Breaking News

దేశం పేరును ‘ఇండియా’ నుంచి భారత్‌ (Bharat)గా మారుస్తున్నారంటూ ఇటీవల వార్తలు వస్తున్నాయి. ఈ క్రమంలో ఇండియా కొత్త పేరును గూగుల్ మ్యాప్స్ ( Google Maps) అంగీకరించింది. ఇప్పుడు గూగుల్ మ్యాప్స్‌లో భారత్ అని టైప్ చేస్తే దక్షిణాసియాలోని ఓ ప్రముఖ దేశం అంటూ సెర్చ్ రిజల్ట్ చూపిస్తోంది.

గూగుల్ మ్యాప్స్‌లో భారత్ అని టైప్ చేయగానే వెంటనే ఇండియా మ్యాప్ కు రీ డైరెక్ట్ చేస్తోంది. దీని బట్టి ఇండియాకు అదనంగా భారత్ అనే పేరును కూడా గూగుల్ తన డేటా బేస్‌లో యాడ్ చేసినట్టు తెలుస్తోంది. దీంతో ఇక నుంచి యూజర్లు ఇండియా లేదా భారత్ ఏ పేరు టైప్ చేసినా ఇండియా మ్యాప్ లోకి వెళ్లి పోవచ్చు.

ఈ ఏడాది జీ-20 సమావేశాల్లో విందు సందర్భంగా అతిథులకు పంపిన ఆహ్వానాల్లో ఇండియాకు బదులు ప్రెసిడెంట్ ఆఫ్ భారత్ అని ముద్రించారు. దీంతో ఇండియా పేరును మారుస్తున్నట్టు వార్తలు వచ్చాయి. దీనిపై విపక్షాలు మండిపడ్డాయి. దీంతో రాజ్యాంగంలోనే ఇండియా దటీజ్ భారత్ అని రాజ్యాంగ నిర్మాతలు పొందు పరిచారని కేంద్రం క్లారిటీ ఇచ్చింది.

ఆ తర్వాత ఇండియా పేరును భారత్ గా మార్చేందుకు పార్లమెంట్‌లో బిల్ ప్రవేశ పెట్టేందుకు మోడీ సర్కార్ రెడీ అయినట్టు వార్తలు వచ్చాయి. ఈ క్రమంలో ఇటీవల ఎన్సీఆర్టీఏ పుస్తకాల్లో ఇండియా పేరు బదులుగా ఇక నుంచి భారత్ అని ముద్రించాలని నిర్ణయించింది. తాజాగా దీనిపై దుమారం రేగుతోంది.

ఢిల్లీ లిక్కర్ స్కామ్‌లో ఢిల్లీ మాజీ డిప్యూటీ సీఎం మనీశ్ సిసోడియాకు (Manish Sisodia) షాక్ తగిలింది. ఈ కేసులో ఆయనకు బెయిల్ ఇచ్చేందుకు సుప్రీం కోర్టు (Supreme Court) నిరాకరించింది. ఆయన దాఖలు చేసిన బెయిల్ పిటిషన్ ను తిరస్కరిస్తున్నట్టు వెల్లడించింది. దీంతో ఆయన మరో ఆరు నెలల పాటు జైలులోనే ఉండనున్నారు.

మరోవైపు ఈ కేసులో దర్యాప్తును ఆరు నుంచి ఎనిమిది నెలల్లో పూర్తి చేయాలని దర్యాప్తు సంస్థలను సర్వోన్నత న్యాయస్థానం ఆదేశించింది. ఒక వేళ విచారణ నత్త నడకన సాగితే మరోసారి బెయిల్ పిటిషన్ దాఖలు చేసేందుకు సిసోడియాకు జస్టిస్ సంజీవ్ ఖన్నా, జస్టిస్ భట్టిలతో కూడిన ధర్మాసనం అవకాశం కల్పించింది.

ఢిల్లీ లిక్కర్ స్కామ్‌లో ఆరోపణల నేపథ్యంలో మనీశ్ సిసోడియాను ఈ ఏడాది ఫిబ్రవరి 26న సీబీఐ అరెస్టు చేసింది. అప్పటి నుంచి ఆయన జైలులోనే ఉన్నారు. లిక్కర్ కేసులో ఆరోపణల నేపథ్యంలో ఆయన ఫిబ్రవరి 28న కేబినెట్ నుంచి తప్పుకున్నారు. మొత్తం 18 మంత్రిత్వ శాఖలకు ఆయన రాజీనామా చేశారు.

ఈ స్కామ్ కు సంబంధించి ఆయనపై రెండు కేసులు నమోదయ్యాయి. అందులో మొదటి కేసును సీబీఐ దాఖలు చేసింది. ఆ తర్వాత సీబీఐ దాఖలు చేసిన ఎఫ్ఐఆర్ ఆధారంగా ఈడీ రంగంలోకి దిగింది. ఈ కేసులో మనీలాండరింగ్ ఆరోపణల నేపథ్యంలో సిసోడియాపై ఈడీ నమోదు చేసింది.

భారత్ (India) ఉగ్రవాద బాధిత దేశమని, అందుకే ఉగ్రవాదంపై కఠినమైన వైఖరిని ఎంచుకుందని భారత విదేశాంగ మంత్రి ఎస్. జైశంకర్ (Jai Shankar) అన్నారు. ఇతర దేశాలపై ఉగ్రవాదం (Terrorism) ప్రభావం చూపుతున్నప్పుడు దానిని తీవ్రంగా పరిగణించకపోతే భారత్‌కు విశ్వసనీయత ఉండదని పేర్కొన్నారు.

