Telangana

తెలంగాణ (Telangana)లో ఎన్నికలు ముగిసే వరకు ఒక టెన్షన్ వాతావరణం నెలకొంది. అనంతరం రిజల్ట్ గురించిన ఆందోళన నేతల్లో మొదలైనట్టు కనబడుతుంది. మొత్తానికి విజయం కాంగ్రెస్.. బీఆర్ఎస్ మధ్య దాగుడు మూతలు ఆడుకుంటుందని అనుకుంటున్నారు. ప్రత్యేక రాష్ట్రాన్ని ఇచ్చిన కాంగ్రెస్ పార్టీకే తన జిమ్మిక్కులతో చుక్కలు చూపించిన కేసీఆర్ తీరుకు తగిన గుణ పాఠం చెప్పాలని అధిష్టానం మనసులో మాటని ప్రచారం జరుగుతుంది.

ఈ నేపథ్యంలో విజయం పై బీఆర్ఎస్ (BRS) నేతలు ఏ మాత్రం తగ్గడం లేదు.. ఎగ్జిట్ పోల్స్ అన్ని అబద్ధమని వాదిస్తున్నారు.. కాగా తాజాగా ఇదే విషయం పై బీఆర్ఎస్ నేత దాసోజ్ శ్రవణ్ (Dasoju Sravan) కీలక వ్యాఖ్యలు చేశారు.. ఈ ఎన్నికల్లో పార్టీ గెలుపుపై ధీమా వ్యక్తం చేశారు. రాష్ట్రంలో బీఆర్ఎస్ ముమ్మాటికీ 70 సీట్లకు పైగా గెలిచి ప్రభుత్వాన్ని ఏర్పరస్తుందని అన్నారు.

తెలంగాణ ప్రజలతో కేసీఆర్ (KCR)ది పేగు బంధం అని పేర్కొన్న దాసోజ్ శ్రవణ్.. మూడవ సారి కేసీఆర్ ముఖ్యమంత్రి అయ్యి ప్రతిపక్షాల నోటికి తాళం వేస్తారని తన అభిప్రాయాన్ని వెల్లడించారు.. ఎగ్జిట్ పోల్ కు ఎగ్జాక్ట్ పోల్స్ కు మధ్య చాలా తేడా ఉంటుందని దాసోజ్ శ్రవణ్ ఆరోపించారు. కాంగ్రెస్ (Congress) నేతలు లేకి తనం చూపిస్తున్నారని విమర్శించిన దాసోజ్ శ్రవణ్.. చిల్లర ప్రచారం చేస్తున్నారని మండిపడ్డారు.

కర్ణాటక నేతలకు తెలంగాణలో ఏం పని అని దాసోజ్ శ్రవణ్ ప్రశ్నించారు. గద్దల్లాగా తెలంగాణ పై వచ్చి పడుతున్నారని విమర్శించారు. మరోవైపు తెలంగాణ ఎన్నికల ఫలితాలు రేపు వెలవడనున్న నేపథ్యంలో రాష్ట్రంలో ఉత్కంఠ వాతావరణం నెలకొంది. కాగా బీఆర్ఎస్ మూడోసారి గెలిచి అధికారంలోకి రావాలని చూస్తుండగా.. కాంగ్రెస్ గెలిచి తొలిసారిగా తెలంగాణలో అధికారాన్ని పొందాలని చూస్తోంది.

తెలంగాణ అసెంబ్లీ ఎన్నికలు(Telangana Assembly Elections) ముగియగా ఓట్ల లెక్కింపు(Counting) ఆదివారం జరగనుంది. ఈ సంద‌ర్భంగా పోలీసులు అన్ని జాగ్ర‌త్త‌లు తీసుకోవాల‌ని డీజీపీ అంజ‌నీ కుమార్(DGP Anjani Kumar) సూచించారు. సీపీలు, ఎస్‌పీల‌తో డీజీపీ శ‌నివారం టెలీ కాన్ఫ‌రెన్స్ నిర్వ‌హించారు. ఈసందర్భంగా కౌంటింగ్ కేంద్రాల వ‌ద్ద బందోబ‌స్తుపై స‌మీక్షించారు.

