Andhra Pradesh

జగనన్న విదేశీ విద్యా దీవెన నిధుల(Vidya Deevena Funds)ను ఏపీ ముఖ్యమంత్రి(AP CM) వైఎస్ జగన్మోహన్ రెడ్డి(YS Jaganmohan Reddy) విడుదల చేశారు. అర్హులైన 390 మంది విద్యార్థులకు రూ.41.60 కోట్లను విడుదల చేశారు. సివిల్స్‌లో ఉత్తీర్ణత సాధించిన 95 మందికి విద్యా దీవెన కింద ప్రోత్సాహకాన్ని అందజేశారు.

జగనన్న విదేశీ విద్యా దీవెనపై సీఎం జగన్ సమీక్ష నిర్వహించారు. ఈ సందర్భంగా సీఎం జగన్ మాట్లాడుతూ.. పేద విద్యార్థుల చదువులకు ప్రభుత్వం ఆర్థిక సాయం చేస్తుందని సీఎం జగన్ తెలిపారు. పలువురు విద్యార్థులు విదేశాల్లో టాప్ యూనివర్సిటీల్లో చదువుతున్నారని తెలిపారు.

పేద విద్యార్థుల తలరాత మార్చేందుకే ఈ పథకమని జగన్ వెల్లడించారు. రూ. 8లక్షల వార్షికాదాయంలోపు ఉన్న వారందరికీ జగనన్న విదేశీ విద్యా దీవెన అందిస్తున్నామని సీఎం జగన్ తెలిపారు. పిల్లల చదువుల భారం తల్లిదండ్రులపై పడొద్దన్నారు. సివిల్స్ అభ్యర్థులకు జగనన్న ప్రోత్సాహకం అందిస్తున్నామన్నారు.

సివిల్స్ ప్రిలిమ్స్ పాసైన అభ్యర్థులకు రూ.లక్ష ప్రోత్సాహకం మెయిన్స్ పాస్ అయితే రూ.లక్షా 50 వేలు అందిస్తున్నామని వెల్లడించారు. ఈ పథకం పెట్టినప్పటి నుంచి తనకెంతో సంతృప్తినిచ్చిందన్నారు జగన్. కెరీర్‌లో గొప్పస్థాయికి చేరుకున్నాక రాష్ట్ర ప్రజలకు చేదోడుగా నిలవాలని విద్యార్థులకు సూచించారు. సీఈవోల స్థాయికి ఎదిగి రాష్ట్రానికి మంచి చేయాలని ఆకాంక్షించారు.

ఇక, ఏపీ ప్రభుత్వం గడిచిన 10నెలల్లో జగనన్న ‘విదేశీ విద్యా దీవెన’ కింద 408మంది విద్యార్థులకు రూ.107.08 కోట్ల ఆర్థిక సాయాన్ని అందజేసింది. ప్రపంచంలోనే అత్యుత్తమమైన 320 కాలేజీల్లో ఉచితంగా చదువుకునే అవకాశాన్ని జగన్ ప్రభుత్వం కల్పిస్తోంది.

ఏపీ అసెంబ్లీ ఎన్నికలు దగ్గరపడుతుండటంతో వైసీపీ(YCP) నాయకుల్లో గుబులు మొదలైంది. సిట్టింగ్‌ ఎమ్మెల్యేలను పెద్దఎత్తున మార్చాలని ఏపీ సీఎం(AP CM), వైసీపీ అధినేత వైఎస్‌ జగన్‌(YS Jagan) కసరత్తు చేస్తున్నారు. దీంతో మంత్రులు, ఎమ్మెల్యేలు టెన్షన్ పడుతున్నట్లు తెలుస్తోంది.

ఈ క్రమంలోనే అధికార వైసీపీ నేతలు ఒక్కొక్కరుగా స్పందిస్తున్నారు. అయితే, తాజాగా మంత్రి జోగి రమేశ్‌ రియాక్ట్‌ అయ్యారు. ‘‘సమర్థుడైతేనే టికెట్‌ ఇస్తారని.. లేదంటే ఇవ్వరు.. సీఎం జగన్‌ ఏ నిర్ణయం తీసుకున్నా గీత దాటను.. పెడనలో పోటీ చేయమంటే చేస్తా.. మైలవరం వెళ్లమంటే వెళ్తా.. టికెట్‌ ఇచ్చినా ఇవ్వకపోయినా జగన్‌ వెంటే ఉంటా..’ అంటూ మంత్రి జోగి రమేశ్ స్పష్టం చేశారు.

