Sports

ప్రపంచ కప్-2023 (World Cup-2023) లో ఆరంభ మ్యాచ్ లోనే భారత్ (Bharat) అదరగొట్టింది. ఆస్ట్రేలియా (Australia) తో జరిగిన మ్యాచ్ ​లో 6 వికెట్ల తేడాతో విజయం సాధించింది. తొలి 2 ఓవర్లలో 2 పరుగులకే 3 వికెట్లు కోల్పోయినా.. కోహ్లి (Kohli), కేఎల్ రాహుల్ (KL Rahul) నిలకడగా ఆడడంతో భారత్ లక్ష్యాన్ని చేరుకుంది.

చెన్నై (Chennai) వేదికగా జరిగిన ఈ మ్యాచ్ లో తొలుత టాస్‌ గెలిచి బ్యాటింగ్‌ ఎంచుకుంది ఆసీస్‌. 49.3 ఓవర్లు ఆడి 199 పరుగులకు ఆలౌట్ అయింది. భారత బౌలర్ల ధాటికి మ్యాచ్‌ ప్రారంభం నుంచే ఆసీస్‌ బ్యాటర్లు కంగారు పడ్డారు. పరుగులు రాబట్టడానికి తెగ శ్రమించారు. మూడో ఓవర్‌ లో బుమ్రా బౌలింగ్‌ లో ఆసీస్‌ ఓపెనర్‌ మిచెల్‌ మార్ష్‌ ఔటయ్యాడు. వార్నర్‌, స్టీవెన్‌ స్మిత్‌ నిలకడగా ఆడినా.. 17వ ఓవర్ నుంచ ఆసీస్ కు కష్టాలు మొదలయ్యాయి.

వార్నర్‌ ఔట్‌ తో కంగారూలు వికెట్ల పతనం మొదలైంది. 28వ ఓవర్ స్టీవెన్‌ స్మిత్‌ ఔట్‌ తో పరిస్థితి మరింత దిగజారింది. లబుషేన్‌ (27), గ్లెన్‌ మాక్స్‌ వెల్‌ (15), పాట్‌ కమ్మిన్స్‌ (15) తక్కువ స్కోర్లకే పరిమితం అయ్యారు. మిగిలిన ఆటగాళ్లు అయితే మరీ ఘోరం. అలెక్స్‌ క్యారీ, కామెరూన్‌ గ్రీన్‌ ఇలా వచ్చి అలా వెళ్లిపోయారు. భారత బౌలర్లలో జడేజా 3 వికెట్లు, బుమ్రా, కుల్దీప్‌ యాదవ్‌ రెండేసి వికెట్లు పడగొట్టారు. అశ్విన్‌, పాండ్యా, సిరాజ్‌ తలో వికెట్ తో సరిపెట్టుకున్నారు.

200 పరుగుల లక్ష్యాన్ని ఛేదించేందుకు భారత ఓపెనర్లు రోహిత్ శర్మ, ఇషాన్ కిషన్ బరిలోకి దిగారు. కానీ, ఇద్దరూ డకౌట్ తో వెనుదిరిగారు. శ్రేయాస్ అయ్యర్ కూడా ఇదే బాటలో పయనించాడు. దీంతో గెలుపు బాధ్యతను కోహ్లి, కేఎల్ రాహుల్ భుజానికెత్తుకున్నారు. ఆదిలోనే ఎదురుదెబ్బలు తగలడంతో ఆచితూచి ఆడారు. కమిన్స్ 26వ ఓవర్ మూడో బంతిని సింగిల్ గా మలిచి కోహ్లి, 28వ ఓవర్ తొలి బంతితో సింగిల్ తీసి కేఎల్ రాహుల్ చెరో హాఫ్ సెంచరీ చేశారు.

38వ ఓవర్ లో హేజిల్ వుడ్ వేసిన నాలుగో బంతిని లబుషేన్.. క్యాచ్ పట్టడంతో కోహ్లి 85 పరుగుల దగ్గర ఔట్ అయ్యాడు. హార్దిక్ పాండ్యా 11 పరుగులతో కేఎల్ రాహుల్ (95) కు సపోర్ట్ గా నిలిచాడు. దీంతో భారత్ విజయతీరాలకు చేరుకుంది. 42.2 ఓవర్లకే లక్ష్యాన్ని చేరుకుంది. అద్భుత ఇన్నింగ్స్ ఆడిన కేఎల్ రాహుల్ ప్లేయర్ ఆఫ్ ది మ్యాచ్ గా నిలిచాడు.

