Politics

తెలంగాణ (Telangana) లో రాజకీయాలు హీటెక్కాయి. ఎన్నికల షెడ్యూల్ విడుదలైన నేపథ్యంలో.. అన్ని పార్టీలు ప్రచార పర్వానికి సిద్ధమవుతున్నాయి. కాగా నేడు బీఆర్ఎస్ (BRS) పార్టీ అధ్యక్షుడు తెలంగాణ సీఎం (CM) కేసీఆర్ (KCR) విడుదల చేసిన మేనిఫెస్టో (Manifesto)పై ప్రజాశాంతి పార్టీ అధ్యక్షుడు కేఏ పాల్ (KA Paul) మండిపడ్డారు.

కేసీఆర్​ సర్కార్..​ తెలంగాణ రాష్ట్రాన్ని అప్పులకుప్పగా మార్చిందని, గత ఎన్నికలప్పుడు​ ఇచ్చిన హామీలను తుంగలో తొక్కారని ఆరోపించారు. డబుల్​ బెడ్​రూం ఇళ్ల పంపిణీ, దళితబంధు, నిరుద్యోగులకు ఉద్యోగాల హామీని నేరవేర్చలేదని పాల్ ధ్వజమెత్తారు. కేసీఆర్​ మోసపూరిత వాగ్దానాలను చేస్తూ ప్రజల ఓట్లు కొల్లగొడుతున్నారని విమర్శించారు.

తెలంగాణ ప్రజలు పెట్టుకొన్న నమ్మకాన్ని ఎప్పుడో వమ్ము చేసిన కేసీఆర్.. మరోసారి రాష్ట్రాన్ని నాశనం చేయడానికి విడుదల చేసిన మేనిఫెస్టో అంతా బూటకమని విమర్శించారు. తెలివైనవాడు ఎవడూ.. కేసీఆర్​కు ఓటెయ్యడన్నారు. రాష్ట్రంలో కుటుంబ పార్టీ పాలనను వెలివేయాలని పిలుపునిచ్చారు.

మరో వైపు ప్రధాన పార్టీలపై కూడా కేఏ పాల్ విమర్శలు గుప్పించారు. కర్ణాటకలో కాంగ్రెస్​ పార్టీ కూడా ఆచరణ సాధ్యం కానీ.. హామీలను ఇచ్చి చేతులు ఎత్తేసిందని పేర్కొన్నారు. దేశంలో బీజేపీ ఓ మతతత్వ పార్టీ అని ఆరోపించారు. బడుగ వర్గాల వారికే ప్రజాశాంతి పార్టీ ప్రాధాన్యం ఇస్తోందని.. బలహీన వర్గాల వారికి ఉపయోగపడే విధంగా మేనిఫెస్టో రూపొందించినట్లు పాల్ పేర్కొన్నారు.

గులాబీ బాస్ కేసీఆర్ ఇవాళ్టి నుంచే ఎన్నికల కదనరంగంలోకి దిగారు. హుస్నాబాద్ (Husnabad) వేదికగా తలపెట్టిన బహిరంగ సభకు హాజరైన సీఎం (CM) ఎన్నికల శంఖారావం పూరించారు. అయితే హుస్నాబాద్‌ సెంటిమెంట్ గా భావించే కేసీఆర్ (KCR) మరోసారి పట్టణంలో ఏర్పాటు చేసిన ప్రజా ఆశీర్వాద సభ ద్వారా అసెంబ్లీ ఎన్నికల (Assembly election) ప్రచారాన్ని (campaign) ప్రారంభించారు.

ఈ సందర్భంగా కేసీఆర్ పలు అంశాలపై ప్రసంగించారు. ఎన్నికలు వచ్చినప్పుడు ప్రజలు తెలివిగా ఆలోచించాలని సభలో కేసీఆర్ సూచించారు. ప్రజలు ఓటు హక్కు ఉపయోగించుకొనే సమయంలో స్పష్టమైన అవగాహనతో ఉండాలన్నారు.. 9 ఏళ్ల క్రితం తెలంగాణ ఎలా ఉండేది.. ఇప్పుడు ఎలా ఉందని కేసీఆర్ ప్రశ్నించారు. అందరి సహకారంతో ఇవాళ రాష్ట్రాన్ని అన్ని అంశాల్లో నంబర్‌ వన్‌గా నిలిపామని పేర్కొన్నారు.

