e-Paper
Telugu News » Viral » Page 36
Category:

Viral

salar
EntertainmentViral

Salaar Trailer: డార్లింగ్ ఫ్యాన్స్‌కు దీపావళి సర్‌ప్రైజ్.. ‘సలార్’ అప్డేట్‏ అదిరింది..!

by Mano
written by Mano

యంగ్ రెబల్ స్టార్ ప్రభాస్ అభిమానులకు దీపావళి సర్‏ప్రైజ్ వచ్చేసింది. ఎప్పుడెప్పుడా అని ఎదురుచూస్తున్న ఫ్యాన్స్ నిరీక్షణకు ఎట్టకేలకు తెర పడింది. కొన్నాళ్లుగా సోషల్ మీడియాలో వినిపిస్తున్నట్లుగానే ఇవాళ సలార్ ట్రైలర్ అప్డేట్ ఇచ్చేశారు. అంతేకాదు.. ట్రైలర్ రిలీజ్ డేట్ అనౌన్స్ చేస్తూనే ప్రభాస్ కొత్త పోస్టర్ సైతం షేర్ చేశారు.

salar

ఈ పోస్టర్‌లో ప్రభాస్ జీప్‌పై నిలబడి గన్‌తో ఫైర్ చేస్తూ మాస్ లుక్‌లో కనిపించాడు. డిసెంబర్ 1న రాత్రి 7 గంటల 19 నిమిషాలకు సలార్ ట్రైలర్ రిలీజ్ చేయబోతున్నట్లు మేకర్స్ ఆధికారికంగా ప్రకటించారు. సలార్ ఫస్ట్ పార్ట్ డిసెంబర్ 22న ప్రపంచవ్యాప్తంగా విడుదల చేయబోతున్నారు. ఇక ఇటీవలే మోకాలి సర్జరీ అనంతరం ఇటలీ నుంచి హైదరాబాద్ వచ్చేసిన ప్రభాస్.. త్వరలోనే సలార్ ప్రమోషన్స్ షూరు చేయనున్నారు.

ఈ సినిమాను తెలుగు, హిందీ, కన్నడ, మలయాళం,తమిళం భాషలలో గ్రాండ్ గా విడుదల చేయబోతున్నారు. ఇందులో శ్రుతిహాసన్ కథానాయికకగా, మలయాళీ హీరో పృథ్వీరాజ్ సుకుమారన్ విలన్, జగపతి బాబు కీలకపాత్రలో నటిస్తున్నారు. మరీ ఈ మూవీ బాక్సాఫీస్ వద్ద ఎలాంటి రికార్డ్స్ తిరగరాస్తుందో చూడాలి. సలార్ చిత్రానికి రవి బస్రూర్ సంగీతం అందిస్తుండగా.. కేజీఎఫ్ నిర్మాణ సంస్థ హోంబలే ఫిల్మ్స్ బ్యానర్ పై కిరంగదూర్ నిర్మిస్తున్నారు.

చాలా కాలం తర్వాత డార్లింగ్ నుంచి వస్తోన్న ఫుల్ మాస్ యాక్షన్ సినిమా కావడంతో ఈ సినిమాపై ఫ్యాన్స్ అంచనాలు ఎక్కువగానే ఉన్నాయి. బాహుబలి సినిమాతో పాన్ ఇండియా స్టార్‌గా క్రేజ్ సంపాదించుకున్న ప్రభాస్‌కు ఉత్తారాదిలో ఫాలోయింగ్ అమాంతం పెరిగిపోయింది. ఈ సినిమా తర్వాత డార్లింగ్ నటించిన సాహో, రాధేశ్యామ్, ఆదిపురుష్ సినిమాలు మాత్రం బాక్సాఫీస్ వద్ద తీవ్రంగా నిరాశపరిచాయి. దీంతో ఇప్పుడు నీల్ డైరెక్షన్‌లో ప్రభాస్ నటించిన సలార్ సినిమాపైనే ఫ్యాన్స్ ఆశలు పెట్టుకున్నారు.

 

0 comment
0 FacebookTwitterPinterestEmail
PLANE CAR ACCIDENT
Viral

Plane-Car Accident: వైరల్ వీడియో.. కారును ఢీకొట్టిన విమానం..!

by Mano
written by Mano

రోడ్డుపై వెళ్లే వాహనాలు ప్రమాదానికి గురయ్యే ఘటనలు రోజూ జరుగుతూనే ఉంటాయి. అయితే ఓ కారు(Car)ను విమానం(Plane) ఢీకొంది. అదేంటీ.. గాలిలో వెళ్లే విమానం రోడ్డుపై వెళ్లే కారును ఢీకొనడమేంటని అనుకుంటున్నారా..? నిజంగానే రోడ్డుపై ప్రయాణిస్తున్న కారును ఓ విమానం ఢీకొట్టింది. ఈ ఘటన అమెరికాలో టెక్సాస్ రాష్ట్రంలోని మెక్కిన్నేలో శనివారం మధ్యాహ్నం చోటుచేసుకొంది.

