Politics

తెలంగాణ (Telangana) లో ఎన్నికల యుద్ధం మొదలైంది. ఎలక్షన్లకు సమయం సమీపిస్తూ ఉండటంతో బీఆర్ఎస్ (BRS) నేతలు దూకుడు పెంచారు. బీఆర్ఎస్ కు మైలేజీ పెంచాలని పడే తాపత్రయంలో ఏమని విమర్శిస్తున్నారో కూడా అర్ధం కావడం లేదు. ఈ క్రమంలో కాంగ్రెస్, బీజేపీ (BJP) పై ఘాటు వ్యాఖ్యలు చేయడం కూడా తెలిసిందే.

ఇప్పటికే విమర్శలు చేయడంలో పట్టా పుచ్చుకొన్నట్టు ప్రవర్తించే మంత్రి గంగుల మరోసారి కాంగ్రెస్, బీజేపీ పై విమర్శలు చేశారు. ఆంధ్రా వాళ్ళు కాంగ్రెస్ ముసుగుతో వచ్చి తెలంగాణను, ఆంధ్రాతో కలపాలని చూస్తున్నారని కామెంట్ చేశారు. వచ్చే ఎన్నికల్లో అధికారం ఢిల్లీ చేతిలో కాదని, కేసీఆర్ చేతిలో పెట్టాలని కోరారు. కాంగ్రెస్ బీఫామ్ లు బీజేపీ ఆఫీసులో తయారవుతాయంటూ సెటైర్లు వేశారు మంత్రి గంగుల.

కేసీఆర్ లేని తెలంగాణ అంటే నెర్రలు వారిన తెలంగాణ అన్నారు. గత ఎన్నికల్లో కూడా సర్వేలన్నీ కాంగ్రెస్ కి అనుకూలమని చెప్పాయి.. కానీ బీఆర్ఎస్ అధికారంలోకి వచ్చిందని గుర్తు చేశారు. ప్రస్తుతం ఉన్న సర్వేలన్నీ బీఆర్ఎస్ కి అనుకూలంగా ఉన్నాయని తెలిపారు. తెలంగాణలో బీజేపీకి ఒక్క సీటు కూడా వచ్చే అవకాశం లేదని పేర్కొన్నారు. అమలుకు సాధ్యం కాని హామీలిచ్చి కర్ణాటకలో అధికారంలోకి వచ్చి విఫలమైన కాంగ్రెస్.. తెలంగాణ అభివృద్ధి చూసి ఓర్వలేక పోతోందని ఎమ్మెల్యే గంగుల అన్నారు.

రాష్ట్ర రోడ్లు భవనాల శాఖ మంత్రి వేముల మాతృమూర్తి మంజులమ్మ (77) గురువారం అనారోగ్యంతో కన్నుమూశారు. వేముల ప్రశాంత్‌రెడ్డికి (vemula prashanth) మాతృ వియోగం విషయం తెలుసుకొన్న పలువురు బీఆర్ఎస్ నేతలు నిజామాబాద్‌ (Nizamabad) జిల్లా, వేల్పూరు (Velpur)లో ఉన్న ఆయన నివాసానికి వెళ్తున్నారు.

ఈ క్రమంలో సీఎం (CM) కేసీఆర్‌ (KCR) కూడా మంత్రి నివాసానికి వెళ్లి మంజులమ్మ (manjulamma) భౌతిక కాయానికి పూలమాల వేసి పుష్పాంజలి ఘటించారు. అనంతరం మంత్రి వేములను, ఆయన కుటుంబ సభ్యులను పరామర్శించారు. కాగా సీఎం కేసీఆర్‌ వెంట స్పీకర్‌ పోచారం శ్రీనివాస్‌రెడ్డి, మంత్రులు ఇంద్రకరణ్‌రెడ్డి, శ్రీనివాస్‌ గౌడ్‌, ఎమ్మెల్యేలు జీవన్‌రెడ్డి తదితరులు ఉన్నారు.

