ఉత్తరప్రదేశ్ (Uttar Pradesh)రాష్ట్రం, కాన్పూర్ దేహత్ (Kanpur Dehat) జిల్లాలో ఘోర రోడ్డు ప్రమాదం (Road Accident) చోటు చేసుకొంది. సికంద్రా పోలీస్ స్టేషన్ పరిధి, జగన్నాథ్ పూర్ (Jagannathpur) గ్రామ సమీపంలో తెల్లవారు జామున జరిగిన ప్రమాదంలో అక్కడికక్కడే ఆరుగురు మృతి చెందగా.. మరో ఇద్దరు చిన్నారులు తీవ్రంగా గాయపడినట్లు స్థానిక పోలీసులు వెల్లడించారు.
వర్షం పడుతున్న సమయంలో వేగంగా వెళ్తున్న కారు అదుపుతప్పి నీరు ఉన్న గొయ్యిలో పడిపోవడం వల్ల ఈ ప్రమాదం జరిగినట్టు తెలుస్తోంది. మరోవైపు సమాచారం అందుకొన్న పోలీసులు హుటాహుటిన సంఘటనా స్థలికి చేరుకొని.. జేసీబీ సహాయంతో కారును బయటకు తీశారు. ప్రమాదంలో గాయపడిన ఇద్దరు చిన్నారులను స్థానిక ఆస్పత్రికి తరలించారు.
మరణించిన ఆరుగురి మృతదేహాలను స్వాధీనం చేసుకొన్న పోలీసులు.. పోస్టు మార్టం నిమిత్తం ప్రభుత్వాస్పత్రికి తరలించారు. కాగా ఈ ఘటనపై కేసు నమోదు చేసుకొని దర్యాప్తు ప్రారంభించారు. ప్రమాదానికి కారణం.. వేగంగా వెళ్తున్న కారు అదుపు తప్పడం అని తేల్చారు.. వర్షం వస్తున్న సమయంలో ప్రమాదాలు జరిగే అవకాశం ఉందని.. అందుకే వేగంగా వెళ్ళడం ప్రమాదాలకు కారణం అవుతుందని వెల్లడించారు.
