Sports

ఐపీఎల్ 17వ సీజ‌న్ కోసం ఫ్రాంఛైజీలు వ్యూహాల‌తో సిద్ధమ‌వుతున్నాయి. అందులో భాగంగానే కొత్త‌ కెప్టెన్లను నియ‌మిస్తున్నాయి. తాజాగా టీమిండియా (Team India) తాత్కాలిక టీ20 కెప్టెన్ సూర్య కుమార్ యాదవ్ (Suryakumar Yadav) ఇన్‌స్టాగ్రామ్‌లో పెట్టిన పోస్ట్ నెట్టింట వైరల్‌గా మారింది. అతడు హార్ట్ బ్రేక్ ఎమోజీని పోస్ట్ చేశాడు. దీంతో రోహిత్ శర్మను ముంబై ఇండియన్స్ కెప్టెన్సీ నుంచి తప్పించడంతో మిస్ట‌ర్ 360 ఇలా రియాక్ట్ అయినట్లు తెలుస్తోంది.

అయితే.. ముంబై ఇండియ‌న్స్(Mumbai Indians) కెప్టెన్సీ మార్పు పెద్ద దుమారమే రేపుతోంది. రికార్డు స్థాయిలో ఐదు ట్రోఫీలు అందించిన రోహిత్ శ‌ర్మ‌(Rohit Sharma)ను కాద‌ని హార్దిక్ పాండ్యా (Hardhik Pandya)కు బాధ్య‌త‌లు అప్ప‌గించ‌డం అంద‌ర్నీ షాక్‌కు గురిచేసింది. గత కొన్నేళ్లుగా రోహిత్, సూర్య ముంబైకి కీలక ఇన్నింగ్స్‌లు ఆడుతున్నారు. తాజాగా ముంబై తీసుకున్న నిర్ణయం సూర్యకు మింగుడు పడట్లేదని పలువురు అభిప్రాయపడుతున్నారు.

కాగా, రోహిత్ త‌ర్వాత ముంబై ఇండియ‌న్స్ కెప్టెన్ రేసులో ఉన్న సీనియ‌ర్ల‌కు కూడా ఇది రుచించ‌డం లేదు. స్టార్ బ్యాట‌ర్, మిస్ట‌ర్ 360 డిగ్రీ ప్లేయ‌ర్ సూర్య‌కుమార్ యాద‌వ్ ఇన్‌స్టాగ్రామ్‌లో హార్ట్ బ్రేక్ ఎమోజీని పోస్ట్ చూసిన ఫ్యాన్స్ ‘పాండ్యాకు కెప్టెన్సీ అప్ప‌గించ‌డ‌మే కార‌ణ‌మా?’, ‘సూర్య ముంబై కెప్టెన్సీ ఆశించాడా?’ అంటూ కామెంట్లు పెడుతున్నారు.

అయితే, ముంబై ఫ్రాంచైజీ ట్రేడింగ్ ద్వారా గుజ‌రాత్ టైటాన్స్ నుంచి హార్దిక్‌ను తిరిగి ద‌క్కించుకుంది. దాంతో అప్ప‌టి నుంచి రోహిత్ వార‌సుడు పాండ్యానే అనే వార్త‌లు బలంగా వినిపించాయి. దీంతో ఆ జ‌ట్టు స్టార్ పేస‌ర్ జ‌స్ప్రీత్ బుమ్రా ‘సైలెన్స్’ పోస్ట్ పెట్టిన సంగతి తెలిసిందే.

భారత్ వర్సెస్ సౌతాఫ్రికా(IND vs SA) మధ్య మూడు టీ20 మ్యాచ్‌ల సిరీస్(T20 Series) రేపటి నుంచి ప్రారంభం కానుంది. అయితే దక్షిణాఫ్రికా(South Africa) జట్టుకు గట్టి ఎదురుదెబ్బ తగిలింది. ఆజట్టులో కీలకమైన ఫాస్ట్ బౌలర్ లుంగి ఎంగిడి(Lungi Ngidi) టీమిండియాతో జరిగే మొత్తం సిరీస్‌కు దూరమయ్యాడు.