ఆసియా క్రీడల్లో (Asian Games) భారత (India) జైత్ర యాత్ర ముగిసింది. చైనా (China) లోని హాంగ్జౌ‌లో సెప్టెంబర్ 23న మొదలైన క్రీడా సమరం రేపటితో ముగిసింది. ఒక రోజు ముందుగానే భారత్ అన్ని ఈవెంట్స్ ముగిశాయి. దీంతో భారత్ విజయ గర్వంతో స్వదేశానికి చేరుకుంటోంది. ఈ సారి ఆసియా క్రీడల్లో భారత్ రికార్డు స్థాయిలో పతకాలు సాధించింది. ఈ క్రీడల్లో భారత్ మొత్తం 107 పతకాలను సాధించింది.

భారత్ కు మొత్తం 28 పసిడి, 38 రజతాలు, 41 కాంస్యాలు వచ్చాయి. దీంతో పతకాల పట్టికలో భారత్ నాల్గవ స్థానంలో నిలిచింది. 14వ రోజైన శనివారం భారత్ కు పతకాల పంట పండింది. ఈ రోజు ఏకంగా 12 పతకాలు భారత్ ఖాతాలో వచ్చి చేరాయి. అందులో ఆరు స్వర్ణ పతకాలు ఉండటం గమనార్హం. దీంతో పాటు నాలుగు రజతాలు, 2 కాంస్య పతకాలను భారత క్రీడాకారులు సాధించారు.

ఆర్చరీ కాంపౌండ్ మహిళల వ్యక్తిగత విభాగంలో ఆర్చర్ జ్యోతి సురేఖ మూడో స్వర్ణాన్ని గెలుచుకున్నారు. ఇక ఇదే విభాగంలో అదితి గోపీచంద్ కాంస్యం సాధించింది. ఆర్చరీ పురుషుల కాంపౌండ్ విభాగంలో ఓజాస్‌ డియోటేల్‌ స్వర్ణం పతకాన్ని దక్కించుకున్నారు. అదే విభాగంలో అభిషేక్ వర్మ సిల్వర్ మెడల్ సాధించారు. మహిళల హాకీలో టీం ఇండియా కాంస్యాన్ని అందుకుంది.

మహిళల కబడ్డీలో చైనీస్ తైపీని ఓడించి పసిడి పతకాన్ని ఒడిసి పట్టుకుంది. ఇక పురుషుల క్రికెట్ జట్టు బంగారు పతకాన్ని కైవసం చేసుకుంది. పురుషుల రెజ్లింగ్‌ 86 కిలోల విభాగంలో దీపక్‌ పూనియా రజతం గెలుచుకున్నారు. చెస్‌లో కోనేరు హంపి, ద్రోణవల్లి హారికలతో కూడిన మహిళల జట్టుకు రజతం సాధించింది. ఇక ప్రజ్ఞానంద, అర్జున్‌లతో కూడిన పురుషుల జట్టు కూడా రజతాన్ని గెలుచుకుంది.

ఆసియా క్రీడ (Asian Games )ల్లో భారత్ సత్తా చాటుతోంది. తాజాగా ఈ క్రీడల్లో భారత పతకాల సంఖ్య 100కు చేరుకుంది. దీంతో ఆసియా క్రీడల్లో భారత్ తొలిసారిగా 100 పతకాల (Medals) మార్క్ ను చేరుకుని చరిత్ర సృష్టించింది. శనివారం కూడా భారత పతకాల జోరు కొనసాగుతోంది. ఈ రోజ మహిళల కబడ్డీలో పసిడి పతకాన్ని భారత క్రీడాకారులు సాధించారు.

అర్చరీలో పురుషుల టీమ్ విభాగంలో బంగారు, వెండి పతకాలను భారత క్రీడాకారులు అందుకున్నారు. ఆర్చరీ పురుషుల కాంపౌండ్‌ సింగిల్స్‌లో ఓజాస్‌ ప్రవీణ్‌ డియోటలే పసిడి పతకాన్ని సొంతం చేసుకున్నాడు. దీంతో ఆసియా క్రీడల్లో ఆయన ఇది మూడో స్వర్ణం కావడం విశేషం. ఇక పురుషుల కాంపౌండ్ ఆర్చరీలో అభిషేక్ వర్మ సిల్వర్ పతకాన్ని చేజిక్కిచ్చుకున్నారు.

మహిళల కాంపౌండ్ వ్యక్తిగత విభాగంలో భారత షూటర్ జ్యోతి గోల్డ్ పతకాన్ని అందుకున్నారు. ఇక మరో షూటర్ అదితి కాంస్య పతకాన్ని సాధించారు. భారత్ కు ఇప్పటి వరకు 25 స్వర్ణాలు, 35 రజతాలు, 40 కాంస్యాలు వచ్చాయి. ప్రస్తుతం పతకాల పట్టికలో భారత్ నాల్గవ స్థానంలో నిలిచింది. రెజ్లింగ్ లో భారత రెజ్లర్ యశ్ సత్తా చాటాడు. కంబోడియాకు చెందిన చెంగ్ చియాన్ పై 10-0 తేడాతో విజయం సాధించి క్వార్టర్ ఫైనల్ లోకి ప్రవేశించారు.

