మానవుడి మెదడు(brain)కి ఆలోచించే శక్తి ఉండడం వల్ల జంతువు కంటే ఎంతో మెరుగ్గా జీవించగలుగుతున్నాడు. అదే ఆలోచనతో మానవ మెదడు మీద రకరకాల ప్రయోగాలు చేస్తున్నాడు.
లేటెస్ట్ గా మెదడు వయసును తగ్గించే దిశగా అమెరికా(America) , ఆస్ట్రేలియా(Australia) శాస్త్రవేత్తలు పురోగతి సాధించారు. మెదడు వయసును దశాబ్దాల వరకు తగ్గించే ప్రక్రియలో విజయవంతమయ్యారు.
అమెరికాలోని యూనివర్సిటీ ఆఫ్‌ కాలిఫోర్నియా(University of California), శాన్‌ ఫ్రాన్సిస్కో (యూసీఎస్‌ఎఫ్‌), యూనివర్సిటీ ఆఫ్‌ శాస్త్రవేత్త(University of Scientist)లు ఎలుకలపై పరిశోధనలు చేశారు. ఇందుకు గానూ 2 ఏండ్ల ఎలుకలను ఎంచుకున్నారు.
ఈ వయసు ఎలుకలు మానవుల 70 ఏండ్లకు సమానం. ఎలుకలు వృద్ధాప్యానికి వాటి రక్తంలో ఓ జన్యువు కారణమని పరిశోధకులు గుర్తించారు. ప్లేట్‌లెట్‌ ఫ్యాక్టర్‌ (పీఎఫ్‌)-4 అనే ప్రొటీన్‌తో మెదడు వయసును తగ్గించవచ్చని శాస్త్రవేత్తలు తెలుసుకున్నారు. ఎలుకలకు ఈ ప్రొటీన్‌ను అందించారు.
దీని ప్రభావంతో వృద్ధాప్యంలో ఉన్న ఎలుకలు మధ్య వయసుకు చేరుకున్నాయి. అదే సమయంలో యువ ఎలుకల మెదడు పనితీరు స్మార్ట్‌గా మారినట్టు పరిశోధకులు గుర్తించారు. ఈ పరిశోధన ఫలితాలు మానవులపై కూడా పని చేస్తాయని శాస్త్రవేత్తలు విశ్వసిస్తున్నారు
