Politics

అసెంబ్లీ ఎన్నికల (Assembly Election) నేపథ్యంలో కాంగ్రెస్ (Congress) ఎంపీ ఉత్తమ్ కుమార్ రెడ్డి (MP Uttam Kumar Reddy) కీలక వ్యాఖ్యలు చేశారు. ఎన్నికల ప్రచారంలో భాగంగా సూర్యాపేట (Suryapet) జిల్లా హుజూర్ నగర్ మండలం వేపల సింగారం వెళ్లిన ఉత్తమ్ కుమార్ కి స్థానిక కాంగ్రెస్ కార్యకర్తలు ఘన స్వాగతం పలికారు. మంగళవారం ఉత్తమ్ సమక్షంలో పలువురు బీఆర్ఎస్ నేతలు, కార్యకర్తలు కాంగ్రెస్‌లో చేరారు.

ఈ సందర్భంగా ఉత్తమ్ మాట్లాడుతూ.. హుజూర్ నగర్ లో 50 వేల మెజారిటీకి ఒక్క ఓటు తగ్గినా రాజకీయాల నుంచి తప్పుకుంటానని సంచలన వ్యాఖ్యలు చేశారు. కాంగ్రెస్‌లో చేరే వారికి సముచిత స్థానం కల్పిస్తామని హామీ ఇచ్చారు. మరోవైపు రాహుల్ గాంధీ పై కేటీఆర్, కవిత చేసిన వ్యాఖ్యలు సరికాదని ఉత్తమ్ మండిపడ్డారు.

ప్రత్యేక తెలంగాణ రాష్ట్రం ఏర్పాటు చేసిన ఘనత గాంధీ కుటుంబానిదని, రాజకీయంగా పార్టీ నష్టపోతుందని తెలిసి కూడా సోనియమ్మ రాష్ట్ర ప్రజల ఆకాంక్ష నెరవేర్చారని ఉత్తమ్ తెలిపారు. మరోవైపు వచ్చే పార్లమెంట్ ఎన్నికల్లో ఇండియా కూటమి అధికారంలోకి వచ్చి రాహుల్ ప్రధాని కావడం ఖాయమన్నారు. కాంగ్రెస్ అధికారంలోకి వచ్చిన వెంటనే ప్రకటించిన ఆరు గ్యారెంటీ పథకాలను అమలు చేస్తామని ఉత్తమ్ కుమార్ రెడ్డి పేర్కొన్నారు.

నేతల మాటలు తామరాకు మీద నీటిబొట్టు లాంటివని అంటారు.. కొన్ని సందర్భాలలో నిజమే అనిపిస్తుంది. ఎందుకంటే ఏమాట ఎప్పుడు మారుస్తారో ఊహించడం నేతల విషయంలో కష్టం అనే వారు కూడా ఉన్నారు. ప్రస్తుత రాజకీయాల్లో పరిస్థితి ఇలాగే ఉందని కొందరు అంటున్నారు.. అధికారం కోసం ఎన్ని పార్టీలు మారడానికైనా నేతలు సిద్దమే? అని అనుకోని వారు లేరు !..

ఇక మునుగోడు (Munugodu) అనగానే ఏడాది క్రితం జరిగిన ఉపఎన్నికలు గుర్తుకు వస్తాయి.. ఈ ఎన్నికలు అత్యంత భారీ బడ్జెట్ సినిమాని తలపించే రేంజ్ లో సాగాయి. కాగా ప్రస్తుతం మరొక్కసారి వార్తల్లో మునుగోడు ప్రస్తావన జోరుగా సాగుతోంది. అసెంబ్లీ ఎన్నికల వేళ రాష్ట్రా ప్రజలందరూ మరోసారి మునుగోడు గురించి చర్చించుకుంటున్నారు. దానికి కారణం కోమటిరెడ్డి రాజగోపాల్ రెడ్డి (komatireddy Rajagopal Reddy).

ఉపఎన్నికలలో ఓటమి చెందిన రాజగోపాల్ రెడ్డికి.. బీజేపీ (BJP) తొలి జాబితాలో చోటు దక్కలేదు. ఈ నేపధ్యంలో ఆయన కమలాన్ని వీడుతారనే ప్రచారం తెరపైకి వచ్చింది. రాహుల్ గాంధీ (Rahul Gandhi) సమక్షంలో కాంగ్రెస్ (Congress) కండువా కప్పుకోవడం ఖాయమని జోరుగా చర్చలు సాగుతున్నాయి.. అదీగాక ఇటీవల రాజగోపాల్ రెడ్డి చేసిన వ్యాఖ్యలు ప్రాధాన్యతను సంతరించుకున్నాయి. దీంతో ఆయన హస్తం గూటికి చేరడం లాంఛనమేనని రాజకీయ వర్గాలు భావిస్తున్నాయి.

