Politics

టీడీపీ అధినేత, మాజీ సీఎం చంద్రబాబు(Ex cm chandra babu) అరెస్టుపై బీఆర్ఎస్ సీనియర్ నేత మోత్కుపల్లి నర్సింహులు(mothkupalli narsimhulu) మరోసారి సంచలన వ్యాఖ్యలు చేశారు. హైదరాబాద్‌(Hyderabad)లోని ఎన్టీఆర్ ఘాట్ వద్ద శనివారం ఆయన మీడియాతో మాట్లాడుతూ చంద్రబాబును చంపేందుకు కుట్ర జరుగుతోందని ఆరోపించారు. సీఎం జగన్‌ చర్యలపై తీవ్రంగా ఖండించారు.

గతంలో కూడా చంద్రబాబు అరెస్టుకు నిరసనగా ఎన్టీఆర్ ఘాట్ వద్ద ఒక్కరోజు దీక్ష చేపట్టిన ఆయన తాజాగా కీలక వ్యాఖ్యలు చేశారు. మూడు పార్టీలు కలిసి కుట్ర చేసి చంద్రబాబును చంపాలని చూస్తున్నాయని నర్సింహులు చేసిన వ్యాఖ్యలు తీవ్ర దుమారం లేపుతున్నాయి.

చంద్రబాబును జైల్లో హింసించి బాధ పెడుతున్నారని.. బాబు ఆరోగ్యాన్ని దెబ్బతీసి చంపాలని ప్లాన్ చేస్తున్నారని నర్సింహులు అన్నారు. చంద్రబాబుకు ఏమైనా అయితే, సీఎంలు జగన్, కేసీఆర్, బీజేపీదే బాధ్యత అని హెచ్చరించారు. జైలు నుంచి చంద్రబాబును బయటకు రాకుండా చేసి ఓట్లను గుద్దుకోవాలని ప్రయత్నిస్తున్నారా? అని ప్రశ్నించారు.

సీఎం జగన్ మళ్లీ డబ్బులు పంచి గెలవాలని చూస్తున్నారని ఆరోపించారు. చంద్రబాబు కుటుంబానికి రక్షణ లేదని ఏపీలో పేద ప్రజలు బతికే పరిస్థితి లేకుండా లేకుండా చేశారని వైసీపీ సర్కార్‌పై నిప్పులు చెరిగారు. రాష్ట్రానికి రాజధాని లేకుండా పరిపాలన చేస్తున్న ఏకైక సీఎం జగన్ అని ఎద్దేవా చేశారు.

బీఆర్ఎస్ ఎమ్మెల్సీ కల్వకుంట్ల కవిత కాంగ్రెస్ పై ఫైర్ అయ్యారు. బీఆర్ఎస్ పార్టీ మళ్లీ గెలిస్తే బతుకమ్మ మీద గౌరమ్మకు బదులుగా లిక్కర్ బాటిల్ పెడతారని జీవన్‌ రెడ్డి చేసిన వ్యాఖ్యలకు కవిత కౌంటర్ ఇచ్చారు. కోరుట్ల ఎమ్మెల్యే కల్వకుంట్ల విద్యాసాగర్ రావు కార్యాలయంలో కవిత మాట్లాడుతూ.. జీవన్ రెడ్డి గారు మీ వయస్సు ఏంది ,మీ గౌరవం ఏంది ఎలక్షన్ల కోసం ఇంత దిగజారి మాట్లాడతారా అంటూ ప్రశ్నించారు.

జీవన్ రెడ్డికి నా రిక్వెస్ట్.. మీ స్థాయి మరచి ఇలా దిగజారి మరొక్కసారి మాట్లాడొద్దని కవిత కోరారు. మరోవైపు రాహుల్ గాంధీ కాదు.. అతను ఎలక్షన్ గాంధీ, పేపర్ టైగర్ అని విమర్శించిన కవిత.. తెలంగాణ బిడ్డల చావుకు కారణం సోనియా గాంధీ అని సంచలన వ్యాఖ్యలు చేశారు. కేసీఆర్ బీసీ కులగణనకు వ్యతిరేకం అని ప్రచారం చేస్తున్న కాంగ్రెస్ నేతలు సోయి ఉండే మాట్లాడుతున్నారా? అని కవిత మండిపడ్డారు.

బీఆర్ఎస్ పార్టీ 10 సంవత్సరాలుగా ప్రజల అభ్యున్నతి కోసం పనిచేస్తుందని కవిత పేర్కొన్నారు.. బీఆర్ఎస్ మ్యానిఫెస్టోలో ఉన్న పథకాలన్నింటిని అమలు చేస్తామని హామీ ఇచ్చారు. గల్ఫ్ లో మరణించిన కార్మికుల మృత దేహాలను తొందరగా వారి కుటుంబ సభ్యులకు అందించే ఏర్పాటు చేస్తున్నామని కవిత తెలిపారు. గల్ఫ్ లో ఉన్న సోదరులందరు తెలంగాణలో ఉపాధి అవకాలు ఎక్కువ ఉన్న విషయాన్ని గమనించగలరని.. తెలంగాణకు వాపస్ రండి అని కవిత కోరారు.

