Breaking News

పార్లమెంట్ ఎన్నికలకు (Parliament Elections) రంగం సిద్దం అయ్యింది. ఎన్నికల కోడ్ సైతం అమల్లోకి వచ్చింది. ఈ ఎన్నికలను ప్రతిష్టాత్మకంగా తీసుకొన్న ఎన్నికల సంఘం.. పోలింగ్ లో ఎలాంటి అవాంఛనీయ సంఘటనలు జరగకుండా చర్యలు చేపట్టింది. మరోవైపు పార్లమెంటు ఎన్నికలను పారదర్శకంగా, స్వేచ్ఛాయుత వాతావరణంలో నిర్వహించేందుకు అధికారులు కసరత్తు ప్రారంభించారు.

ఇక ఈ ఎన్నికల్లో విజయం కోసం తహతహలాడుతోన్న బీజేపీ (BJP).. జోరుగా ఎన్నికల ప్రచారాన్ని మొదలుపెట్టింది. ముఖ్యనేతలు సైతం రంగంలోకి దిగి ప్రచారం నిర్వహిస్తున్న దృశ్యాలు కనిపిస్తున్నాయి.. ఈ సమయంలో కేంద్రానికి ఎన్నికల సంఘం షాకిచ్చింది. వాట్సాప్‌ (Whatsapp)లో వికసిత్ భారత్ పేరుతో మెసేజ్‌లను తక్షణమే ఆపాలని నేడు ఐటీ మంత్రిత్వశాఖకు ఆదేశాలు జారీ చేసింది.

మరోవైపు ప్రధాని మోడీ (PM Modi) లేఖతో కూడిన ‘వికసిత భారత్ సంపర్క్’ వాట్సాప్ సందేశాన్ని లక్షలాది మంది భారతీయులు స్వీకరించారు. దీంతో వాట్సాప్ లో ‘వికసిత భారత్’ సందేశాలను ఆపివేయాలని ఎన్నికల సంఘం కేంద్ర ప్రభుత్వానికి ఆదేశాలు జారీ చేసింది. ఈ సందేశాలు ఎన్నికల కోడ్ అమల్లోకి రాకముందే పంపామని, నెట్‌వర్క్ సమస్య వల్ల ఇప్పుడు వస్తున్నాయని కేంద్రం, ఈసీకి వివరణ ఇచ్చింది.

సార్వత్రిక ఎన్నికల షెడ్యూల్ ప్రకటన, కోడ్ అమల్లోకి వచ్చిన తర్వాత ప్రభుత్వ కార్యక్రమాలను ప్రచారం చేసే మెసేజ్‌లు వస్తున్నాయని ఈసీకి ఫిర్యాదులు అందాయి. కాంగ్రెస్, తృణమూల్ కాంగ్రెస్ అభ్యంతరాలను వ్యక్తం చేశాయి. కోడ్ ఉల్లంఘనపై చర్యలు తీసుకోవాలని కోరాయి. ఈ క్రమంలో ఈసీ ఈ చర్యలకు ఉపక్రమించిందని తెలుస్తోంది..

దేశంలో సంచలనంగా మారిన ఢిల్లీ (Delhi) లిక్కర్ స్కామ్ (Liquor Scam) కేసు కీలక మలుపు తిరిగింది. ఇప్పటికే తొమ్మిది సార్లు ఢిల్లీ సీఎం అరవింద్ కేజ్రీవాల్ (Arvind Kejriwal)కు ఈడీ (ED) నోటీసులు ఇచ్చింది. అయితే ఆయన ఏదో ఒక సాకుతో ఇంతకాలం తప్పించుకొన్నారు.. కానీ నేడు ఢిల్లీ రాజకీయాల్లో కీలక పరిణామాలు చోటు చేసుకొన్నాయి. ఈడీ అధికారులు కేజ్రీవాల్ కి షాకిచ్చారు.. ఆయన ఇంట్లో సోదాలు నిర్వహిస్తున్నారు..

కొద్దిసేపటి క్రితం కేజ్రీవాల్ ఇంటికి చేరుకొన్న 8 మంది ఈడీ అధికారులు తనిఖీలు ప్రారంభించారు. ఈడీ జాయింట్ డైరెక్టర్ జోగేందర్ నేతృత్వంలో ఈ రెయిడ్స్ జరుగుతున్నట్లు సమాచారం. మరోవైపు ఈడీ అధికారులు అరెస్ట్ చేయకుండా ఆదేశాలు జారీ చేయాలని కేజ్రీవాల్ వేసిన పిటిషన్ ను నేడు హైకోర్టు తిరస్కరించింది. ఈ క్రమంలో ఆయనను అరెస్ట్ చేసే అవకాశం ఉందనే ప్రచారం మొదలైంది.

