Breaking News

రాష్ట్రీయ స్వయంసేవక్ సంఘ్ (RSS)చీఫ్ మోహన్ భగవత్ (Mohan Bhagawath) కీలక వ్యాఖ్యలు చేశారు. భారత్ అనేది హిందువుల(Hindu’s) దేశం అని ఆయన స్పష్టం చేశారు. అంటే దాని అర్థం మిగతా మతాలను తిరస్కరించడం కాదని చెప్పారు. ఒక సారి మనం హిందువులు అని చెబితే… ఇక్కడ ముస్లింలకు కూడా రక్షణ కల్పించామని పదే పదే చెప్పాల్సిన పనిలేదు అని ఆయన పేర్కొన్నారు.

కేవలం హిందువులు మాత్రమే ఇలా చేస్తారని అన్నారు. ఇది భారతదేశం మాత్రమే చేస్తుందన్నారు. ఇతరులు దీన్ని చేయలేరన్నారు. ఛత్రపతి శివాజీ మహరాజ్ పట్టాభిషేకానికి 350 ఏండ్లు పూర్తయిన సందర్బంగా నాగ్ పూర్‌లోని ఓ పాఠశాలలో ఓ కార్యక్రమాన్ని నిర్వహించారు. ఈ కార్యక్రమంలో ఆయన పాల్గొని మాట్లాడుతూ….. భారత దేశంలో అన్ని వర్గాలను, విశ్వాసాలను సమానంగా గౌరవించే మతం, సంస్కృతి ఉందని ఆయన వెల్లడించారు.

ప్రపంచంలో చోట్ల ఘర్షణలు జరుగుతున్నాయని చెప్పారు. ఉక్రెయిన్‌లో జరిగిన యుద్ధం, హమాస్-ఇజ్రాయెల్ యుద్ధం గురించి వింటున్నామని పేర్కొన్నారు. కానీ మన దేశంలో ఇలాంటి సమస్యలపై ఎప్పుడూ యుద్ధాలు జరగలేదన్నారు. శివాజీ మహారాజ్ కాలంలో జరిగిన దండయాత్ర అలాంటిదేనన్నారు. కానీ మనం ఆ సమస్యపై ఎవరితోనూ పోరాడలేదన్నారు. అందుకే మనం హిందువులమన్నారు.

దసరా సందర్భంగా అక్టోబర్ 24న నాగ్‌పూర్‌లో ఆర్‌ఎస్‌ఎస్ వార్షిక విజయదశమి ఉత్సవ్‌ కార్యక్రమాన్ని నిర్వహించనున్నారు. ఈ కార్యక్రమానికి గాయకుడు శంకర్ మహదేవన్‌ను ముఖ్య అతిథిగా ఆహ్వానించారు. ఈ కార్యక్రమంలో పాల్గొని ఆర్ఎస్ఎస్ చీఫ్ ప్రసంగించనున్నారు.

అరేబియా (Arabia) సముద్రంలో ఏర్పడిన తేజ్ తుఫాన్ ఆదివారం మధ్యాహ్నం నాటికి తీవ్రమైన తుఫాన్ గా రూపాంతరం చెందే అవకాశం ఉందని భారత వాతావరణ శాఖ (IMD)హెచ్చరించింది. శనివారం రాత్రి 11.30 గంటలకు తేజ్ తుఫాన్ అరేబియా సముద్రంలో నైరుతి దిశలో సొకోత్రా(యెమెన్)కు 330కిలో మీటర్ల దూరంలో కేంద్రీకృతమై ఉన్నట్టు పేర్కొంది.

ఈ రోజు మధ్యాహ్నం వరకు తేజ్ అత్యంత తీవ్రమైన తుఫానుగా మారే అవకాశం ఉందని ఐఎండీ పేర్కొంది. రాబోయే 24 గంటల్లో ‘తేజ్’తీవ్ర అల్పపీడనంగా మారే అవకాశం ఉందని ఐఎండీ తెలిపింది. అరేబియా సముద్రం మీదుగా ఏర్పడిన తుఫాను అక్టోబర్ 25 తెల్లవారుజామున అల్ గైదా (యెమెన్), సలాలా (ఒమన్) మధ్య తీరం దాటే అవకాశం ఉందని వెల్లడించింది.

ప్రస్తుతం 62 నుంచి 88 కిలోమీటర్ల వేగంతో ఈదురు గాలులు వీస్తున్నాయని ఐఎండీ పేర్కొంది. ఈ ఈదురు గాలుల వేగం గంటకు 89 నుంచి 117 కిలోమీటర్లకు చేరుకుంటే దాన్ని తుఫానుగా పరిగణించనున్నట్టు తెలిపింది. దేశంలో గుజరాత తీరంపై తేజ్ ప్రభావం చూపే అవకాశం ఉందని ఐఎండీ చెబుతోంది.

కానీ పశ్చిమ వాయవ్య దిశగా తేజ్ కదులుతోందని, అందువల్ల గుజరాత్ తూర్పు ప్రాంతంపై పెద్దగా ప్రభావం ఉండకపోవచ్చని స్పష్టం చేసింది. ఈ ఏడాది జూన్‌లో అరేబియా సముద్రంలో బిఫర్ జాయ్ తుపాన్ ఏర్పడింది. ఈ తుపాన్ గుజరాత్ లోని కచ్ సౌరాష్ట్ర తీరాల్లోని పలు ప్రాంతాల్లో విధ్వంసం సృష్టించింది.