తెలంగాణ (Telanagan)లో కాంగ్రెస్ (Congress), బీఆర్ఎస్ (BRS)మధ్య మాటల యుద్ధం నిర్విరామంగా కొనసాగుతోంది. అసలే అసెంబ్లీ ఎన్నికలు ((Assembly Elections))దగ్గరపడుతున్నాయి. ఈ నేపథ్యంలో ప్రచారంలో విమర్శలు గుప్పించకుంటే ఓటర్ల దృష్టిని ఆకర్షించడం కష్టం అనే భావనతో.. నేతలు దూకుడు పెంచారని కొందరు అనుకొంటున్నారు.

ఇక ఎన్నికల ప్రచారం ప్రారంభించిన టీ కాంగ్రెస్ కీలక నేత ఎంపీ కోమటిరెడ్డి వెంకట్ రెడ్డి (Komatireddy Venkat Reddy).. కేసీఆర్ (KCR) కేటీఆర్ (KTR)పై తీవ్ర విమర్శలు చేశారు. తెలంగాణలో ఎమర్జెన్సీ పాలన నడుస్తోందని బీఆర్ఎస్ సర్కార్‌పై నిప్పులు చెరిగారు. అహంకారం అందలం ఎక్కితే బీఆర్ఎస్ నేతల్లాగా ఉంటుందని అన్నారు. కారు కావాలా.. బేకారు కావాలా అని మంత్రి కేటీఆర్ మాటలు అహంకారానికి నిదర్శమని ధ్వజమెత్తారు.

ఎమ్మెల్యేలకు అపాయింట్ మెంట్ కూడా ఇవ్వని కేసీఆర్, మంత్రి కేటీఆర్ హిట్లర్ తాతయ్యలని కోమటిరెడ్డి ఎద్దేవా చేశారు. బీఆర్ఎస్, బీజేపీ, ఎంఐఎం పార్టీలు కాంగ్రెస్ గెలుపును అపాలని కుట్రలు చేస్తున్నాయని ఆరోపించారు. బీఆర్ఎస్ నేతలకు కాంగ్రెస్ మ్యానిఫెస్టో చూసి మైండ్ బ్లాక్ అయ్యిందని.. వచ్చే ఎన్నికల్లో కాంగ్రెస్ 100 సీట్లకు పైగా గెలిచి అధికారంలోకి వస్తుందని కోమటిరెడ్డి వెంకట్ రెడ్డి ధీమా వ్యక్తం చేశారు.

మాజీ మంత్రి, కాంగ్రెస్ పార్టీ ఖమ్మం అసెంబ్లీ అభ్యర్థి తుమ్మల నాగేశ్వర్‌రావు(Thummala nageshwar rao) సంచలన వ్యాఖ్యలు చేశారు. ఖమ్మం జిల్లాలో మంత్రి తుమ్మల విస్తృతంగా పర్యటిస్తున్నారు. మామిళ్ల గూడెంలో వెంకటకృష్ణ అపార్ట్‌మెంట్‌లో నిర్వహించిన ఆత్మీయ పలకరింపు సభలో తుమ్మల మాట్లాడారు.

రాష్ట్రంలో విచ్చలవిడితనంగా బరితెగించి ప్రజాస్వామ్యాన్ని ఖూనీ చేశారని మండిపడ్డారు. ఈ రోజుల్లో కూడా ఇలాంటి పరిపాలన చేస్తున్నారంటే మనందరికీ సిగ్గుచేటని ఆగ్రహం వ్యక్తం చేశారు. వేరేచోట పోటీ చేయాల్సిన అవసరం ఉన్నా ఇక్కడ అదిరిచ్చి బెదిరించి ప్రజలను భయపెట్టాలని చూస్తున్నారని ధ్వజమెత్తారు. అందుకే ఖమ్మం నుంచి పోటీ చేస్తున్నట్లు స్పష్టం చేశారు.

ఇలాంటి కథలన్నింటినీ తన నలభై ఏళ్ల రాజకీయ అనుభవంలో ఎన్నో చూశానన్నారు తుమ్మల. కుండాకోరు రాజకీయాలు చేయాల్సిన అవసరం తనకు లేదన్నారు. ఇలాంటి పనికి మాలిన వారి మాటలు వినే అధికారులు ఎవరైనా ఉంటే తాట తీస్తానని హెచ్చరించారు. ఖమ్మంలో జరుగుతున్న అన్యాయాన్ని అరికట్టేందుకు వచ్చానని, విదేశాల్లో పిల్లలు ఉంటే ఇక్కడ తల్లిదండ్రులు సంతోషంగా ఉండాలనేది తన కోరిక అన్నారు.

దేశం గర్వించేలా నందమూరి తారక రామారావు లాంటి మహానేత ఆశీస్సులతో రాజకీయాల్లోకి వచ్చానని చెప్పారు. వచ్చిన అవకాశాన్ని సద్వినియోగం చేసుకొని రామారావు, చంద్రబాబు, కేసీఆర్ ప్రభుత్వంలో వచ్చిన అవకాశాన్ని జిల్లా అభివృద్ధికి కృషి చేశానన్నారు. తుమ్మల ఇటీవల బీఆర్ఎస్‌కు గుడ్‌బై చెప్పి కాంగ్రెస్‌లో చేరిన సంగతి తెలిసిందే.