PLANE CAR ACCIDENT

అమెరికాలో గత కొన్నేళ్లుగా చిన్న విమానాల ప్రమాదాల(plane Accidents) సంఖ్య భారీగా ఉన్నాయి. 2019లో 988 ప్రమాదాలు జరగ్గా.. 307 మంది మృతి చెందారు. 2021లో 939 ప్రమాదాలు జరగగా.. 268 మంది ప్రాణాలు కోల్పోయారు.  తాజాగా జరిగిన ప్రమాదంలో ఒకరికి స్వల్ప గాయాలు కాగా.. అతడిని ఆసుపత్రికి తరలించినట్లు అధికారులు తెలిపారు.

ప్రమాద సమయంలో ఇద్దరు విమానంలో ఉండగా.. ఒకరు కారులో ఉన్నారు. ఇందుకు సంబందించిన వీడియో సోషల్ మీడియాలో వైరల్ అయింది. శనివారం మధ్యాహ్నం 12:30 గంటల ప్రాంతంలో ఏరో కౌంటీ ఎయిర్‌పోర్టులో ఓ సింగిల్-ఇంజిన్ జెట్ విమానం రన్‌వేపై ఎమర్జెన్సీ ల్యాండింగ్ చేశారు.

విమానం రన్వేపై చివరి వరకు వచ్చినా కంట్రోల్ కాలేదు. దీంతో ఆ బుల్లి విమానం ఎయిర్‌పోర్టు కంచెను దాటుకొని ఈస్ట్ బౌండ్ వర్జీనియా పార్క్‌వేపై వెళుతున్న కారును ఒక్కసారిగా ఢీకొట్టింది. వెంటనే సహాయక బృందాలు అక్కడికి చేరుకొని పైలట్, కారు డ్రైవర్ను రక్షించాయి. బుల్లి విమానం నెమ్మదిగానే కారును ఢీ కొట్టడంతో పెద్ద ప్రమాదం తప్పింది.

0 comment
0 FacebookTwitterPinterestEmail
Chandramohan: Celebrities pay tribute to Chandramohan's death...!
EntertainmentHyderabadTelanganaViral

Chandramohan: చంద్రమోహన్ మృతి పట్ల ప్రముఖుల నివాళి…!

by Mano
written by Mano

విలక్షణ నటుడు చంద్రమోహన్(Chandra Mohan)​ కన్నుమూశారు. అపోలో ఆస్పత్రిలో చికిత్స పొందుతున్న ఆయన శనివారం తుదిశ్వాస విడిచారు. దీంతో యావత్​ సినీ ఇండస్ట్రీ దిగ్భ్రాంతికి లోనైంది. ఆయన మృతి పట్ల పలువురు సినీ ప్రముఖులు x(ట్విట్టర్) వేదికగా సంతాపం వ్యక్తం చేస్తున్నారు. ఈ క్రమంలో చంద్రమోహన్ మృతి పట్ల తెలంగాణ ముఖ్యమంత్రి కల్వకుంట్ల చంద్రశేఖర్‌రావు(KCR) సంతాపం తెలిపారు.

Chandramohan: Celebrities pay tribute to Chandramohan's death...!

‘విభిన్నమైన పాత్రలతో, విలక్షణమైన నటనతో, దశాబ్దాలుగా కోట్లాదిమంది ప్రేక్షకులను అలరించిన చంద్రమోహన్ మరణం, తెలుగు చిత్ర సీమకు తీరనిలోటు.. ‘వారి స్పూర్తితో ఎందరో నటీ నటులు ఉన్నత స్థాయికి ఎదిగాలని.. కళామతల్లి ముద్దుబిడ్డగా తెలుగుతో పాటు పలు భాషల్లో లక్షలాదిమంది అభిమానాన్ని చంద్రమోహన్ సొంతం చేసుకున్నారు’ అని సీఎం కేసీఆర్ తెలిపారు. శోకతప్తులైన వారి కుటుంబ సభ్యులకు సీఎం తన ప్రగాఢ సానుభూతిని తెలిపారు.