అదేవిధంగా మంగళవారం తిరుమల శ్రీవారి దర్శించుకున్న ఏపీ పర్యాటక మంత్రి ఆర్కే రోజా మీడియాతో మాట్లాడారు. కొంతమంది పనిగట్టుకుని తనకు టికెట్ రాదంటూ ప్రచారం చేస్తూ శునకానందాన్ని పొందుతున్నారని మంత్రి రోజా విరుచుపడిన విషయం తెలిసిందే.

‘సీటు ఇవ్వకపోయిన ఇబ్బందేమి లేదు.. నేను జగనన్న సైనికురాలినని.. జగనన్న కోసం ప్రాణాలైన ఇవ్వడానికి రెడీగా ఉన్నా.. నగరి టికెట్ ఎవరికి వచ్చినా ఇబ్బందేమీ లేదు..’ అంటూ మంత్రి రోజా తెలిపారు. తనకు సీటు ఉందో లేదో నన్న విషయం కార్యకర్తలకు, నాయకులకు తెలుసని వెల్లడించారు.

ఏపీ(AP)లో సిట్టింగ్ సీట్ల విషయంలో వైసీపీ(YCP)లో మార్పులు, చేర్పులు, టికెట్ల నిరాకరణలు జరుగుతున్న సంగతి తెలిసిందే. ఈ క్రమంలోనే మంత్రి ఆర్కే రోజా(Minister Roja)కు ఈ సారి టికెట్ దక్కదంటూ ప్రచారం జరుగుతోంది. అలాంటి వార్తలపై తాజాగా ఎమ్మెల్యే రోజా స్పందించారు. తిరుమల శ్రీవారిని దర్శించుకున్న ఆమె మీడియాతో మాట్లాడారు. కొంతమంది పనిగట్టుకుని తనకు టికెట్ రాదంటూ ప్రచారం చేస్తూ శునకానందాన్ని పొందుతున్నారని ఎమ్మెల్యే రోజా విరుచుపడ్డారు.

కొద్ది రోజులకుగా వైసీపీలో మార్పులు ఏపీని వణికిస్తున్నాయి. ఏపీలో అధికార వైసీపీ రెండోసారి ఎలాగైనా మళ్లీ అధికారంలోకి రావాలని తీవ్ర ప్రయత్నం చేస్తోంది. ఎమ్మెల్యేలతో పాటు ఎంపీలు, ముగ్గురు మంత్రులను మార్చింది. ఇప్పటికే 11 నియోజకవర్గాల్లో కొత్త సమన్వయకర్తల ఏర్పాటుతో ఆయా నియోజకవర్గాల్లో సిట్టింగ్ ఎమ్మెల్యేలకు ఈసారి టికెట్ లేదని చెప్పకనే చెప్పింది.  తాజాగా సోమవారం మరో మంత్రికి కూడా ఇదే జరిగింది.

తిరుమలలో ఎమ్మెల్యే రోజా మాట్లాడుతూ..  ఒక్కచోట పోటీచేస్తే గెలుస్తామో, లేదో అన్న అనుమానంతో చంద్రబాబు, పవన్ కళ్యాణ్ ఎక్కడ పోటీ చేయాలో రెండేసి నియోజకవర్గాల్లో సర్వే చేయించుకున్నారని ఎద్దేవా చేశారు. జగనన్న మాట శిరోధార్యమని, ఆయన ఏది చెబితే అదే చేస్తానని రోజా అన్నారు. ప్రభుత్వం చేపట్టిన గడపగడపకు మొదలు అన్ని ప్రభుత్వ కార్యక్రమాల్లోనూ ముందు వరుసలో ఉన్నానని చెప్పుకొచ్చారు.

అయితే మార్పుల విషయంలో సీఎం  వైయస్ జగన్ ఎస్సీలనే ఎక్కువగా మారుస్తుండడం చర్చనీయాంశంగా మారింది. వారం రోజుల కిందట 11నియోజకవర్గాల సమన్వయకర్తల మార్పులో ఐదుగురు దళితులు, ముగ్గురు బీసీలు ఉన్నారు. ఇదే కోవలో సోమవారం కలిసిన వారిలో కూడా ఇద్దరు ఎస్సీ ఎమ్మెల్యేలు, ఒక ఎస్టీ ఎంపీ ఉండబోతున్నట్లు తెలుస్తోంది.

