క్రికెట్ (Cricket)లో గెలుపు ఓటములు కామన్.. అది ప్రపంచ కప్ (World Cup) అయినా.. టోర్నమెంట్ మ్యాచ్ (Tournament match) అయినా.. ఇదంతా పక్కన పెడితే ఒకే టీమ్ లో ఆడుతున్న బ్యాట్స్ మెన్ (Batsmen) కొట్టుకోవడం ఎప్పుడైనా చూశారా.. ఇలా ఎందుకు జరిగిందో తెలియదు కానీ.. ప్రపంచకప్‌లో పాకిస్తాన్ జట్టు సెమీస్ చేరకుండానే ఇంటి బాట పట్టింది.
అయితే ఆ జట్టు క్రికెట్ లో ప్రదర్శించిన ఎఫెక్ట్ పాకిస్తాన్ (Pakistan)లో కొట్టిందేమో తెలియదు కానీ స్థానికంగా జరుగుతున్న టోర్నమెంట్ మ్యాచ్ లో ఇద్దరు బ్యాట్స్ మెన్లు కొట్టుకున్న వీడియో ప్రస్తుతం సోషల్ మీడియాలో వైరల్ అవుతోంది.
సాధారణంగా క్రికెట్ లో గొడవ జరిగితే ప్రత్యర్థి టీమ్ తో జరుగుతుంది. కానీ ఇక్కడ ఒకే జట్టు బ్యాట్స్ మెన్లు ఇద్దరు బ్యాట్లతో పొట్టుపొట్టు కొట్టుకున్నారు. మరోవైపు క్రికెట్ చరిత్రలో ఇలాంటి ఘటనను అభిమానులు ఎప్పుడు చూసి ఉండరు.. ఇక అసలు విషయానికి వస్తే.. ఈ వీడియోలో నాన్ స్ట్రైక్ లో ఉన్న బ్యాటర్ రనౌట్ అయ్యాడు.. తర్వాత సహచర ఆడగాడిపై కోపంతో తిట్టుకుంటూ బయటికి వెళ్లిపోతుండగా.. ఉన్నట్టుండి క్రీజులో ఉన్న బ్యాట్స్ మెన్ పరుగెత్తుకుంటూ వెళ్ళి తోటి బ్యాట్స్‌మెన్‌పై బ్యాట్ తో దాడి చేసాడు.
ఈ ఘటనకు నివ్వెరపోయిన అక్కడున్న కొంతమంది ఆ బ్యాట్స్‌మెన్‌ ను ఆపడానికి ప్రయత్నించగా అతనికి కూడా దెబ్బతాకింది. పరిస్థితి ముదురుతుందని భావించిన మరికొంత మంది వచ్చి వారిని ఆపుతారు. అంతటితో ఆ గొడవ సద్దుమణుగుతుంది. కాగా ఈ ఫన్నీ వీడియో @gharkekalesh అనే ఐడీతో ట్విట్టర్‌లో పోస్ట్ చేయగా ఇప్పటి వరకు 6 లక్షల 40 వేలకు పైగా చూశారు..
