Sports

ఐసీసీ వన్డే ప్రపంచకప్‌(World Cup)లో వరుస విజయాలతో దూసుకెళుతున్న టీమిండియా (Team India)కు భారీ షాక్ తగిలింది. గాయంతో ఆల్‌రౌండర్‌ హార్దిక్‌ పాండ్య(Hardik pandya) ప్రపంచకప్‌ 2023 టోర్నీ మొత్తానికి దూరమయ్యాడు. చీలమండ గాయంతో జట్టుకు పూర్తిగా దూరమైనట్లు ఐసీసీ తెలిపింది. హార్దిక్‌ స్థానంలో ప్రసిద్ధ్‌ కృష్ణను జట్టులోకి తీసుకున్నారు.

పూణె వేదికగా బంగ్లాదేశ్‌తో జరిగిన మ్యాచ్‌లో స్టార్ ఆల్‌రౌండర్ హార్దిక్ పాండ్య గాయపడిన సంగతి తెలిసిందే. గాయంతో హార్దిక్ మ్యాచ్‌కు దూరమయ్యాడు. ఈ మ్యాచ్‌లో భారత్ విజయాన్ని కైవసం చేసుకున్నప్పటికీ అప్పటి నుంచి హార్దిక్ ఆటకు దూరమయ్యాడు. బంగ్లాదేశ్ బ్యాటింగ్ సందర్భంగా 9వ ఓవర్‌లో బంగ్లాదేశ్ బ్యాటర్ లిటన్ దాస్ కొట్టిన స్ట్రయిట్ డ్రైవ్‌ను ఆపే ప్రయత్నంలో హార్దిక్ గాయపడ్డాడు. కాలు బెనకడంతో మైదానాన్ని వీడాడు.

సెమీసు ముందు ఇది టీమిండియాకు పెద్ద దెబ్బ అనే చెప్పాలి. బెంగళూరులోని నేషనల్ క్రికెట్ అకాడమిలో హార్దిక్ ఉన్నాడు. హార్దిక్ బౌలింగ్‌తో పాటు బ్యాటింగ్‌లో కూడా నిష్ణాతుడు. ఆల్‌రౌండర్‌గా సేవలందిస్తున్న పాండ్యా చెన్నెలో ఆస్ట్రేలియాతో జరిగిన తొలి మ్యాచ్‌లో మాత్రమే బ్యాటింగ్ చేశాడు. ఇక నాలుగు మ్యాచ్ బౌలింగ్ చేసి ఐదు వికెట్లు తీశాడు.

హార్దిక్ స్థానంలో వస్తున్న ప్రసిధ్ కృష్ణ ఇప్పటివరకు 17 వన్డేలు మాత్రమే ఆడాడు. ప్రపంచకప్‌ ముందు ఆస్ట్రేలియాపై తొమ్మిది ఓవర్లలో 45 రన్స్ ఇచ్చి డేవిడ్ వార్నర్ వికెట్లు పడగొట్టాడు. జస్రీత్ బుమ్రా, మహ్మద్ షమీ, మహ్మద్ సిరాజ్ ఫామ్ దృష్ట్యా కృష్ణకు చోటు దక్కడం కష్టమే.

Hardik Pandya ruled out of the World Cup 2023.

– Prasidh Krishna replaces Hardik Pandya in the team. pic.twitter.com/HMOkdKojKL

— Johns. (@CricCrazyJohns) November 4, 2023

క్రికెట్ అభిమానులు తమ అభిమాన క్రికెటర్ల ఆటతీరును ప్రత్యక్షంగా వీక్షించేందుకు పోటీపడుతున్నారు. ‘బుక్‌మైషో'(bookmyshow) వెబ్‌సైట్‌, యాప్‌లో ఈ టికెట్ల అమ్మకాలను చేపట్టింది బీసీసీఐ(BCCI). అభిమానులు పోటెత్తుతుండడంతో టికెట్ల ధరలను అమాంతం పెంచేశారు.