వ్యవసాయం, పారిశ్రామిక రంగాల్లో మనకు ఎవరూ సాటి రారని, పోటీ లేరని తెలిపారు. కొన్ని పార్టీలు వచ్చి ఇప్పుడు మాయమాటలు చెప్తాయని.. ఒక్క అవకాశం ఇవ్వమని కాంగ్రెస్‌ పార్టీ (Congress) అడుగుతోందని కేసీఆర్ విమర్శించారు. రైతుబంధుతో రాష్ట్ర వ్యవసాయ విధానమే మారి పోయిందని.. కాంగ్రెస్‌ హయాంలో విద్యుత్‌ సరఫరా ఎలా ఉండేదో ప్రజలు గమనించాలని కేసీఆర్ వెల్లడించారు.

రాష్ట్రంలో ప్రాజెక్టులు నిర్మించి సాగునీరు, తాగునీరు తెచ్చుకున్నామని కేసీఆర్ తెలిపారు.. హుస్నాబాద్‌ నియోజకవర్గానికి ఆరు నెలల్లో లక్ష ఎకరాలకు నీళ్లు వస్తాయని పేర్కొన్నారు. మరోవైపు ఎన్నికలు పూర్తయిన 6 నెలల్లో గౌరవెల్లి ప్రాజెక్టు పూర్తి చేస్తామని కేసీఆర్ హామీ ఇచ్చారు. శనిగరం ప్రాజెక్టుకు మరమ్మతులు పూర్తి చేస్తామని అన్నారు. రాష్ట్ర ఆర్ధిక వ్యవస్థను గాడిలో పడేసే దిశగా ముందుకు వెళ్తున్నామని కేసీఆర్ వివరించారు.

kcr speech in praja ashirvada sabha husnabad

BRS B form: తెలంగాణ(TELANGANA) అసెంబ్లీ ఎన్నిక‌ల్లో పోటీ చేయ‌బోయే బీఆర్ఎస్(BRS) అభ్య‌ర్థుల‌కు సీఎం కేసీఆర్(KCR) బీ-ఫారాలు అందజేశారు. తెలంగాణ భ‌వ‌న్‌లో 51 మంది ఎమ్మెల్యే అభ్య‌ర్థుల‌కు బీ-ఫారాలు అంద‌జేశారు. ఒక్కో అభ్య‌ర్థికి రెండు బీ-ఫారాలు అందిస్తున్న‌ట్లు కేసీఆర్(KCR) తెలిపారు. మిగతా వారికి రేపు బీ-ఫారాలు అందించనున్నట్లు ప్రకటించారు.

కేసీఆర్ త‌ర‌పున గంప గోవ‌ర్ధ‌న్, మంత్రి ప్ర‌శాంత్ రెడ్డి త‌ర‌పున ఎమ్మెల్సీ క‌విత బీ-ఫార‌మ్ అందుకున్నారు. ఉమ్మ‌డి మెద‌క్, మ‌హ‌బూబ్‌న‌గ‌ర్, ఖ‌మ్మం, నిజామాబాద్, ఆదిలాబాద్ జిల్లాల‌కు చెందిన బీఆర్ఎస్ అభ్య‌ర్థుల‌కు బీ-ఫారాలు అంద‌జేశారు. బీఫామ్‌లతో పాటు ఒక్కొక్కరికీ రూ.40 లక్షల చెక్కును అందజేశారు.

