Tag:

congress

delhi heads are behind chandrababu says chintha mohan

Congress Ex Mp: చంద్రబాబు అరెస్ట్‌ దారుణం!

by Sai September 14, 2023

written by Sai

చింతా మోహన్‌,
కాంగ్రెస్‌ మాజీ ఎంపీ

స్కిల్ డెవలప్‌మెంట్ స్కామ్‌(Skill development scam) అనేది ఒక స్కామే కాదని, దీన్ని బూచిగా చూపి టీడీపీ(TDP) అధినేత నారా చంద్రబాబు నాయుడు(Chandrababu Naidu)ను అరెస్టు చేయడం వెనుక ఢిల్లీ పెద్దల హస్తం ఉంది. చంద్రబాబు అరెస్టు తర్వాత సీఎం జగన్ పట్టరాని సంతోషంలో ఉన్నారు. అయితే, చంద్రబాబుకు సుప్రీంకోర్టులోనే న్యాయం జరుగుతుంది.

ఆయన అప్పటి వరకు జైల్లో ఉండక తప్పదు. చంద్రబాబు ఖచ్చితంగా తప్పుచేసివుండరని, స్కిల్ డెవలప్‌మెంట్ స్కామ్ అసలు స్కామే కాదు. ఇలాంటి అక్రమ అరెస్టులు చేస్తే ముఖ్యమంత్రిగా ఎవరూ పని చేయరు. చంద్రబాబును జైలుకు పంపించడం దారుణం

ఏసీబీ కోర్టు తీర్పు సరిగా లేదు. ఈ మధ్యకాలంలో జడ్జిమెంట్లు సరిగా ఉండటం లేదు. చంద్రబాబుకు రిమాండ్ విధించిన తీర్పులో లోటుపాట్లు ఉన్నాయి. సుప్రీంకోర్టులో చంద్రబాబుకు న్యాయం జరుగుతుంది.

స్కిల్ డెవలప్‌మెంట్ స్కామ్‌లో సుప్రీంకోర్టులోనే న్యాయం జరుగుతుంది. ఈ కేసు కోర్టులో నిలవదు. రాజమండ్రి సెంట్రల్ జైలులో వసతులు సరిగా లేవని, లండన్ నుంచి తిరిగి వచ్చిన తర్వాత జగన్ నవ్వుతూ ఇంటికి వెళ్లారు.

September 14, 2023 0 comment

cm-kcr-aim-is-to-privatize-education-revanth-reddy

Revanth Reddy: విద్యను ప్రైవేట్ పరం చేయాలని కేసీఆర్‌ చూస్తున్నాడు: రేవంత్‌ రెడ్డి!

by Sai September 13, 2023

written by Sai

కాకతీయ యూనివర్సిటీ‌లో(Ku) తెలంగాణ కాంగ్రెస్ అధ్యక్షుడు రేవంత్ రెడ్డి (Revanth reddy)పర్యటించారు. పీహెచ్‌డీ కేటగిరి 2 అడ్మిషన్లలో జరిగిన అవకతవకలపై దీక్ష చేస్తున్న విద్యార్థులకు రేవంత్ రెడ్డి మద్దతు తెలిపారు. పోలీసుల దాడిలో గాయపడిన కేయూ విద్యార్థులను రేవంత్ పరామర్శించారు.”అర్హతలేని వారికి, బీఆర్ఎస్ జెండా మోసిన వారికి PHD అడ్మిషన్లు ఇచ్చారు. అర్హులకు అన్యాయం చేశారు. కాకతీయ యూనివర్సిటీ విద్యార్థులు తెలంగాణ ఉద్యమంలో క్రియాశీలకంగా పోరాడారు.

అక్రమాలలో వీసీ, రిజిస్ట్రార్ కు భాగస్వామ్యం ఉంది. పల్లా రాజేశ్వర్ రెడ్డికి బంట్రోతుగా మారిన వ్యక్తి కేయూ వీసీగా పనిచేస్తున్నారు. యూనివర్సిటీ భూములను కబ్జా చేస్తే అడిగే నాథుడు లేడు. పోరాడిన విద్యార్థులపై టాస్క్ ఫోర్స్ పోలీసులతో దాడి చేయించారు. వీధిరౌడీల్లా విద్యార్థుల కాళ్లు, చేతులు విరగ్గొట్టారు. కేయూ వీసీని బర్తరఫ్ చేయాలి.