కోర్టు ఆర్డర్స్ వచ్చిన కొద్ది గంటల్లోనే ఈడీ అధికారులు సీఎం ఇంటికి చేరుకొన్నారు. దీంతో దేశ రాజధాని ఢిల్లీలో హైటెన్షన్ వాతావరణం నెలకొంది. మరోవైపు కేజ్రీవాల్ ను అరెస్ట్ చేస్తారనే వార్తలు పెద్ద ఎత్తున వ్యాపిస్తున్న క్రమంలో అధికారులు ఆయన ఇంటి వద్ద, ఢిల్లీ ఈడీ కార్యాలయం వద్ద భారీ బందో బస్తును ఏర్పాటు చేశారు.. మరోవైపు కేజ్రీవాల్ ఇంటికి ఈడీ వచ్చిన విషయం తెలుసుకొన్న ఆప్ పార్టీ మంత్రులు, ఎమ్మెల్యేలు, ఎంపీలు, నేతలు, కార్యకర్తలు పెద్ద సంఖ్యలో ఆయన ఇంటికి తరలి వస్తున్నారు.

దీంతో కేజ్రీవాల్ ఇంటి దగ్గర ఉత్కంఠ వాతావరణం నెలకొంది. ఇక ఢిల్లీ హైకోర్టులో గురువారం కేజ్రీవాల్‌కు చుక్కెదురైన విషయం తెలిసిందే. మద్యం కుంభకోణానికి సంబంధించిన మనీలాండరింగ్‌ కేసులో ఈడీ అరెస్ట్‌ చేయకుండా ఆదేశించలేమని ఢిల్లీ హైకోర్టు స్పష్టం చేసింది. ఈడీ అరెస్ట్‌ నుంచి మినహాయింపు ఇవ్వలేమని తెలిపింది. తదుపరి విచారణను ఏప్రిల్‌ 22న చేపట్టనున్నట్లు తెలిపింది. ఇదిలా ఉండగా ఇప్పటికే ఈ కేసులో ఆప్ నేతలు మనీష్ సిసోడియా, సంజయ్ సింగ్ జ్యుడిషియల్ కస్టడీలో ఉన్నారు. అదేవిధంగా కవితను సైతం అధికారులు అదుపులోకి తీసుకొన్న సంగతి తెలిసిందే..

ప్రపంచంలోనే మూడో అతిపెద్ద స్టార్టప్ ఎకోసిస్టమ్ (Startup Eco System) భారత్‌లో ఉందని ప్రధాని మోడీ (Modi) అన్నారు. నేడు ఢిల్లీ (Delhi)లో జరిగిన స్టార్టప్ మహాకుంభ్ కార్యక్రమంలో పాల్గొన్న ఆయన కాంగ్రెస్ (Congress)పై విమర్శలకు దిగారు.. రాజ‌కీయ స్టార్ట‌ప్‌ల‌ను లాంఛ్ చేయాల‌ని చాలా మంది ప‌లుమార్లు ప్ర‌య‌త్నించార‌ని తెలిపారు.. కానీ అలాంటి వారికి మీకు మ‌ధ్య వ్య‌త్యాసం నింగికి నెలకు ఉన్నంత అని అన్నారు..

మీరు నూత‌న ఆలోచ‌న‌ల వెంట ప‌రుగులు పెడుతుంటార‌ని, కానీ అలాంటి వారు మంచి ఆలోచనలు నాశనం చేసే దిశగా ఆలోచిస్తారని రాహుల్‌ను ఉద్దేశించి ప‌రోక్ష వ్యాఖ్య‌లు చేశారు. భార‌త్ స‌రైన స‌మ‌యంలో స‌రైన నిర్ణ‌యాలు తీసుకుంటోంద‌ని, వినూత్న రీతిలో అభివృద్ధి దిశ‌గా పురోగిస్తోంద‌ని ప్ర‌ధాని పేర్కొన్నారు. గత దశాబ్దంలో ఐటీ, సాఫ్ట్‌వేర్‌ రంగం దేశంలో తనదైన ముద్రవేసుకోందని పేర్కొన్నారు..

దేశం వికసిత్ భారత్‌- 2047 దిశగా ప్రయాణిస్తున్నప్పుడు ఈ మహాకుంభ్‌ కార్యక్రమం ఎంతో ప్రాముఖ్యతతో కూడుకొని ఉందన్నారు. స్టార్టప్ కంపెనీలకు ఎంతో ప్రోత్సాహం అందిస్తున్నామని తెలిపారు. స్టాల్స్‌ను క‌లియ‌ తిరుగుతూ మీ ఆవిష్క‌ర‌ణ‌ల‌ను చూసిన అనంత‌రం భార‌త్ రాబోయే రోజుల్లో ఎన్నో యూని కార్న్‌లు, డెకా కార్న్‌ల‌కు వేదిక కానుంద‌ని భావిస్తున్నట్లు వెల్లడించారు.

