Politics

తెలంగాణ (Telangana) అసెంబ్లీ ఎన్నికల్లో ఒంటరి పోరుకు దిగుతున్న సీపీఎం (CPM).. కాంగ్రెస్ (Congress) బీజేపీ, బీఆర్ఎస్ పై పలు విమర్శలకు దిగింది. మునుగోడు ఎన్నికలప్పుడు ఒడిపోతుందనే భయంతో పొత్తు పెట్టుకున్న బీఆర్ఎస్.. అవసరం తీరాక ఇప్పుడు సీపీఎంని కాదనుకుందని రాష్ట్ర కార్య దర్శి తమ్మినేని వీరభద్రం మండిపడ్డారు.

కాంగ్రెస్ కూడా పొత్తు పొత్తు అంటూ కాలయాపన చేసిందని.. తీరా సమయం వచ్చేసరికి తప్పించుకుందని తమ్మినేని విమర్శించారు. మాకు ఒంటరి పోరాటం కొత్త కాదన్న తమ్మినేని.. మా మిత్రుత్వం కాదనుకున్న పార్టీలు ఎంత మెజారిటీతో గెలుస్తాయో తెలుస్తుందని అన్నారు. మీరు పొత్తుకు రాకుంటే మేము పోటీలో ఉండలేమా.. అందుకే 19 నియోజకవర్గలో పోటీకి దిగుతున్నామని తెలిపారు.

మరోవైపు బీఆర్ఎస్ (BRS) కాంగ్రెస్ పార్టీల స్వభావం మాకు తెలుసన్న తమ్మినేని.. రెండు పార్టీలు భూర్జువా స్వభావం కలిగి ఉన్నవే అని పేర్కొన్నారు. ఇక మునుగోడు ఎన్నికల తర్వాతనే బీజేపీ (BJP) డౌన్ ఫాల్ అయ్యిందని.. అయితే బీజేపీకి భయపడి కేసీఆర్ (KCR) మమ్మల్ని దూరం చేశారని తమ్మినేని వీరభద్రం (Tammineni Veerabhadra) అన్నారు. మరోవైపు కాంగ్రెస్ తో పొత్తుల వరకు వెళ్ళిన సీపీఎం.. సీట్ల సర్ధుబాటు అంశం తెగకపోవడంతో హస్తానికి దూరం జరిగింది. చావో రేవో తేల్చుకోవడానికి ఒంటరి పోరాటానికి సిద్దం అయ్యింది..

కళ్ళు రెండు ఒకే దృశ్యాన్ని చూస్తాయి.. చెవులు రెండు ఒకే మాట వింటాయి.. అదేంటో తెలియదు కానీ.. నాలుక ఒకటి ఉన్న నలభై రకాలుగా మాట్లాడుతుంది. అందుకే పెద్దలు అంటారు కావచ్చు.. నరం లేని నాలుక ఎటైనా తిరుగుతుందని.. ఈ పదాలు ఎందుకు గుర్తుకు వచ్చాయంటే.. ప్రస్తుతం జరుగుతున్న ఎన్నికల ప్రచారంలో అభ్యర్థులు ఎవరికి నచ్చిన వాగ్ధానాలు వారు చేసుకుంటూ వెళ్తున్నారు.

అవి అమలవుతాయా? లేదా అనేది పక్కన పెడితే.. అసెంబ్లీ ఎన్నికలకు సంబంధించి పార్టీలు మేనిఫెస్టోలను విడుదల చేసిన విషయం తెలిసిందే. సామాన్య, మధ్యతరగతి ఓటర్లను ఆకర్షించేందుకు చేస్తున్న ప్రయత్నాల్లో భాగంగా.. కనీవినీ ఎరుగని తీరుగా హామీలు గుప్పిస్తున్నాయి.. ఈ క్రమంలో కాంగ్రెస్ ప్రకటించిన ఎన్నికల మేనిఫెస్టోలో రూ.500కే గ్యాస్ సిలిండర్ అన్నారు. బీఆర్ఎస్ రూ.400కే ఇస్తామని ప్రకటించింది.

అయితే గ్యాస్ సిలిండర్లపై ఓ జాతీయ పార్టీ సంచలన ప్రకటన చేసింది. తమ పార్టీ అధికారంలోకి వస్తే రూ.1కి ఏడాదికి నాలుగు గ్యాస్ సిలిండర్లు ఇస్తామని ప్రకటించింది. ఈ ప్రకటనను సనత్‌నగర్ (Sanatnagar) నుంచి ఆలిండియా ఫార్వర్డ్ బ్లాక్ పార్టీ (Allindia Forward Block Party) తరపున ప్రచారం చేస్తున్న కుమ్మరి వెంకటేష్ యాదవ్ (Venkatesh Yadav) చేశారు. స్థానిక నియోజకవర్గంలో ప్రచారం నిర్వహిస్తున్న కుమ్మరి వెంకటేష్ ఒక్క రూపాయికే ఉచిత విద్య.. వైద్య సలహా.. న్యాయసలహా అందిస్తామని హామీ ఇచ్చారు.