కేసీఆర్ దొరపోకడలను ప్రశ్నిస్తున్నారని యూనివర్సిటీలను కాలగర్భంలో కలిపేయాలనుకుంటున్నారా..?. కాకతీయ యూనివర్సిటీలో గొడవలకు కారణం పల్లా రాజేశ్వర్రెడ్డే. పల్లా యూనివర్సిటీని కాపాడుకోవాలని కేయూను నిర్వీర్యం చేస్తున్నారు. కేయూ విద్యార్థులకు కాంగ్రెస్ అండగా ఉంటుంది. కాంగ్రెస్ అధికారంలోకి వస్తే PHD అడ్మిషన్ల అవకతవకలపై విచారణ జరిపిస్తాం. విద్యార్థులను కొట్టే హక్కు పోలీసులకు ఎక్కడిది.

కేసీఆర్ కు ముఖ్యమంత్రిగా కొనసాగే అర్హత లేదు. PHD అక్రమ అడ్మిష‌న్లను రద్దు చేయాలి. వరంగల్ పోలీస్ కమిషనర్ రంగనాథ్ ఈప్రాంతం వాడు కాదు. సీపీ రంగనాథ్ కుర్చీవేసుకుని కూర్చొని విద్యార్థులను కొట్టించారని విద్యార్థులు చెబుతున్నారు. ఇప్పటికైనా నిస్పక్షపాతంగా విచారణ జరపండి. కాంగ్రెస్ అధికారంలోకి వస్తే సర్వశిక్షా అభియాన్ ఉద్యోగులను ఆదుకుంటాం.

విద్యను ప్రైవేట్ పరం చేయడమే కేసీఆర్ లక్ష్యం. ప్రభుత్వ విద్యను నిర్వీర్యం చేస్తున్నారు. దీక్షల ద్వారా సమస్యలు పరిష్కారం కావు… ప్రభుత్వం మారితేనే సమస్య పరిష్కారం అవుతుంది.” అని రేవంత్ రెడ్డి అన్నారు.

September 13, 2023 0 comment

major blow to congress as jyothi mirdha joins bjp ahead of elections in rajasthan

National Politics

Rajasthan: ఎన్నికల వేళ కాంగ్రెస్ కు ఎదురుదెబ్బ!

by Sai September 11, 2023

written by Sai

మరి కొన్ని రోజుల్లో రాజస్థాన్‌(Rajasthan) లో ఎన్నికలు (Elections) రానున్నాయి. ఈ క్రమంలో ఆ రాష్ట్రంలో కాంగ్రెస్‌(Congress) కు భారీ ఎదురుదెబ్బ తగిలింది. ఆ పార్టీ ముఖ్య నాయకురాలైన జ్యోతి మీర్దా(Jyothi Mirdha) ఆ పార్టీని వీడి కమలం గూటికి (BJP) చేరారు. ఆమె సోమవారం బీజేపీ కండువా కప్పుకున్నారు. ఆమె తో పాటు మాజీ ఐపీఎస్‌ అధికారులు , రాజకీయ నాయకుడు వచ్చిన సవాయ్‌ సింగ్‌ చౌదరి కూడా బీజేపీ లో చేరారు.

ఢిల్లీలో ఏర్పాటు చేసిన ఓ కార్యక్రమంలో రాజస్థాన్‌ బీజేపీ అధ్యక్షుడు సీపీ జోషి సమక్షంలో ఈ ఇద్దరూ కూడా బీజేపీ కండువా కప్పుకున్నారు.రాజస్థాన్‌లోని నాగౌర్ ప్రాంతంలో మీర్దా, చౌదరి బలమైన నేతలుగా పేరుండటంతో ఆ ప్రభావం రాబోయే ఎన్నికల్లో బలంగా ఉంటుందని బీజేపీ చెబుతోంది. జాతి నిర్మాణ బాధ్యతలకు కాంగ్రెస్ పార్టీ తిలోదకాలు ఇచ్చిందని, పార్టీ నేతలు, కార్యకర్తలను ఆ పార్టీ నిర్లక్ష్యం చేసిందని మీర్దా ఆరోపించారు.

