అసెంబ్లీ ఎన్నికల్లో బీఆర్ఎస్ (BRS) ఒడిపోయినప్పటి నుంచి కేసీఆర్ (KCR) అజ్ఞాతవాసం, రాష్ట్రంలో చర్చాంశనీయంగా మారిందని.. ఓటమి వల్ల కేసీఆర్ కనిపించడం లేదు అనే నింద లేకుండా.. అంతలో కాలు తొంటి ఫాక్చర్ అవడం గులాబీ అధినేతకి ఒక సాకుగా మారిందనే ప్రచారం జరుగుతోంది. అధికారంలో ఉంటే.. అనారోగ్యం పాలైన ప్రజల్లో లేరా? అనే ప్రశ్నలు వినిపిస్తున్నాయి.
ఈ క్రమంలో కేసీఆర్ రాజకీయాలకు పూర్తిగా దూరంగా ఉండనున్నారా? అనే అనుమానాలు కలిగేలా వీడియోలో ఉన్న ఆడియో వైరల్ (Audio Viral) అవుతోంది. సిద్దిపేట (Siddipet) జిల్లా మర్కుక్ మండలం వంటిమామిడి (Vantimamidi)లో ఉన్న ఎరువుల షాప్ యజమానికి, మాజీ సీఎం కేసీఆర్ ఫోన్ చేసినట్లు ప్రచారం జరుగుతోంది. అయితే మొదట నిజంగానే కేసీఆర్ తనకు కాల్ చేశాడా? అనే అనుమానంలో ఉన్న అతను.. కేసీఆర్ మాటలు వినపడటంతో అయోమయానికి గురైనట్టు తెలుస్తోంది.
సార్ చెప్పండి అంటూ ఫోన్ పట్టుకుని మాట్లాడగా.. ఎర్రవల్లి ఫామ్ హౌస్‌కు విత్తనాలు, ఎరువులు పంపించాలని ఆ ఫోన్ లో మాటలు వినిపిస్తున్నట్టు ప్రచారం.. తాను పది రోజుల్లో ఫామ్ హౌస్‌కి వస్తానని, వ్యవసాయం చూసుకొంటానని కేసీఆర్ వెల్లడించినట్టు ఆడియోలో వినిపిస్తోంది. కాగా ఎరువుల యజమాని ఆరోగ్యం గురించి వాకబు చేయగా తాను ఆరోగ్యంగా ఉన్నానని తెలిపినట్టు ఉన్న ఆడియో వైరల్ గా మారింది..
అయితే కేసీఆర్ తో ఎరువుల యజమాని మాట్లాడటం సంచలనంగా మారింది. కేసీఆర్ ఫోన్ కాల్ బయటకు రావడంతో ఇది కాస్త సోషల్ మీడియాలో చక్కర్లు కొడుతుంది. ఇక ఈ మాటలు బట్టి ఎర్రవల్లి ఫామ్ హౌస్ లో వ్యవసాయ పనులు చేసుకొనేందుకు మాజీ సీఎం సిద్దమవుతున్నట్లు చర్చలు మొదలైయ్యాయి.. అందుకే కావచ్చు పార్లమెంట్ ఎన్నికలపై పెదవి విప్పడం లేదనే గుసగుసలు వినిపిస్తోన్నాయి..
మరిన్ని తెలంగాణ వార్తలు మరియు తెలుగు న్యూస్ కోసమై ఇవి చదవండి…!
