Politics

వచ్చే పార్లమెంట్ ఎన్నికల సందర్బంగా రాష్ట్రంలోని ప్రధాన పార్టీలు ఇప్పటికే దూకుడును పెంచాయి. తెలంగాణలోని మొత్తం 17 ఎంపీ స్థానాలకు ఎన్నికలు జరగనుండగా.. అధికార కాంగ్రెస్, బీజేపీ, బీఆర్ఎస్ పార్టీలు ప్రధానంగా పోటీపడుతున్నాయి. అయితే, ముఖ్యంగా బీజేపీ, కాంగ్రెస్ మధ్యే ప్రధాన పోటీ ఉంటుందని, రెండు పార్లమెంట్ సెగ్మంట్లలో మాత్రం బీఆర్ఎస్ వర్సెస్ బీజేపీ అన్నట్లుగా టఫ్ ఫైట్ ఉంటుందని పొలిటికల్ అనలిస్టులు అంచనా వేస్తున్నారు.

ఈ క్రమంలోనే మెదక్ పార్లమెంట్ సెగ్మెంట్‌పై గులాబీ జెండా ఎగురుతుందని సిద్దిపేట ఎమ్మెల్యే హరీశ్ రావు (Mla Harish Rao)ధీమా వ్యక్తంచేశారు.సంగారెడ్డిలో బుధవారం ఆయన మాట్లాడుతూ సీఎం రేవంత్ రెడ్డి తీరుపై మండిపడ్డారు. ‘కేసీఆర్ సిరిసిల్ల పర్యటనలో భాగంగా వడ్ల బోనస్ గురించి ప్రశ్నిస్తే..రేవంత్ రెడ్డి డ్రాయర్ ఉడదీస్తా అంటాడు.
నువ్వు సీఎంవా చెడ్డి గ్యాంగ్ లీడర్‌వా రేవంత్ రెడ్డి?

ఎన్నికల ముందు తియ్యగా నోటితో మాట్లాడిన రేవంత్, ఇప్పుడు నోసిటితో వెక్కిరిస్తున్నారు. కాంగ్రెస్ పార్టీ పరిస్థితి పాలపొంగు లాగా ఉంది.ఎంత స్పీడ్‌గా కాంగ్రెస్ పార్టీ గ్రాఫ్ పెరిగిందో అంతే వేగంతో గ్రాఫ్ పడిపోయింది.కాంగ్రెస్ పార్టీ 100 రోజుల పాలనలో అన్నివర్గాల్ని మోసం చేసింది.ఏ మొహం పెట్టుకొని ఈ ఎన్నికల్లో కాంగ్రెస్ పార్టీ ఓట్లు అడుగుతుంది. కాంగ్రెస్ అభయహస్తం అక్కరకురాని హస్తం లా మారింది.

2004 నుంచి 2019 వరకు మెదక్ గడ్డపై గులాబీ జెండా ఎగురుతూనే ఉంది.ఈ సారి కూడా మెదక్ గడ్డపై (Medak) బీఆర్ఎస్(BRS) జెండా ఎగురుతుంది’అని మాజీ మంత్రి హరీశ్ రావు తెలిపారు. ఇదిలాఉండగా, ఎన్నికల వ్యుహకర్త ప్రశాంత్ కిషోర్ సైతం తెలంగాణలో ఏ పార్టీకి ఎడ్జ్ ఉంటుందో చెప్పేశాడు. రాష్ట్రంలో బీజేపీ ఫస్ట్ లేదా సెకండ్ ప్లేసులో ఉంటుందని కుండబద్దలు కొట్టేశాడు. దీంతో బీఆర్ఎస్ మూడో స్థానానికే పరిమితం కావడం పక్కా అని చెప్పకనే చెప్పాడు. ఇప్పటికే పలు సర్వేలు సైతం ఈ విషయాన్ని స్పష్టంచేశాయి.

యాక్టివ్ పాలిటిక్స్‌కు దూరమైన సీనియర్ నేత, మాజీ రాజ్యసభ సభ్యులు మంత్రి ధర్మపురి శ్రీనివాస్(Ex Mp Darmapuri Srinivas) మరోసారి ఆస్పత్రిలో చేరారు. గత కొంతకాలంగా ఆయన తీవ్రమైన అనారోగ్యంతో బాధపడుతున్నారు. ఇటీవల ఆస్పత్రిలో చేర్పించి ట్రీట్మెంట్ అనంతరం ఆయన ఆరోగ్యం కాస్త కుదుటపడింది.