ఏడాది కాలంగా అనారోగ్యంతో బాధపడుతున్న మంజులమ్మను చికిత్స నిమిత్తం హైదరాబాద్‌లోని ఓ ప్రైవేట్‌ ఆస్పత్రిలో చేర్పించారు కుటుంబ సభ్యలు. అయితే చికిత్స పొందుతూ తుదిశ్వాస విడిచినట్టు మంత్రి సన్నిహితులు తెలిపారు. కాగా గతంలో మంజులమ్మకు బ్రెయిన్‌ ట్యూమర్‌ సర్జరీ జరిగింది. తర్వాత కోలుకున్నప్పటికీ మళ్లీ ఆరోగ్యం క్షీణించడంతో మృతి చెందారు.

తెలంగాణ (Telangana) అసెంబ్లీ ఎన్నికల్లో ఒంటరిగా పోటీ చేసేందుకు వైఎస్సార్టీపీ అధ్యక్షురాలు వైఎస్ షర్మిల (YS Sharmila) సిద్ధమయ్యారు. నిన్నటి వరకు వైఎస్సార్‌టీపీ (YSRTP) ని కాంగ్రెస్‌లో విలీనం చేస్తారనే వార్తలకు నేటితో చెక్ పెట్టినట్టే.. కాగా కాంగ్రెస్‌తో కలిసి అవినీతి ప్రభుత్వం పై పోరాటం చేద్దామని భావించాం. అందుకే కాంగ్రెస్‌తో చర్చలు జరిపాం. 4 నెలలు ఎదురు చూశామని షర్మిల అన్నారు.. కానీ కాంగ్రెస్‌తో అవగాహన కుదరకపోవడంతో తెలంగాణ అసెంబ్లీ ఎన్నికలకు (Assembly election) ఒంటరిగా వెళ్లాలని నిర్ణయించుకొన్నట్టు తెలిపారు.

ఖమ్మం జిల్లా (Khammam District) పాలేరు (Paleru) నియోజకవర్గం నుంచి బరిలో దిగాలని నిర్ణయించుకున్న షర్మిల హైదరాబాద్‌లోని లోటస్ పాండ్‌లో పార్టీ రాష్ట్ర కార్యవర్గ సమావేశం నిర్వహించారు. ఈ మీటింగ్‌లో పార్టీ భవిష్యత్ కార్యాచరణను ప్రకటించారు. రాష్ట్రంలోని 119 నియోజకవర్గాల్లో అభ్యర్థులను బరిలోకి దించేందుకు సిద్దమయ్యారు. పార్టీ తరపున పోటీ చేయాలని భావిస్తున్న అభ్యర్థులు టికెట్ కోసం దరఖాస్తు చేసుకోవాలని సూచించారు.

మరోవైపు తాను రెండు స్థానాల నుంచి పోటీ చేయనున్నట్టు నేతలకు షర్మిల తెలిపారు. అయితే పార్టీ శ్రేణులు, అభిమానులు తన భర్త అనిల్ కుమార్, తల్లి విజయలక్ష్మి కూడా పోటీ చేయాలని డిమాండ్ చేస్తున్నారని, అవసరమైతే తన తల్లి, బ్రదర్ అనిల్ పోటీ చేస్తారని చెప్పారు. ప్రస్తుతం అభ్యర్థుల ఎంపిక, మ్యానిఫెస్టో పై దృష్టి పెట్టిన షర్మిల ఎన్నికలు సమీపిస్తుండటంతో దూకుడు పెంచారు..

తెలంగాణ (Telangana)కి గవర్నర్ (Governor) గా తమిళిసై సౌందర రాజన్ (Tamilisai Soundararajan) వచ్చినప్పటి నుంచి ఈ రాష్ట్ర ముఖ్యమంత్రికి, గవర్నర్‌ కి మధ్య ఏనాడూ స్నేహపూరిత వాతావరణం ఏర్పడలేదు. అదీగాక ఒకరి పై ఒకరు తరచుగా ఆరోపణలు చేసుకోవడం తెలిసిందే. కాగా తాజాగా గవర్నర్ తమిళిసై సౌందర రాజన్ సంచలన వ్యాఖ్యలు చేశారు.

చెన్నై (Chennai)లో జరిగిన ఏబీపీ సదరన్ రైజింగ్ సమ్మిట్ (ABP Southern Rising Summit) 2023లో మాట్లాడిన తమిళిసై..ముఖ్యమంత్రికి, గవర్నర్‌కు మంచి సంబంధాలు ఉండాలని, కానీ దురదృష్టవశాత్తు చాలా రాష్ట్రాల్లో ఇలాంటి సంబంధాలు దెబ్బతింటున్నాయని అన్నారు. ప్రత్యేకంగా తెలంగాణలో అలాంటి సంబంధాలు సన్నగిల్లుతున్నాయని తెలిపారు. ఇటీవల ఓ కార్యక్రమం లో కలవడం మినహా, గడిచిన మూడేళ్లుగా రాష్ట్ర సీఎం తనను కలవలేదని పేర్కొన్నారు.

