Sai

గత బీఆర్ఎస్ ప్రభుత్వ హయాంలో మంత్రిగా పనిచేసిన పాలకుర్తి ఎమ్మెల్యే ఎర్రబెల్లి దయాకర్ రావు(Errabelli Dayakar Rao) మెడకు ఫోన్ ట్యాపింగ్ కేసు(Phone Tapping Case) ఉచ్చు బిగుసుకున్నట్లు తెలుస్తోంది. ఎందుకంటే ఈ కేసులో ఇప్పటికే అరెస్టు అయ్యి ప్రత్యేక దర్యాప్తు బృందం కస్టడీలో ఉన్న సస్పెండెడ్ డీఎస్పీ ప్రణీత్ రావు(Praneeth Rao) వెల్లడించిన సమాచారం మేరకు మాజీ మంత్రికి సీఆర్పీసీ 41 కింద నోటీసులు ఇచ్చి విచారించేందుకు పోలీసులు రంగం సిద్ధం చేస్తున్నారు.

పక్కా సమాచారం మేరకు ఎర్రబెల్లి దయాకర్ రావును ప్రశ్నించాలని విచారణ అధికారులు నిర్ణయించారు. దీనికి బలమైన కారణమూ లేకపోలేదు. గత అసెంబ్లీ ఎన్నికల సమయంలో ప్రణీత్ రావు పాలకుర్తిలో వార్ రూమ్ ఏర్పాటు చేసి మాజీ మంత్రికి పోటీగా నిలబడిన కాంగ్రెస్ అభ్యర్థిని యశస్వినీ రెడ్డితో పాటు కాంగ్రెస్ కీలక నేతల ఫోన్లను ట్యాప్ చేశాడు.

అంతేకాకుండా యశస్విని ఫ్యామిలీ మెంబర్స్ ఫోన్లు, వారితో టచ్ లోకి వెళ్లిన వ్యాపార,వాణిజ్య పారిశ్రామిక వేత్తల ఫోన్లు సైతం ట్యాపింగ్‌కు గురయ్యాయి. ఇలా ఒక్క పాలకుర్తినే కాకుండా సిరిసిల్ల, సిద్దిపేట, కామారెడ్డి, మహబూబ్ నగర్, కరీంనగర్ ఇలా బీఆర్ఎస్ కీలక నేతలు పోటీ చేసిన చోట ప్రణీత్ రావు వార్ రూమ్స్ ఏర్పాటు చేసి అపోజిట్ క్యాండిడేట్స్ కాల్స్ మొత్తం విన్నాడు.

ఆ కీలక సమాచారాన్ని ఆయా కీలక నేతలకు అందజేశాడు. ఇదంతా ప్రణీత్ రావు విచారణలో వెల్లడించినట్లు తెలుస్తోంది. దీంతో ముందుగా పాలకుర్తి వార్ రూమ్ గురించి మాజీ మంత్రిని విచారించాలని దర్యాప్తు బృందం రంగం సిద్ధం చేసినట్లు టాక్ వినిపిస్తోంది. అదే జరిగితే ఇక మిగతా నియోజకవర్గాల్లోని కీలక నేతలు సైతం భవిష్యత్‌లో విచారణను ఎదుర్కోవాల్సి రావొచ్చని సమాచారం. కానీ, మాజీ మంత్రి ఎర్రబెల్లి మాత్రం తనకు ఆ ప్రణీత్ రావు ఎవరో తెలియదని, ఫోన్ ట్యాపింగ్ కేసుకు తనకు సంబంధం లేదని మంగళవారం తెలంగాణ భవన్‌లో మీడియాకు స్టేట్మెంట్ ఇచ్చారు.

బీఆర్ఎస్ నేత, మాజీ మంత్రి ఎర్రబెల్లి దయాకర్ రావు‌(Errabelli dayakar rao)పై హైదరాబాద్‌కు చెందిన ఓ వ్యాపారి సంచలన ఆరోపణలు చేశారు. గత బీఆర్ఎస్ సర్కార్ హయాంలో మంత్రిగా ఉన్న ఎర్రబెల్లి దయాకర్ తనను బంధించి ఆయన సమీప బంధువు విజయ్ పేరిట బలవంతంగా భూమి రిజిస్ట్రేషన్ (Land Illegal Reg చేయించారన్నారు.