అయితే, మరోసారి ఆయన ఆస్పత్రిలో చేరారు. దీంతో ఆయన అభిమానులు, కార్యకర్తలు ఆందోళన వ్యక్తంచేస్తున్నారు. దీనిపై నిజామాబాద్ ఎంపీ, ధర్మపురి శ్రీనివాస్ తనయుడు అర్వింద్ (Mp Arvind) సోషల్ మీడియా ప్లాట్‌ఫాం ట్విట్టర్ (ఎక్స్)లో తన తండ్రితో కలిసి ఆస్పత్రిలో ఉన్న ఫోటోను ఆయన షేర్ చేశారు.

ప్రస్తుతం హైదరాబాద్‌లో నివాసం ఉంటున్న ధర్మపురి శ్రీనివాస్ మూత్రనాళాల్లో ఇన్ ఫెక్షన్ కారణంగా ఆస్పత్రిలో చేరినట్లు తెలిసింది. వైద్యులు ఆయన్ను పరిశీలించి ట్రీట్మెంట్ అందించినట్లు తెలిసింది. వయోభారంతో పాటు అనారోగ్య సమస్యల కారణంగా డి.శ్రీనివాస్ ఇబ్బంది పడుతున్నారని వైద్యులు వెల్లడించినట్లు ఎంపీ అర్వింద్ పేర్కొన్నారు. కాగా, డి.శ్రీనివాస్ త్వరలో కోలుకోవాలని ఆయన అభిమానులు వేడుకుంటున్నారు.

ఇదిలాఉండగా, ధర్మపురి శ్రీనివాస్ రాజకీయాలకు దూరమైన సమయంలో బీఆర్ఎస్ పార్టీలో ఉన్నారు.చివరగా రాజ్యసభ సభ్యుడిగా ప్రజాసేవలో ఉన్నారు. ప్రస్తుతం ఆయన ఇద్దరు కుమారులు రాజకీయాల్లో ఉన్నారు. ఇక అర్వింద్ మొన్నటి అసెంబ్లీ ఎన్నికల్లో కోరుట్ల నుంచి ఎమ్మెల్యేగా పోటీ చేసి ఓడిపోయారు. ప్రస్తుతం మరోసారి నిజామాబాద్ నుంచి బీజేపీ పార్టీ తరఫున ఎంపీగా పోటీగా చేస్తున్నారు.

ఢిల్లీ లిక్కర్ కుంభకోణంలో కీలక నిందితురాలిగా ఆరోపణలు ఎదుర్కొంటున్న కవితకు షాకుల మీద షాకులు తగులుతున్నాయి. ఇప్పటికే ఆమె మధ్యంతర బెయిల్ పిటిషన్ ను కొట్టివేయడంతో పాటు మంగళవారం మరోసారి జ్యుడీషియల్ రిమాండ్(14 రోజులు) విధిస్తూ రౌస్ అవెన్యూ కోర్టు ఉత్తర్వులు జారీ చేసింది.

దీంతో ఆమెను వెంటనే ఈడీ అధికారులు తిహార్ జైలుకు పంపించిన విషయం తెలిసిందే. అయితే, వెంటనే రంగంలోకి దిగిన సెంట్రల్ బ్యూరో ఆఫ్ ఇన్వెస్టిగేషన్(CBI) అధికారులు కవితను తిహార్ జైలులో విచారించినట్లు తెలుస్తోంది. లిక్కర్ స్కాం కుంభకోణం, పెద్ద ఎత్తున చేతులు మారడం, హవాలా రూపంలో ఢిల్లీ సీఎంకు చేరడం, సౌత్ గ్రూపులో కవిత పాత్ర, ఇండో స్పిరిట్ కంపెనీలో వాటా గురించి సీబీఐ అధికారులు ఆమెను పలుమార్లు ప్రశ్నించేందుకు సిద్దమయ్యారని సమాచారం.

ఈ నేపథ్యంలోనే ఎమ్మెల్సీ కవిత(Mlc Kavitha) సీబీఐ మీద స్పెషల్ కోర్టులో ఎమర్జెన్సీ పిటిషన్ దాఖలు చేసినట్లు తెలుస్తోంది. తన తరఫున వాదనలు వినకుండా తిహార్ జైలులోనే విచారణకు సీబీఐకి అనుమతి ఇవ్వడాన్ని ప్రశ్నిస్తూ కవిత పిటిషన్ దాఖలు చేసింది. ఇది మధ్యాహ్నం 12 గంటల సమయంలో విచారణకు రానుండగా.. న్యాయమూర్తి కావేరి భవేజా ఇరు పక్షాల వాదనల అనంతరం తుదినిర్ణయం తీసుకోనుంది.

ఇదిలాఉండగా,రెండోసారి తనకు జ్యుడీషియల్ రిమాండ్ విధించడంతో కవిత తిహార్ జైలు నుంచే జడ్జి భవేజాకు ఒక లేఖ రాసిన విషయం తెలిసిందే. ఇందులోని కీలక అంశాలు ఇప్పటికే బహిర్గతం అయ్యాయి.