గవర్నర్ నిర్ణయాలపై కొందరు రాజకీయం చేస్తూ గవర్నర్ వ్యవస్థ పై విమర్శలు చేస్తున్నారని అన్నారు. గవర్నర్లు అంటే రబ్బరు స్టాంపులు కాదని, ప్రతి ఫైల్ సంతకం చేసి పంపించడాని అన్నారు.. ప్రజా సంక్షేమం, రాష్ట్ర ప్రగతి విషయంలో ఒక అడుగు ముందే ఆలోచిస్తామని తెలిపారు. ప్రభుత్వానికి, గవర్నర్‌కు మధ్య స్నేహపూర్వక వాతావరణం నెలకొల్పేందుకు సీఎంలు ముందుకు రావాలన్నారు. ప్రతిపక్షంలో ఉన్నప్పుడు చాలా మంది గవర్నర్ వ్యవస్థ అవసరం అంటారు. అధికారంలోకి రాగానే గవర్నర్ వ్యవస్థ అవసరమా? అని ప్రశ్నిస్తుంటారు. గవర్నర్ అంటే ఏ ఒక్క వ్యక్తి కోసమో, సొంత ప్రయోజనం కోసమో పనిచేసే వ్యక్తి కాదని ఈ సందర్భంగా తెలిపారు.

తెలంగాణ (Telangana) ఇచ్చింది తామే అని కాంగ్రెస్ (Congress) నేతలు చెవులు చిల్లులు పడేలా ప్రచారం చేసుకొంటున్న.. తెలంగాణ తెచ్చింది మేమే అన్న బీఆర్‌ఎస్‌ (BRS) ప్రభుత్వానికే ఇప్పటి వరకు ప్రజలు జై కొట్టారు. ఈ నేపధ్యంలో, తెలంగాణలో నూతన ప్రభుత్వాన్ని ఏర్పాటు చేయాలని కాంగ్రెస్ కలలు కంటుండగా, అవి పీడ కలలు కావద్దని హస్తం అభిమానులు ఆశిస్తున్నారు.

మొత్తానికి కాంగ్రెస్, బీజేపీ (BJP), బీఆర్‌ఎస్‌ లను అధికార పీఠం ఆశ పెడుతోంది. ఈ క్రమంలో సీఎల్పీ నేత మల్లు భట్టి విక్రమార్క (Mallu Bhatti Vikramarka) కీలక వ్యాఖ్యలు చేశారు. బీఆర్ఎస్ పార్టీ బడ్జెట్లో నిధులు కేటాయించకుండా.. గృహలక్ష్మి (Grilahakshmi), బీసీ బంద్ (BC Bundh) అంటూ ప్రజల్ని మోసం చేస్తున్నారన్నారు. రానున్న అసెంబ్లీ ఎన్నికల్లో (Assembly Elections), తెలంగాణలో కాంగ్రెస్ ప్రభుత్వం ఏర్పడుతుందని ధీమా వ్యక్తం చేశారు. హస్తం అధికారంలోకి రాగానే.. ఆరు పథకాలను వంద రోజుల్లో అమలు చేస్తామని చెప్పారు.

కాంగ్రెస్ పార్టీకి ఎందుకు ఓటేయ్యాలి అంటున్న మంత్రి కేటీఆర్.. ప్రజల్ని మోసం చేస్తూ రాష్ట్ర సంపదని దోచుకుంటున్న బీఆర్ఎస్‌కి ఎందుకు ఓటేయ్యాలో చెప్పాలని ప్రశ్నించారు భట్టి.. మొత్తానికి ఖమ్మం జిల్లా మధిర క్యాంపు కార్యాలయంలోని మీడియా సమావేశంలో భట్టి విక్రమార్క, బీఆర్‌ఎస్‌ ప్రభుత్వంపై ఇలా విరుచుకుపడటం కాంగ్రెస్ అభిమానులకు ఊపునిస్తుంది.