బీజేపీలో తాజా చేరికలతో నాగౌర్ ప్రాంతంలో కాంగ్రెస్ ఫలితాలపై ప్రభావం ఉండవచ్చని చెబుతున్నారు.నౌగర్ లోక్‌సభకు జ్యోతి మీర్దా ఈసారి బీజేపీ నుంచి పోటీ చేసే అవకాశాలున్నాయి. నాగౌర్ నుంచి ఆరుసార్లు ఎంపీగా ఎన్నికైన నాథూరామ్ మీర్దా మనుమరాలే జ్యోతి మిర్దా. నాగౌర్ ప్రాంతంలో నాథూరామ్ మీర్దాకు గట్టి పట్టు ఉంది. జ్యోతి మీర్దా 2009లో తొలిసారి నాగౌర్ నుంచి కాంగ్రెస్ పార్టీ తరఫున పోటీ చేసి గెలిచారు.

ఆ తర్వాత 2014, 2019 ఎన్నికల్లో ఓటమి చవిచూశారు. 2019లో బీజేపీ మద్దతిచ్చిన హనుమాన్ బెనివాల్ చేతిలో జ్యోతి మీర్దా ఓడిపోయారు. ప్రస్తుతం బెనివాల్, బీజేపీ మధ్య సత్సంబంధాలు లేవు. సవాయ్ సింగ్ చౌదరి సైతం నాగౌర్ ప్రాంతానికి చెందిన వారే. రాబోయే అసెంబ్లీ, పార్లమెంటు ఎన్నికల్లో బీజేపీ విజయానికి కృషి చేస్తానని ఆమె చెప్పారు. రాష్ట్రంలో పటిష్ట ప్రభుత్వం ఏర్పాటుకు, కేంద్రంలో మూడవ సారి బీజేపీ ప్రభుత్వం వచ్చేందుకు పనిచేస్తానని అన్నారు. ప్రధాన మంత్రి నరేంద్రమోదీ కీలక నాయకత్వంలో ఇండియా గణనీయంగా అభివృద్ధి సాధించిందని ప్రశంసించారు.

September 11, 2023 0 comment

rahul gandhi leaves for week long europe tour

National Politics

Rahul Gandhi: యూరప్ పర్యటనకు వెళ్లిన రాహుల్!

by Sai September 6, 2023

written by Sai

కాంగ్రెస్(Congress) నేత రాహుల్ గాంధీ(Rahul Gandhi) మంగళవారం యూరోపు దేశాల పర్యటనకు వెళ్లారు. అక్కడ ఆయన న్యాయవాదులు, విద్యార్థులు, భారతీయ మూలాలుగల ప్రజలతో సమావేశాలు నిర్వహించనున్నారు. ఓ వైపు జీ20(G20 Summit) సదస్సు అంగరంగ వైభవంగా జరుగుతున్న సమయంలో ఆయన విదేశాలకు వెళ్లారు.

తిరిగి ఆయన ఈ సదస్సు ముగిసిన మర్నాడు స్వదేశానికి వస్తారు. విశ్వసనీయ వర్గాలను ఉటంకిస్తూ జాతీయ మీడియా ఈ వివరాలను వెల్లడించింది. జాతీయ మీడియా కథనాల ప్రకారం, రాహుల్ గురువారం బ్రసెల్స్‌లో యూరోపియన్ యూనియన్ న్యాయవాదులతో సమావేశమవుతారు.

అదేవిధంగా ది హేగ్‌లో కూడా ఆయన న్యాయవాదులతో సమావేశమవుతారు. ఆయన శుక్రవారం పారిస్ నగరంలో ఓ విశ్వవిద్యాలయంలో విద్యార్థులను ఉద్దేశించి మాట్లాడతారు.

ఆయన ఈ నెల 9న పారిస్‌లో ఫ్రాన్స్ లేబర్ యూనియన్ సమావేశంలో పాల్గొంటారు. అనంతరం ఆయన నార్వేకు వెళ్తారు. ఈ నెల 10న ఓస్లో నగరంలో భారతీయ మూలాలుగలవారితో సమావేశమవుతారు. ఈ నెల 11 తిరిగి స్వదేశానికి వచ్చే అవకాశం ఉంది.

జీ20 సదస్సు న్యూఢిల్లీలో ఈ నెల 9, 10 తేదీల్లో జరుగుతుంది. దాదాపు 30 దేశాలకు చెందిన అగ్ర నేతలు ఈ సమావేశాల్లో పాల్గొంటారు. ఈ ఏడాది ఈ సదస్సుకు భారత దేశం అధ్యక్షత వహిస్తోంది.

