147
TS: హైదరాబాద్(Hyderabad) వనస్థలిపురంలోని VIP స్పోర్ట్ షాప్‌లో భారీ అగ్నిప్రమాదం(fire accident) సంభవించింది. షార్ట్ సర్క్యూట్‌తో ప్రమాదం జరగ్గా, భారీగా మంటలు ఎగిసిపడుతున్నాయి. సమాచారం అందుకున్న అగ్నిమాపక సిబ్బంది 2 ఫైర్ ఇంజన్లతో ఘటనాస్థలానికి చేరుకున్నారు. డీఆర్ఎఫ్(DRF) సిబ్బందితో కలిసి మంటలను అదుపు చేశారు.
ఈ ప్రమాదంలో దాదాపు 15 లక్షల వరకూ ఆస్తి నష్టం జరిగిందని దుకాణం యజమాని చెబుతున్నారు. ప్రస్తుతం మంటలు పూర్తిగా అదుపులోకి వచ్చాయి. ఉదయం ఆరున్నర గంటలకు షార్ట్ సర్క్యూట్‌తో మంటలు చెలరేగినట్లు తెలుస్తోంది. ఇందుకు సంబంధించిన పూర్తి వివరాలు తెలియాల్సి ఉంది.