బీ-ఫార‌మ్ అందుకున్న వారిలో పోచారం శ్రీనివాస్ రెడ్డి, ష‌కీల్, జాజాల సురేంద‌ర్, గ‌ణేశ్ గుప్తా, బాజిరెడ్డి గోవ‌ర్ధ‌న్‌, గంప గోవ‌ర్ధ‌న్, ప‌ట్నం న‌రేంద‌ర్ రెడ్డి, రాజేంద‌ర్ రెడ్డి, శ్రీనివాస్ గౌడ్, ల‌క్ష్మా రెడ్డి, ఆల వెంక‌టేశ్వ‌ర్ రెడ్డి, చిట్టెం రామ్మోహ‌న్ రెడ్డి, నిరంజ‌న్ రెడ్డి, బండ్ల కృష్ణ మోహ‌న్ రెడ్డి, మ‌ర్రి జ‌నార్ధ‌న్ రెడ్డి, గువ్వ‌ల బాల‌రాజు, జైపాల్ యాద‌వ్, అంజ‌య్య యాద‌వ్, హ‌ర్ష‌వ‌ర్ధ‌న్ రెడ్డి, ప‌ద్మా దేవేంద‌ర్ రెడ్డి, చంటి క్రాంతి కిర‌ణ్, మ‌హిపాల్ రెడ్డి, కొత్త ప్ర‌భాక‌ర్ రెడ్డి, రేగా కాంతారావు, హ‌రిప్రియ నాయ‌క్, పువ్వాడ అజ‌య్, లింగాల క‌మ‌ల్ రాజ్, సండ్ర వెంక‌ట వీర‌య్య‌, వ‌న‌మా వెంక‌టేశ్వ‌ర్ రావు, మెచ్చా నాగేశ్వ‌ర్ రావుతో పాటు ప‌లువురు ఉన్నారు.

తెలంగాణ(Telangana) ఎన్నికల ప్రచారానికి బీఆర్ఎస్(BRS) ప్రచార రథం సిద్ధమైంది. గులాబీ వర్ణంలో రూపొందిన ఈ బస్సులో అన్ని రకాల ఆధునిక వసతులు కల్పించారు. సీఎం కేసీఆర్(kcr) ఈ వాహనం ద్వారా ప్రసంగిస్తారు. ఈ వాహనంపై తెలంగాణ, భారత దేశ చిత్ర పటంతో పాటు రాష్ట్ర సంస్కృతి సాంప్రదాయాలు ఉట్టిపడేలా తీర్చిదిద్దారు. ఈరోజు సాయంత్రం హుస్నాబాద్ నుంచి సీఎం కేసీఆర్ ఎన్నికల శంఖారావం పూరించనున్నారు. అక్కడి సభలో బీఆర్ఎస్ మెనిఫెస్టో ప్రకటించనున్నారు.

17 రోజుల్లో 42 సభల్లో సీఎం కేసీఆర్ ప్రసంగాలు ఉండనున్నాయి. దీని కోసం ఈ ప్రత్యేక బస్సును సిద్ధం చేశారు. ఈ ప్రచార రథంపై కేసీఆర్ చిత్రం, కారు గుర్తు, భారత దేశం పటం, గులాబీ రంగుతో తీర్చిదిద్దారు. 2023 అసెంబ్లీ ఎన్నికల ప్రచారం కోసం బీఆర్ఎస్ అధినేతకు ఈ బస్సును ఉత్తర ప్రదేశ్ మాజీ ముఖ్యమంత్రి అశిలేష్ యాదవ్ గిఫ్ట్‌గా ఇచ్చారని బీఆర్ఎస్ వర్గాలు చెబుతున్నాయి. దీంతో కొన్ని రోజుల క్రితమే యూపీ నుంచి రాష్ట్రానికి ఈ బస్సు చేరుకుంది. ఈ బస్సు ఈరోజు(ఆదివారం) నుంచి మొదలై కేసీఆర్ ప్రచార సభలకు పరుగులు పెట్టడానికి సిద్ధమైంది.

సీఎం కేసీఆర్ ప్రగతి భవన్‌లో మేనిఫెస్టో విడుదల చేసిన తర్వాత అక్కడి నుంచి సిద్దిపేట జిల్లా హుస్నాబాద్ వెళ్లి అక్కడ 4గంటలకు బహిరంగ సభలో ఎన్నికల ప్రచారభేరి మోగిస్తారు. సోమవారం నుంచి వరుసగా ఆయన ప్రచార సభలు నిర్వహించనున్నారు. ఈ ప్రచార సభల్లో ప్రచార రథం అన్ని హంగులతో తీర్చిదద్దడం ప్రత్యేక ఆకర్షణీయంగా నిలిచింది.