కాంగ్రెస్ (Congress) పై సమాజ్ వాది పార్టీ చీఫ్ అఖిలేశ్ యాదవ్ (Akilesh Yadav) మరోసారి తీవ్రంగా ఫైర్ అయ్యారు. సమాజ్ వాదీ పార్టీకి కాంగ్రెస్ “ద్రోహం” చేయకూడదని అన్నారు. సమాజ్ వాది పార్టీతో కాంగ్రెస్ పొత్తు కావాలా ? వద్దా? అనే విషయం స్పష్టం చేయాలని ఆయన డిమాండ్ చేశారు. ఇటీవల మధ్యప్రదేశ్2లో సీట్ల విషయంలో విభేదాల నేపథ్యంలో ఆయన ఈ వ్యాఖ్యలు చేశారు.

కాంగ్రెస్ కు చెందిన ఓ సీనియర్ నాయకుడి నుంచి తనకు ఓ సందేశం వచ్చిందని తెలిపారు. ఆ సీనియర్ నేత ఏదైనా చెబితే దాన్ని తాను ఫాలో కావాలంట అని పేర్కొన్నారు. అలా ఆ సందేశంలో తెలిపాడన్నారు. కానీ తాను ఒక విషయాన్ని స్పష్టం చేయాలని అనుకుంటున్నట్టు చెప్పారు. ఎస్పీతో కూటమి ఏర్పాటు వద్దు అనుకుంటే కాంగ్రెస్ ఎందుకు తమను పిలిచిందని ప్రశ్నించారు.

ఎస్పీకి వ్యతిరేకంగా ఎలాంటి కుట్రలు చేయవద్దని కాంగ్రెస్ కు ఆయన సూచించారు. తమకు ద్రోహం చేయవద్దని కోరారు. సమాజ్ వాదీతో కూటమి తమకు అవసరం లేదని కాంగ్రెస్ నేతలు సూటిగా చెప్పాలన్నారు. ఆ తర్వాత పొత్తు గురించి తాము ఒక్కసారి కూడా మాట్లాడబోమని స్పష్టం చేశారు. సొంతంగా బీజేపీని ఓడించేందుకు సన్నాహాలు ప్రారంభిస్తామన్నారు.

పొత్తు లేకుంటే తమను ఎందుకు పిలిచారు? అని కాంగ్రెస్ ను ఆయన నిలదీశారు. రాష్ట్ర స్థాయిలో పొత్తు ఉండదని, లోక్‌సభ ఎన్నికల్లో కూటమి ఏర్పడుతుందని వారు మాకు ముందే చెప్పి ఉండాల్సిందని మండిపడ్డారు. ఇండియా కూటమి కేవలం జాతీయ స్థాయికి పరిమితమైందని తెలిసి వుంటే తాము మధ్య ప్రదేశ్ సమావేశానికి రావాలంటూ కాంగ్రెస్ చేసిన కాల్స్ సమాధానం ఇచ్చే వాళ్లం కాదన్నారు.

ఇస్రో (ISRO) నిర్వహించిన గగన్ యాన్ (Gaganyan) టీవీ-డీ 1 ప్రయోగం ఈ రోజు విజయవంతం అయింది. ఈ క్రమంలో ప్రధాని మోడీ (PM Modi) స్పందించారు. టీవీ-డీ1 విజయవంతం కావడంతో ఇస్రో శాస్త్రవేత్తలను ఆయన ప్రశంసించారు. ఈ ప్రయోగం విజయవంతం కావడంపై ప్రధాని మోడీ సంతోషం వ్యక్తం చేశారు.

ఈ ప్రయోగం సక్సెస్ అనేది భారత్‌ను తన మొదటి మానవ అంతరిక్ష కార్యక్రమం దిశలో మరో అడుగు దగ్గరగా తీసుకు వెళ్లిందని ఆయన పేర్కొన్నారు. ఈ సందర్భంగా శాస్త్రవేత్తలకు ఆయన శుభాకాంక్షలు తెలిపారు. ఈ మేరకు ఆయన ట్వీట్ చేశారు. మొదట ఈ ప్రయోగానికి ఉదయం 8 గంటలకు ప్రారంభించాలని అనుకున్నారు.

కానీ ప్రయోగానికి ముందు ఇంజన్ ఇగ్నిషన్‌లో సాంకేతిక లోపాలు తలెత్తాయి. దీంతో అలర్ట్ అయిన శాస్త్రవేత్తలు ప్రయోగాన్ని తాత్కాలికంగా నిలిపి‌వేశారు. గగన్ యాన్ టెస్ట్ ఫ్లైట్ టీవీ డీ-1కు నెలకొన్ని సమస్యను గుర్తించి వెంటనే కొద్ది క్షణాల్లో ఇస్రో శాస్త్రవేత్తల బ‌ృందం సరి చేసింది. దీంతో ప్రయోగాన్ని మళ్లీ ప్రారంభించారు.

ప్రయోగానికి ముందు ఇది తమకు ఒక పరీక్షలాంటిదని ఇస్రో చైర్మన్ ఎస్. సోమనాథ్ అన్నారు. సాంకేతిక లోపాన్ని త్వరగా గుర్తించి వెంటనే సరిచేసిన శాస్త్రవేత్తల బృందాన్ని ఇస్రో చైర్మన్ అభినందించారు. అనతంరం 10 గంటలకు ప్రయోగాన్ని విజయవంతంగా నిర్వహించింది. ఈ ప్రయోగం ద్వారా క్రూ ఎస్కేప్ సిస్టమ్(సీఈఎస్) ఉపయోగించి వ్యోమగాములు భూమిపై ల్యాండ్ అయ్యే విధానాన్ని పరీక్షించారు.