హైద‌రాబాద్‌(Hyderabad)లోని రాజ్‌భ‌వ‌న్‌(Rajbhavan)లో సంక్రాంతి సంబురాలు మొదలయ్యాయి. ఇవాళ(శనివారం) ఉద‌యం భోగి వేడుక‌ను నిర్వహించారు. ఈ సందర్భంగా గవర్నర్ తమిళిసై సౌందర రాజన్(Governor Tamilisai) పాయసం వండారు. ఆమె ఆ వంట‌కాన్ని క‌ట్టెల పొయ్యిపై కుండలో త‌యారు చేయడం విశేషం.
ఈ సందర్భంగా గవర్నర్ మాట్లాడుతూ.. దేశ, తెలుగు ప్ర‌జ‌ల‌కు భోగి, సంక్రాంతి శుభాకాంక్ష‌లు తెలిపారు. త‌న‌కు ఈ పొంగల్ వ్య‌క్తిగ‌తంగా ఎంతో ప్రత్యేకమైనదని తెలిపారు. చిర‌కాల స్వ‌ప్నం రామ మందిర నిర్మాణం పూర్తవుతుండడమే అందుకు కారణమని చెప్పారు.
ఇది విక‌సిత్ భార‌త్ అని ఆమె వ్యాఖ్యానించారు. అతిత్వరలో శ్రీరాముడిపై హిందీతో పాటు తెలుగు భాష‌లో ఓ పాట‌ను విడుదల చేయ‌నున్నట్లు ఆమె తెలిపారు. ఈ ఏడాది కూడా సౌభాగ్యంతో ప్ర‌తీఒక్కరు సంతోషంగా ఉండాల‌ని ఆమె ఆశాభావాన్ని వ్య‌క్తం చేశారు.
కాగా, శుక్ర‌వారం ఆమె పుదుచ్చ‌రి రాజ్‌నివాస్‌లో పొంగల్ వేడుకల్లో పాల్గొన్నారు. ఇవాళ సాయంత్రం గవర్నర్ ఢిల్లీకి వెళ్తున్నారు. రేపు ప్రధానమంత్రి నరేంద్ర మోడీ, కేంద్ర హోం శాఖ మంత్రి అమిత్ షా, రక్షణ శాఖ మంత్రి రాజ్‌నాథ్ సింగ్‌లను ఆమె కలువనున్నారు.
#WATCH | Telangana Governor & Puducherry LG Tamilisai Soundararajan celebrates 'Bhogi' at Raj Bhavan in Hyderabad, Telangana.
The festival marks beginning of the four-day Pongal festival. pic.twitter.com/QY3e6kCcyK
— ANI (@ANI) January 13, 2024
