Breaking News

పట్టు వదలని విక్రమార్కు(Vikaramarkha)ల గురించి విన్నాం… గజనీ (Mahmud of Ghazni) దండయాత్రల గురించి చదివాం. కానీ రాజస్థాన్‌కు చెందిన ఈ వ్యక్తి మాత్రం వేరే లెవల్. ఐదు దశాబ్దాలుగా ఎన్నికల్లో అలుపెరగని పోరాటం చేస్తున్నారు. ఇప్పటి వరకు 20 ఎన్నికల్లో పోటీ చేసి ఓడిపోయారు. ఊపిరి ఉన్నంత వరకు తన దండయాత్ర కొనసాగుతూనే ఉంటుందని అంటున్నారు ఆ వ్యక్తి.

జైపూర్‌కు చెందిన తీతర్ సింగ్ జాతీయ ఉపాధి హామీ పథకంలో కూలీగా పని చేస్తున్నారు. గత 50 ఏండ్లుగా ఆయన ఎన్నికల్లో పోటీ చేస్తూ ఉన్నారు. ఇప్పటి వరకు ఇరవై ఎన్నికల్లో పాల్గొన్నాడు. ఎన్నికల్లో పోటీ చేసిన ప్రతి సారీ ఓటమి చెందారు. అయితే ప్రతి ఎన్నికల్లోనూ ఆయన డిపాజిట్ దక్కించుకోవడం గమనార్హం.

తాజాగా త్వరలో జరగబోయే ఎన్నికల్లో ఆయన కరన్ పూర్ అసెంబ్లీ నియోజక వర్గం నుంచి ఆయన పోటీ చేస్తున్నారు. అసలు ఇన్ని సార్లు ఎందుకు పోటీ చేస్తున్నారు మీడియా ప్రశ్నించగా… తాను ఎందుకు పోటీ చేయకూడదని ప్రశ్నించారు. పేదలకు ప్రభుత్వం భూమి ఉచితంగా ఇవ్వాలని, మౌలిక సదుపాయాలు కల్పించాలన్నారు.

తాను ఏదో పాపులారిటీ కోసమో లేదా రికార్డుల కోసమో పోటీ చేయడం లేదన్నారు. తమ హక్కులను సాధించుకునేందుకు ఎన్నికలు ఒక ఆయుధం అని అన్నారు. తమ హక్కులను సాధించుకునే వరకు ఈ పోరాటం సాగుతూనే ఉంటుందన్నారు. ఇటీవల ఆయన తన నామినేషన్ పత్రాలను అధికారులకు సమర్పించారు.

బంగాళాఖాతం (Bay Of Bengal)లో భూకంపం (Earthquake) సంభవించింది. రిక్టర్ స్కేలుపై భూకంప తీవ్రత 4.2గా నమోదైనట్టు నేషనల్ సెంటర్ ఫర్ సిస్మోలజీ(NCS) వెల్లడించింది. దీంతో బంగాళాఖాతంలో భారీగా అలలు తీర ప్రాంతానికి పోటెత్తాయి. ఉదయం 5.32 గంటలకు భూకంపం సంభవించినట్టు పేర్కొంది.

ఈ భూకంపం వల్ల ఎలాంటి ఆస్తి, ప్రాణ నష్టం గానీ జరగలేదని అధికారులు వెల్లడించారు. అండమాన్ నికోబార్ దీవులకు వాయవ్య దిశగా సుమారు 200 నాటికల్‌ మైళ్ల దూరంలో భూకంప కేంద్రం ఉన్నట్లు ఎన్‌సీఎస్ గుర్తించింది. సముద్ర అంతర్భాగంలో 10 కిలోమీటర్ల లోతులో భూమి కంపించినట్టు పేర్కొంది.

మరోవైపు ఉత్తర ప్రదేశ్, ఢిల్లీలోని పలు ప్రాంతాల్లో భూకంపం సంభవించింది. పిత్తోర్ గఢ్ ప్రాంతంలో భూమి కంపించింది. రిక్టర్ స్కేలుపై భూకంప తీవ్రత 5.6గా ఉన్నట్టు ఎన్ సీఎస్ వెల్లడించింది. భూకంప కేంద్రం నేపాల్ లో కేంద్రీకృతం అయినట్టు పేర్కొంది. దార్చులా, దిదీహట్, బంగపానీ ప్రాంతాల్లో ప్రకంపనలు సంభవించాయి.

ఇక నేపాల్ రాజధాని ఖట్మండూలో నిన్న భూకంపం సంభవించింది. ఉదయం జాజర్ కోట్ దాని పరిసర ప్రాంతాల్లో భూమి కంపించింది. రిక్టర్ స్కేలుపై 5.2 తీవ్రతతో భూకంపం వచ్చింది. బలమైన భూకంపం కావడంతో దాని ప్రభావం రాజధాని ఖట్మండుపై కూడా పడిందని తెలిపింది.

ఐదు రాష్ట్రాల ఎన్నికల్లో (Elections) భాగంగా ఈ రోజు చత్తీస్‌గఢ్ (Chhattisgarh), మిజోరాం (Mizoram)లలో పోలింగ్ నిర్వహిస్తున్నారు. ఉదయం 7 గంటలకే రెండు రాష్ట్రాల్లో పోలింగ్ ప్రారంభం అయింది. ఉదయం నుంచే ఓటర్లు తమ ఓటు హక్కును వినియోగించుకుంటున్నారు. మిజోరాం సీఎం జోరంతంగా తన ఓటుహక్కును వినియోగించుకున్నారు.

చత్తీస్ గఢ్‌లో మొత్తం 90 నియోజకవర్గాలు ఉండగా మొదటి విడత ఎన్నికల్లో భాగంగా 20 నియోజక వర్గాల్లో పోలింగ్ జరుగుతోంది. వాటిలో 12 అసెంబ్లీ స్థానాలు మావోయిస్టు ప్రభావిత ప్రాంతాలు ఉన్నాయి. దీంతో పోలింగ్ నేపథ్యంలో ఆయా ప్రాంతాల్లో పోలీసులు పటిష్టమైన భద్రతను ఏర్పాటు చేశారు.

చత్తీస్ గఢ్‌లో మొదటి దశ ఎన్నికల్లో 5,304 పోలింగ్ స్టేషన్లలో 40 లక్షల మంది ఓటర్లు తమ ఓటు హక్కు వినియోగించుకోనున్నారు. మొదటి విడత ఎన్నికల్లో మొత్తం 223 మంది అభ్యర్థులు తమ అదృష్టాన్ని పరీక్షించుకోనున్నారు. వారిలో 25 మంది మహిళ అభ్యర్థులు ఉన్నారు. నక్సల్స్ ప్రభావిత బస్తర్ డివిజన్‌ల్లోని 600 పోలింగ్ స్టేషన్లలో మూడంచెల భద్రతను ఏర్పాటు చేశారు.

చత్తీస్‌గఢ్‌లోని సుక్మాలోని తొండ మార్క ప్రాంతంలో మావోయిస్టులు జరిపిన దాడుల్లో కోబ్రా బెటాలియన్ కు చెందిన జవాన్ గాయపడ్డారు. ఈ రోజు చత్తీస్ గఢ్ ప్రజాస్వామ్యంలో అతి పవిత్రమైన పండుగ అని ప్రధాని మోడీ అన్నారు. ఈ ఎన్నికల్లో ఓటర్లు తమ ఓటు హక్కును వినియోగించుకోవాలని ప్రధాని కోరారు.