అదేవిధంగా చంద్రమోహన్ మృతిపట్ల ఏపీ సీఎం జగన్ స్పందిస్తూ.. ‘ ప్రముఖ నటుడు చంద్రమోహన్ గారు అనారోగ్యంతో ఆసుపత్రిలో చికిత్స పొందుతూ కన్నుమూయడం విషాదకరం. తొలి సినిమాకే నంది అవార్డు గెలుచుకున్నారయన.  తెలుగు, తమిళ భాషల్లో వందలాది సినిమాల్లో నటించి తెలుగు ప్రజల్లో చెరగని ముద్ర వేశారు. ఆయన కుటుంబసభ్యులకు నా ప్రగాఢ సానుభూతి. ఆయన ఆత్మకు శాంతి చేకూరాలని కోరుకుంటున్నా.’ అంటూ జగన్ పేర్కొన్నారు.

అదేవిధంగా టాలీవుడ్ అగ్ర నటుడు మెగాస్టార్​ చిరంజీవి ట్విట్టర్​ వేదికగా చంద్రమోహన్​కు సంతాపం తెలిపారు. ‘సిరిసిరిమువ్వ’, ‘శంకరాభరణం’, ‘రాధాకళ్యాణం’, ‘నాకూ పెళ్ళాం కావాలి’ లాంటి అనేక ఆణిముత్యాల్లాంటి చిత్రాల్లో తన వైవిధ్య నటనా కౌశలం ద్వారా తెలుగు వారి మనస్సులో చెరగని ముద్ర వేసిన సీనియర్ నటులు, కథనాయకులు చంద్రమోహన్ గారు. ఆయన ఇక లేరని తెలవడం ఎంతో విషాదకరం. నా తొలి చిత్రం ‘ప్రాణం ఖరీదు’ లో ఒక మూగవాడి పాత్రలో ఆయన అద్భుతమైన నటనను ప్రదర్శించారు.

మా తొలి పరిచయం ‘ప్రాణం ఖరీదు’తొ మొదలైంది. ఆ తర్వాత మంచి స్నేహంగా, మరింత గొప్ప అనుబంధంగా మారింది. ఆయన సాన్నిహిత్యం ఇక లేకపోవటం నాకు వ్యక్తిగతంగా తీరని లోటు. ఆయన ఆత్మకి శాంతి చేకూరాలని కోరుకుంటున్నా. ఆయన కుటుంబ సభ్యులకు, అభిమానులకు నా ప్రగాఢ సంతాపం తెలియజేస్తున్నా.’ అంటూ చిరంజీవి భావోద్వేగానికి లోనయ్యారు.

అదేవిధంగా చంద్రమోహన్ మృతిపట్ల జనసేన అధినేత, సినీ హీరో పవన్‌కల్యాణ్ దిగ్ర్భాంతిని వ్యక్తం చేశారు. ‘చంద్రమోహన్ మరణ వార్త విని ఆవేదన చెందాను. ఆయనను తెరపై చూడగానే మనకు ఎంతో పరిచయం ఉన్న వ్యక్తిని చూస్తున్నట్లు ఉంటుంది. వారితో మా కుటుంబానికి స్నేహబంధాలున్నాయి. తమ్ముడులో మా ఇద్దరి మధ్య అలరించే సీన్స్‌ ఉన్నాయి. చంద్రమోహన్ గారి కుటుంబానికి నా ప్రగాఢ సానుభూతి తెలియజేస్తున్నా.’ అని పేర్కొన్నారు.

 

0 comment
0 FacebookTwitterPinterestEmail
HyderabadPoliticsTelanganaViral

Telangana : చెత్తకుప్పల్లో.. బాలలు..!

by Venu
written by Venu

– కూలీలుగా మారుతున్న పిల్లలు
– పుస్తకాలు ఉండాల్సిన చేతుల్లో చెత్త బుట్టలు
– జీహెచ్ఎంసీ పరిధిలో..
– ఇద్దరు పిల్లల దీనావస్థ
– ‘రాష్ట్ర’ స్పెషల్

ఈ ప్రపంచంలో కులం, మతం అంటనివి రెండే రెండు. ఒకటి ఆకలి. రెండు నిద్ర. వీటిని ఏ రాజకీయ నాయకుడు ఏమార్చ లేడు. మనిషి నుంచి దూరం చేయలేడు. ఒకవేళ అలా జరిగిందంటే ఆ మనిషి చివరి మజిలీ స్మశానమే అవుతుంది. ఎందుకంటే చావు తప్ప దేనికి వీటిపై హక్కు లేదన్నది నగ్న సత్యం. మరి, నేటి సమాజంలో ఇవి కూడా కరువై అలమటిస్తున్న అభాగ్యులు ఎందరో ఉన్నారు.