క్వార్టర్ ఫైనల్ లో తజకిస్తాన్ కు చెందిన మ్యాగోమెట్ ఎవలోవ్ తో యశ్ పోటీ పడనున్నాడు. పతకాల పట్టికలో చైనా అగ్రస్థానంలో కొనసాగుతోంది. ఇప్పటి వరకు చైనాకు మొత్తం 354 మెడల్స్‌ వచ్చాయి. అందులో 187 బంగారు, 104 వెండి, 63 కాంస్యా పతకాలలు ఉన్నాయి. ఆ తర్వాత 169 మెడల్స్‌తో జపాన్‌ రెండో స్థానంలో వుంది. 47 పసిడి, 57 రజతం, 65 కాంస్య పతకాలు వున్నాయి.

ఆసియా (Asian Games) క్రీడల్లో భారత్ (India) కు పతకాల (Medals) పంట పండుతోంది. తాజాగా మహిళల 5000 మీటర్ల ఫైనల్‌ (Final) లో పారుల్ చౌదరి (Parul Choudari) సత్తా చాటారు. మొదట్లో నెమ్మదిగా పరుగెత్తినా చివర్లో చిరుత పులిలా పరుగెత్తి పసిడి పతకాన్ని అందుకుంది. జపాన్ కు చెందిన క్రీడాకారిణి రిరికా హిరోనకాను వెనక్కు నెట్టి 15.14. 75 నిమిషాల్లో గమ్యాన్ని చేరుకున్నారు.

ఆసియా క్రీడల్లో ఆమెకు ఇది రెండో పతకం కావడం గమనార్హం. అంతకు ముందు 3000 మీటర్ల విభాగంలో పారుల్ సిల్వర్ మెడల్ అందుకున్నారు. ఇక జావెలిన్ త్రో విభాగంలో అన్ను రాణి పసిడి పతకాన్ని సాధించారు. డెకథ్లాన్ విభాగంలో తేజస్విన్ శంకర్ రజత పతకాన్ని అందుకున్నారు. 1974 తర్వాత డెకథ్లాన్ విభాగంలో పతకం రావడం ఇదే తొలిసారి కావడం గమనార్హం.

పురుషుల 800 మీటర్ల విభాగంలో మహ్మద్ అఫ్జల్ సిల్వర్ పతకాన్ని గెలుచుకున్నారు. ట్రిపుల్ జంప్ విభాగంలో ప్రవీణ్ చిత్ర వేల్ కాంస్య పతకాన్ని సాధించారు. హిళల 400 మీటర్ల హర్డిల్స్ విభాగంలో విథ్యా రామరాజ్ కాంస్య పతకం పొందారు. మహిళల 54 కేజీల బాక్సింగ్ విభాగంలో ప్రీతి, పురుషుల బాక్సింగ్ లో నరేందర్ కు కాంస్య పతకాలు వచ్చాయి.

స్క్వాష్‌లో యాంగ్ యోనెస్కో, లి డాంగ్ జన్ లపై 2-1 తేడాతో భారత జోడీ అనంత్ సింగ్, అభయ్ సింగ్ విజయం సాధించింది. దీంతో సెమీఫైనల్ లోకి ప్రవేశించింది. దీంతో భారత్ కు ఏదో ఒక పతకం లభించే అవకాశం ఉంది. దీంతో భారత్ పతకాల సంఖ్య 69కు చేరుకుంది. అందులో 15 స్వర్ణాలు, 26 రజతాలు, 28 కాంస్య పతకాలు వున్నాయి. ఆసియా క్రీడల చరిత్రలో భారత్ కు వచ్చిన అత్యధిక పతకాలు ఇవే కావడం గమనార్హం.

ఆసియా క్రీడ (Asian Games )ల్లో భారత అథ్లెట్లు (Indian Athlets) సత్తా చాటుతున్నారు. తాజాగా టెన్నీస్ (Tennis) జోడీ రోహన్ బోపన్న, రుతుజా భోంసలేలు దుమ్ము లేపారు. మిక్స్ డ్ డబుల్స్ (Mixed Doubles) ఫైనల్‌లో చైనీస్ తెపీ జోడీ సుంగ్‌-హావో హువాంగ్‌, ఎన్‌-షువో లియాంగ్‌పై 2-6,0-6 తేడాతో మట్టి కరిపించి బోపన్న జోడీ స్వర్ణాన్ని (Gold Medal) ముద్దాడింది.