September 6, 2023 0 comment

minister ktr says telangana model of development is the best role model for rest of india

Hyderabad Politics Telangana

KTR: బీజేపీ, కాంగ్రెస్ రాష్ట్రాల్లోనే విద్యుత్‌ కొరత!

by Sai September 4, 2023

written by Sai

తెలంగాణ ఐటీ, పరిశ్రమల శాఖ మంత్రి కేటీఆర్ (KTR) తెలంగాణకు పెట్టుబడులు తీసుకువచ్చేందుకు కృషి చేస్తున్నారు. ఇప్పటికే పలు అంతర్జాతీయ కంపెనీల ప్రతినిధులు కేటీఆర్ను కలిసి.. తెలంగాణలో పెట్టుబడులపై చర్చించిన విషయం తెలిసిందే. యూఎస్ టూర్లో ఉన్న కేటీఆర్.. రాష్ట్ర రాజకీయాలపైనా ఓ కన్నేసి ఉంచారు.

తాజాగా ఆయన మరోసారి బీజేపీ(BJP) , కాంగ్రెస్‌ (Congress)పార్టీలపై మంత్రి ట్విటర్‌ (Twitter)వేదికగా విమర్శలు చేశారు.బీజేపీ రాష్ట్రాలతో పాటు కాంగ్రెస్‌ పాలిత, ఇతర సంకీర్ణ ప్రభుత్వాలు పాలిస్తున్న రాష్ట్రాల్లో విద్యుత్‌ లోటు ఉందంటూ మంత్రి కేటీఆర్ ట్వీట్ చేశారు.

2013-14 లో విద్యుత్ లోటుగా ఉన్న తెలంగాణ రాష్ట్రం, ఇప్పుడు విద్యుత్ మిగులు రాష్ట్రంగా ఉందని అన్నారు. తలసరి విద్యుత్ వినియోగంలో తెలంగాణ రాష్ట్రం దేశంలోనే అగ్రస్థానంలో నిలిచిందని పేర్కొన్నారు.

అందుకే తెలంగాణ మోడల్ అభివృద్ధి దేశానికి ఉత్తమ అభివృద్ధి నమూనా అని కొనియాడారు. దేశంలోని మిగతా రాష్ట్రాలన్నీ తెలంగాణ విధానాలను.. పథకాలను ఫాలో అవుతున్నాయని మంత్రి కేటీఆర్ తెలిపారు

September 4, 2023 0 comment

azharuddin meeting congress workers in jubilee hills assembly segment

Hyderabad Politics Telangana

Azharuddin: కాంగ్రెస్‌ లో టిక్కెట్టు రగడ..విష్ణు వ్యతిరేక వర్గంతో అజహరుద్దీన్‌ భేటీ!

by Sai September 3, 2023

written by Sai

కాంగ్రెస్(Congress) పార్టీలో జూబ్లీహిల్స్ అసెంబ్లీ టిక్కెట్టు రగడ చోటు చేసుకుంది. మాజీ ఎమ్మెల్యే విష్ణువర్ధన్ రెడ్డి(Vishnu Vardhan Reddy)కి వ్యతిరేక వర్గంతో కాంగ్రెస్ పార్టీ నేత అజహరుద్దీన్ (Azharuddin) ఆదివారం నాడు భేటీ అయ్యారు. ఈ పరిణామం కాంగ్రెస్ లో చర్చకు దారి తీసింది.జూబ్లీహిల్స్ అసెంబ్లీ నియోజకవర్గం నుండి పోటీకి అజహరుద్దీన్ ప్రయత్నాలు ప్రారంభించారు.ఈ క్రమంలోనే మాజీ ఎమ్మెల్యే విష్ణువర్ధన్ రెడ్డి వ్యతిరేక గ్రూప్‌తో ఆదివారం అజహరుద్దీన్ భేటీ కావడం కాంగ్రెస్ లో చర్చకు దారి తీసింది.