Cm kcr: తెలంగాణలో జరగబోయే ఎన్నికల్లో మరోసారి విజయం బీఆర్ఎస్‌దేనని, అభ్యర్థులెవరూ తొందరపడొద్దని సీఎం కేసీఆర్ వెల్లడించారు. తెలంగాణ భవన్‌లో ఆయన మాట్లాడుతూ.. ‘వేములవాడలో వాస్తవానికి మార్చాల్సిన అవసరం లేదున్యాయపరమైన అంశాల వల్ల వేములవాడలో మార్చాం. ఎన్నికల వేళ కొన్ని కోపతాపాలు ఉంటాయి.  సహజమే. అయినా అభ్యర్థులకు ఓపిక, సంయమనం అవసరం. నామినేషన్ల విషయంలో అజాగ్రత్త వద్దు. మాకే అంతా తెలుసని అనుకోవద్దు’  అని తెలిపారు.

ఇవాళ్టి వ‌ర‌కు 51 బీ-ఫారాలు మాత్ర‌మే రెడీ అయ్యాయ‌ని, మిగ‌తావి రేపు అందిస్తామ‌ని ముఖ్య‌మంత్రి కేసీఆర్ స్ప‌ష్టం చేశారు. ఇక బీ-ఫారాలు నింపేట‌ప్పుడు జాగ్ర‌త్త‌లు తీసుకోవాలని పొర‌పాటు చేయొద్ద‌ని కేసీఆర్ సూచించారు.  ఇప్ప‌ట్నుంచే నామినేష‌న్ల విష‌యంలో జాగ్ర‌త్త‌లు తీసుకోవాలని చివ‌రి రోజున నామినేష‌న్లు వేసేందుకు ప్ర‌య‌త్నించొద్దని తెలిపారు. తెలంగాణ భ‌వ‌న్‌లో బీఆర్ఎస్ అభ్య‌ర్థుల‌కు బీ-ఫారాలు అంద‌జేసిన సంద‌ర్భంగా కేసీఆర్ ప్ర‌సంగించారు.

ఇక బీ-ఫారాలు నింపేట‌ప్పుడు జాగ్ర‌త్త‌లు తీసుకోవాలన్నారు. ఎట్టిపరిస్థితిలో పొర‌పాటు చేయొద్ద‌ని కేసీఆర్ సూచించారు. తెలంగాణ భ‌వ‌న్‌లో బీఆర్ఎస్ అభ్య‌ర్థుల‌కు బీ-ఫారాలు అంద‌జేసిన సంద‌ర్భంగా కేసీఆర్ ప్ర‌సంగించారు. శ్రీనివాస్ గౌడ్, వ‌న‌మా వెంక‌టేశ్వ‌ర్ రావు, కృష్ణ‌ మోహ‌న్‌రెడ్డి మీద కేసులు పెట్టారని కేసీఆర్ గుర్తు చేశారు. గెల‌వ‌లేక కోర్టుల్లో కేసులు వేసి ఇబ్బంది పెట్టారని సాంకేతికంగా కార‌ణాలు చూపి, ఇబ్బంది పెట్టే ప్ర‌య‌త్నం చేశారు. గైడ్ చేయ‌డానికి అభ్యర్థులకు న్యాయ‌వాదులు అందుబాటులో ఉంటారని చెప్పారు. వారితో మాట్లాడి, తెలియ‌ని విష‌యాలు తెలుసుకోవాలన్నారు.

ఎన్నిక‌లు వ‌చ్చిన‌ప్పుడ‌ల్లా త‌మాషాలు జరుగుతుంటాయని, ఈ ఎన్నిక‌ల్లో నిబంధ‌న‌లు మారుస్తుంటారని సూచించారు. ప్రతీది తెలుసుకునే ప్రయత్నం చేయాలన్నారు. అన్నీ మాకు తెలుసనే భావనలో ఉండవద్దని హితవు పలికారు. 98480 23175 నంబ‌ర్‌కు ఫోన్ చేస్తే భ‌ర‌త్ కుమార్ 24 గంట‌లు అందుబాటులో ఉంటారని కేసీఆర్ సూచించారు.  మ‌న పార్టీకి, ఎన్నిక‌ల క‌మిష‌న్‌కు మ‌ధ్య వార‌ధిగా భ‌ర‌త్ కుమార్ ప‌ని చేస్తున్నారు. ఇవాళ 51 బీ-ఫారాలు త‌యారు చేశాం. బీ-ఫారాలు నింపేట‌ప్పుడు అప్డేట్ ఓట‌ర్ జాబితాను అనుసిరించాలని, మిగ‌తా బీ-ఫారాలు రేపు అందిస్తామ‌ని కేసీఆర్ స్పష్టం చేశారు.