సోమవారం కొంతమందికి స్థానచలనం కలగగా, మరి కొంతమందికి అసలు టికెట్టే దక్కదని తెలిపారు. ఇద్దరు ఎస్సీ శాసన సభ్యులు, ఒక ఎస్టీ ఎమ్మెల్యేకు స్థాన చలనం తప్పదని తెలుస్తోంది. మరోవైపు బుజ్జగింపుల పర్వం కొనసాగుతోంది. మరోవైపు 2019లో టీడీపీ నుంచి గెలిచి ఆ తర్వాత వైసీపీకి మద్దతు పలికారు. ఈయన బాటలోనే ఏలూరు ఎంపీ కోటగిరి శ్రీధర్ కూడా సోమవారం ముఖ్యమంత్రిని కలిసి ఈసారి ఎన్నికల్లో తాను పోటీ చేయబోనని చెప్పేశానని అంటున్నారు.

రాష్ట్ర విభజన తర్వాత ఏపీలో పెరుగుతూ పోతున్న అప్పులు ఇప్పుడు పతాకస్థాయికి చేరుకొన్నాయి. ముఖ్యంగా 2019లో వైసీపీ సర్కార్ అధికారంలోకి వచ్చిన తర్వాత అప్పటికే ఉన్న రాష్ట్ర అప్పులు హైస్పీడ్ లో పెరిగినట్టు ఆరోపణలు ఉన్నాయి. అయితే.. ఇవి బడ్డెట్ లో చూపిస్తున్నఅప్పులు మాత్రమే. ఇవి కాకుండా కార్పొరేషన్ల రుణాలు, ఇతరత్రా తీసుకొంటున్న అప్పులు వీటికి అదనంగా ఉన్నాయి. ఇంతకీ ఏపీకి ఉన్న అప్పులు ఎంత అని ఆలోచిస్తున్నారా..?

ఏపీ అప్పులకి బ్యాంకులు సైతం బెంబేలెత్తిపోతున్నాయని చర్చ జరుగుతోంది. ఇంత అప్పు ఉన్నా జగన్ సర్కార్‌ మాత్రం రవ్వంతైనా ఆందోళన చెందడం లేదని ఆరోపణలు వినిపిస్తున్నాయి. ఏపీ అప్పు అక్షరాలా 10 లక్షల 11 వేల 827 కోట్ల రూపాయలు అని ప్రచారం జరుగుతోంది. అవును, తాజా లెక్కల ప్రకారం రాష్ట్రం మొత్తం రుణాలు, చెల్లింపుల భారాలు కలిపి మొత్తం అప్పు 10 లక్షల 11 వేల కోట్లకు చేరిందని వార్తలు వస్తున్నాయి.

ఇందులో గుత్తేదారులకు, సరఫరాదారులకు చెల్లించాల్సిన బకాయిలు మరో లక్షా 70 వేల కోట్ల రూపాయలు ఉండొచ్చని అనధికారిక అంచనా. ఆ పెండింగు బిల్లులూ ఓ రకంగా అప్పుల్లాంటివే. కేంద్ర ప్రభుత్వం బహుపరాక్‌ అని హెచ్చరిస్తున్నా, శ్రీలంకను చూసి నేర్చుకోండని సాక్షాత్తూ కేంద్ర మంత్రి ఢిల్లీలో సమావేశం నిర్వహించి బోధ చేసినా వైఎస్సార్సీపీ ప్రభుత్వం లెక్కచేయడం లేదనే వాదన వినిపిస్తోంది.