ఇదే సమయంలో రాజగోపాల్ రెడ్డి తాను ఎన్నికల్లో పోటీకి దూరంగా ఉండాలని భావిస్తున్నట్టు వెల్లడించారు. తన భార్య లక్ష్మిని మునుగోడు నుంచి పోటీలోకి దింపాలననే ఆలోచనలో రాజగోపాల్ రెడ్డి ఉన్నట్టు గుసగుసలు వినిపిస్తున్నాయి. మరోవైపు లక్ష్మి బైపోల్ సమయంలో మునుగోడు నియోజకవర్గంలో విస్తృతంగా ప్రచారం చేశారు. ప్రజలతో కలిసిపోయి పాపులారిటీ తెచ్చుకున్నారు. అందువల్ల ఈ ఎన్నికల్లో తన భార్యను బరిలోకి దింపితే బాగుంటుందనే ఆలోచనలో రాజగోపాల్ రెడ్డి ఉన్నట్టు అనుచరులు చెబుతున్నారు. కాగా ఈ విషయం పై త్వరలో క్లారిటీ వస్తుందని అంతా భావిస్తున్నారు.

తెలంగాణ (Telangana) రాష్ట్రంలో పద్మశాలీలు (Padma Shalilu) రాజ్యాధికార సాధన కోసం రోడ్డు ఎక్కవలసి వచ్చిందని పద్మశాలీ సంఘాలు నిరసన వ్యక్తం చేస్తున్నాయి. తమకు రాజకీయాల్లో సరైన గుర్తింపు లేదని ఆందోళన కార్యక్రమాలు కూడా చేపట్టాయి. మరోవైపు రాజన్న సిరిసిల్ల (Siricilla) జిల్లాలో పద్మశాలీలు ఆందోళనకు దిగారు. మాకు ఏ రాజకీయ పార్టీ టికెట్ ఇవ్వడం లేదంటూ రోడ్డెక్కారు.

బీఆర్ఎస్ (BRS) నేతలు అన్నీ పార్టీలకు పెద్దపీట వేస్తున్నామని ప్రచారం చేసుకొంటూ పక్షపాతంగా వ్యవహరించారని ఆరోపించారు. సిరిసిల్ల టికెట్ మళ్లీ కేటీఆర్ (KTR)కే ప్రకటించిన కేసీఆర్ (KCR).. సిరిసిల్లాలో పద్మశాలీలకు ఏం న్యాయం చేశారని విమర్శించారు. మరోవైపు కాంగ్రెస్ 55మందితో కూడిన తొలి జాబితాను విడుదల చేసినా.. సిరిసిల్ల టికెట్ మాత్రం పెండింగ్ లో పెట్టిందని గుర్తు చేశారు.. కాంగ్రెస్ రెండో జాబితాపై పద్మశాలీలు అంతా ఆసక్తిగా ఎదురు చూస్తున్నామన్నారు..

మరోవైపు బీజేపీ పై ఆశపెట్టుకొన్న పద్మశాలీలకు.. బీజేపీ హైకమండ్ హ్యాండ్ ఇచ్చింది.. తొలి జాబితాలో సిరిసిల్ల టికెట్ ను రాణి రుద్రమ రెడ్డికి కేటాయించింది. దీంతో పద్మశాలీలు తీవ్ర నిరాశకు లోనయ్యారు.. రాజకీయ పార్టీలు తమను గుర్తించడం లేదంటూ ఆగ్రహం వ్యక్తం చేశారు. పార్టీల దిష్టి బొమ్మను దగ్ధం చేసి నిరసన తెలిపారు. రాజకీయ పార్టీలు పద్మశాలీను గుర్తించి టికెట్ కేటాయించాలని డిమాండ్ చేశారు. పద్మశాలీలకు టికెట్ ఇవ్వకుంటే ఇండిపెండెంట్ అభ్యర్థిని బరిలోకి దించి గెలిపించుకుంటామని హెచ్చరించారు.