ఈ ఏడాది ఆగస్టు 9వ తేదీన జూబ్లీహిల్స్ నియోజకవర్గం పరిధిలోని రహమత్ నగర్ లో అజహరుద్దీన్ వర్గం సమావేశం నిర్వహించింది.ఈ సమావేశం గురించి మాజీ ఎమ్మెల్యే విష్ణువర్ధన్ రెడ్డికి సమాచారం ఇవ్వలేదు. అయితే ఈ విషయం తెలుసుకున్న విష్ణువర్ధన్ రెడ్డి వర్గం అజహరుద్దీన్ వర్గాన్ని నిలదీసింది. దీంతో పోలీసులు రంగ ప్రవేశం చేశారు. ఇరువర్గాలకు సర్దిచెప్పి అక్కడి నుండి పంపారు.

2009లో కాంగ్రెస్ అభ్యర్ధిగా జూబ్లీహిల్స్ నుండి విష్ణువర్ధన్ రెడ్డి పోటీ చేసి విజయం సాధించారు. 2014 ఎన్నికల్లో ఇదే స్థానం నుండి పోటీ చేసి టీడీపీ అభ్యర్ధి మాగంటి గోపినాథ్ చేతిలో ఓటమి పాలయ్యారు. ఆ తర్వాత చోటు చేసుకున్న పరిణామాల్లో మాగంటి గోపినాథ్ టీడీపీని వీడి బీఆర్ఎస్ లో చేరారు. 2018 ఎన్నికల్లో మరోసారి ఇదే స్థానం నుండి బీఆర్ఎస్ అభ్యర్ధిగా మాగంటి గోపినాథ్ విజయం సాధించారు.

ఈ ఏడాది చివరలో తెలంగాణ అసెంబ్లీకి ఎన్నికలు జరగనున్నాయి. దీంతో జూబ్లీహిల్స్ అసెంబ్లీ నియోజకవర్గంపై అజహరుద్దీన్ కేంద్రీకరించారు. గత ఎన్నికల్లో సికింద్రాబాద్ పార్లమెంట్ స్థానం నుండి పోటీ చేయాలని అజహరుద్దీన్ ప్రయత్నించారు. కానీ ఆయనకు టిక్కెట్టు దక్కలేదు. దీంతో ఈ దఫా జూబ్లీహిల్స్ నుండి పోటీకి అజహరుద్దీన్ ప్రయత్నాలు ప్రారంభించారు. ఈ క్రమంలోనే జూబ్లీహిల్స్ నియోజకవర్గంలో విస్తృతంగా పర్యటిస్తున్నారు. జూబ్లీహిల్స్ అసెంబ్లీ నియోజకవర్గంలో అజహరుద్దీన్ పర్యటించడం మాజీ ఎమ్మెల్యే విష్ణువర్ధన్ రెడ్డిని అసంతృప్తికి గురి చేసింది.

September 3, 2023 0 comment

Hyderabad National Politics Telangana

Congress – YSRTP: బెంగళూరుకి రేవంత్‌..శివన్న తో భేటీ!

by Sai September 2, 2023

written by Sai

కాంగ్రెస్ (Congress) పార్టీలో వైఎస్ఆర్ టీపీ (YSRTP) విలీనంపై వేగంగా కసరత్తులు జరుగుతున్నాయి. ఇప్పటికే సోనియా గాంధీ(Sonia Gandhi) , రాహుల్ గాంధీ (Rahul Gandhi) తో ప్రత్యేకంగా భేటీ అయిన షర్మిల తన రాజకీయ భవిష్యత్ పై చర్చలు జరిపినట్లు తెలుస్తోంది. పార్టీని విలీనం చేసిన తర్వాత తెలంగాణలోనే తాను ప్రాతినిధ్యం వహిస్తానని స్పష్టం చేసినట్లు ప్రచారం జరుగుతోంది. షర్మిల కాంగ్రెస్ లోకి వస్తే వైఎస్ఆర్ చరిష్మా పనికి వస్తుందంటూ అధిష్టానానికి కాంగ్రెస్ సీనియర్ నేతలు చెప్పడంతో వైఎస్ఆర్ టీపీ విలీనంపై అన్ని విధాలుగా అధిష్టానం సుముఖంగా ఉంది.

అయితే షర్మిల తెలంగాణలో పని చేయడంపై టీపీసీసీ చీఫ్ రేవంత్ రెడ్డి(Revanth Reddy) ససేమిరా అంటున్నారు. దీంతో రేవంత్ రెడ్డితో చర్చలు జరిపే బాధ్యతను అధిష్టానం కర్ణాటక పీసీసీ అధ్యక్షుడు డీకే శివకుమార్ కు అప్పగించింది. డీకే శివకుమార్, పార్టీ వ్యూహకర్త సునీల్ కనుగోలుతో రేవంత్ ప్రత్యేకంగా భేటీ అయ్యారు.

