Viral

విజయ్ హీరో(Hero vijay)గా లోకేష్ కనగరాజ్ (Director Lokesh kanagaraj) డైరెక్షన్‌లో తెరకెక్కించిన ‘లియో’ సినిమా ప్రస్తుతం థియేటర్లలో విజయవంతంగా ప్రదర్శితమవుతోంది. ఈ నేపథ్యంలో సినిమా ప్రమోషన్స్‌(Movie promotions)లో అపశృతి చోటుచేసుకుంది. డైరెక్టర్ లోకేష్ కనగరాజ్‌కు గాయాలైనట్లు తెలుస్తోంది.

ప్రమోషన్స్‌లో భాగంగా లోకేష్ కనగరాజ్ అండ్ మూవీ టీమ్ ఈరోజు కేరళ వెళ్లింది. పాలక్కాడ్‌లోని అరోమా థియేటర్‌కు వచ్చిన దర్శకుడిని చూసేందుకు వందలాది మంది అభిమానులు తరలివచ్చారు. సినిమాను మలయాళంలో రిలీజ్ చేసిన గోకులం మూవీస్ సంస్థ పూర్తి భద్రతా వ్యవస్థలను సిద్ధం చేసినప్పటికీ థియేటర్‌లో లోకేష్‌ను చూసేందుకు జనం ఎగబడడంతో స్వల్ప తొక్కిసలాట జరిగింది.

ఈ తొక్కిసలాటలో లోకేష్ కనగరాజ్ కాలికి గాయమైనట్లు ట్విట్టర్ (x) వేదికగా వెల్లడించారు. దీంతో ప్రమోషన్స్ అర్ధాంతరంగా నిలిపివేసి చెన్నైకి తిరిగి వెళ్ళిపోయాడు. కేరళలో ఇతర ప్రచార కార్యక్రమాలను రద్దు చేసినట్లు తెలుస్తోంది. దీంతో ఇవాళ జరగాల్సిన త్రిస్సూర్ రాగం థియేటర్, కొచ్చి కవితా థియేటర్ ఈవెంట్లు రద్దు చేయబడ్డాయి. కొచ్చిలో జరగాల్సిన ప్రెస్‌మీట్‌ను మరో రోజు నిర్వహించనున్నట్లు లోకేష్ సోషల్ తెలిపారు. ఈరోజు కూడా సెలవు కావడంతో హౌస్‌ఫుల్ షోలతో లియో రికార్డు కలెక్షన్లు రాబడుతోంది.

అనిరుధ్ రవిచందర్ స్వరపరిచిన లియోలో సంజయ్ దత్, అర్జున్ సర్జా, గౌతమ్ మీనన్, మిష్కిన్, మాథ్యూ థామస్, మన్సూర్ అలీఖాన్, ప్రియా ఆనంద్, శాండీ, జనని, అభిరామి వెంకటాచలం, బాబు ఆంటోని ఇతర ముఖ్యమైన పాత్రల్లో కనిపించారు. ఈ సినిమాను తమిళ, తెలుగు, మలయాళ, కన్నడ, హిందీ భాషల్లో రిలీజ్ చేశారు. తెలుగు, తమిళ్‌లో డివైడ్ టాక్ వచ్చినా వసూళ్ళ విషయంలో మాత్రం సినిమా దూసుకుపోతోంది.

Thank you Kerala for your love.. Overwhelmed, happy and grateful to see you all in Palakkad. ❤️

Due to a small injury in the crowd, I couldn’t make it to the other two venues and the press meeting. I would certainly come back to meet you all in Kerala again soon. Till then… pic.twitter.com/JGrrJ6D1r3

— Lokesh Kanagaraj (@Dir_Lokesh) October 24, 2023

టాలీవుడ్ అగ్రహీరో మెగాస్టార్ చిరంజీవి(Megastar chiranjeevi) .. సినిమాల్లోనే కాదు.. తన మంచిపనులతో నిజజీవితంలోనూ హీరో అనిపించుంటారు. ఆపదలో ఉన్నవారికి తనవంతు సాయాన్ని అందించే గొప్ప మనస్తత్వం ఆయనది. తాజాగా మరోసారి తన మంచిమనసును చాటుకున్నారు మెగాస్టార్. అస్వస్థతకు గురైన తన చిన్ననాటి స్నేహితుడికి అండగా నిలిచి అందరి ప్రశంసలు అందుకుంటున్నారు.