అంతే కాకుండా.. ప్రతి 100 కుటుంబాలకు ఒక వలంటీర్‌ని ఏపీ తరహాలో నియమిస్తామని చెప్పారు. 70 ఏళ్లు పైబడిన వారు ఎమర్జెన్సీ ప్యానిక్ బటన్ నొక్కితే సాయం అందుతుందని ప్రచారం చేస్తున్నారు వెంకటేష్ యాదవ్. మరి ఓటర్లు ఇతని ప్రచారానికి తలొగ్గి గెలిపిస్తారో.. లేదా డిపాజిట్ కూడా దక్కకుండా చేస్తారో వెయిట్ అండ్ సీ..

భారత దేశంలో స్వాతంత్ర్య పూర్వం ఓ రకం రాజకీయాలు నడిచాయి. అప్పటి రాజకీయాల్లో పాలకులు ఒకరిపై ఒకరు పోరాటాలు, కుట్రలు నడిపి యుద్ధాలు చేసి పంతం నెగ్గించుకునే వారు.. అందులో ప్రజల్ని బలి పశువుల్ని చేసేవారు. అలా విదేశీ దోపిడీదారులకు తలుపులు తెరిచి.. దేశ సంపదను, సంస్కృతిని, స్వేచ్ఛను పరాయి వాడికి తాకట్టు పెట్టారు. కళ్ళు తెరిచేసరికి మహోన్నత భారత దేశం బానిసత్వంలో మగ్గింది.

ఇక విప్లవయోధులు, అతివాదులు, మితవాదులు, మధ్యే వాదులు.. ఇలా భిన్న కోణాలలో స్వతంత్ర పోరాటం చేశారు. అలా ఎన్నో చేపలు రాచకీయంలో చిక్కుకున్నాయి. ఇక్కడా రాజకీయం రాజ్యమేలింది. ఫలితంగా మతం పేరుతో వేలాది మంది బలయ్యారు. దేశం రెండు ముక్కలైంది. మరోవైపు స్వతంత్ర భారత దేశంలో రాజకీయం వికృత రూపం దాల్చింది. పలు పార్టీలు వెలుగులోకి వచ్చాయి.

ఒక పార్టీ స్వతంత్రం మేమే తెచ్చామంటే.. మరోపార్టీ పేదలు, కార్మికులను ఉద్ధరిస్తామని బయలు దేరింది. అందులో అతివాదం, మితవాదం, తీవ్రవాదం పేరుతో కుంపట్లు పెట్టారు. మతం, భాష, ప్రాంతం, కులాలు ఆధారంగా పార్టీలు ఏర్పడి జనాన్ని విభజించడం మొదలు పెట్టాయి. అలా ప్రస్తుత కాలంలో రాజకీయం కాస్త రాచకీయంగా మారింది. ఈ రాజకీయాన్ని అడ్డుపెట్టుకుని వ్యక్తులు ఎదిగారు.. కానీ ప్రజలు మాత్రం అక్కడే ఒంటరిగా మిగిలి పోతున్నారు.. బలి అవుతున్నారు.. ఇది రాజకీయానికి ఉన్న చరిత్ర..

ఇక తెలంగాణ (Telangana)లో జరగనున్న అసెంబ్లీ ఎన్నికల్లో (Assembly Elections) నిలబడే అభ్యర్థులు అఫిడవిట్‌ దాఖలు చేసిన విషయం తెలిసిందే.. ఇందులో అత్యంత ధనవంతుడుగా మునుగోడు (Munugodu) నుంచి కాంగ్రెస్‌ (Congress) అభ్యర్దిగా పోటీ చేయనున్న కోమటిరెడ్డి రాజగోపాల్ రెడ్డి (Komatireddy Rajagopal Reddy) రాష్ట్రంలో ఎన్నికల అభ్యర్థుల్లో అత్యంత ధనవంతుడుగా నిలిచారు. తనకు, తన భార్య లక్ష్మికి రూ.458.37 కోట్ల ఆస్తులు ఉన్నాయని ప్రకటించారు. అయితే 2018లో జరిగిన ఎన్నికల అఫిడవిట్‌ లో 314 కోట్ల రూపాయల ఉమ్మడి ఆస్తులను ప్రకటించిన రాజగోపాల్ రెడ్డి ఆస్తుల నికర విలువ.. ప్రస్తుతం 45% పైగా పెరిగిందన్నట్టు..

మరోవైపు పైళ్ల శేఖర్ రెడ్డి (Pailla Shekhar Reddy)..భువనగిరి బీఆర్‌ఎస్ (BRS) అభ్యర్థి గా ఉన్న.. ఈయన రాష్ట్రంలోనే అత్యంత సంపన్న అభ్యర్థిగా రెండో స్థానంలో నిలిచారు. కాగా ఆయన ఆస్తులు రూ.227 కోట్లుగా తెలిపారు. ఇక దుబ్బాక బీఆర్ఎస్ అభ్యర్థి కొత్త ప్రభాకర్ రెడ్డి (Prabhakar Reddy) ఆస్తులు రూ.197 కోట్లుగా అఫిడవిట్‌ లో పేర్కొన్నారు.. మరోవైపు అత్యంత పేద రైతుగా మన ముఖ్యమంత్రి నిలిచారని జనం అనుకుంటున్నారు.