ఒక్క పూట గుప్పెడు మెతుకులు దొరికితే చాలని.. బంగారు భవిష్యత్తు ఉన్న పిల్లలు కూడా కూలీలుగా మారుతున్నారు. అత్తాపూర్ జీహెచ్ఎంసీ పరిధిలో ఇంటింటికి వెళ్ళి చెత్త సేకరించుకుని జీవనాన్ని సాగిస్తున్న ఇద్దరు పిల్లలకు చదువు మీద ఆసక్తి లేదా అంటే.. ఇల్లు గడవడం ఎలా సార్ అంటూ సమాధానం ఇచ్చారు.

అర్జున్, నవీన్ అనే వీళ్ళలో అర్జున్ అనే అబ్బాయికి తల్లి చనిపోవడంతో చదువు వదిలేశాడు. తండ్రి తాగుబోతు, అవ్వ ఉంది. వీళ్ళ పోషణ తన నెత్తిన పెట్టుకున్న ఈ పిల్లాడిని “రాష్ట్ర” టీమ్ కలిసింది. ఎవరైనా చదివిస్తే చదువుకుంటావా అని ప్రశ్నించింది. అందుకు సమాధానంగా.. నేను చదువుకుంటే ఇల్లు గడవడం ఎలా సార్ అన్నాడు. ఈ పని చేయడం వల్ల 4వేలు సంపాదిస్తున్నా.. ఒకవేళ చదివిస్తామన్నోళ్లు మధ్యలో వదిలేస్తే.. నా బతుకు మళ్ళీ చెత్తలోనే కదా సార్ అని దీనంగా అన్నాడు.

వీరి గురించి మరిన్ని వివరాలు ఆరా తీస్తే చెప్పడానికి కూడా ఈ పిల్లలు ఇష్టపడలేదు. ఇంకొక అబ్బాయి నవీన్ ఫోటో తీసుకోవడానికి కూడా ఒప్పుకోలేదు. అయితే.. అర్జున్ పనిచేస్తున్న చెత్త బండి ఓనర్ ను అడిగితే 8897975398 అనే నెంబర్ ఇచ్చాడు. ఈ నెంబర్ కు కాల్ చేస్తే పిల్లలకు సంబంధించిన మరిన్ని వివరాలు తెలుస్తాయని చెప్పాడు.

ఎంతో భవిష్యత్తు ఉన్న ఇలాంటి పిల్లలను వదిలేస్తే.. చాలా ప్రమాదం. అందుకే, మనసున్న మహారాజులు వీరి జీవితాల్లో వెలుగు నింపడానికి ముందుకు వస్తే బాగుంటుందని ఆశ. లేదంటే ఇలాంటి వారు కనిపించినప్పుడు కనీస బాధ్యతగా ఈ సమస్యను ప్రభుత్వం దృష్టికి తీసుకెళ్లడానికైనా ప్రయత్నించండి.

0 comment
0 FacebookTwitterPinterestEmail
Anushka Sharma Pregnancy: Anushka Sharma Pregnant Again..? This is the proof..!
EntertainmentViral

Anushka Sharma Pregnancy: అనుష్క శర్మ మళ్లీ ప్రగ్నెంట్..? ప్రూఫ్ ఇదేనట..!

by Mano
written by Mano

విరాట్ కోహ్లీ, అనుష్కశర్మ(Virat Kohli-Anushka Sharma) దంపతులు పర్సనల్ విషయాలను మీడియాతో అస్సలు పంచుకోరు. తమ కెరీర్‌తో పాటు వ్యక్తిగత విషయంలో చాలా జాగ్రత్తలు తీసుకుంటారు. ఈ దంపతుల అభిమానులు(Fans) మాత్రం వారి గురించి తెలుసుకోవాలనే కుతూహంతో ఉంటారు. ఈ క్రమంలో అనుష్కశర్మ మళ్లీ గర్భం(Pregnancy) దాల్చిందన్న వార్తలు ఈ మధ్య కాలంలో ట్రెండ్(Trend) అయిన సంగతి తెలిసిందే.

Anushka Sharma Pregnancy: Anushka Sharma Pregnant Again..? This is the proof..!

అయితే తాజాగా ఈ దంపతులకు సంబంధించిన ఓ వైరల్‌ వీడియోలో నెట్టింట వైరల్ అవుతోంది. ఓ హోటల్‌లో విరాట్, అనుష్క ఉన్న వీడియోను సోషల్ మీడియాలో ఓ వ్యక్తి పోస్ట్ చేశాడు. ఆ వీడియోలో అనుష్క వదులైన నల్లని దుస్తుల్లో మెరిసింది. ఆ దంపతులు ఒకరి చేయి మరొకరు పట్టుకుని వెళుతున్న దృశ్యం కనిపించింది.