మొగల్తూరు(Mogalthur)కు చెందిన పువ్వాడ రాజా(Puvvada raja) అనే వ్యక్తి చిరంజీవికి బాల్యమిత్రుడు. తన మిత్రుడు అనారోగ్యంతో బాధపడుతున్నాడని తెలుసుకున్న చిరంజీవి వెంటనే స్పందించారు. రాజాను ఇటీవల తన టీంను పంపించి హైదరాబాద్‌లోని అపోలో ఆసుపత్రిలో చేర్పించారు. ఈ మేరకు ఆసుపత్రికి వెళ్లి మరీ రాజా ఆరోగ్య పరిస్థితి ఎలా ఉందో డాక్టర్లను ఆరాతీశారు.

ఇందుకు సంబంధించిన ఫొటోలను ప్రముఖ నిర్మాత బండ్ల గణేష్ సోషల్ మీడియాలో పోస్టు చేయడంతో వైరల్ అయ్యాయి. ‘మీరు గ్రేట్ సర్..’ అని బండ్ల గణేష్ చేసిన ఫ్యాన్స్‌ కామెంట్ల వర్షం కురిపిస్తున్నారు.  ‘మీది చాలా మంచి మనసు సార్..’ అంటూ పొగడ్తలతో ముంచెత్తుతున్నారు.

ఇక చిరంజీవి సినిమాల విషయానికి వస్తే 2023 సంక్రాంతికి ‘వాల్తేరు వీరయ్య’ సినిమాతో ప్రేక్షకులను అలరించిన ఆయన ఇటీవల భోళాశంకర్ సినిమాలో నటించారు. ఈ చిత్రం ఆశించినంత ఫలితాన్ని ఇవ్వలేకపోయింది. ప్రస్తుతం చిరంజీవి మరో సినిమాపై ఫోకస్ చేశారు. ‘బింబిసార’ డైరెక్టర్ వశిష్ఠతో ఓ సినిమాకు ఓకే చేశారు. చిరంజీవి కుమార్తె సుస్మిత ఈ సినిమాకు నిర్మాతగా వ్యవహరిస్తోంది.

బాలీవుడ్ హీరోయిన్ అనుష్క శర్మ సినిమాలకు చాలా గ్యాప్ ఇచ్చింది. 2018లో ‘జీరో’ అనే సినిమా తర్వాత ఈమె నటించిన మరో సినిమా ఇంతవరకు విడుదల కాలదు. ఇది అనుష్క అభిమానులను కలవరానికి గురిచేస్తోంది. స్టార్ క్రికెటర్ విరాట్ కోహ్లీతో వివాహం అయ్యాక సినిమాల విషయంలో ఆచితూచి వ్యవహరిస్తోంది.

విరాట్ కోహ్లీ, అనుష్కశర్మ దంపతులకు ఓ కూతురు జన్మించిన తర్వాత కూడా మరో బిడ్డ రాకకోసం ఎదురుచూస్తున్నట్లు పుకార్లు పుట్టుకొస్తున్నాయి. అయితే దీనిపై అనుష్కశర్మ, విరాట్ కోహ్లీ ఎలాంటి క్లారిటీ ఇవ్వలేదు. ఇదిలా ఉంటే అనుష్క మరో గాసిప్ కూడా వినిపిస్తోంది. అనుష్క రెండో సంతానం తర్వాత సినిమాలకు గుడ్‌బై చెప్తుందని కొందరు అంటున్నారు.

పెళ్లికి ముందు ఓ ఇంటర్వ్యూలో అనుష్క శర్మ మాట్లాడుతూ ‘నాకు పెళ్లి చాలా ముఖ్యం. నేను పెళ్లి చేసుకుని పిల్లల్ని కనాలనుకుంటున్నా. పెళ్లి అయ్యాక నాకు సినిమాల్లో నటించడం అంత ఇష్టం ఉండకపోవచ్చు’ అని చెప్పుకొచ్చింది. కుటుంబం, పిల్లలపై అనుష్క తన నిర్ణయాన్ని అప్పుడు చెప్పిన మాటలు సోషల్ మీడియాలో వైరల్ అవుతున్నాయి.

అనుష్క శర్మ 2008లో సినిమాల్లోకి వచ్చింది. నటిగానే కాకుండా నిర్మాతగా కూడా రాణించింది. ఆమె నటించిన ‘చక్డా ఎక్స్‌ ప్రెస్’ సినిమా పనులు చాలా ఆలస్యమవుతున్నాయి. ఈ నేపథ్యంలో అనుష్క రెండో సంతానం సంతానం తర్వాత సినిమాలకు దూరంగా ఉంటుందని సోషల్ మీడియాలో చర్చ సాగుతోంది.