ఈ వృద్ధి మెట్రో నగరాలకే పరిమితం కాదని, దేశవ్యాప్తంగా సామాజిక సంస్కృతిగా విస్తరించిందన్నారు. దేశంలో స్టార్ట‌ప్ ఎకోసిస్ట‌మ్‌ను బ‌లోపేతం చేసేందుకు ప్ర‌భుత్వం చ‌ర్య‌లు చేప‌డుతున్న‌ద‌ని ప్రధాని వివరించారు. భార‌త్ ప్ర‌పంచంలోనే మూడో అతిపెద్ద స్టార్ట‌ప్ కేంద్ర‌మ‌ని, దేశంలో 1.25 ల‌క్ష‌ల‌కు పైగా న‌మోదిత స్టార్ట‌ప్‌లున్నాయ‌ని వెల్లడించారు. కాగా స్టార్ట‌ప్‌ల్లో 12 లక్ష‌ల మందికి పైగా ఉద్యోగులున్నార‌ని పేర్కొన్నారు.

ఢిల్లీ లిక్కర్ స్కామ్ (Delhi Liquor Scam)లో ప్రధాన నిందితునిగా ఆరోపణలు ఎదుర్కొంటున్న అభిషేక్ బోయినపల్లికి కాస్త ఊరట లభించింది. తన భార్య అనారోగ్యం బారిన పడిన కారణంగా బెయిల్ ఇవ్వాలంటూ దాఖలు చేసిన పిటిషన్ ను సుప్రీంకోర్టు పరిశీలించి, ఐదువారాల పాటు బెయిల్ మంజూరు చేస్తూ ఉత్తర్వులు జారీ చేసింది. పాస్ పోర్టును సరెండర్ చేసి, హైదరాబాద్ (Hyderabad)లో చికిత్స చేయించేందుకు కోర్టు అనుమతి ఇచ్చింది.

అయితే ట్రయల్ కోర్టు బెయిల్ మంజూరు చేశాక ఈ ఉత్తర్వులు అమలులోకి వస్తాయని సుప్రీంకోర్టు (Supreme Court) పేర్కొంది. ఈడి అధికారులకు ఫోన్ నంబర్ ఇవ్వాలని, సంబంధిత అధికారులకు ఎప్పటికప్పుడు సమాచారం అందించాలని అభిషేక్ బోయినపల్లి (Abhishek Boinapally)ని ఆదేశించింది. ఈ క్రమంలో తదుపరి విచారణను ఏప్రిల్ 29కి వాయిదా వేసింది. మరోవైపు ఢిల్లీ మద్యం కేసులో 19 నెలలుగా జైలులో ఉంటున్న అభిషేక్‌ బోయినపల్లి 2022 నవంబర్ 13వ తేదీన అరెస్ట్ అయిన విషయం తెలిసిందే.

కాగా ఢిల్లీ మద్యం పాలసీ కేసులో అరెస్టైన అభిషేక్ బోయినపల్లి తో పాటు అరుణ్ రామచంద్ర పిళ్ళై, రాబిన్ డిస్టిలరీస్ కు డైరెక్టర్లుగా ఉన్నారు. 2022 జూన్ లో రాబిన్ డిస్టిలరీస్ ను ఏర్పాటు చేసి.. హైదరాబాద్ రిజిస్ట్రార్ ఆఫ్ కంపెనీస్ లో నమోదు చేశారు. ఈ సమయంలోనే మధ్యం కేసు తెరపైకి వచ్చింది. ఇదిలా ఉండగా అభిషేక్ అరెస్ట్ తర్వాత.. తనను అక్రమంగా అరెస్ట్ చేశారంటూ ఆయన సుప్రీంకోర్టును ఆశ్రయించారు.

కానీ ఢిల్లీ లిక్కర్ స్కామ్ కేసులో అభిషేక్ దే కీలక పాత్ర అని సీబీఐ తేల్చింది. సౌతాలాభి పేరుతో అభిషేక్ లావాదేవీలు కొనసాగించినట్లు గుర్తించింది. ఈ ఘటన జరిగిన అనంతరం ఈ కేసులో ఎన్నో ట్విస్ట్ లు చోటు చేసుకొన్నాయి.. ఢిల్లీ డిప్యూటీ సీఎం మనీష్‌ సిసోడియాను 2023 ఫిబ్రవరి 26న సీబీఐ అరెస్టు చేసింది. తర్వాత శరత్‌ చంద్రారెడ్డి, మాగుంట రాఘవరెడ్డి, దినేశ్‌ అరోరా సైతం చిక్కారు. కాగా తాజాగా వీరంతా అప్రూవర్లుగా మారడంతో కవిత అరెస్ట్ అనివార్యమైంది. ప్రస్తుతం ఈడీ ఢిల్లీ సీఎం కేజ్రీవాల్‌ చుట్టూ ఉచ్చు బిగిస్తోందని టాక్ వినిపిస్తోంది.