Telangana

తెలంగాణ ప్రజల ఆకాంక్షలను వేలకోట్ల కుంభకోణాలతో కేసీఆర్ కుటుంబం తన్నుకుపోయిందని జాగో తెలంగాణ రాష్ట్ర కన్వీనర్, విశ్రాంత ఐఎఎస్(EX IAS) ఆకునూరి మురళి(Akunuri Murali) ఆరోపించారు. తెలంగాణ రాష్ట్ర ప్రజాస్వామ్య వేదిక, జాగో తెలంగాణ బస్సుయాత్ర 20 వరోజు సోమవారం నాగర్ కర్నూల్, బిజినెపల్లిలలో కొనసాగింది. ఈ సందర్భంగా వారు మాట్లాడుతూ కీలక వ్యాఖ్యలు చేశారు.

కాళేశ్వరం ప్రాజెక్టు, మిషన్ భగీరథ పేరిట అడ్డూ అదుపులేని అవినీతి జరిగిందని దాని ఫలితంగానే ప్రాజెక్టు కుంగుబాటుకు గురైందన్నాని మురళి ఆరోపించారు. రాష్ట్రంలో విద్యా, వైద్య శాఖలను నిర్వీర్యం చేశారని నిరుద్యోగులకు తీవ్రమైన అన్యాయం జరిగిందని ఆయన ఆరోపించారు. నిరుపేదలకు ఇళ్లు, ఇళ్ల స్థలాలు, కార్మికులకు కనీస వేతనాలు అందలేదన్నారు.

రైతుబంధు, రైతులు కానీ రైతులకు జేబులు నింపుతుందన్నారు. చిన్నస్థాయి రైతులు, రైతు కూలీల బతుకులు అధ్వానంగా మారాయని తెలిపారు. మోడీ విధానాలను తొమ్మిదళ్లుగా కేసీఆర్ సమర్థిస్తూ వచ్చారన్నారు. వీరికి మతతత్వ ఎంఐఎం పార్టీ మద్దతిస్తుందన్నారు. ఈ మూడు పార్టీలు పరస్పరం సహకరించుకుంటూ ఓట్లు, సీట్ల రాజకీయం చేస్తున్నాయన్నారు.

కేంద్రంలో మోడీ ప్రభుత్వం విదేశాల్లో ఉన్న నల్ల ధనం తెచ్చి ప్రతి కుటుంబానికి రూ.15లక్షలు ఇస్తామని, ఏటా రెండు కోట్ల ఉద్యోగాలు అనే భారీ ఎజెండాను ప్రకటించి మొండి చేయి చూపిందని మురళి ఆరోపించారు. కానీ బడా కార్పొరేట్ కంపెనీలకు రూ.16లక్షల కోట్లు రుణమాఫీ చేసిందన్నారు. ప్రజల మధ్య కులమత బేధాలు రెచ్చగొట్టే విధానాలు అమలు చేస్తూ, ప్రజా వ్యతిరేక పాలన సాగిస్తుందని ఆరోపణలు చేశారు.

తెలంగాణ (Telangana) ప్రభుత్వం ఆగడాలను ప్రజల ముందు ఎండగట్టేందుకు ప్రతిపక్ష కాంగ్రెస్ (Congress) పావులు కదుపుతుందని ఇప్పటికే ప్రచారంలో ఉంది.. మరోవైపు అసెంబ్లీ ఎన్నికలకు సమయం ఎక్కువగా లేకపోవడంతో ఎత్తుకు పై ఎత్తులు వేస్తూ.. అధికార ప్రభుత్వాన్ని ఇరుకున పెట్టడానికి బీజేపీ నేతలు ప్రయత్నిస్తున్నారనే టాక్ వినిపిస్తుంది.

ఈ నేపథ్యంలో కరీంనగర్ నియోజకవర్గం జూబ్లీనగర్, ఫకీర్ పేటలో నిర్వహించిన ఎన్నికల ప్రచారంలో పాల్గొన్న బండి సంజయ్ (Bandi Sanjay) అధికార పార్టీ పై ధ్వజమెత్తారు.. ఫస్ట్ కు జీతాలే ఇవ్వలేని కేసీఆర్ (KCR)కు మళ్లీ అధికారిమిస్తే అంతే సంగతులంటూ కీలక వ్యాఖ్యలు చేశారు. కబ్జాల కోసం వాళ్ళ ఆరాటం..పేదల కోసం తన పోరాటం.. మీరు ఎటువైపు ఉంటారో తేల్చుకోండని కరీంనగర్ ప్రజలకు వెల్లడించారు బండి సంజయ్..

మరోవైపు మంత్రి గంగుల కమలాకర్‌ (Gangula Kamalakar)ను టార్గెట్ చేసిన బండి సంజయ్.. అబద్దాలు, మోసాలు, భూకబ్జాల్లో గంగుల, పురమళ్ల నెంబర్ వన్ అని ఆరోపించారు. రూ.1300 కోట్లను బియ్యం టెండర్లలో గోల్ మాల్ చేసిన గంగుల అవినీతిలో ఆరితేరారని విమర్శించారు.. నిరుద్యోగులు ఏం పాపం చేశారు? ఇంటికో ఉద్యోగం ఏమైంది? అని ప్రశ్నించిన బండి సంజయ్.. కేసీఆర్ తన ఇంట్లో 5 గురికి పదవులు ఇచ్చుకుని నిరుద్యోగ బతుకులు ఆగం చేశారని మండిపడ్డారు.