ఈ నేపథ్యంలో బ్లాక్‌లో టికెట్ల అమ్మకాలు జరపడంతో బీసీసీఐ, బుక్‌మై షోలపై పోలీసులు ఎఫ్ఐఆర్ నమోదు చేశారు. భార‌త జ‌ట్టు మ్యాచ్ టికెట్ల కోసం ఫ్యాన్స్ ఎగ‌బ‌డుతుండడంతో ఇదే అద‌నుగా కోల్‌క‌తాలో కొందరు వ‌ర‌ల్డ్ క‌ప్ టికెట్ల‌ను భారీ ధ‌ర‌కు అమ్మి సొమ్ము చేసుకోవాల‌ని ప్లాన్ చేశారు. అనుకున్నట్లుగానే బ్లాక్ మార్కెట్‌లో అమ్మ‌డం మొద‌లు పెట్టారు.

టికెట్ల ధరలు పెంచడంతో చిర్రెత్తుకొచ్చిన అభిమానులు భార‌త క్రికెట్ బోర్డు (బీసీసీఐ), బెంగాల్ క్రికెట్ అసోసియేష‌న్‌, బుక్‌మైషో వెబ్‌సైట్‌పై అక్క‌డి మైదాన్ పోలీస్ స్టేష‌న్‌లో ఫిర్యాదు చేశారు. దాంతో పోలీసులు బీసీసీఐ, బుక్‌మై షోలపై కేసు న‌మోదు చేశారు. ఈ మేరకు ఎఫ్ఐఆర్ ఫైల్ చేశారు.

ప్ర‌పంచ క‌ప్ మొద‌ట్లో ఏక‌ప‌క్ష మ్యాచ్‌లతో అంతగా ఆసక్తిగా అనిపించలేదు. ఆ త‌ర్వాత ఉత్కంఠ రేపిన మ్యాచ్‌లు క్రికెట్ అభిమానుల‌కు థ్రిల్‌నిచ్చాయి. జోరు మీదున్న‌ ద‌క్షిణాఫ్రికా, భార‌త్ ఇప్ప‌టికే సెమీస్‌బెర్తులో ముందున్నాయి. మిగ‌తా రెండు స్థానాల కోసం ఆస్ట్రేలియా, న్యూజిలాండ్, పాకిస్థాన్‌, అఫ్గ‌నిస్థాన్ మ‌ధ్య పోటీ నెల‌కొంది.

బీసీసీఐ కీల‌క నిర్ణ‌యం తీసుకుంది. పర్యావరణ పరిరక్షణపై దృష్టిసారించింది. ఇక నుంచి ఢిల్లీ, ముంబై న‌గ‌రాల్లో వ‌ర‌ల్డ్‌క‌ప్ మ్యాచ్‌లు ముగిసిన త‌ర్వాత బాణాసంచా పేల్చ‌కూడ‌ద‌ని నిర్ణ‌యించింది. రెండు న‌గ‌రాల్లో తీవ్ర కాలుష్యం ఉన్న కార‌ణంగా ఈ నిర్ణ‌యం తీసుకున్న‌ట్లు బీసీసీఐ కార్యదర్శి జే షా(BCCI secretary Jay Shah) వెల్లడించారు.

ముంబై, ఢిల్లీ న‌గ‌రాల్లో వాయు కాలుష్యం మ‌రీ అధికంగా ఉంద‌ని, అందుకే ఆ న‌గ‌రాల్లో ఇక నుంచి ఫైర్ వ‌ర్క్స్ ఉండ‌వ‌ని ఆయ‌న స్ప‌ష్టం చేశారు. ఈ విష‌యాన్ని ఐసీసీకి కూడా చేర‌వేసిన‌ట్లు షా వెల్ల‌డించారు. గురువారం ముంబైలోని వాంఖ‌డే స్టేడియంలో సౌతాఫ్రికాతో ఇండియా త‌ల‌ప‌డ‌నున్న‌ది. వ‌చ్చే సోమ‌వారం ఢిల్లీలోని ఫిరోజ్ షా స్టేడియంలో బంగ్లాదేశ్‌తో శ్రీలంక ఆడ‌నున్న‌ది.