అంతేకాకుండా రెండ్రోజుల పాటు తనను నిర్భంధించి రూ.50లక్షలు ఇవ్వాలని తన కుటుంబ సభ్యులను సైతం బెదిరించినట్టు ఆరోపించారు. ఇదే విషయంపై బాధిత వ్యాపారి శరణ్ చౌదరి సోమవారం సీఎం రేవంత్ రెడ్డిని సైతం ఫిర్యాదు చేసినట్లు పేర్కొన్నారు.

అయితే, ఈ ఆరోపణలపై మాజీ మంత్రి ఎర్రబెల్లి దయాకర్ మంగళవారం తెలంగాణ భవన్‌లో మీడియాతో మాట్లాడారు. తనపై రాజకీయంగా కుట్ర జరుగుతోందని, అసలు ఆ విజయ్ కూడా ఎవరో తనకు తెలియదన్నారు. పత్రికల్లో తన అవాస్తవాలు ప్రచురించే ముందు ఒక్కసారి ఆలోచించుకోవాలని ఎర్రబెల్లి హితవు పలికారు. విజయ్ అనే వ్యక్తి తన బంధువు కాదని, ఆయనది విజయవాడ అని తెలిపారు.

ఈ ఆరోపణల నేపథ్యంలో విజయ్ అమెరికా నుంచి తనకు ఓ వీడియో పంపారని ఎర్రబెల్లి పేర్కొన్నారు.వాస్తవానికి శరణ్ చౌదరి అనే వ్యక్తి దొంగ పత్రాలు క్రియేట్ చేసి తన వద్దనున్న రూ.5 ట్లు తీసుకున్నారని విజయ్ ఆరోపించారు. ఇదే విషయమై అప్పట్లో మంత్రిగా ఉన్న ఎర్రబెల్లిని రిక్వెస్ట్ చేస్తే పోలీసులకు ఫిర్యాదు చేయాలని సూచించినట్లు తెలిపారు.తనకు ఎర్రబెల్లికి ఎలాంటి సంబంధం లేదని, బంధుత్వం, వ్యాపార లావాదేవీలు కూడా లేవన్నారు.తనకు ఇంకా ఎర్రబెల్లినే సాయం చేశారని విజయ్ చెప్పుకొచ్చారు.కాగా, తనను పార్టీ మారాలని ఇతర పార్టీల నేతల నుంచి పిలుపులు వస్తున్నాయని, అయినా తాను పార్టీ మారబోనని ఎర్రబెల్లి తెలిపారు.

పార్లమెంట్ ఎన్నికలు సమీపిస్తున్న తరుణంలో ప్రస్తుతం తెలంగాణ(Telangana)లోని ప్రధాన పార్టీలు సికింద్రాబాద్(Secunderabad) సెగ్మెంట్ మీద ఫోకస్ చేశాయి. ఈ సీటు అన్ని పార్టీలకు కీలకంగా మారనున్నది. 2019 సార్వత్రిక ఎన్నికల్లో ఈ స్థానం నుంచి బీజేపీ ఎంపీ అభ్యర్థిగా ప్రస్తుత కేంద్రమంత్రి కిషన్ రెడ్డి(G.kishan reddy) పోటీ చేసి గెలుపొందారు. అప్పుడు కిషన్ రెడ్డికి ప్రత్యర్థిగా నాటి అధికార బీఆర్ఎస్ పార్టీ మంత్రి తలసాని శ్రీనివాస్ యాదవ్ తనయుడు సాయికిరణ్ యాదవ్ నిలబడ్డారు.