ఇటీవల గాజాలో కాల్పుల విరమణపై ఐరాసలో ఓటింగ్ కు భారత్ కు దూరంగా ఉన్న నేపథ్యంలో ఆయన వ్యాఖ్యలు ప్రాధాన్యతను సంతరించుకున్నాయి. ఒక మంచి, బలమైన ప్రభుత్వం దేశ ప్రజలకు అండగా నిలుస్తుందన్నారు. స్వదేశంలో సుపరిపాలన ఎంత అవసరమో, విదేశాంగ విధానంలో సరైన నిర్ణయాలు కూడా అంతే అవసరమని చెప్పారు. భారత్ ఉగ్రవాద బాధిత దేశంగా ఉంది కాబట్టే తాము ఉగ్రవాదానికి వ్యతిరేకంగా కఠినమైన నిర్ణయాన్ని తీసుకున్నామని వెల్లడించారు.

ప్రతి దేశం తన ప్రయోజనాలకే మొదటి ప్రాధాన్యత ఇస్తుందన్నారు. బలమైన ప్రభుత్వం, సుపరిపాలన అనేవి నాణేనికి ఉన్న బొమ్మ బొరుసుల్లాంటివన్నారు. గత కొన్ని ఏండ్లుగా ప్రపంచ వ్యాప్తంగా భారత ఇమేజ్ చాలా పెరిగి పోయిందని చెప్పారు. ఈ సందర్బంగా ఉక్రెయిన్- రష్యా యుద్ధం విషయంలో భారత్ ఎంచుకున్న వైఖరిని ఈ సందర్బంగా ఆయన ప్రస్తావించారు.

ఆ సమయంలో రష్యా నుంచి తక్కువ ధరకు చమురు కొనుగోలు చేయాలని భారత్ నిర్ణయం తీసుకుందని వెల్లడించారు. అప్పుడు పలు దేశాల ఒత్తిడికి తాము భయపడి ఆ నిర్ణయాన్ని ఉపసంహరించుకుని ఉంటే దేశంలో పెట్రోలియం ఉత్పత్తుల ధరలు ఎంత ఎక్కువగా ఉండేవో అందరూ ఆలోచించాలని చెప్పారు.

Because we are big victims Jaishankar on Indias strong position on terrorism

మధ్యప్రదేశ్ సీఎం శివరాజ్ సింగ్ చౌహన్ (Shivraj Singh Chouhan) పై రక్షణ శాఖ మంత్రి రాజ్ నాథ్ సింగ్ (Rajnath Singh) ప్రశంసల వర్షం కురిపించారు. శివరాజ్ సింగ్ చౌహాన్‌ను టీమ్ ఇండియా మాజీ కెప్టెన్ మహేంద్ర సింగ్ ధోనీతో పోల్చారు. ఇక మరో నేత కైలాస విజయ వర్గీయను హార్దిక్ పాండ్యాతో పోల్చుతూ వ్యాఖ్యలు చేశారు. మధ్య ప్రదేశ్ ను హార్ట్ ఆఫ్ ఇండియా అన్నారు.

ఇండోర్‌లో బీజేపీ కార్యాలయాన్ని ఆయన ప్రారంభించారు. అనంతరం ఏర్పాటు చేసిన సభలో ఆయన మాట్లాడుతూ…. సీఎం శివరాజ్ సింగ్ చౌహన్ టీమ్ ఇండియాలో మహేంద్ర సింగ్ ధోనీ లాంటి వ్యక్తి అని చెప్పారు. ఎన్నికల్లో ప్రారంభం ఎలా మొదలైనా దాన్ని విజయంతో ఎలా ముగించాలో శివరాజ్ సింగ్ కు తెలుసన్నారు.

ఇక మధ్య ప్రదేశ్ పాలిటిక్స్‌లో శివరాజ్ సింగ్ చౌహాన్ ధోనీ అయితే కైలాష్ విజయ వర్గీయ హార్దిక్ పాండ్య లాంటి వాడన్నారు. 18 ఏండ్ల క్రితం మధ్యప్రదేశ్ బిమారు రాష్ట్రంగా ఉండేదని తెలిపారు. గత రెండు దశాబ్దాలుగా రాష్ట్రాన్ని బీజేపీ పాలిస్తోందన్నారు. శివరాజ్ సింగ్ చౌహాన్ వల్లే మధ్య ప్రదేశ్ బిమారు జాబితా నుంచి బయటపడిందన్నారు.

మధ్యప్రదేశ్ అనేది భారత్ కు హార్ట్ (గుండె కాయ లాంటిది) అని చెప్పారు. అందులో ఇండోర్ అనేది భారత్ కు హార్ట్ బీట్ లాంటిదన్నారు. ఇక్కడ పెట్టుబడులను ప్రోత్సహించేందుకు కేవలం ఒకటి కాదు నాలుగు ఇన్వెస్ట్‌మెంట్ కారిడార్లను నిర్మిస్తున్నట్లు తెలిపారు. రాష్ట్రంలో బీజేపీ ప్రభుత్వాన్ని మరోసారి ఏర్పాటు చేయడం చాలా ముఖ్యమన్నారు.