ప‌ర్యావ‌ర‌ణ అంశాల విష‌యంలో తాము క‌ట్టుబ‌డి ఉన్నామ‌ని, అభిమానులు, స్టేక్‌హోల్డ‌ర్ల ప్ర‌యోజ‌నాల‌కు పెద్ద పీట వేస్తామ‌ని జే షా త‌న ప్ర‌క‌ట‌న‌లో తెలిపారు. శీతాకాల వ‌చ్చేసిన నేప‌థ్యంలో ప‌ర్యావ‌ర‌ణ శాఖ ఢిల్లీ ప్ర‌జ‌లకు వార్నింగ్ జారీ చేసింది. న‌వంబ‌ర్ ఒక‌టో తేదీ నుంచి ఎల‌క్ట్రిక్‌, సీఎన్జీ, బీఎస్ -6 డీజిల్ బ‌స్సుల‌ను మాత్ర‌మే ఢిల్లీ నుంచి హ‌ర్యానా రూట్లలో న‌డిపిస్తామ‌ని సీఏక్యూఎం తెలిపింది.

మరోవైపు సెమీఫైనల్ రేసు ఆసక్తికరంగా మారింది. జోరుమీదున్న దక్షిణాఫ్రికా బుధవారం జరిగే మ్యాచ్‌లో న్యూజిలాండ్‌ను ఢీకొంటుంది. వరుస ఓటములతో సెమీ ఫైనల్ రేసుకు దాదాపుగా దూరమైన పాక్ ఏకపక్ష మ్యాచ్‌లో బంగ్లాను చిత్తు చేసింది. దీంతో బంగ్లా జట్టు సెమీస్ నుంచి వైదొలిగింది.

క్రికెట్ చరిత్రలో మాస్టర్ బ్లాస్టర్ సచిన్ టెండూల్కర్(Sachin Tendulkar) రికార్డులు అన్నీ ఇన్నీ కావు.. మరీ ముఖ్యంగా వన్డేల్లో ఆయన సాధించిన ఘనత నేటి క్రీడాకారులకు స్ఫూర్తిదాయకమనే చెప్పాలి. వన్డేల్లో సచిన్ 49 సెంచరీలను(Sachin 49 odi centuries) నమోదు చేసి రికార్డు క్రియేట్ చేశాడు. ఆ రికార్డును బ్రేక్ చేయడం అసాధ్యమైనపని అని అప్పట్లో చాలా మంది భావించారు. అలాంటి సమయంలో టీమిండియాలో అద్భుతమైన ప్రదర్శనతో ఔరా.. అనిపించాడు టీమ్ ఇండియా స్టార్ బ్యాటర్ విరాట్ కోహ్లీ(Virat Kohli).

దాదాపు మూడేళ్లు ఒక్క సెంచరీ చేయకుండా ఉన్న కోహ్లీ ఫామ్ కోల్పోయి విమర్శల పాలయ్యాడు. ఇక విరాట్ కథ ముగిసింది అని అందరూ భావించారు. ఈ క్రమంలో అలాంటి విమర్శలన్నింటినీ పటాపంచలు చేశాడు కోహ్లి. విరాట్ కోహ్లీ వన్డేల్లో ఇప్పటివరకు 48 సెంచరీలు చేశాడు. సచిన్ టెండూల్కర్ చేసిన 49 సెంచరీలకు కేవలం ఒక్క అడుగు దూరంలో ఉన్నాడు. విరాట్ సాధించిన ఈ విజయంపైనే ప్రస్తుతం క్రికెట్ అభిమానులు చర్చించుకుంటున్నారు.

