Andhra Pradesh

వైసీపీ(YCP) చేతగానితనంతోనే జాతీయ బ్యాంకులు బ్లాక్ లిస్టులో చేర్చాయని జనసేన(Janasena) రాజకీయ వ్యవహారాల కమిటీ చైర్మన్ నాదెండ్ల మనోహర్(Nadendla Manohar) ఆరోపించారు. మంగళగిరిలోని పార్టీ కేంద్ర కార్యాలయంలో శుక్రవారం నిర్వహించిన మీడియా సమావేశంలో ఆయన మాట్లాడారు.

రాష్ట్రంలో రహదారుల నిర్మాణం పేరుతో న్యూడెవలప్‌మెంట్ బ్యాంక్, ఆసియా ఇన్‌ఫ్రాస్ట్రక్చర్ ఇన్వెస్ట్‌మెంట్ బ్యాంకుల నుంచి తీసుకున్న రుణాలను ప్రభుత్వం సకాలంలో చెల్లించలేదని నాదెండ్ల తెలిపారు. ఆ డబ్బులను దుర్వినియోగం చేసినందునే బ్యాంకులు బ్లాక్ లిస్టులో పెట్టాయని మనోహర్ తెలిపారు.

బాయంకుల వద్ద తీసుకున్న రుణాలను చెల్లించాలని కేంద్రం ఎన్నిసార్లు హెచ్చరించినా సీఎం జగన్ పెడచెవిన పెట్టారని ఆరోపించారు. సీఎం వైఖరితో అంతర్జాతీయ స్థాయిలో రాష్ట్ర పరువును తీశారని దుయ్యబట్టారు. రాష్ట్రంలోని రహదారుల పరిస్థితిపై ఇతర రాష్ట్రాల ముఖ్యమంత్రులు సెటైర్లు వేసుకునేలా చేశారని అన్నారు.

నిధుల దుర్వినియోగంపై కేంద్రానికి ఫిర్యాదు చేస్తామని నాదెండ్ల స్పష్టం చేశారు. వైకాపా చేతకానితనం వల్ల రాష్ట్ర ప్రజలకు తీవ్ర నష్టం జరుగుతోందన్నారు. ప్రజలకు వాస్తవాలు తెలియాల్సిన అవసరం ఉందన్నారు. ప్రజా ధనాన్ని వృథా చేస్తే ఊరుకోమని హెచ్చరించారు.

ప్రముఖ నిర్మాత(Producer) బన్నీవాసు(Bunny vasu)కు జనసేన(Janasena) అధినేత పవన్‌ కల్యాణ్(Pawan kalian) కీలక బాధ్యతలు అప్పగించారు. జనసేన ప్రచార విభాగం చైర్మన్‌గా బన్నీవాసును నియమించారు. మంగళగిరిలోని జనసేన పార్టీ కేంద్ర కార్యాలయంలో జనసేనాని గురువారం ఇందుకు సంబంధించిన నియామక పత్రాన్ని బన్నీవాసుకు అందజేశారు.

ఇక, పార్టీకి ప్రచార విభాగం కీలకమైందని, సమన్వయంతో ప్రచార విభాగాన్ని ముందుకు నడిపించాలని పవన్ కల్యాణ్ సూచించారు. పార్టీ ఉన్నతి కోసం మరింతగా కష్టపడాలని సూచిస్తూ.. ఈ సందర్భంగా బన్నీ వాసుకు శుభాకాంక్షలు తెలిపారు. పార్టీ ఆశయాలను బలంగా ప్రజల్లోకి తీసుకువెళ్లడంతోపాటు రానున్న ఎన్నికల్లో పార్టీ గెలుపునకు వినూత్న కార్యక్రమాలు రూపొందించాలని చెప్పారు.

మరోవైపు వచ్చే ఎన్నికల్లో విజయమే లక్ష్యంగా జనసేన.. తెలుగుదేశం పార్టీతో కలిసి ముందుకు నడుస్తోంది. తన భవిష్యత్తు కోసం తానే చేయడం లేదన్న జనసేనాని ఏపీ భవిష్యత్తు కోసమే తాను కృషిచేస్తున్నట్లు తెలిపారు. పార్టీ బలోపేతం కోసం పని చేయాలని, తాను దశాబ్దకాలంగా పని చేస్తున్నట్లు తెలిపారు. పల్లం వైపే నీరు వెళ్తుందని, పార్టీ కోసం కష్టపడితే గుర్తింపు దానంతట అదే వస్తుందంటూ పవన్ కల్యాణ్ కీలక వ్యాఖ్యలు చేసిన విషయం తెలిసిందే.

ఇప్పటికే ఉమ్మడి కార్యాచరణపై పలు సమావేశాలు కూడా నిర్వహించారు. ఈ సందర్భంగా ఒక్క సీటు కూడా వైసీపీకి వెళ్లకుండా పని చేయాలంటూ పార్టీ శ్రేణులకు పవన్ కల్యాణ్ పిలుపునిచ్చారు. ఈ పొత్తు కనీసం ఓ దశాబ్దం కాలం పాటు ఉండాలి. అప్పుడే రాష్ట్ర విభజన నష్టాన్ని, వైసీపీ పాలన విధ్వంసం నుంచి ఏపీని కాపాడుకోగలమని పవన్ తెలిపారు.