లుంగి ఎంగిడి ప్రస్తుతం ఎడమ కాలు చీలమండలో గాయం కారణంగా జట్టు నుంచి తప్పుకున్నాడు. దీంతో భారత్‌(India)తో జరిగే టీ20 సిరీస్‌కు రెండేళ్ల తర్వాత బ్యూరాన్ హెండ్రిక్స్ తిరిగి జట్టులోకి వచ్చే అవకాశం ఉంది. బ్యూరాన్ హెండ్రిక్స్ చివరిసారిగా 2021లో సౌతాఫ్రికా తరఫున ఆడాడు.

హెండ్రిక్స్ తన కెరీర్‌లో ఇప్పటివరకు ఒక టెస్టు, ఎనిమిది వన్డేలు, 19 టీ20 మ్యాచ్‌లు ఆడాడు. అయితే, భారత్‌తో జరిగే టీ20 సిరీస్‌లో సౌతాఫ్రికా ఫాస్ట్‌ బౌలర్ కగిసో రబడకు కూడా విశ్రాంతినిచ్చింది. దీంతో సఫారీ జట్టు బౌలింగ్‌కి గెరాల్డ్ కోయెట్రీ, నాండ్రే బెర్గర్, ఒట్నీల్ బార్ట్మన్, లిజార్డ్ విలియమ్స్ సారథ్యం వహించనున్నారు.

ఇక, భారత్ వర్సెస్ సౌతాఫ్రికా మధ్య మూడు టీ20 మ్యాచ్‌ల సిరీస్ రేపటి నుంచి ప్రారంభం కానుంది. ఇందులో మొదటి మ్యాచ్‌కు డర్బన్ వేదికైంది. మిగిలిన రెండు మ్యాచ్‌లు డిసెంబర్ 12, డిసెంబర్ 14న జోహన్నెస్ బర్గ్‌లో జరుగుతాయి. మూడు టీ20 మ్యాచ్‌లు ఆడిన తర్వాత రెండు జట్లు డిసెంబర్ 17 నుంచి 21 వరకు మూడు వన్డే మ్యాచ్‌లు(ODI) కొనసాగనున్నాయి.

ఐపీఎల్ 17(IPL 17)వ సీజ‌న్‌కు అన్ని ఫ్రాంచైజీలు సిద్ధ‌మ‌య్యాయి. ఇంకా రెండు వారాల్లో మొద‌ల‌య్యే మినీ వేలంలో స్టార్ ప్లేయ‌ర్ల‌ను కొన‌డంపై భారీ క‌స‌ర‌త్తులు చేస్తున్నాయి. అయితే కొంద‌రు స్టార్ ఆట‌గాళ్లు 2024 ఎడిష‌న్‌కు దూరం అయ్యే చాన్స్ ఉంది. ఈ జాబితాలో తాజాగా మరో స్టార్ బౌలర్ దూరం కానున్నాడు.

ఇంగ్లండ్ పేస‌ర్ జోఫ్రా ఆర్చ‌ర్(Jofra Archer) ఐపీఎల్ 17కు దూరం కానున్నట్లు తెలుస్తోంది. ఐపీఎల్ 17వ సీజ‌న్ నుంచి వైదొల‌గాల‌ని ఆర్చ‌ర్‌ను ఇంగ్లండ్ క్రికెట్ బోర్డు కోరింది. వ‌చ్చే ఏడాది టీ20 వ‌ర‌ల్డ్ క‌ప్ ఉన్నందున వ‌ర్క్‌లోడ్ ప‌డ‌కుండా ఉండేందుకు ఐపీఎల్ ఆడొద్ద‌ని అత‌డిని అభ్య‌ర్థించింది. ఒకవేళ ఈ స్టీడ్‌స్ట‌ర్ అందుకు అంగీక‌రిస్తే ముంబై ఇండియ‌న్స్‌కు పెద్ద షాక్ త‌గిలిన‌ట్లే.