ఇలాంటి సమయంలోనూ కోహ్లీ.. తాను ఎప్పుడూ వ్యక్తిగత మైలురాళ్ల కోసం క్రికెట్ ఆడలేదనే విషయాన్ని కొన్ని సందర్భాల్లో చెప్పుకొచ్చాడు. అదేవిధంగా సుదీర్ఘ కాలం తనను జట్టులో కొనసాగించేలా చేసి 78 అంతర్జాతీయ సెంచరీలు 26 వేలకుపైగా పరుగులు సాధించేలా చేసినందుకు దేవుడికి కృతజ్ఞతలు తెలిపాడు. కోహ్లీ గతేడాది సెప్టెంబర్‌లో సెంచరీ బాదాడు. అప్పటి నుంచి ఇప్పటి వరకు విరాట్.. వన్డేల్లో 5, టీ20ల్లో 1, టెస్టుల్లో 2 సెంచరీలతో మొత్తం 8 శతకాలు చేశాడు.

‘సుదీర్ఘ కెరీర్, ప్రదర్శనలతో దేవుడు ఆశీర్వదిస్తాడని.. ఇన్ని సాధిస్తానని ఎప్పుడూ ఊహించలేదు. అయితే నేను ఎదో ఒకటి చేయాలని కలలు కనేవాడిని. కానీ అది ఇలానే చేయాలని ఎప్పుడూ ప్లాన్స్ చేయలేదు. నేనే కాదు ఎవరూ ఇలా చేయలేరు. ఈ 12ఏళ్లలో ఇన్ని సెంచరీలు, ఇన్ని పరుగులు చేస్తానని అనుకోలేదు.. క్లిష్ట పరిస్థితుల్లో విజయాలు సాధించాలని భావించా.. అందుకోసం క్రమ శిక్షణతో పాటు లైఫ్ స్టైల్‌లో అనేక మార్పులు చేసుకున్నా’ అని ఓ ఇంటర్వ్యూలో కోహ్లీ చెప్పాడు.

కెరీర్ మొదట్లో తాను చాలా ఇబ్బంది పడ్డానని కోహ్లీ బాహాటంగానే ఒప్పుకున్నాడు. దీంతో 2012 తర్వాత విరాట్ తన జీవిన శైలిని పూర్తిగా మార్చుకోడానికి నిర్ణయించుకున్నాడు. డైట్, ఫిట్నెస్పై ప్రత్యేక దృష్టి సారించి నిబద్ధతతో కృషి చేశాడు. విరాట్ అప్పుడు తీసుకున్న నిర్ణయమే.. దాదాపు దశాబ్దం కాలం తర్వాత అతడిని ‘గోట్’ (గ్రేటెస్ట్ ఆఫ్ ఆల్ టైమ్)గా నిలిపింది.

వన్డే ప్రపంచ కప్-2023(Wold Cup-2023) వరుస ఓటములతో సతమతమవుతున్న పాకిస్తాన్‌ టీమ్‌(Pak Team) లో మరో వివాదం చెలరేగింది. పాక్ కెప్టెన్‌ బాబర్ ఆజం(Babar Azam) పాకిస్తాన్ క్రికెట్ బోర్డు చీఫ్ ఆపరేటింగ్ ఆఫీసర్ మధ్య జరిగిన వాట్సాప్ చాట్ లీక్(Whatsapp Chat Leak) అయింది. వరుస పరాజయాలతో కెప్టెన్‌గా విఫలమవుతున్న బాబర్‌కు మరో తలనొప్పి వచ్చిపడినట్లైంది.

పాకిస్తాన్ జట్టుకు బోర్డు నుంచి సరైన సహకారం లేదని, గత 5 నెలలుగా జీతాలు ఇవ్వలేదని సోషల్ మీడియాలో వార్తలొచ్చాయి. ఈ విషయం గురించి పాక్ కెప్టెన్ బాబర్ అజామ్.. పీసీబీ చీఫ్ జకా అష్రఫ్‌తో మాట్లాడేందుకు ప్రయత్నించినా, మెసేజ్ చేసినా అతడు రియాక్ట్ అవ్వలేదని మాజీ కెప్టెన్ లతీఫ్ రషీద్ పేర్కొన్నాడు. అంతేకాదు బాబర్, పీసీబీ చీఫ్ ఆపరేటింగ్ ఆఫీసర్ సల్మాన్ నసీర్ మధ్య జరిగిన వాట్సాప్ చాట్ లీక్ అయింది.

