Viral

‘ది కశ్మీర్ ఫైల్స్'(The kashmir Files) చిత్రంతో దేశవ్యాప్తంగా సంచలన సృష్టించాడు దర్శకుడు వివేక్ అగ్నిహోత్రి(Vivek Agnihotri). ఈ డైరెక్టర్ బాలీవుడ్‌ తన వ్యాఖ్యలతో తరచూ వార్తల్లో నిలుస్తుంటాడు. అయితే ఈ సారి విమాన ప్రయాణంలో కలిగిన అసౌకర్యంపై అసహనం వ్యక్తం చేశాడు.

ఈ డైరెక్టర్ తాజాగా ఇండిగో ఎయిర్‌లైన్స్‌పై మండిపడ్డాడు. విమానం గంటన్నరకుపైగా ఆలస్యం కావడంతో తాను ఇబ్బందులకు గురయ్యారని తెలిపాడు. అంతేకాదు.. విమానంలో మరుగుదొడ్లు కూడా శుభ్రంగా లేవంటూ ఆగ్రహం వ్యక్తం చేశారు. ఈ మేరకు సోషల్ మీడియాలో ఓ పోస్ట్ చేశాడు.

తాను ఉదయం 11.10 గంటలకు విమానం ఎక్కానని, మధ్యాహ్నం 12.40 గంటలకు వరకు విమానంలోనే ఉండిపోయానని చెప్పాడు. దాదాపు దాదాపు 1.30 గంటలు విమానం ఆలస్యమైనా క్రూ సిబ్బంది ఎలాంటి సమాచారం ఇవ్వలేదన్నారు. ప్రపంచవ్యాప్తంగా విమానాలు ఆలస్యమవుతూ ఉన్నాయని, ఇండిగోలో ప్రయాణికుల పట్ల ఉదాసీనంగా వ్యవహరిస్తున్నారని మండిపడ్డారు.

విమానం ఎందుకు ఆలస్యం అయిందో తెలుసుకునే మార్గం లేదా అంటూ ఆయన ప్రశ్నించారు. లేటెస్ట్ ఏఐ సాఫ్ట్‌వేర్ దేని కోసం అంటూ ప్రశ్నించారు. దిక్కుతోచని సిబ్బందితో పాటు ప్రయాణికులను ఏసీ టన్నెల్లో ఎందుకు బంధించారంటూ ఆయన మండిపడ్డారు.

ఇండిగోలో చాలా అరుదుగా ప్రయాణిస్తుంటానని విమానయాన సంస్థలు, సిబ్బంది ఉదాసీనంగా, అహంకారంతో ప్రవర్తిస్తున్నాయని ఆయన అన్నారు. విమానాలు 30 నిమిషాల కంటే ఎక్కువ ఆలస్యమైతే ఛార్జీలో కొంత వాపస్ చేయకూడదా అంటూ ఎయిర్ లైన్స్ వారిని వివేక్ అగ్నిహోత్రి ప్రశ్నించారు.

సినిమా ఇండస్ట్రీ అంటేనే రంగుల ప్రపంచం లాంటింది. ఇండస్ట్రీలో స్టార్ అవ్వాలంటే ఒక శుక్రవారం దశ తిరిగితే చాలు. హీరోయిన్ శ్రీలీల(Heroin Sreeleela) విషయంలోనూ అదే జరిగింది. దర్శకేంద్రుడు రాఘవేంద్ర రావు తీసిన ‘పెళ్లి సందడి’ సినిమాతో తెలుగు ప్రేక్షకులకు సుపరిచితమై ప్రస్తుతం వరుస సినిమాలతో బిజీ అయిపోయింది.

అయితే ఇప్పుడు ఈ బ్యూటీకి పెద్ద సమస్యే వచ్చిపడింది. ఈ హీరోయిన్ నటించిన ఆదికేశవ(Aadi Keshava) బాక్సాఫీస్ వద్ద బోల్తాకొట్టేలా కనబడుతోంది. ధమాకా సినిమాతో స్టార్ హీరోయిన్‌గా గుర్తింపు తెచ్చుకున్న ఈ భామకు నిర్మాతలు క్యూకట్టారు. దీంతో కథల ఎంపికలో ఎలాంటి జాగ్రత్తలు తీసుకోకుండా ఏకంగా పది సినిమాల వరకు సంతకాలు చేసేసింది.

దీంతో శ్రీలీల క్షణం తీరిక లేకుండా సినిమాల్లో బిజీ అయిపోయింది. నెలకో సినిమాను విడుదలకు సిద్ధం చేస్తోంది. అయితే అవి ఆశించినంత ఫలితాలను ఇవ్వడంలేదు. దీంతో శ్రీలీల అయోమయంలో పడింది. ఒక సినిమా హిట్ కావాలంటే అందులో చాలా కారణాలు ఉండొచ్చు. సాంకేతిక బృందంతో పాటు కాంబినేషన్ల విషయంలోనూ అనేక జాగ్రత్తలు తీసుకోవాల్సి ఉంటుంది.

ఇటీవల శ్రీలీల చేసిన సినిమాల ఫలితాలను చూస్తే.. మొదటగా స్కంద పేరు చెప్పుకోవాలి. రామ్ హీరోగా బోయపాటి శ్రీను తెరకెక్కించిన ఈ సినిమా ఫ్లాప్ అయింది. భారీ అంచనాల మధ్య వచ్చిన స్కంద ఎన్నో రకాలుగా ట్రోల్ అయింది. హ్యాట్రిక్ అందుకుందాం అనుకున్న శ్రీలీల ఆశలను ఈ సినిమా ఆవిరి చేసింది. దసరాకు విడుదలైన భగవంత్ కేసరితో ఫామ్‌లోకి వచ్చినా ఇందులో శ్రీలీల కూతురు పాత్రలో నటించింది.

గతంలో ‘ఉప్పెన’ సినిమాతో కుర్రకారును హృదయాలను కొల్లగొట్టిన కృతిశెట్టి ఆ సినిమా తర్వాత వరుసగా ఐదు ఫ్లాపులను మూటగట్టుకుంది. ప్రస్తుతం ఆ హీరోయిన్ కనిపించకుండా పోయింది. ఇప్పుడు శ్రీలీల అదే బాట పడుతుందేమోనని ఫ్యాన్స్ టెన్షన్ పడుతున్నారు. ఆదికేశవ అంచనాలు తప్పడంతో మహేశ్‌బాబుతో గుంటూరు కారం, నితిన్‌తో ఎక్స్‌ ట్రార్డినరీ మ్యాన్ సినిమాలపైనే ఆశలు పెట్టుకుంది శ్రీలీల.