ఇజ్రాయెల్ దళాలు గాజా(Gaza)లోని దక్షిణ నగరమైన ఖాన్ యూనిస్‌(Khan Unis)పై దాడికి దిగాయి. దీంతో జనవరి 22న రాత్రి దాదాపు 50 మంది మృతిచెందారు. ఇజ్రాయెల్(Israel) దళాలు ఒక ఆసుపత్రిపై దాడి చేసి మరొక ఆసుపత్రిని ముట్టడించినట్లు రాయిటర్స్ వార్తా సంస్థ ఓ కథనంలో పేర్కొంది.
దక్షిణ గాజాలోని ప్రధాన నగరమైన ఖాన్ యూనిస్‌కు పశ్చిమాన మధ్యధరా తీరానికి సమీపంలో ఉన్న అల్-మవాసి జిల్లాలోకి మొదటిసారిగా దళాలు చేరుకున్నాయి. అల్-ఖైర్ ఆసుపత్రిని ముట్టడించి, వైద్య సిబ్బందిని అదుపులోకి తీసుకున్నారు. దీంతో వేలాది మంది పాలస్తీనియన్లను మరింత దక్షిణం వైపునకు పారిపోయారు. కుటుంబాలు తీరప్రాంత రహదారిపై నడకదారి పట్టారు.
ఇజ్రాయెల్-హమాస్ యుద్ధంలో 25వేల మందికి పైగా పాలస్తీనియన్లు మృతిచెందారని గాజాలోని ఆరోగ్య మంత్రిత్వ శాఖ ఇటీవలే వెల్లడించింది. ఇది అక్టోబర్ 7 న గాజాలో ఉగ్రవాదులు దక్షిణ ఇజ్రాయెల్ పై దాడి చేయడంతో సుమారు 1200 మందిని చనిపోగా, 250 మంది బందీలను చేసుకున్నారు.
ఐక్యరాజ్యసమితి ప్రకారం, గాజాలోని 2.3 మిలియన్ల నివాసితులలో 85శాతం మందిని ఈ యుద్ధం తరలివెళ్లేలా చేసింది. వారిలో నలుగురిలో ఒకరు ఆకలితో అలమటిస్తున్నారు. మరోవైపు, హమాస్‌తో ఒప్పందం కుదుర్చుకోవాలని బందీల బంధువుల నుంచి ప్రధానమంత్రి ఒత్తిడిని ఎదుర్కొంటున్నారు.