లెక్కింపు కేంద్రాల వ‌ద్ద ఎవ‌రినీ గుమిగూడ‌నివ్వొద్ద‌ని, పికెటింగ్ చేయ‌డంతో పాటు అద‌న‌పు బ‌ల‌గాల‌ను సిద్ధంగా ఉంచుకోవాల‌ని ఆదేశించారు. ముఖ్యంగా చివ‌రి రౌండ్ల‌లో ఉత్కంఠ‌గా ఉండే అవ‌కాశం ఉంటుంద‌ని, ఆ స‌మ‌యంలో మ‌రింత అప్ర‌మ‌త్తంగా ఉండాల‌న్నారు.

ఇప్ప‌టి వ‌ర‌కు ఎలాంటి విఘాతం లేకుండా ఎన్నిక‌ల బందోబ‌స్తు నిర్వ‌హించామ‌ని, ఈ రెండు రోజులు మరింత అప్ర‌మ‌త్తంగా ఉండి, ఎలాంటి శాంతిభ‌ద్ర‌త‌ల స‌మ‌స్య‌లు త‌లెత్త‌కుండా చూసుకోవాల‌ని సీపీలు, ఎస్పీల‌ను అంజ‌నీ కుమార్ ఆదేశించారు.

పోటీలో ఉన్న ప్ర‌ధాన పార్టీ అభ్యర్థుల‌తో పోలీసు అధికారులు స‌మ‌న్వ‌యం చేసుకోవాల‌ని, ఎవ‌రు గెలుపొందిన పోలీసుల‌కు స‌హ‌క‌రించేలా వివ‌రించాల‌ని చెప్పారు. గెలుపొందిన అభ్య‌ర్థులు విజ‌యోత్స‌వ ర్యాలీలు ప్ర‌శాంతంగా జ‌రిగేలా చూడాల‌ని, ప్ర‌తీకార‌దాడులు జ‌ర‌గ‌కుండా ముంద‌స్తు జాగ్ర‌త్త‌లు తీసుకోవాల‌ని డీజీపీ సూచించారు.

రాష్ట్రంలో ఎన్నికల పుణ్యమా అని మందుబాబులు మస్తుగా పండగ చేసుకున్నారు. నీళ్ళకంటే ఎక్కువగా మందును ఖాళీ చేశారు. కానీ ఇదే ఎన్నికలు మందుకు హాలిడే ప్రకటించడానికి కారణం అవుతున్నాయని ఫిల్ అవుతున్నారు. ఇప్పటికే ఎన్నికల ముందు రోజు ఆల్కహాల్ కు హాలిడే ప్రకటించి రెండు రోజులు మందు చుక్క గొంతు దిగకుండా చేసిన అధికారులు.. మరోసారి షాకిచ్చారేంట్రా అని మందుబాబులు వాపోతున్నారు..

మరోవైపు రేపు తెలంగాణ (Telangana) అసెంబ్లీ ఎన్నికల (Assembly Elections) కౌంటింగ్ సందర్భంగా నగర పోలీసు కమిషనర్ సందీప్ శాండిల్య (Sandeep Sandlya) కీలక ఆదేశాలు జారీ చేశారు.. నగరంలో ఎలాంటి అవాంఛనీయ సంఘటనలు చోటు చేసుకోకుండా వైన్‌షాపులను (Wineshop) మూసివేస్తున్నట్లు తెలిపారు. ఈ మేరకు వైన్‌షాపు యజమానులకు ఎక్సైజ్ శాఖ ఆదేశాలు జారీ చేసింది. నిబంధనలు అతిక్రమిస్తే కఠిన చర్యలు తీసుకుంటామని అధికారులు హెచ్చరించారు.

మరోవైపు ఈ వార్త తెలిసిన మందుబాబులు వైన్స్‌కు పరుగులు తీస్తున్నారు. అసలే వీకెండ్.. ఎంజాయ్ చేయాలంటే మందు ఉండాల్సిందే.. తాగి ఊగాల్సిందే. కానీ ఈ ఎన్నికల గోల ఏంట్రా బాబు అని అనికుంటున్నారు.. ఈ క్రమంలో రేపటి కోసం ఇవాళే మద్యం కొనేందుకు వైన్స్ షాపుల వద్ద జనం క్యూ కడుతున్నారు.