దీంతో అనుష్క మళ్లీ గర్భం దాల్చిందనడానికి ఇదే తమ ప్రూఫ్ అంటూ నెటిజన్లు హడావుడి చేసేస్తున్నారు. ప్రెగ్నెన్సీ విషయం ఆల్మోస్ట్ కన్ఫామ్ అనేస్తున్నారు ఫ్యాన్స్. అంతేకాదు, అనుష్క బేబీ బంప్ కూడా వీడియోలో కనిపిస్తోందని అంటున్నారు. ఫలితంగా, విరాట్-అనుష్క దంపతులు మరోసారి నెట్టింట హాట్ టాపిక్‌గా మారారు.

అయితే, ఈ వీడియో ఆలస్యంగా బయటకు వచ్చింది. సోషల్ మీడియాలో కొంతమంది అభిమానులు ఆమె రెండవ గర్భం గురించి విని ఆశ్చర్యపోతుండగా, కొంతమంది అభిమానులు కూడా ఈ జంటను అభినందించడం ప్రారంభించారు.

0 comment
0 FacebookTwitterPinterestEmail
Haryana CM: Viral video.. CM in disguise without security..!
NationalPoliticsViral

Haryana CM: వైరల్‌ వీడియో.. సెక్యూరిటీ లేకుండా మారువేషంలో కలియతిరిగిన సీఎం..!

by Mano
written by Mano

సీఎం బయటకు వస్తున్నారంటే పోలీసులు పటిష్ట బందోబస్తును ఏర్పాటు చేస్తారు. ఆయన షెడ్యూల్‌ను ముందుగానే నిర్ణయిస్తారు. సీఎం వెళ్లే ప్రాంతాల్లో కట్టుదిట్టమైన భద్రతకు చర్యలు తీసుకుంటారు. అయితే హర్యానా సీఎం(Haryana CM) మనోహర్‌ లాల్‌ ఖట్టర్‌ (Manohar Lal Khattar) మాత్రం ఎలాంటి భద్రతా లేకుండా మారువేషంలో జనం మధ్యలోకి వెళ్లారు.

Haryana CM: Viral video.. CM in disguise without security..!

ఎవరూ గుర్తు పట్టకుండా ముఖానికి మాస్క్‌ ధరించి కాసేపు ప్రజల మధ్యలోనే తిరిగారు. ఇందుకు సంబంధించిన వీడియో ఒకటి ప్రస్తుతం నెట్టింట తెగ వైరల్ అవుతోంది. ఆ సమయంలో సీఎం పక్కన ఎలాంటి భద్రతా లేదు. హర్యానాలోని పంచకులలో సెక్టార్‌-5లో ఉన్న ఓ గ్రౌండ్‌లో జరిగిన ఒక మేళాలో సీఎం మనోహర్ లాల్ ఖట్టర్ పాల్గొన్నారు.

మంగళవారం సాయంత్రం ఒక సాధారణ వ్యక్తిలా కొద్దిసేపు ప్రజల మధ్యలో ఆ మేళా (Haryana Fair)లో తిరిగారు. మేళాలో ఫుడ్‌స్టాల్‌ వద్ద పాప్‌కార్న్‌ కొనుగోలు చేసి తిన్నారు. ఎవరూ గుర్తు పట్టకుండా ముఖానికి తువ్వాల చుట్టుకుని, క్యాప్‌ పెట్టుకుని ఆ ప్రాంతమంతా కలియతిరిగారు.

రద్దీగా ఉండే ఆ ప్రాంతం మొత్తం తిరిగి చూశారు.అక్కడ ఉన్న స్థానికులు ఆయన పక్కనే నిలబడి, అటూ ఇటూ తిరుగుతున్నా సీఎం మనోహర్ లాల్ ఖట్టర్‌ను గుర్తుపట్టలేదు. అయితే, సీఎం ఎందుకు అలా మారువేషంలో జనం మధ్యలోకి వెళ్లారన్నది మాత్రం తెలియరాలేదు.

0 comment
0 FacebookTwitterPinterestEmail
Payal Ghosh: The actress tweeted that she would marry Shami.. Conditions apply..!
EntertainmentSportsViral

Payal Ghosh: షమీని పెళ్లి చేసుకుంటానంటూ నటి ట్వీట్.. కండీషన్స్‌ అప్లై..!

by Mano
written by Mano

టీమిండియా స్టార్ బౌలర్‌ను పెళ్లి చేసుకుంటానంటూ ఓ నటి చేసిన ట్వీట్ ప్రస్తుతం వైరల్ అవుతోంది. టాలీవుడ్‌లో జూనియర్ ఎన్టీఆర్‌ ‘ఊసరవెల్లి’ మూవీతో తమన్నాకు ఫ్రెండ్‌గా నటించిన బ్యూటీ పాయల్ ఘోష్(Payal Ghosh).. తెలుగు ప్రేక్షకులకు సుపరిచితమే. ఈ నటి ప్రస్తుతం బాలీవుడ్‌లో సెటిల్ అయిపోంది. సోషల్ మీడియాలో యాక్టివ్‌గా ఉంటూ పలు సంచలన పోస్టులతో నిత్యం వార్తల్లో నిలుస్తోంది.