తెలంగాణలో అసెంబ్లీ ఎన్నికల కంటే ముందే షర్మిల (YS Sharmila)ను పార్టీలో చేర్చుకుంటే 2018 ఎలక్షన్ రిపీట్ అవతుందని రేవంత్ స్పష్టం చేసినట్లు తెలుస్తోంది. షర్మిల అంశంలో మొదటి నుంచి మధ్యవర్తిత్వానికే డీకే శివకుమార్ ప్లాన్ చేస్తున్నారు. రేవంత్ సందేహాలను నివృత్తి చేస్తూ అధిష్టానం ఆలోచనలను వివరించినట్లుగా సమాచారం అందుతోంది. త్వరలోనే వైఎస్ఆర్ టీపీ కాంగ్రెస్ పార్టీలో విలీనంపై మరింత స్పష్టత వచ్చే అవకాశం కనిపిస్తోంది.

మరోవైపు కాంగ్రెస్ లో షర్మిల కల్లోలం రేపుతోంది. బెంగళూరు కేంద్రంగా ఆపరేషన్ షర్మిల మొదలు పెట్టారు. షర్మిల పార్టీ విలీనం దిశగా వేగంగా పావులు కదులుతున్నాయి. షర్మిల పార్టీ విలీనంలో డీకే శివకుమార్ (DK Siva Kumar) కీలకంగా వ్యవహరిస్తున్నారు. రేవంత్ తో చర్చించే బాధ్యతను అధిష్టానం డీకే శివకుమార్ కు అప్పగించించింది. శుక్రవారం డీకే శివకుమార్ తో రేవంత్ భేటీ అయ్యారు.

కాంగ్రెస్‌లో షర్మిల పార్టీ విలీనంపై బెంగళూరులో కీలక భేటీ అయ్యారు. పార్టీ వ్యూహకర్త సునీల్ కనుగోలు చర్చల్లో పాల్గొననున్నారు. అయితే, తెలంగాణలోనే రాజకీయం చేయాలనే యోచనలో షర్మిల ఉన్నారు. కానీ, తెలంగాణలో షర్మిల రాజకీయం చేయడాన్ని రేవంత్ రెడ్డి నిరాకరిస్తున్నారు.

September 2, 2023 0 comment

National Politics

ఇప్పటికైనా మాట్లాడండి..మోC జీ: రాహుల్‌ గాంధీ!

by Sai August 30, 2023

written by Sai

డ్రాగన్‌ కంట్రీ మరోసారి తన వక్రబుద్ధిని చూపించింది. భారతదేశంలోని అరుణాచల్ ప్రదేశ్‌, అక్సాయ్‌ రెండు కూడా తమ భూభాగంలోనివే అంటూ మంగళవారం కొత్త మ్యాప్‌ ను విడుదల చేసింది. ఈ విషయం గురించి ప్రతిపక్షాలు స్పందించాయి. చైనా తాజాగా విడుదల చేసిన మ్యాప్‌లో భారత భూభాగాలను కూడా తనవిగా చూపించడంపై కాంగ్రెస్ అగ్రనేత రాహుల్‌గాంధీ తీవ్రంగా స్పందించారు.

rahul

భారత సరిహద్దు వెంబడి జరుగుతున్న చైనా కార్యకలాపాలపై ప్రధాని మోడీ స్పందించాలని డిమాండ్ చేశారు. చైనా విషయంలో ఏదో ఒకటి మాట్లాడాల్సిందేనని అన్నారు. లడఖ్‌లో ఒక్క అంగుళం కూడా భూమి ఆక్రమణకు గురికాలేదని ప్రధాని చెబుతున్నది అబద్ధమని తాను చాలా సంవత్సరాలుగా చెబుతున్నానని, చైనా అతిక్రమించిందన్న విషయం లడఖ్ మొత్తానికి తెలుసని అన్నారు.

ఈ మ్యాప్ చాలా తీవ్రమైన అంశమని, వారు మన భూమిని లాక్కున్నారని, దీనిపై ప్రధాని ఏదైనా మాట్లాడాలని డిమాండ్ చేశారు. చైనా సోమవారం కొత్త ఎడిషన్ ‘స్టాండర్డ్ మ్యాప్’ను విడుదల చేసింది. అందులో అరుణాచల్‌ప్రదేశ్, అక్సాయ్ చిన్ ప్రాంతంతోపాటు తైవాన్, వివాదాస్పద సౌత్‌ చైనా సముద్రాన్ని తనవిగా చూపించింది.