ఈ విష‌యంపై ఆర్చ‌ర్ స్పందించాల్సి ఉంది. ఈ స్టార్ పేస‌ర్‌ను ఐపీఎల్ 2018 ఎడిష‌న్‌లో రాజ‌స్థాన్ రాయ‌ల్స్ ఆర్చ‌ర్‌ను కొనుగోలు చేసింది. 2019 వ‌ర‌ల్డ్ క‌ప్‌లో అద‌ర‌గొట్టాడు. న్యూజిలాండ్‌తో జ‌రిగిన ఫైన‌ల్లో బెన్ స్టోక్స్ చిర‌స్మ‌ర‌ణీయ ఇన్నింగ్స్‌తో ఆక‌ట్టుకుంటే సూప‌ర్ ఓవ‌ర్‌లో ఆర్చ‌ర్ సంచ‌ల‌న బౌలింగ్‌తో ఇంగ్లండ్‌ను విజేత‌గా నిలిపాడు.

ఆర్చ‌ర్ వ‌చ్చే ఏడాది అమెరికా, వెస్టిండీస్ ఆతిథ్యం ఇస్తున్న‌టీ20 వ‌ర‌ల్డ్ క‌ప్‌లో ఇంగ్లండ్‌కు కీల‌కం కానున్నాడు. 2022 మినీ వేలంలో ఈ పేస‌ర్‌ను రూ.10 కోట్ల‌కు ముంబై ఇండియ‌న్స్ ద‌క్కించుకుంది. అయితే.. గాయం కార‌ణంగా ఆర్చ‌ర్ టోర్నీ మ‌ధ్య‌లోనే స్వదేశం వెళ్లిపోవ‌డంతో.. అత‌డి స్థానంలో ముంబై క్రిస్ జోర్డాన్‌ను ఆడించింది. అతడు ఈ మ‌ధ్యే కోలుకున్నాడు. ప్ర‌పంచంలోని మేటి ఫాస్ట్ బౌల‌ర్ల‌లో ఆర్చ‌ర్ ఒకడు.

ఫైనల్‌లో భారత్‌పై గెలిచి వరల్డ్‌కప్‌(World Cup)ను ఆస్ట్రేలియా(AUS) ఎగరేసుకుపోయింది. ఈ సందర్భంగా ఆసీస్‌ ఆటగాడు మిచెల్ మార్ష్(Mitchell Marsh) ప్రపంచ కప్‌పై కాళ్లు పెట్టిన ఫొటోలు నెట్టింట హల్‌చల్‌ చేసిన విషయం తెలిసిందే. అయితే, తాజాగా మార్ష్ తనను తాను సమర్థించుకున్నాడు.

కప్ పట్ల అమర్యాదకరంగా ప్రవర్తించలేదని మార్ష్ తెలిపాడు. మరోసారి కాళ్లు పెట్టడానికి విముఖత చూపనని తెలిపాడు. ‘ఆ ఫొటోలో ఎలాంటి అగౌరవం లేదు. దాని గురించి ఎక్కువగా ఆలోచించలేదు. సామాజిక మాధ్యమాల్ని అధికంగా చూడను. అందులో నాకెలాంటి తప్పు కనబడట్లేదు. నిజాయితీగా చెప్పాలంటే మళ్లీ అలా చేయడానికి వెనుకాడను’ అని మార్ష్ తెలిపాడు.

మరోవైపు, మార్ష్ ప్రపంచకప్‌పై కాళ్లు పెట్టడాన్ని టీమిండియా ఫ్యాన్స్ జీర్ణించుకోలేకపోయారు. ‘మేం ట్రోఫీ గెలిస్తే పూజలు చేసే వాళ్లం కదయ్యా..’ అంటూ నెట్టింట తెగ బాధపడిపోయారు. ఇంకొంత మంది మార్ష్‌పై తీవ్రస్థాయిలో మండిపడ్డారు. ఈ వివాదం అంతటితో ఆగలేదు.

ఆసీస్‌ ఆల్‌రౌండర్ మిచెల్ మార్ష్ మీద ఆర్టీఐ యాక్టివిస్ట్ పండిట్ కేశవ్ ఫిర్యాదు మేరకు యూపీ పోలీసులు కేసు నమోదు చేశారు. వరల్డ్‌కప్‌ ట్రోఫీని అవమానించటంతో పాటుగా 140 కోట్ల మంది భారతీయుల సెంటిమెంట్‌ను గాయపరిచాడని కేశవ్ తన ఫిర్యాదులో ఆరోపించాడు. తాజాగా మార్ష్ ప్రకటనపై ఎలాంటి పరిణామాలు చోటుచేసుకుంటాయో చూడాలి మరి.