– దుబ్బాకలో బీఆర్ఎస్ గెలుపు
– రఘునందన్ రావుకు పరాజయం
– ఫలించిన కత్తిపోటు సెంటిమెంట్
– కొత్త ప్రభాకర్ ను వరించిన విజయం
దుబ్బాకలో బీజేపీకి బిగ్ షాక్ తగిలింది. రఘునందన్ రావు ఓటమి పాలయ్యారు. బీఆర్ఎస్ అభ్యర్థి కొత్త ప్రభాకర్ రెడ్డిని విజయం వరించింది. అయితే.. దుబ్బాకలో రఘునందన్ విజయం ఖాయం అనే టాక్ మొదట్లో వినిపించింది. ఎన్నికల ప్రచారం కూడా గట్టిగానే నిర్వహించారు.
ఉప ఎన్నికల్లో గెలిచిన ఆయన.. అసెంబ్లీ ఎన్నికల్లో ఓటమి చెందడం వెనుక కొన్ని రాజకీయ కారణాలు ఉన్నట్టు ప్రచారం జరుగుతోంది. దుబ్బాకలో నిర్వహించిన ఎన్నికల ప్రచారంలో ఉద్రిక్తతలు చోటుచేసుకున్నాయి.
బీఆర్ఎస్ అభ్యర్థి కొత్త ప్రభాకర్ రెడ్డి ప్రచారం చేస్తుండగా కత్తి దాడి జరిగింది. రాజకీయ వర్గాలలో సంచలనంగా మారిన ఈ ఘటన తర్వాత దుబ్బాకలో పొలిటికల్ మీట్ పెరిగింది. ఈ దాడి వెనుక బీజేపీ హస్తం ఉందనే ప్రచారం బలంగా జరిగింది. అలాగే, కాంగ్రెస్ పైనా అనుమానాలు వ్యక్తం అయ్యాయి.
అయితే.. బీజేపీ అభ్యర్థి రఘునందన్ రావుపై ఈ ప్రచారం నెగెటివ్‌ గా పని చేసినట్టు గుసగుసలు వినిపిస్తున్నాయి. ఆ కత్తి పోటు ఎఫెక్ట్‌ ఆయన ఓటమికి కారణం అయ్యిందని అనుకుంటున్నారు. బీఆర్ఎస్ అభ్యర్థి కూడా బలమైన నేతగా పేరుంది. ఇదివరకు ఎంపీగా గెలుపొందిన ఆయనను చాలా ప్లాన్ గా బీఆర్ఎస్ బాస్ రంగంలోకి దించారనే టాక్ వినిపిస్తోంది. ఏదైతేనేం కత్తి పోటు వ్యవహారం దుబ్బాకలో సీన్ మార్చేసిందని అనుకుంటున్నారు.