Payal Ghosh: The actress tweeted that she would marry Shami.. Conditions apply..!

ఇటీవల బాలకృష్ణను చూసి బాలీవుడ్ హీరోలు నేర్చుకోవాలని పోస్ట్ పెట్టి విమర్శలకు గురైంది. తాజాగా, ఈ అమ్మడు టీమిండియా స్టార్ పేసర్ మహ్మద్ షమీ(Mohammaed Shami)కి ట్విట్టర్(X) వేదికగా ప్రపోజ్ చేసి షాక్ ఇచ్చింది. అందుకు కొన్ని కండీషన్లనూ పెట్టింది. ‘షమీ.. నువ్వు ఇంగ్లీష్‌ను మెరుగుపరుచుకో.. నేను నిన్ను పెళ్లి చేసుకోవడానికి సిద్ధంగా ఉన్నాను’ అంటూ రాసుకొచ్చింది.

మరో పోస్టులో పాయల్.. ‘మహ్మద్ షమీ.. సెమీ ఫైనల్‌లో అత్యుత్తమ ప్రదర్శన చేయడానికి తన నుంచి మీకు ఏ సాయం కావాలో చెప్పండి. ముందుగా ఫైనల్‌లో భారత్ స్థానం సంపాదించాలి. అక్కడ నువ్వు హీరో అవ్వాలని నేను కోరుకుంటున్నా’ అని రాసుకొచ్చింది. ఇక ఇది చూసిన వారు నిజంగానే ఆమె షమీకి ఫ్యాన్‌ అయిపోయిందా? అని ఆశ్చర్యపోతున్నారు.

మరోవైపు షమీ ఫ్యాన్స్ పాయల్‌పై మండిపడుతున్నారు. పెళ్లికి ఇంగ్లీష్‌కు సంబంధం ఏంటీ? ఎందుకు షమీని ఎగతాళి చేస్తున్నారని ఫైర్ అవుతున్నారు. షమీ వన్డే ప్రపంచకప్-2023 లో దుమ్ములేపుతున్నాడు. ఈ మెగా టోర్నీలో ఇప్పటి వరకు కేవలం నాలుగు మ్యాచ్‌లు మాత్రమే ఆడిన షమీ.. 16 వికెట్లు పడగొట్టి సిరీస్‌లో టాప్ ఫైవ్ బౌలర్ల లిస్టులో చేరారు. అలా భారత్ విజయాల్లో షమీ కీలక పాత్ర పోషిస్తున్నాడు. దీంతో ఇండియా మొత్తం ఆయన పేరు మారుమోగుతోంది.

0 comment
0 FacebookTwitterPinterestEmail
NationalPoliticsViral

Karnataka : ఈ విషయం తెలిసి పాలకులు అధికారులు సిగ్గుపడాలి.. వైరల్ వీడియో..!!

by Venu
written by Venu

ప్రభుత్వాలు మారుతూ ఉంటాయి.. నేతల ఆస్తులు పెరుగుతూ ఉంటాయి.. కానీ సామాన్యుడు మాత్రం ఇంకా పేదవాడిగా మారుతాడని నేటి సమాజం అంటుంది. రాజకీయాలు అంటే సకల వైభోగాలకు కేరాఫ్ గా భావిస్తున్న నేతలు.. పదవి లేకుంటే ప్రాణం పోయినట్టుగా భావిస్తున్నంత కాలం.. రాజకీయాన్ని ప్రజాసేవగా గుర్తించలేనంత కాలం.. మా బ్రతుకులు మారయని భావించిన జనం అంతా కలిసి గొప్ప పని చేశారు.. కర్ణాటక జిల్లాలో జరిగిన ఈ ఘటనకు సంబంధించిన వివరాలు చూస్తే..

 

కర్ణాటక (Karnataka) బాగల్‌కోట్‌ (Bagalkot) జిల్లా కంకన్‌వాడి (Kankanwadi) గ్రామంలో జనం సుమారుగా రూ.24 లక్షల వరకు చందాలు వేసుకొని కర్రల వంతెన (Sticks Bridge) నిర్మించుకున్నారు. ఈ గ్రామంలో దాదాపు 300 మంది జనాభా ఉంటారని అంటూన్న స్థానికులు.. తమ వ్యవసాయ భూముల్లోకి వెళ్లేందుకు అవసరమైన వంతెన లేక నానా అవస్థలు పడ్డామని తెలిపారు.