ప్రస్తుత పరిస్థితుల్లో ఏపీ అప్పులపై ఆర్థిక నిపుణులు, సంస్థలు విస్తుపోవాల్సిన పరిస్థితులున్నాయని అంటున్నారు. ఆంధ్రప్రదేశ్‌ బెవరేజెస్‌ కార్పొరేషన్‌ ద్వారా రుణాలు తీసుకొంటున్న తీరు రాజ్యాంగ విరుద్ధమని, చట్టానికి విరుద్ధమని సాక్షాత్తూ కేంద్ర ఆర్థికశాఖ కార్యదర్శి స్పష్టం చేశారు. ఐనా ఎక్కడ దొరికితే అక్కడ ఎవరు ఏది కావాలంటే దాన్ని తాకట్టుపెడుతూ మోయలేని భారాన్ని ప్రజలపై ఏపీ ప్రభుత్వం రుద్దుతుందనే విమర్శలు వస్తున్నాయి.

అప్పులపై అవాస్తవాలు.. ప్రభుత్వ స్పందన

మరోవైపు, ఆంధ్రప్రదేశ్‌ మొత్తం అప్పుల భారం రూ.6,26,527.05 కోట్లేనని ప్రభుత్వ ఆర్థిక సలహాదారు దువ్వూరి కృష్ణ ప్రకటించారు. జగన్‌ హయాంలోనే మొత్తం అప్పులు చేశారన్నట్లు ప్రచారం జరుగుతోందని.. అసలు రూ.10.11 లక్షల కోట్ల అప్పుల లెక్క ఎక్కడినుంచి వచ్చిందో తమకు అర్థం కావడం లేదని ఆయన మండిపడ్డారు. ప్రభుత్వ లెక్కల ప్రకారం ఎంత రుణం ఉందో గణాంకాలు వెల్లడించారు. ప్రభుత్వం ఏదీ ఊహాజనితంగా చెప్పదని, ఒక ఖర్చు చేసిందంటే ఎప్పటికప్పుడు లెక్కల్లో నమోదవుతుందని అన్నారు. కేంద్రప్రభుత్వం, ఆర్‌బీఐ, ఇతర సంస్థలు ఆంధ్రప్రదేశ్‌ అప్పులను తప్పుపట్టినట్లు ప్రచారం చేస్తున్నారని.. అలా తప్పు పడితే ఈ అప్పులు చేయడం ఎలా సాధ్యమని ప్రశ్నించారు దువ్వూరి కృష్ణ.

టీడీపీ(TDP) అధినేత చంద్రబాబు(Chandrababu) –జనసేన(Janasena) అధినేత పవన్ కళ్యాణ్(Pawan kalian) భేటీకి సంబంధించి వైసీపీ నేతల విమర్శలపై టీడీపీ ఉత్తరాంధ్ర ఇన్‌చార్జి బుద్ధా వెంకన్న (TDP Leader Budda Venkanna) స్ట్రాంగ్ కౌంటర్ ఇచ్చారు. చంద్రబాబు, పవన్ కలిస్తే వైసీపీ నేతలు ఎందుకు భయపడుతున్నారని ప్రశ్నించారు.

ఈ మేరకు ఆయన సోమవారం మీడియాతో మాట్లాడుతూ… టీడీపీ-జనసేన భేటీపై ఎందుకు విమర్శలు చేస్తున్నారని ఆగ్రహం వ్యక్తం చేశారు. ఇలాగే మాట్లాడితే మీకు ’బడితే పూజ తప్పదు’ అని హెచ్చరించారు. మూడు నెలలు ఆగండి.. వాగే వారందరి నోళ్ళు మూతపడతాయని అన్నారు.

కొడాలి నాని లాంటి వాళ్ళు నోరు అదుపులో పెట్టుకోకపోతే త్వరలోనే బుద్ధి వచ్చేలా టీడీపీ కేడర్ జవాబు చెబుతుందని బుద్ధా వెంకన్న తెలిపారు. ఇప్పటికే లోకేష్ రాసిన రెడ్ డైరీలో కొందరి పేర్లు ఉన్నాయని… మరి కొందరి పేర్లు కూడా ఎక్కుతాయని ఆయన అన్నారు.

కాగా, మూడు నెలలు తరువాత గన్‌మెన్‌లు కూడా ఉండరని బుద్ధా వెంకన్న అన్నారు. వైసీపీ శ్రేణులు జాగ్రత్తగా మాట్లాడాలని సూచించారు. టీడీపీ, జనసేన పొత్తు ఎప్పుడో కుదిరిందని తెలిపారు. ఆ విషయం తెలుసుకొని మాట్లాడాలని ఆయన స్పష్టం చేశారు.