దీనిపై కేంద్ర ప్రభుత్వం తీవంగ్రా స్పందించింది. బీజింగ్‌పై తీవ్ర నిరసన వ్యక్తం చేసింది. చైనాకు ఇలాంటివి అలవాటుగా మారిందని విదేశీ వ్యవహారాల మంత్రి ఎస్ జైశంకర్ విమర్శించారు.

August 30, 2023 0 comment

Hyderabad Politics Telangana

dasoju sravan: ఈ డిక్లరేషన్‌ పట్ల కాంగ్రెస్‌ కు చిత్తశుద్ది ఉందా?: దాసోజు శ్రవణ్‌!

by Sai August 28, 2023

written by Sai

తెలంగాణలో జరుగుతున్న ఏ విషయం గురించి తెలుసుకోకుండానే కాంగ్రెస్ (congress) నేతలు విమర్శలు చేస్తున్నారని ఆరోపించారు బీఆర్‌ఎస్‌ సీనియర్ నాయకుడు దాసోజు శ్రవణ్‌.

రాష్ట్రంలో ఎస్సీ, ఎస్టీ వర్గాల సాధికారత, అభివృద్ధికి ముఖ్యమంత్రి చంద్రశేఖర్‌రావు తీసుకుంటున్న చర్యలపై ఏఐసీసీ అధ్యక్షుడు మల్లికార్జున్‌ ఖర్గే వద్ద సరైన సమాచారం లేదని ఆయన మండిపడ్డారు.

బీఆర్‌ఎస్ ప్రభుత్వం చేపట్టిన కార్యక్రమాల గురించి ఖర్గేకు సరైన అవగాహన లేదని శ్రవణ్ ఒక ప్రకటనలో తెలిపారు. అసలు కాంగ్రెస్‌ ఎస్సీ , ఎస్టీ డిక్లరేషన్‌ విడుదల చేయడంలో మీ పార్టీ చిత్త శుద్ది ఏంటని ఆయన ప్రశ్నించారు.

తెలంగాణ ప్రభుత్వం నుంచి పోడు భూములకు సంబంధించి తల్లిదండ్రులు పట్టాలు పొందిన కాంగ్రెస్‌ ఎమ్మెల్యే సీతక్క కుటుంబంలోని ఒక ముఖ్యమైన ఉదాహరణను ఆయన హైలైట్‌ చేశారు.

రాష్ట్రంలోని 2,845 గిరిజన కుగ్రామాల్లోని 1,50,224 మంది ఆదివాసీలకు సుమారు 4,01,405 ఎకరాలను కేటాయించి, బీఆర్‌ఎస్‌ ప్రభుత్వం పోడు భూములను విస్తృతంగా పంపిణీ చేసిందని శ్రవణ్‌ నొక్కి చెప్పాడు.

ఎస్సీ, ఎస్టీ ప్రకటనను పెళ్లి తరువాత వేడుకగా డప్పు వాయిద్యంతో పోల్చాడు. బీఆర్‌ఎస్‌ ప్రభుత్వం ఈవిషయంలో ఇప్పటికే గణనీయమైన చర్య తీసుకుందని తెలిపారు. తెలంగాణ రాష్ట్రంలో ఎలాంటి వాగ్దానాలు అయినా చేసే క్రమంలో ఖర్గేతో పాటు కాంగ్రెస్‌ తమ వాగ్దానాలను ,ముఖ్యంగా కర్ణాటక వంటి కాంగ్రెస్‌ పాలిత రాష్ట్రాల్లో పాటించాలని శ్రవణ్‌ కోరారు.