బాబర్ అజామ్, సల్మాన్ నసీర్ వాట్సాప్ చాటింగ్ ఇలా ఉంది. ‘బాబర్ అజామ్.. నువ్వు ఫోన్ చేస్తే ఛైర్మన్ స్పందించడం లేదని టీవీల్లో, సోషల్ మీడియాలో న్యూస్ వస్తోంది. నువ్వు ఈ మధ్య ఏమైనా ఛైర్మన్‌కు ఫోన్ చేశావా..?’ అని నసీర్ అడిగాడు. ‘నమస్తే సల్మాన్ భాయ్.. నేను జకా అష్రఫ్‌కు కాల్ చేయలేదు..’ అని బాబర్ రిప్లై ఇచ్చాడు.

బాబర్ ప్రైవేట్ చాట్‌ను లీక్ చేయడంపై పాక్ మాజీ క్రికెటర్లు ఆగ్రహం వ్యక్తం చేస్తున్నారు. ఈ విషయాన్ని పీసీబీ చీఫ్ జకా అష్రఫ్ ఓ టీవీ ఛానల్‌లో ప్రస్తావించారు. అతడే ఈ చాట్‌ను లీక్ చేశాడని పలువురు అనుమానాలు వ్యక్తం చేస్తున్నారు. అయితే లీకైన చాటింగ్ ఎంత మేరకు నిజం ఉందో తెలియాల్సి ఉంది.

మరోవైపు భారీ అంచనాలతో బరిలోకి దిగిన పాకిస్థాన్ పేలవమైన ప్రదర్శన చేస్తోంది. ఇప్పటివరకు ఆరు మ్యాచ్‌లు ఆడగా అందులో రెండింటిలో విజయం సాధించింది. పాయింట్ల పట్టికలో పాక్ ప్రస్తుతం ఆరో స్థానంలో ఉంది. సెమీస్ అవకాశాలు కష్టంగా మారాయి.

వన్డే ప్రపంచకప్‌(Woldcup)లో వరుస విజయాలతో  దూకుడుమీదున్న టీమిండియాకు(Team India) మరో గుడ్‌ న్యూస్‌ అందింది. కొద్దిరోజుల క్రితం బంగ్లాదేశ్‌తో మ్యాచ్‌ సందర్భంగా గాయపడి న్యూజిలాండ్‌తో పాటు ఇంగ్లండ్‌ మ్యాచ్‌లకూ దూరమైన హార్ధిక్‌ పాండ్యా(Hardik Pandya) త్వరలోనే భారత జట్టుతో కలవనున్నట్లు సమాచారం.

కొద్దిరోజుల క్రితం బంగ్లాదేశ్‌తో మ్యాచ్‌ సందర్భంగా గాయపడి  న్యూజిలాండ్‌తో పాటు ఇంగ్లండ్‌ మ్యాచ్‌లకూ దూరమైన హార్ధిక్‌ పాండ్యా త్వరలోనే భారత జట్టుతో కలవనున్నాడు. నవంబర్‌ 2న  భారత జట్టు ముంబై వేదికగా శ్రీలంకతో  తలపడనుంది.  ఈమ్యాచ్‌ నాటికి హార్ధిక్‌ పాండ్యా ముంబైలో జట్టుతో కలుస్తాడని  బీసీసీఐ వర్గాలు చెబుతున్నాయి.

‘బీసీసీఐ ప్రతినిధి ఒకరు మాట్లాడుతూ.. ‘అవును, పాండ్యా  ప్రస్తుతం ఎన్‌సీఏలో ఉన్నాడు. త్వరలోనే అతడు ముంబైలో టీమిండియాతో కలుస్తాడు. అయితే అతడు  లంకతో మ్యాచ్‌లో ఆడతాడనేది మాత్రం  కచ్చితంగా చెప్పలేం.  కానీ అతడు జట్టుతో పాటు కొనసాగుతాడు..’ అని  తెలిపాడు.

