లీ ఎన్నికల్లో బీజేపీకి తెలంగాణలో 105 స్థానాల్లో డిపాజిట్లు గల్లంతయ్యాయని, వచ్చే ఎన్నికల్లో 110 స్థానాల్లో పార్టీకి డిపాజిట్లు గల్లంతు అవుతాయని జోస్యం చెప్పారు. తెలంగాణలో కాంగ్రెస్ పార్టీ అధికారంలోకి రాగానే సచివాలయంలో ప్రజాదర్భార్ నిర్వహిస్తామని తెలిపారు. బీజేపీ దేశంలోని పది రాష్ట్రాల్లో అధికారంలో ఉంటే అందులో ఒక్క రాష్ట్రంలో మాత్రమే ఓబీసీ సీఎం ఉన్నారని అన్నారు.

బీసీ వ్యక్తిని సీఎం చేస్తామని చెబుతోన్న బీజేపీ.. బీసీ కుల గణన చేయాలని కాంగ్రెస్ డిమాండ్ చేస్తున్నా పట్టించుకోవడం లేదని ధ్వజమెత్తారు. బీసీ కుల గణననే చేయలేని బీజేపీ.. బీసీని సీఎం ఎలా చేస్తుందని ప్రశ్నించారు. ఎస్సీ వర్గీకరణ హామీని ఎన్నికల తర్వాత ఆ పార్టీ పట్టించుకోదన్నారు. రైతులకు ఉచిత విద్యుత్ ఇచ్చిన తొలి పార్టీ కాంగ్రెస్ అని రేవంత్‌రెడ్డి నొక్కి చెప్పారు.

రాష్ట్రంలో 24 గంటల కరెంట్ ఇస్తున్నామని బీఆర్ఎస్ చెబుతోందని.. కానీ రాష్ట్రంలో రైతులకు కేవలం 8 నుంచి 10 గంటలు మాత్రమే కరెంట్ ఇస్తున్నారని రేవంత్ రెడ్డి మరోసారి అన్నారు. ధరణి పోర్టల్‌తో కేసీఆర్ కుటుంబం లక్షన్నర ఎకరాలను దోచుకుందని ఆరోపించారు. తెలంగాణ ప్రస్థానాన్ని మూడు భాగాలుగా చూడాల్సి ఉంటుందని రేవంత్ తెలిపారు. నిజాం నిరంకుశ పాలన, సమైక్య పాలకుల ఆధిపత్యం, తెలంగాణ ఏర్పడిన తర్వాత జరిగిన విధ్వంసం.. అంటూ వ్యాఖ్యానించారు.

తెలంగాణ చరిత్ర చూస్తే.. ఆకలినైనా భరించింది కానీ ఆత్మగౌరవాన్ని తాకట్టు పెట్టలేదని గుర్తుచేశారు. అందుకే నాడు నిజాం నిరంకుశ పాలనకు వ్యతిరేకంగా సాయుధ రైతాంగ పోరాటం జరిగిందని రేవంత్ తెలిపారు. సమైక్య రాష్ట్రంలో సమాన అభివృద్ధి, సమాన అవకాశాలు దక్కలేదని విమర్శించారు. అందుకే స్వేచ్ఛ, సమానత్వం, సమాన అభివృద్ధి కోసం తెలంగాణ ప్రజలు ఉద్యమించారన్నారు. తెలంగాణ వచ్చాక కేసీఆర్ పాలనలో మరో ఉద్యమం చేయాల్సిన పరిస్థితులు ఏర్పడ్డాయని రేవంత్ అభిప్రాయపడ్డారు.

అవినీతి పై యువత పిడికిలి బిగించకుంటే.. భవిష్యత్తు అంధకారంగా మారుతుందని మేధావులు తెలిపారు. ఈ మాటలు ఇన్స్పిరేషన్ గా తీసుకుని రాజకీయాల్లోకి వద్దామని ఆలోచిస్తున్న వారు ఖర్చుకు భయపడే పరిస్థితులు ఉన్నాయి. కానీ నిజాయితీగా ఒక్క అడుగు వేస్తే.. జనం మనవెంటే ఉంటారని నిరూపించారు బర్రెలక్కగా పాపులర్ అయిన శిరీష (Sireesha)..

ఎన్ని డిగ్రీలు చదివినా ప్రభుత్వ ఉద్యోగాలు రావడం లేదని, అందుకే బర్రెలు కాసుకుంటున్నానని.. నిరుద్యోగుల సమస్యలపై తన స్టైల్‌ లో నిరసన తెలిపి.. పాపులర్‌ అయిన (Barrelakka) బర్రెలక్క.. అలియాస్ శిరీష.. కొల్లాపూర్ (Kolhapur) స్వతంత్ర ఎమ్మెల్యే అభ్యర్థిగా (Independent MLA) బరిలో ఉన్నారు. మరోవైపు నిరుద్యోగుల ప్రతినిధిగా ఎన్నికల బరిలోకి దిగిన శిరీష ఎన్నికల ప్రచారం ఊపందుకుంది.