ఆ ఎన్నికల్లో బీజేపీ పార్టీ ఘన విజయం సాధించింది. రాష్ట్రంలో అధికారంలో గులాబీ పార్టీ ఉన్నా సికింద్రాబాద్ ప్రజలు మాత్రం మోడీ నాయకత్వంలోని బీజేపీకి జై కొట్టారు. ప్రస్తుతం కూడా సికింద్రాబాద్ నుంచి బీజేపీ పార్లమెంట్ అభ్యర్థిగా జి కిషన్ రెడ్డి మరోసారి పోటీకి సిద్ధమయ్యారు. అయితే, ఈసారి కూడా ప్రధాని మోడీ నాయకత్వంలో బీజేపీ కేంద్రంలో హ్యాట్రిక్ కోసం ట్రై చేస్తోంది.

దానికి తోడు ‘అబ్ కి బార్ 400 పార్’, ‘ఫిర్ ఏక్ బార్ మోడీ సర్కార్’ నినాదంతో బీజేపీ ప్రచారంలో ముందుకు దూసుకుపోతోంది. ఇటీవల ప్రధాని మోడీ మూడు సార్లు తెలంగాణలో పర్యటించారు.మల్కాజిగిరిలో రోడ్ షో, నాగర్ కర్నూల్ సభ, జగిత్యాల నిర్వహించిన సభలో మాట్లాడుతూ.. ఈసారి బీజేపీకి ఓటేసి నన్ను గెలిస్తే తెలంగాణను అభివృద్ధి పథంలో తీసుకెళ్తానని మాటిచ్చారు. ఇది మాములు గ్యారెంటీ కాదని, మోడీ గ్యారెంటీ అని గుర్తుపెట్టుకోవాలని ప్రజలకు సూచించారు.

ఇక బీఆర్ఎస్ పార్టీ నుంచి సికింద్రాబాద్ ఎంపీ అభ్యర్థిగా స్థానిక ఎమ్మెల్యే పద్మారావు గౌడ్(PadmaRao Goud) పోటీకి సిద్ధమయ్యారు. గులాబీ బాస్ కేసీఆర్ ఆయన పేరును అధికారికంగా ప్రకటించారు. పద్మారావుకు ఉద్యమనేతగా మంచి గుర్తింపు ఉంది. మంత్రి, డిప్యూటీ స్పీకర్‌గాను పనిచేసిన అనుభవం ఉంది. దీనికి తోడు తన సామాజిక వర్గం సపోర్టు గట్టిగా ఉంది.ఇక ఈయనకు తలసాని సపోర్టుగా కూడా గట్టిగానే ఉంటుందని తెలుస్తోంది. సికింద్రాబాద్ పరిధిలో యాదవ్ వర్గం ప్రజలు అధికంగా ఉన్నారు. ఇది పద్మారావుకు ఎన్నికల్లో ప్లస్ అయ్యే చాన్స్ ఉంది. బీజేపీకి కూడా గౌడ, యాదవ సామాజిక వర్గం ప్రజల మద్దతు మెండుగానే ఉంది.

ఇటీవల బీఆర్ఎస్ నుంచి కాంగ్రెస్‌లో చేరిన MlA దానం నాగేందర్(Danam Nagender) పోటీచేస్తున్నారు. ఈయనకు మాజీ మంత్రిగా, ఎమ్మెల్యేగా చేసిన అనుభవం ఉంది. పైగా రాష్ట్రంలో కాంగ్రెస్ ప్రభుత్వం అధికారంలో ఉంది. వాస్తవానికి రాష్ట్రంలో ఏ పార్టీ పవర్ లో ఉంటే వారికే అధికంగా ఎంపీ దక్కే చాన్స్ ఉంటుంది. కానీ దానంపై చాలా వరకు భూకబ్జా, బెదిరింపులకు గురిచేసిన ఆరోపణలు ఉన్నాయి. ఈసారి దానంకు ప్రజలు మొండిచూపే అవకాశాలే ఎక్కువగా ఉన్నాయి. మొత్తం మీద చూసుకుంటే ఇక్కడ ఫస్ట్ ప్లేస్‌లో బీజేపీ, సెకండ్ ప్లేస్‌లో బీఆర్ఎస్ నిలిచే అవకాశం ఉన్నట్లు సమాచారం. ఇటీవల పలు సర్వేలు కూడా ఇదే విషయాన్ని స్పష్టంచేశాయి.