ఆ వంతెన కోసం ఎన్ని సార్లు మొరపెట్టుకున్న పాలకులు పట్టించుకోకపోవడంతో విసుగెత్తిన గ్రామస్థులు, రైతులు.. చందాలు వేసుకొని నిర్మించుకున్న కర్రల వంతెనను ఓ మంత్రితో ఆవిష్కరింపజేసి.. పాలకుల నిర్లక్ష్య వైఖరిని ప్రపంచానికి చాటారు. కాగా రాష్ట్రంలో గత కొన్ని దశాబ్దాలుగా కాంగ్రెస్‌, బీజేపీ, జేడీఎస్‌ ప్రభుత్వాలు మారినా.. ఎందరో నాయకులు మారినా.. గ్రామం పక్కన ఉండే కృష్ణా నది దాటడానికి వంతెన నిర్మించలేక పోయారని స్థానికులు మండిపడ్డారు.

మరోవైపు కృష్ణా నది ఆవలి వైపున గుహేశ్వర్‌ ద్వీపంలో నివసిస్తున్న గ్రామస్థులకు మొత్తం 800 ఎకరాల వ్యవసాయ భూములు ఉన్నాయి. కాగా నది దాటితే గానీ వారు తమ పొలాలకి వెళ్లలేని పరిస్థితి. ఒకవైపు ప్రభుత్వం కూడా అంత పెద్ద బ్రిడ్జి కట్టలేమని చేతులెత్తేసింది. కానీ నది దాటడానికి గ్రామస్థులకు ఓ మెకనైజ్డ్‌ బోటును మాత్రం ప్రభుత్వం అందించింది. అయితే ప్రతి సంవత్సరం ఆ బోట్‌ నిర్వహణ కోసం రూ.5-6 లక్షలు ఖర్చు అవుతుండటం.. ఆ ఖర్చు గ్రామస్థుల మీద పడటంతో విసిగిపోయాయారు..

దాంతో గ్రామ ప్రజలు బ్రిడ్జ్ కట్టుకోవాలనే నిర్ణయానికి వచ్చి.. 30 మంది రైతులు మూడు నెలల్లో.. తాళ్లతో వంతెనను నిర్మించడం చర్చనీయాంశంగా మారింది. కాగా ఈ వంతెన 800 అడుగుల పొడవు, 8 అడుగుల వెడల్పుతో నిర్మించుకున్నారు. ఈ విషయం సోషల్ మీడియాలో వైరల్ గా మారింది.. మరో వైపు మీరు గ్రామం కోసం చేసిన కృషి తెలుసుకున్న నెటిజన్లు.. పాలకులు, అధికారులు సిగ్గుపడేట్టు చేశారని సోషల్ మీడియాలో కామెంట్లు చేస్తున్నారు.

0 comment
0 FacebookTwitterPinterestEmail
NationalPoliticsViral

Priyanka Gandhi : ఖాళీ బొకేతో ప్రియాంక గాంధీకి ఆహ్వానం.. వైరల్ గా మారిన వీడియో..!!

by Venu
written by Venu

మధ్యప్రదేశ్‌ (Madhya Pradesh)లో అసెంబ్లీ ఎన్నికల పర్యటనలో కాంగ్రెస్‌ నేత ప్రియాంక గాంధీ (Priyanka Gandhi)కి ఓ అనుకొని సంఘటన ఎదురయ్యింది. ఎన్నికల ప్రచారంలో భాగంగా ప్రియాంక గాంధీ మధ్యప్రదేశ్‌ లో ఓ ప్రచార సభలో పాల్గొన్నారు. ఈ క్రమంలో వేదిక పైకి వెళ్ళిన ప్రియాంక గాంధీకి కాంగ్రెస్ నేతలు స్వాగతం పలికారు.

అదే సమయంలో స్థానిక కాంగ్రెస్ నాయకుడు ఒకరు పూలు లేని పుష్పగుచ్ఛాన్ని ప్రియాంక గాంధీకి అందించారు. అయితే ఆ బొకేలో పువ్వులు లేవు (Empty Bouquet) ఖాళీ బొకే చూసిన ప్రియాంక గాంధీ పువ్వులు ఏవీ అంటూ గట్టిగా నవ్వేశారు. అనంతరం సభలో ప్రసంగిస్తున్న ప్రియాంక మధ్యలో పుష్ప గుచ్చం గురించి ప్రస్తావించారు.