మరోవైపు బండి సంజయ్ ఆరోపణలపై ఘాటుగా స్పందించారు మంత్రి గంగుల కమలాకర్.. బండి సంజయ్ ని బీజేపీ అధ్యక్ష పదవి నుంచి తప్పించడానికి కారణం ఆయన చేస్తున్న అవినీతి, అక్రమాలే అని ఆరోపించారు. ఎమ్మెల్యే టికెట్ ఇప్పిస్తానని ఖైదీ సంజయ్ డబ్బులు తీసుకున్నట్టు ఆధారాలు తన వద్ద ఉన్నాయని బాంబు పేల్చారు గంగుల కమలాకర్.. ప్రస్తుతం వీళ్ళ మధ్య జరుగుతున్న వార్.. కరీంనగర్‌ రాజకీయ వర్గాలలో ఆసక్తికరంగా మారిందని అనుకుంటున్నారు..

నిత్యం ప్రకృతి పరీక్షలతో సతమతం అయ్యే రైతన్న కన్నీళ్ళు ఎప్పటికీ తడి ఆరని సెలయేళ్లని అంటారు.. ప్రపంచం అంతా హాయిగా నిదురిస్తే.. రైతు మాత్రం తన పంటపొలం గురించి ఆలోచిస్తూ ఉంటాడని తెలిసిందే.. ఇక ప్రస్తుత కాలంలో వ్యవసాయం అంటే గుండెల్లో దడ పుడుతుంది. పండించిన పంటలకు గిట్టుబాటు ధర లేక, పెట్టుబడి సరిగ్గా రాక, చేసిన అప్పులు తీరక దిక్కుతోచని దీనావస్థలోకి వెళ్తున్న రైతన్నకు మరో షాక్ తగిలింది.

సూర్యాపేట (Suryapet) జిల్లా మునగాల (Munagala) మండల కేంద్రం హెడ్‌క్వార్టర్‌ శివారులో ఊహించని సంఘటన జరిగింది. సాగర్‌ ఎడమ కాల్వ (Sagar Left Canal)పై నిర్మించిన బేతవోలు వరద కాల్వకు ఉన్న ఎస్కేప్‌ గేట్ ఆదివారం రాత్రి ఒక్క సారిగా ఊడిపోయింది. దీంతో దిగువ ప్రాంతాల్లోకి సాగర్‌ ఎడమ కాల్వ నీరు ఉద్ధృతంగా ప్రవహించింది.

ఈ ప్రవాహంతో చిలుకూరు మండలంలోని వివిధ ప్రాంతాల్లో కోతకు వచ్చిన వందల ఎకరాల పంట నీట మునిగింది. కోత కోసి పొలాల్లో ఉంచిన మెదలు సైతం తడిసిపోవడంతో, రైతుల ఆవేదన వర్ణణాతీతంగా మారింది. సుమారు 1000 ఎకరాల్లోకి సాగర్ నీరు చేరి వరిపైరును ముంచింది.. మునిగిన పొలాలను చూసిన రైతులు ఇదంతా తమ దురదృష్టమని కన్నీరుపెట్టడం కలచివేస్తుంది.

తీవ్రంగా నష్టపోయిన తమను ప్రభుత్వమే ఆదుకోవాలని రైతులు కోరుతున్నారు. మరోవైపు అప్రమత్తమైన అధికారులు సాగర్ ఎడమ కాలువకు నీటి విడుదలను నిలిపివేశారు. ఇప్పటికే రెగ్యులేటింగ్ గేట్ తుప్పు పట్టి ప్రమాదకర స్థితిలో ఉందని చెప్పినా వినిపించుకోని ఎన్ఎస్పీ అధికారులు.. ఖమ్మంలోని పాలేరు చెరువు నింపేందుకు నీటిని విడుదల చేశారని రైతులు ఆరోపిస్తున్నారు.. ముందు జాగ్రత్తగా చర్యలు తీసుకుంటే పంట నష్టం సంభవించేది కాదని రైతులు చెబుతున్నారు.

ఇప్పటికే తెలంగాణ చాలా నష్టపోయిందని, బీఆర్ఎస్ పైన ప్రజలు తిరగ బడుతున్నారని బీజేపీ(BJP) రాష్ట్ర అధ్యక్షుడు కిషన్ రెడ్డి(Kishan Reddy) అన్నారు. ఎన్నికల నేపథ్యంలో సోమవారం ఆయన మీడియాతో మాట్లాడారు. తెలంగాణ యువత బీజేపీ వైపే ఉందని నిశ్శబ్ద విప్లవం రానుందని తెలిపారు.