మానవతా దృక్పథంతోనే తమ ప్రభుత్వం ప్రతీ అడుగు వేస్తోందని ఏపీ సీఎం(AP CM) వైఎస్ జగన్(YS Jagan)అన్నారు. శ్రీకాకుళం జిల్లా(Srikakulam dist) పర్యటనలో కిడ్నీ బాధితుల సమస్యలకు పరిష్కారం చూపుతూ తాగునీటి ప్రాజెక్టును, కిడ్నీ రీసెర్చ్ సెంటర్, ఆస్పత్రిని ఆయన ప్రారంభించారు. అనంతరం అక్కడ ఏర్పాటు చేసిన బహిరంగ సభలో మాట్లాడారు.

రూ.700 కోట్లతో హీరమండలం రిజర్వాయర్ నుంచి పైప్ లైన్ ద్వారా ఇచ్చాపురం వరకూ సుద్ధమైన తాగునీటిని అందిస్తున్నామని, అత్యున్నత ప్రమాణాలతో కిడ్నీ రీసెర్చ్ ఆస్పత్రిని ప్రజలకు అందుబాటులోకి తీసుకొస్తున్నట్లు తెలిపారు. నెప్రాలజీ, యూరాలజి బెడ్స్ ఐసీయూతో ఏర్పాటు చేసినట్లు తెలిపారు. అదేవిధంగా కిడ్నీ ట్రాన్స్ ప్లాంట్ కూడా చేసి చూపించాలని భావిస్తున్నామన్నారు.

అంతర్జాతీయ సంస్థలతో కలసి పనిచేస్తున్నామని చెప్పి సీఎం జగన్.. అన్ని సదుపాయాలు కిడ్నీ రీసర్చ్ సూపర్ స్పెషాలిటీ 375 మంది డాక్టర్లు, సిబ్బంది అందుబాటులో ఉన్నారని వెల్లడించారు. శ్రీకాకుళం జిల్లాలో 69డయాలసిస్ యంత్రాలను పెట్టామని చెప్పుకొచ్చారు. కిడ్నీ వ్యాధు గ్రస్తుల బాధలు తన కళ్లారా చూశానని, అధికారంలో వచ్చిన వెంటనే వారికి రూ.2500 ఉన్న పింఛన్‌ను నేడు రూ.10వేలు చేశానని తెలిపారు.

13,143 పెన్షన్లు పెంచడం మొదలు పెట్టామని, కేవలం పింఛన్ల సొమ్మే ప్రతీ నెలా రూ.12కోట్లు దాటిందని చెప్పారు. కిడ్నీ సమస్య తెలుసుకొనేందుకు, కేంద్ర ప్రభుత్వ సంస్థలతో పాటు అంతర్జాతీయ సంస్థలతో కూడా కలిసి పనిచేస్తున్నామని తెలిపారు. రాష్ట్రంలో కిడ్నీ రోగులు ఎక్కడున్నా పరిష్కారం దిశగా అడుగులు వేస్తున్నామన్నారు.

టీటీడీ(TTD) ఖజానాపై సీఎం జగన్ కన్ను పడిందని ఏపీ బీజేపీ(AP BJP) అధికార ప్రతినిధి భాను ప్రకాష్ రెడ్డి (Bhanuprakash Reddy) ఆరోపించారు. గురువారం మీడియాతో మాట్లాడుతూ కీలక వ్యాఖ్యలు చేశారు. టీటీడీ ప్రపంచంలోనే అతిపెద్ద హిందూ ధార్మిక క్షేత్రమని తెలిపిన ఆయన వైసీపీ ప్రభుత్వం టీటీడీ నిధులను మళ్లించే ప్రయత్నాలు చేస్తోందని ధ్వజమెత్తారు.

హిందువుల ఆరాధ్య దైవం వేంకటేశ్వర స్వామి అని, భక్తుల కానుకలతో నడిచే ఏకైక దేవస్థానం టీటీడీ అని భాను ప్రకాశ్ తెలిపారు. రూపాయి కూడా ప్రభుత్వం నుంచి టీటీడీ ఖజానాకు రాదని వెల్లడించారు. రాష్ట్ర ప్రభుత్వ ఖజానా ఖాళీ అయిందని.. అందుకే జగన్మోహన్ రెడ్డికి టీటీడీ ఖజానాపై కన్ను పడిందన్నారు.

టీటీడీ నిధులను దారి మళ్లించే ప్రయత్నాలు చేయడం మంచిది కాదని సూచించారు. శ్రీవారి భక్తులతో కలిసి అనేక ఏళ్ళ నుంచి పోరాటం చేస్తున్నామని తెలిపారు. తిరుపతిలో శానిటేషన్ పేరిట రూ.100కోట్లు టీటీడీ నిధులు ఖర్చు పెట్టే ప్రయత్నం చేస్తోందన్నారు. రాజకీయ ప్రయోజనాల కోసం టీటీడీ నిధులు వినియోగిస్తున్నారని తెలిపారు.

చైర్మన్ కరుణాకర్ రెడ్డి కుమారుడిని ఎమ్మెల్యేగా గెలిపించుకునేందుకు తిరుపతికి టీడీపీ నిధులు ఖర్చు చేస్తున్నారని ఆరోపించారు. కరుణాకర్ రెడ్డి టీటీడీ చైర్మన్ అయిన తర్వాత మూడు నెలల్లో రూ.200కోట్ల పైన నిధులను ఖర్చు చేశారన్నారు. సీఎం జగన్‌కు ఇవన్నీ తెలిసినా తాడేపల్లి ప్యాలెస్‌లో కూర్చొని ముసి ముసి నవ్వులు నవ్వుతున్నాడని ఎద్దేవా చేశారు. ఇది సీఎంకు ఏమాత్రం మంచిది కాదంటూ సున్నితంగా హెచ్చరించారు.