దీంతో భారత పతకాల సంఖ్య 35కు చేరుకుంది. అంతకు ముందు 10 మీటర్ల ఎయిర్​ పిస్టల్​ విభాగంలో భారత షూటర్లు అద్భుతంగా రాణించారు. దీంతో భారత జోడీ సరబ్​జోత్​ సింగ్, దివ్య టీఎస్​ సిల్వర్ పతకాన్ని అందుకున్నారు. ఇప్పటి వరకు షూటింగ్‌లో భారత్ 19 పతకాలను సాధించింది. ఇక పురుషుల లాంగ్ జంప్ విభాగంలో మురళి శ్రీ శంకర్ ఫైనల్ కు అర్హత సాధించారు.

ఇక ఇప్పటి వరకు ఆసియా క్రీడల్లో భారత్ పొందిన పతకాల సంఖ్య 35 కు చేరుకుంది. అందులో 9 స్వర్ణాలు, 13 రజతాలు, 13 కాంస్యలు వున్నాయి. ఇక భారత్ కు మరిన్ని పతకాలు వచ్చే అవకాశం ఉంది. బాక్సింగ్ విభాగంలో భారత బాక్సర్లు ప్రీతి, లవ్లీనా బోర్గోయిన్ లు సెమీఫైనల్ లోకి చేరుకున్నారు. దీంతో మరో రెండు పతకాలు ఖాయం కానున్నాయి.

ఇక భారత బాక్సర్ నరేందర్ 92 కిలోల విభాగంలో సెమీ ఫైనల్ కు చేరుకున్నారు. దీంతో నరేందర్ కు ఏదో ఒక పతకం వచ్చే అవకాశం ఉంది. స్క్వాష్ లో దాయాది పాక్ తో భారత్ ఫైనల్ మ్యాచ్ ఆడనుంది. ఇక పురుషుల బ్యాడ్మింటన్ టీమ్ కూడా సెమీఫైనల్ కు చేరుకుంది. ఉమెన్స్ 100 మీటర్ల హర్డిల్స్ విభాగంలో జ్యోతీ ఎర్రాజీ, నిత్యా రామ రాజ్ లు ఫైనల్ కు చేరుకున్నారు. బ్యాడ్మింటన్ సెమీఫైనల్ లో దక్షిణ కొరియాతో భారత్ జట్టు తలపడనుంది.

ఆసియా క్రీడల్లో (Asian Games) భారత్ (INDIA) సత్తా చాటుతోంది. వరుసగా ఆరో రోజు కూడా భారత్ కు పతకాల (Medals) పంట పండింది. తాజాగా ఈ రోజు భారత్ 7 పతకాలను గెలుచుకుంది. అందులో ఐదు పతకాలు షూటింగ్ (Shooting) విభాగంలోనే రావడం విశేషం. టెన్నిస్ డబుల్స్ విభాగంలో ఒకటి, స్క్వాష్ విభాగంలో ఒక పతకం గెలుచుకున్నారు.

50 మీటర్ల రైఫిల్ విభాగంలో పురుషుల టీమ్ గోల్డ్ మెడల్ గెలుచుకుంది. ఇక మహిళల 10 మీ ఎయిర్ పిస్టల్ వ్యక్తిగత విభాగంలో పసిడి, 10 మీటర్ల ఎయిర్ పిస్టల్ విభాగంలో మహిళల టీమ్ సిల్వర్ మెడల్, 10మీ ఎయిర్ పిస్టల్ వ్యక్తిగత విభాగంలో సిల్వర్, పురుషుల 50 మీల రైఫిల్ 3 పొజిషన్స్ విభాగంలో సిల్వర్ మెడల్ ను భారత క్రీడాకారులు అందుకున్నారు.

ఇక టెన్ని విభాగంలో సాకేత్ మైనేని, రామ్ కుమార్ రామనాథన్ లు వెండి పతకాన్ని గెలుచుకున్నారు. ఇక స్వాష్ మహిళల టీమ్ విభాగంలో జ్యోత్స్న చిన్నప్ప, అనహత్ సింగ్, దీపిక పల్లీకల్, తన్వీ ఖన్నాలు కాంస్య పతకం సాధించారు. ఇక స్విమ్మింగ్ విభాగంలో నైనా వెంకటేష్ నిరాశ పరిచారు. బట్టర్ ఫ్లై హియర్స్ లో 14 వ స్థానంలో నిలిచారు.

బాక్సింగ్ విభాగంలో భారత స్టార్ బాక్సర్ నిఖత్ జరీన్ సత్తా చాటారు. మహిళల 45 నుంచి 50 కేజీల విభాగంలో క్వార్టర్ ఫైనల్ లో విజయం సాధించి సెమీ ఫైనల్ కు దూసుకు వెళ్లారు. దీంతో భారత్ కు మరో పతకం ఖాయమైంది. ఇప్పటి వరకు ఆసియా క్రీడల్లో భారత్ 32 పతకాలు గెలుచుకుంది. అందులో 8 స్వర్ణాలు, 11 రజతాలు, 12 కాంస్య పతకాలు వున్నాయి.