Andhra Pradesh

పవన్ కళ్యాణ్ (Pawan Kalyan) మూడు పెళ్లిళ్లపై సీఎం జగన్ (CM Jagan) చేసిన వ్యాఖ్యలపై సినీ నిర్మాత బండ్ల గణేశ్ స్పందించారు. ఈ మేరకు ఓ వీడియోను విడుదల చేశారు. తన మనసులో నిన్నటి నుంచి ఒకటే బాధగా వుందని ఆయన అన్నారు. తాను ఆ విషయం గురించి ఇప్పుడు మాట్లాడక పోతే తన బతకు ఎందుకు అని అనిపిస్తోందన్నారు. తనకే చిరాకు వేస్తొందన్నారు.

తనకు అత్యంత ఇష్టమైన వ్యక్తి పవన్ కళ్యాణ్ గురించి సీఎం వైఎస్ జగన్ మోహన్ రెడ్డి ఇష్టారీతిన మాట్లాడారని తెలిపారు. పవన్ కళ్యాణ్ గురించి అభ్యంతర కరమైన వ్యాఖ్యలు చేశారని పేర్కొన్నారు. సీఎం జగన్ కు భగవంతుడు గొప్ప హోదాను ఇచ్చాడన్నారు. దశాబ్దాల కాలంగా తాను పవన్ కళ్యాణ్ వెంట తిరిగానన్నారు. పవన్ కళ్యాన్ వ్యక్తిత్వం గురించి తనకు పూర్తిగా తెలుసన్నారు.

సమాజం కోసం ఉపయోగపడే వ్యక్తి పవన్ కళ్యాణ్ అని అన్నారు. దేశం కోసం బతికే మనిషి పవన్ అని, ఆయన నిస్వార్థంగా ఉంటారన్నారు. పవన్ కళ్యాణ్ స్వలాభం కోసం ఏ పనీ చేయరన్నారు. హాయిగా షూటింగ్‌లు చేసుకుంటూ సూపర్ స్టార్‌లా జీవితం గడపాలని తాను ఎప్పుడూ పవన్ కళ్యాణ్ కు సూచిస్తానన్నారు. కానీ జనాల కోసం ఏదో చేయాలని పవన్ వచ్చారన్నారు.

పవన్ చాలా నిజాయితీ పరుడని తెలిపారు. ఎవరు కష్టంలో ఉన్నా అది తన కష్టంగా పవన్ కళ్యాణ్ భావిస్తాడని చెప్పారు. మానవ జీవితంలో కొందరికి కొన్ని చేదు ఘటనలు అనుకోకుండా జరుగుతాయన్నారు. అవి పవన్ ప్రమేయం లేకుండా జరిగిపోయాయని తాను భావిస్తున్నట్టు వెల్లడించారు. ఆ విషయాన్నే పదే పస్తావించి విమర్శలు చేయడం బాధగా ఉందన్నారు.

అన్నీ సహిస్తూ తలవంచుకుని ప్రజల కోసం జీవిస్తున్నాడన్నారు. రాత్రి, పగలు కష్టపడి సంపాదించిన డబ్బును పార్టీకి, ప్రజల కోసం ఖర్చు చేస్తున్నాడన్నారు. ఎవరికి ఏ కష్టం వచ్చినా పవన్ ముందుంటాడన్నారు. ఆయనకు కులాభిమానం లేదన్నారు. దేశ ప్రజలంతా ఒక్కటేనని పవన్ భావిస్తాడన్నారు. ఆయన ఒక గొప్ప వ్యక్తి, నిజాయితీ పరుడన్నారు. తెలిసీ తెలియకుండా పవన్ పై అభాండాలు వేయకండన్నారు.

టీడీపీ అధినేత చంద్రబాబు నాయుడు అస్వస్థతకు గురైనట్టు నిన్న వార్తలు వచ్చాయి. దీనిపై టీడీపీ శ్రేణులు ఆందోళన వ్యక్తం చేస్తున్నాయి. వార్తల నేపథ్యంలో టీడీపీ నేత నారా లోకేశ్ కీలక వ్యాఖ్యలు చేశారు. చంద్రబాబు భద్రతపై ఆయన అనుమానాలు వ్యక్తం చేశారు. చంద్రబాబు భద్రత నిస్సందేహంగా ప్రమాదంలో పడిందని ఆయన ఆందోళన వ్యక్తం చేశారు.

టీడీపీ అధినేతకు స్టెరాయిడ్లు ఎక్కించేందుకు సర్కార్ ప్రయత్నిస్తోందని ఆయన సంచలన ఆరోపణలు చేశారు. ప్రభుత్వ వైద్యులు, అధికార యంత్రాంగం ఏం దాచేందుకు ప్రయత్నిస్తోందని అన్నారు. చంద్రబాబుకు ఏమైనా హాని జరిగితే దానికి వైఎస్ జగన్ బాధ్యత వహించాల్సి వుంటుందని ఆయన హెచ్చరించారు.
చంద్రబాబు ఆరోగ్యానికి తక్షణ ముప్పు ఉందని చెప్పారు.

ఉద్దేశ పూర్వకంగా ఆయనకు హాని తలపెట్టేందుకు ప్రయత్నాలు చేస్తున్నారని అన్నారు. జైల్లో దోమల బెడద, కలుషిత నీరు ఉన్నాయని చెప్పారు. చంద్రబాబు బరువు తగ్గి, ఇన్ఫెక్షన్లు, అలెర్జీలతో బాధపడుతున్నారని ఆరోపించారు. చంద్రబాబుకు సకాలంలో వైద్య సాయం అందించడం లేదన్నారు. మరో వైపు చంద్రబాబు ఆరోగ్యంపై ఆయన సతీమణి నారా భువనేశ్వరి ఆందోళన వ్యక్తం చేశారు.

జైలులో ఓవర్‌ హెడ్‌ నీళ్ల ట్యాంకులు అపరిశుభ్రంగా ఉన్నాయన్నారు. చంద్రబాబుకు అత్యసర వైద్యం అవసరమన్నారు. జైలులో పరిస్థితులు తన భర్తకు ముప్పు కలిగించేలా ఉందన్నారు. ఇక ఆయన ఆరోగ్య పరిస్థితిపై నారా బ్రాహ్మణి ఆందోళన వ్యక్తం చేశారు. చంద్రబాబును అపరిశుభ్రమై జైల్లో బంధించారన్నారు. దీని వల్ల ఆయన అనారోగ్యానికి ముప్పు వస్తోందన్నారు.

ఇప్పుడు చంద్రబాబుక వైద్య పరమైన జాగ్రత్తలు అవసరమన్నారు. ఆయనకు సరైన సమయానికి మందులు ఇవ్వడం లేదన్నారు. ఈ నేపథ్యంలో చంద్రబాబు ఆరోగ్యం గురించి వైద్య నిపుణులు ఆందోళన వ్యక్తం చేస్తున్నారని పేర్కొన్నారు. ఇప్పటికే ఆయన ఐదు కేజీల బరువు తగ్గారని, ఇంకొంచె బరువు తగ్గితే కి్డ్నీలపై ప్రభావం పడే అవకాశం ఉందని ఆందోళన చెందారు.