పొలిటికల్ హీట్ వైన్స్ షాపు బందుకు కారాణం అవుతుంటే.. ఆల్కాహాల్ టేస్ట్ అడ్వాన్స్ గా ఆలోచించి స్టాకు పెట్టుకునే కాడికి దారితీసిందని వీరి తీరు చూసిన వారు నవ్వుకుంటున్నారు..

తెలంగాణ (Telangana) ఎన్నికల రిజల్ట్ పై జోరుగా బెట్టింగ్ సాగుతుందనే ప్రచారం ఊపందుకుంది. అదీగాక రిజల్ట్ రాకముందే ఎగ్జిట్ పోల్స్ సంచలనాన్ని క్రియేట్ చేశాయి. రాష్ట్ర అధికారం గోడ మీది పిల్లిలా కూర్చుందని.. ఎటువైపు దూకుతుందో తెలియక తికమక పడేవారు జోరుగా చర్చలు జరుపుతున్నారని అనుకుంటున్నారు. ఈ సమయంలో తెలంగాణలో కేసీఆర్ (KCR) అవినీతి పై నడుం బిగించి పోరాటం చేశానని చెప్పుకుంటున్న వైఎస్ షర్మిల (YS Sharmila) సంచలన వ్యాఖ్యలు చేశారు.

కేసీఆర్‌కు ఓ సూట్‌కేస్‌ను గిఫ్ట్‌గా తీసుకొచ్చినట్టు చెప్పిన షర్మిల.. కేసీఆర్‌ 2014, 2018లో ఎన్నికల ఫలితాల తర్వాత మొత్తం 45 మంది గెలిచిన నేతలను కొన్నారని ఆరోపించారు. రేపు ఫలితాలు వచ్చాక ఎవరు గెలిచినా అది ప్రజల తీర్పుగా కేసీఆర్‌ స్వీకరించాలని.. నేతలను కొని అధికారంలోకి వచ్చే ప్రయత్నాలు చేయవద్దని షర్మిల వ్యాఖ్యానించారు.

రాష్ట్రంలో కాంగ్రెస్ (Congress) అత్యధిక సీట్లు గెలుస్తుందన్న ఎగ్జిట్ పోల్స్ తెలంగాణ ప్రజల ఎక్సాక్ట్ పల్స్ కావాలని కోరుకుంటున్నట్టు షర్మిల వెల్లడించారు. రేపటితో కేసీఆర్ అవినీతి, అక్రమ, నియంతృత్వ పాలనకు అంతిమ తీర్పు వస్తుందని షర్మిల విమర్శించారు. రాష్ట్రాన్ని 10 ఏండ్లు పాలించి ప్రజలను మోసం చేసిన కేసీఆర్.. ఇచ్చిన హామీలను కూడా నెరవేర్చని అసమర్థ ముఖ్యమంత్రి అని షర్మిల విమర్శించారు. రేపు తెలంగాణకు మరో విమోచన దినోత్సవం కావాలని కీలక వ్యాఖ్యలు చేశారు.

రాష్ట్రంలో అవినీతి ఆసురుని పాలన అంతం కావాలని తాను కాంగ్రెస్ కు మద్దతు ఇచ్చానని తెలిపిన షర్మిల.. ఎన్నికల బరిలో నుంచి పూర్తిగా తప్పుకుంటే.. తనకు పొలిటికల్ సూసైడ్ అవుతుంది అని తెలిసి కూడా ప్రజల కోసం కాంగ్రెస్ పార్టీకి మద్దతు ఇచ్చామని స్పష్టం చేశారు. తాను కాంగ్రెస్‌కు సపోర్ట్ చేసినప్పుడు.. సొంత పార్టీ నేతలే నాపై తిరుగుబాటు చేశారని, దూషించారని షర్మిల వెల్లడించారు..

ఓట్లు చీలిపోకూడదని అవమానాలు భరించానని తెలిపారు.. మరోవైపు కేసీఆర్ ప్యాకప్ చేసుకునే టైం వచ్చిందన్న షర్మిల.. చివరగా ఆయనకు ఒక గిఫ్ట్ ఇవ్వబోతున్నామన్నారు. ‘‘తెలంగాణ పీపుల్ సే బై బై కేసీఆర్’’ అని రాసున్న సూట్ కేసును షర్మిల.. కేసీఆర్‌కు పంపించారు.