వరుసగా ఆరు మ్యాచ్‌లు గెలిచిన టీమిండియా ఇదివరకే సెమీస్‌ బెర్తును కన్ఫామ్ చేసుకుంది. ఇకనుంచి  భారత్‌ ఆడబోయే మ్యాచ్‌ల్లో ఒక్క సౌతాఫ్రికా మాత్రమే కాస్త కఠినమైన ప్రత్యర్థిగా కనిపిస్తోంది. కాలి మడమ గాయంతో బాధపడుతున్న పాండ్యా కోలుకుని మైదానంలో అడుగుపెట్టాలని ఫ్యాన్స్‌ కోరుకుంటున్నారు.

Hardik Pandya has resumed the batting and gym session. [RevSportz]

– Great news for Team India…..!!!!! pic.twitter.com/8JF7Zj0zJw

— Johns. (@CricCrazyJohns) October 28, 2023

ఇంగ్లండ్‌(England)తో మ్యాచ్‌కు ముందు టీమిండియా(Team India)కు బిగ్ షాక్ తగిలేలా ఉంది. శనివారం నెట్స్‌‌లో ప్రాక్టీస్ చేస్తున్న క్రమంలో కెప్టెన్ రోహిత్ శర్మ(Team India Captain) గాయపడ్డాడు(Injured). దీంతో కీలకమైన ఇంగ్లండ్‌తో మ్యాచ్‌లో హిట్‌మ్యాన్ ఆడడంపై అనుమానాలు నెలకొన్నాయి. ఈ మేరకు పలు జాతీయ క్రీడా వెబ్‌సైట్స్ వెల్లడించాయి. దీంతో అభిమానుల్లో టెన్షన్ నెలకొంది.

జాతీయ క్రీడా వెబ్‌సైట్స్ కథనాల ప్రకారం.. శనివారం నెట్స్‌లో రోహిత్ శర్మ బాగా కష్టపడుతున్నాడు. బ్యాటింగ్ ప్రాక్టీస్ చేస్తున్న సమయంలో బౌలర్ విసిరిన బంతి హిట్‌మ్యాన్ కుడి చేతి మణికట్టుకు బలంగా తగిలింది. దీంతో రోహిత్ నొప్పితో బాధపడినట్లుగా తెలుస్తోంది. వెంటనే ఫిజియో వచ్చి రోహిత్ గాయాన్ని పరిశీలించాడు. అనంతరం రోహిత్ శర్మ మళ్లీ ప్రాక్టీస్‌కు రాలేదు.

అయితే హిట్‌మ్యాన్ గాయం తీవ్రత ఏ స్థాయిలో ఉందనేదానిపై ఇంకా క్లారిటీ రాలేదు. అటు బీసీసీఐ కూడా రోహిత్ శర్మ గాయంపై ఎలాంటి ప్రకటన చేయలేదు. దీంతో ఈ విషయంపై సందిగ్దత నెలకొంది. ఒకవేళ గాయం తీవ్రత ఎక్కువగా ఉంటే ఇంగ్లండ్‌తో మ్యాచ్‌లో రోహిత్ బరిలోకి దిగే అవకాశాలు లేవని తెలుస్తోంది.

ప్రస్తుతం సూపర్ ఫామ్‌లో ఉన్న రోహిత్ జట్టుకు అద్భుత ఆరంభాలను ఇస్తున్నాడు. ముఖ్యంగా పవర్ ప్లేలో కీలకమైన నిర్ణయాలు తీసుకుంటూ ఎక్కువ పరుగులు రాబడుతున్నాడు. అద్భుతమైన కెప్టెన్సీని ప్రదర్శిస్తూ జట్టును పటిష్ట స్థితిలో నిలుపుతున్నాడు. ఈ క్రమంలో రోహిత్‌కు గాయం కావడం పెద్ద ఎదురుదెబ్బగానే చెప్పవచ్చు. మరోవైపు వైస్ కెప్టెన్ హార్దిక్ పాండ్యా కూడా గాయంతో బాధపడుతున్న సంగతి తెలిసిందే.