ఈ సంఘటనని భారతీయ జనతా పార్టీ ప్రభుత్వంతో పోల్చారు. ఈ పువ్వులు లేని బొకే.. అచ్చం బీజేపీ (BJP) లీడర్లు ఇస్తున్న హామీల్లాగే ఉందని విమర్శించారు. భారతీయ జనతా పార్టీ సామాన్య ప్రజలను ఈ విధంగా మోసం చేస్తోందని తెలిపారు. కాగా ఇండోర్ సభలో జరిగిన ఈ సంఘటనకు సంబంధించిన వీడియోను ట్విట్టర్ లో కాంగ్రెస్ (Congress) షేర్ చేయడంతో అది తెగ వైరల్ గా మారింది.

0 comment
0 FacebookTwitterPinterestEmail
Mlc Kavitha: Rashmika fake video.. What are top actors doing: Mlc Kavitha
EntertainmentHyderabadTelanganaViral

Mlc Kavitha: రష్మిక ఫేక్ వీడియో.. అగ్ర నటులు ఏం చేస్తున్నారు: ఎమ్మెల్సీ కవిత

by Mano
written by Mano

హీరోయిన్ రష్మిక మందన్న(Rashmika mandanna) డీప్ ఫేక్ వీడియో(Deep fake video) సోషల్ మీడియాలో తెగ వైరల్ అవుతోంది. ఆర్టిఫిషియల్ ఇంటెలిజెన్స్‌(AI)తో ఆ ఫేక్ వీడియో క్రియేట్ చేసినట్లు తెలుస్తోంది. అయితే సాంకేతికత దుర్వినియోగంపై ఎమ్మెల్సీ కల్వకుంట్ల కవిత(MLC Kavitha) స్పందించారు. ఇంత జరుగుతున్నా సినీ ఇండస్ట్రీలో అగ్ర నటలు ఏం చేస్తున్నారని ప్రశ్నించారు. ఈ ఘటనపై చర్యలు తీసుకోవాలని కేంద్ర ప్రభుత్వాన్ని డిమాండ్ చేశారు.

Mlc Kavitha: Rashmika fake video.. What are top actors doing: Mlc Kavitha

రక్షణ చర్యలను సమగ్రంగా రూపొందించడం కోసం ప్రత్యేకంగా పార్లమెంటరీ స్థాయీ సంఘాన్ని ఏర్పాటు చేయాలని ప్రధానమంత్రి నరేంద్ర మోడీని, కేంద్ర ఐటీ శాఖ మంత్రి అశ్విని వైష్ణవ్‌ను x(ట్విట్టర్) ద్వారా కవిత విజ్ఞప్తి చేశారు. ఇలాంటి ఘటనలపై తగిన చర్యలకు పార్లమెంటరీ కమిటీని ఏర్పాటు చేయాలి అని కవిత అభిప్రాయపడ్డారు. ఇలాంటి ముప్పు నుంచి మహిళలను కాపాడాల్సిన తక్షణ అవసరం ఉందని ఆమె స్పష్టం చేశారు.

డీప్ ఫేక్ వీడియోకు స్పందిస్తూ రష్మికకు పలువురు ప్రముఖులు మద్దతు తెలుపుతున్నారు. ఇదివరకు బాలీవుడ్ లెజెండరీ నటుడు అమితాబ్ బచ్చన్ ఈ వీడియోపై స్పందిస్తూ ఇలా చేసేవాళ్ల మీద చర్యలు తీసుకోవాలని ఆగ్రహం వ్యక్తం చేసిన సంగతి తెలిసిందే. తాజాగా ఎమ్మెల్సీ కవిత ఈ విషయంపై సీరియస్‌గా స్పందించారు. ట్విట్టర్(X) వేదికగా రష్మికగా అండగా ఉంటామని చెప్పారు.

‘సాంకేతిక పెరుగుతున్న కొద్దీ దాన్ని మంచి పనులకు కాకుండా కొంతమంది అది దుర్వినియోగం చేయాలని చూస్తున్నారు. అయితే అది మనుషుల మీద, మహిళలపై చేయడం సహేతుకం కాదు..’ అంటూ రష్మికకు తన మద్దతు తెలిపారు. ఆందోళన వ్యక్తం చేస్తూ, సైబర్ ముప్పు నుంచి మహిళలకు రక్షణ కల్పించాలి అని ఎమ్మెల్సీ కవిత విజ్ఞప్తి చేశారు. అదేవిధంగా సినీ ఇండస్ట్రీలో అగ్రనటులు ఎవరూ స్పందించకపోవడంపై అసహనం వ్యక్తం చేశారు.

0 comment
0 FacebookTwitterPinterestEmail
Newer Posts
Older Posts
@2021 - All Right Reserved. Designed and Developed by PenciDesign