అయితే… ఎన్నికల బరిలో ఉన్న బర్రెలక్కకు పుదుచ్చేరి ప్రభుత్వ ప్రత్యేక ప్రతినిధి మల్లాడి కృష్ణారావు రూ. లక్ష విరాళం ఇచ్చి.. ఎన్నికల్లో గెలవాలని కోరుకుంటూ ఫోన్ లో అభినందనలు తెలిపారు. పోటీ పరీక్షలకు సన్నద్ధమయ్యే ఆలోచన ఉంటే తాను సాయం చేస్తానని బర్రెలక్కకు కృష్ణారావు చెప్పినట్టు సమాచారం.. మరోవైపు అంబేద్కర్ ఓపెన్ యూనివర్సిటీ ద్వారా డిగ్రీ పూర్తిచేసిన శిరీష.. ఉద్యోగం లేకపోవడంతో తన ఊరిలో బర్రెలు కాసుకుంటూ జీవితాన్ని నిరాశతో గడిపేది..

ఒకగానొక సమయంలో తనలో ఉన్న ఆవేదనను సోషల్ మీడియా ద్వారా వెల్లడించింది. అప్పటి నుంచి శిరీష ను బర్రెలక్కగా పిలవడం ప్రారంభించారు. అలా సోషల్ మీడియాలో విపరీతమైన ఫాలోయింగ్ తెచ్చుకుని.. ప్రస్తుతం ఎన్నికల బరిలో నిలిచింది. కాగా బర్రెలక్కకు విశేషమైన ఆదరణ లభిస్తోంది. నిరుద్యోగులు, విద్యార్థి సంఘాలు ఆమెకు మద్దతుగా నిలుస్తున్నాయి.

పొడుస్తున్న పొద్దు మీద నడుస్తున్న కాలమా… పోరు తెలంగాణమా. పోరు తెలంగాణమా.. కోట్లాది ప్రాణమా.. అంటూ తెలంగాణ ఉద్యమానికి ఊపిరిపోసిన ప్రజా యుద్ధనౌక ఊపిరి ఆగిపోయినా ఇప్పటికి ఆయన జ్ఞాపకాలు తెలంగాణ ఉద్యమకారుల్లో పదిలంగా ఉన్నాయి. కానీ ఆయన ఆశయాలు మాత్రం అంతిమ దశలో కొట్టుమిట్టాడుతున్నాయని రాష్ట్రంలో నెలకొన్న పరిస్థితులను చూసి అనుకుంటున్నారు కొందరు.

మరోవైపు తెలంగాణ ఉద్యమం సమయంలో తన వంతు పాత్రని సమర్థవంతంగా పోషించిన ప్రొఫెసర్ (Professor)కోదండరాం.. రాజకీయ వ్యూహాల వల్ల ఉనికిని కోల్పోయాడనే ఆరోపణలు ఉన్నాయి. ఈ క్రమంలో ప్రభుత్వ పనితీరుపై తీవ్రమైన ఆగ్రహంతో ఉన్న కోదండరాం.. రాష్ట్రం అన్యాయం అవుతుందని సమయం వచ్చినప్పుడల్లా ఆరోపిస్తున్న విషయం తెలిసిందే. ఈ నేపథ్యంలో ప్రభుత్వ తీరుపై మరోసారి మండిపడ్డారు..

ఈ ప్రభుత్వాన్ని గద్దె దించాలని గద్దర్ చనిపోయే ముందు అన్న మాటలను ఆచరణలో పెట్టే సమయం వచ్చిందని కోదండరాం (kodandaram) పిలుపునిచ్చారు. బీఆర్ఎస్ (BRS) ప్రభుత్వానికి చరమగీతం పాడాలని వెల్లడించారు. గోదావరిఖనిలో నిర్వహించిన సమావేశంలో పాల్గొన్న కోదండరాం ప్రభుత్వం పై కీలక వ్యాఖ్యలు చేశారు. తెలంగాణ తెచ్చుకోవడం కోసం కొట్లాట, రాష్ట్రం వచ్చాక అభివృద్ధి కోసం పోరాటం అనేది ప్రొఫెసర్ జయశంకర్ ఆశయమని తెలిపారు.

తెలంగాణ ఉద్యమకారులకు పదవులు, కీర్తి, కిరీటాలు కాదు తెలంగాణ అభివృద్ధి ముఖ్యమని తెలిపిన కోదండరాం.. ఉద్యమం పేరు చెప్పుకుని వేల కోట్ల ఆస్తులు సంపాదించుకున్న వారు నిజమైన ఉద్యమకారులా అని ప్రశ్నించారు. కేసీఆర్ (KCR) సీఎం అయ్యాక రాష్ట్ర అభివృద్ధిని మర్చిపోయి.. వనరులను కొల్లగొడుతున్నారని మండిపడ్డారు.

ఈ ప్రభుత్వం తప్పులను ఎత్తి చూపినందుకే మా పై దాడులకు పాల్పడి.. చాలా కేసులు పెట్టిందని ఆరోపించారు. కేసీఆర్ కుటుంబ పాలన నుండి తెలంగాణను కాపాడుకోవలసిన అవసరం ఎంతగానో ఉందని.. గద్దర్ చనిపోయే ముందు ఈ ప్రభుత్వాన్ని గద్దె దించాలని అన్న మాటలను ఆచరణలో పెట్టి.. రాష్ట్రాన్ని కాపాడుకుందామని ప్రొఫెసర్ కోదండరాం తెలిపారు..