August 28, 2023 0 comment

Kishan Reddy: Congress is winning and holding heads: Kishan Reddy

Hyderabad Politics Telangana

కాంగ్రెస్‌-బీఆర్‌ఎస్‌ మధ్య దోస్తీ లేదా? : కిషన్‌ రెడ్డి!

by Sai August 27, 2023

written by Sai

చేవెళ్ల సభలో కాంగ్రెస్‌ అధ్యక్షుడు ఖర్గే అబద్దాలతో తెలంగాణ ప్రజలను మభ్యపెట్టే ప్రయత్నం చేశారని కిషన్ రెడ్డి అన్నారు. తెలంగాణలో బీజేపీకి పెరుగుతున్న ప్రజాదరణను చూసి ఓర్వలేక కాంగ్రెస్ కుట్రలు చేస్తోందని విమర్శించారు. కాంగ్రెస్‌ – బీఆర్‌ఎస్‌ మధ్య డీల్‌ ఉందని.. ఈ డీల్‌కు మజ్లిస్‌ మధ్యవర్తిత్వం వహిస్తోందని ఆరోపించారు.

కాంగ్రెస్ పార్టీకి ఓటేస్తే బీఆర్ఎస్⁬కు ఓటేసినట్లే అనే విషయం ప్రజలకు అర్థమైందన్నారు. బీజేపీని ఓడించేందుకు కాంగ్రెస్ పార్టీ ఎంతకైనా తెగిస్తుందని కిషన్ రెడ్డి ఆరోపించారు. కేసీఆర్‌కు బీజేపీతో అంతర్గత స్నేహం కుదిరిందని.. అందుకే ఒకరిపై ఒకరు ఆరోపణలు చేసుకోవడం మానేశారన్న ఖర్గే వ్యాఖ్యలపై ఆయన మండిపడ్డారు. కాంగ్రెస్‌ – బీఆర్ఎస్‌ మధ్య దోస్తీ లేదనే విషయాన్ని నిరూపించాలనుకుంటే.. తన ప్రశ్నలకు ఖర్గే సమాధానం చెప్పాలన్నారు.

తెలంగాణలో చేతి గుర్తుమీద గెలిచిన చాలామంది కాంగ్రెస్ ఎమ్మెల్యేలు రాజీనామా చేయకుండానే బీఆర్ఎస్ ఎమ్మెల్యేలుగా కొనసాగుతున్నారు. పార్టీ ఫిరాయింపుల చట్టం కింద మీ ఎమ్మెల్యేల మీద మీరు చర్యలు తీసుకోకపోవడం మీ రెండు పార్టీల మధ్య ఉన్న సత్సంబంధాలకు నిదర్శనం కాదా? అని ప్రశ్నించారు.

కాంగ్రెస్‌కు హైదరాబాద్ నడిబొడ్డున ఎకరం భూమి కేవలం ₹2 లక్షల చొప్పున 10 ఎకరాల విలువైన భూమిని బీఆర్‌ఎస్‌ ప్రభుత్వం కట్టబెట్టింది వాస్తవం కాదా? అని ప్రశ్నించారు. రాష్ట్రపతి ఎన్నికలలో బీఆర్ఎస్ పార్టీ కాంగ్రెస్ అభ్యర్థికి మద్దతు తెలపడంతోపాటుగా.. ఆ ఎన్నికల ప్రచారాన్ని తెలంగాణలో కేసీఆర్ ముందుండి నడపడం మీ మధ్య ఉన్న దోస్తీకి చిన్న ఉదాహరణ కాదా? అంటూ నిలదీశారు.

శాసనమండలిలో కాంగ్రెస్⁬ను పూర్తిగా బీఆర్ఎస్ లో విలీనం చేసేసినపుడు దీనిమీద స్పందించకపోవడం మీ మద్య దోస్తీకి పరాకాష్ట కాదా? ఈ విలీనంతో మీరిద్దరూ సంతోషంగా ఉన్నారనేది నిజం కాదా?. బీఆర్ఎస్, కాంగ్రెస్ పార్టీల మధ్య మజ్లిస్ సయోధ్య కుదుర్చుతోంది. అందుకే మీరంతా కలిసి ఉమ్మడి పౌరస్మృతిని వ్యతిరేకిస్తున్నది నిజం కాదా? బీఆర్ఎస్ మద్దతులేకుండా UCCని వ్యతిరేకిస్తామని కాంగ్రెస్ పార్టీ చెప్పగలదా?. మొన్నటి లోక్‌సభ సమావేశాలలో ప్రవేశపెట్టిన అవిశ్వాస తీర్మానానికి బీఆర్ఎస్, కాంగ్రెస్ రెండూ కలిసి అనుకూలంగా ఓటు వేసిన విషయం వాస్తవం కాదా? అనిప్రశ్నించారు.

August 27, 2023 0 comment

Newer Posts

Older Posts