అందరికీ న్యాయం జరిగే విధంగా బీజేపీ మేనిఫెస్టో ఉందని కిషన్‌రెడ్డి తెలిపారు. అవినీతినీ ఉక్కుపాదంతో అణచి వేస్తామన్నారు. ఇప్పటికే అన్ని అసెంబ్లీ నియోజకవర్గాల్లో బీజేపీ మంచి ఆదరణ లభిస్తోందని చెప్పారు. దేశానికి వ్యతిరేకంగా ఓటు వేయడాన్ని ప్రజలు నిశ్శబ్ద విప్లవంగా చూస్తున్నాని తెలిపారు. గ్రామాల్లోకి ఎమ్మెల్యేలు, ప్రచార రథాలు రాకుండా ప్రజలు అడ్డుకునే పరిస్థితి నెలకొందని ఎద్దేవా చేశారు.

బీజేపీ ఇచ్చిన హామీలు నెరవెరుస్తుందని తెలిపారు. కాంగ్రెస్ పార్టీ వల్లే తెలంగాణ నష్టపోయిందని కిషన్‌రెడ్డి ధ్వజమెత్తారు. ఆ పార్టీ ప్రజల రక్తం తాగిందని ఆరోపించారు. కాంగ్రెస్ గ్యారంటీలు, ఫేక్, ఆచరణ సాధ్యం కానివని, ఓట్ల కోసం మాత్రమే ఇచ్చినవే అని విమర్శించారు. ఏది చెప్పెనా అధికారంలోకి రావలనేది వారి ఆలోచన అన్నారు.

స్వాతంత్య్రం వచ్చినప్పటి నుంచి కాంగ్రెస్ ఎన్నో హామీలు ఇచ్చిందని, ఆ పార్టీ ప్రజలకు విషాదాన్ని మిగిల్చిందని కిషన్‌రెడ్డి అన్నారు. ఉద్యమంలో మొదటి దశలో 365 మంది, మూడోదశలో 1200మంది విద్యార్థులు ఆత్మబలిదానాలు చేసుకున్నారని గుర్తుచేశారు. కొన్ని సర్వే సంస్థలు ఫేక్ లీకులు ఇస్తున్నా బీజేపీ అభ్యర్థులకు ఆదరణ తగ్గడం లేదని, ప్రజలు బీజేపీవైపే ఉన్నరని కిషన్‌రెడ్డి తెలిపారు.

మంత్రి హరీశ్‌రావు(Minister Harish Rao) భారతీయ జనతా పార్టీ(BJP)పై కీలక వ్యాఖ్యలు చేశారు. గజ్వేల్ నియోజకవర్గంలో సీఎం కేసీఆర్ తరఫున హరీష్ రావు ఎన్నికల ప్రచారం నిర్వహించారు. సిద్దిపేట జిల్లాలో మంత్రి పర్యటించారు. ఈ సందర్భంగా ఆయన మాట్లాడుతూ.. బీజేపీ మాటలు నీటి మీద రాతలని, అందుకే ఆ పార్టీకి నేతలు గుడ్ బై చెప్తున్నారని అన్నారు.

బీజేపీ నాయకులు మేకపోతు గాంభీర్యం ప్రదర్శిస్తున్నారని హరీశ్‌రావు మండిపడ్డారు. బీజేపీపై సొంత పార్టీ నాయకులకే నమ్మకం లేదని ఎద్దేవా చేశారు. తెలంగాణలో బీజేపీ గెలవదనే నిజం తెలిసి రోజుకో నాయకుడు పార్టీ వీడుతున్నారని తెలిపారు. విజయశాంతి, వివేక్, రాజగోపాల్ రెడ్డి, చంద్రశేఖర్ లాంటి నాయకులు పార్టీకి టాటా చెప్పారని గుర్తు చేశారు.

దుబ్బాక ఎమ్మెల్యే రఘునందన్ రావు ఉప ఎన్నికల్లో ఇచ్చిన హామీలు ఒక్కటీ నేరవేర్చలేదని మండిపడ్డారు. కాంగ్రెస్ పార్టీ కర్ణాటకలో ఇచ్చిన ఐదు గ్యారెంటీలు నెరవేర్చలేదు కానీ.. ఇక్కడ ఆరు గ్యారెంటీలు అంటూ చెబుతుందని ఆగ్రహం వ్యక్తం చేశారు.

రాష్ట్రం ఏర్పడిన తర్వాత రెండు సార్లు అసెంబ్లీలో వర్గీకరణ బిల్లుపై ఏకగ్రీవ తీర్మానం చేసి బిల్లు ఆమోదించాలని కేంద్రానికి పంపామన్నారు. కేంద్రం తొమ్మిదేళ్లు నానబెట్టి ఎన్నికల వేళ కొత్త కమిటీ అని చెబుతోందని మండిపడ్డారు. ‘మనకు కావాల్సింది కమిటీ కాదు.. బిల్లు..’ అని స్పష్టం చేశారు. బీఆర్ఎస్ భవిష్యత్తులో జాతీయ రాజకీయాల్లో కీలక పాత్ర పోషిస్తుందని హరీశ్‌రావు జోస్యం చెప్పారు. వర్గీకరణ తప్పకుండా చేసి తీరుతామన్నారు.