Breaking News

మధ్యప్రదేశ్‌ (Madhya Pradesh) లో కాంగ్రెస్ (Congress) దూకుడు పెంచింది. తాజాగా అసెంబ్లీ ఎన్నికల్లో పోటీచేసే రెండో విడత అభ్యర్థుల జాబితాను విడుదల చేసింది. మొత్తం 85 మందితో కాంగ్రెస్ రెండో విడత జాబితాను ప్రకటించింది. దీంతో ఇప్పటి వరకు రాష్ట్రంలోని ఒక స్థానంలో మినహా మొత్తం అసెంబ్లీ నియోజక వర్గాలకు కాంగ్రెస్ తన అభ్యర్థులను ప్రకటించింది.

అంతకు ముందు మొదటి విడతలో 144 స్థానాలకు కాంగ్రెస్ తన అభ్యర్థులను ప్రకటించింది. మొదటి విడతలో ప్రకటించిన అభ్యర్థుల పేర్లలో తాజాగా కొన్ని మార్పులు చేసింది. డాటియా నియోజక వర్గంలో మొదట అవదేశ్ నాయక్ ను కాంగ్రెస్ బరిలోకి దించింది. తాజాగా ఆయన స్థానంలో రాజేంద్ర భారతి పోటీ చేస్తారని కాంగ్రెస్ వెల్లడించింది.

డాటియాలో బీజేపీ నుంచి హోం మంత్రి నరోత్తమ్ మిశ్రా పోటీ చేస్తున్నారు. ఇక పిచోరే స్థానంలో మొదట శైలేంద్ర సింగ్ ను అభ్యర్థిగా కాంగ్రెస్ ప్రకటించింది. తాజాగా ఆయన స్థానంలో అరవింద్ సిగ్ లోధి పోటీకి దించింది. ఇక ఎస్సీ రిజర్వ్‌డ్ గోటేగావ్ నియోజక వర్గంలో శేఖర్ చౌదరి స్థానంలో నర్మదా ప్రసాద్ ప్రజాపతిని కాంగ్రెస్ బరిలోకి దించింది.

దిమానీ అసెంబ్లీ స్థానంలో రవిందర్ సింగ్ తోమర్‌ను పోటీలోకి దించింది. కేంద్ర వ్యవసాయ శాఖ మంత్రి నరేంద్ర సింగ్ తోమర్ కు ఆయన వ్యతిరేకంగా పోటీ చేయనున్నారు. కేంద్ర మంత్రి జ్యోతిరాధిత్య సింధియాకు కంచుకోటగా భావించే గ్వాలియర్ నియోజక వర్గం నుంచి సునిల్ శర్మను అభ్యర్థిగా కాంగ్రెస్ ప్రకటించింది. నవంబర్ 17న రాష్ట్రంలో ఎన్నికలను నిర్వహించనున్నారు.

కాంగ్రెస్ (Congress) పై అసోం సీఎం హిమంత బిస్వ శర్మ (Himantha Biswa Sarma) తీవ్ర స్థాయిలో విరుచుకు పడ్డారు. బీజేపికి కాంగ్రెస్ లౌకిక వాదం గురించి నేర్పాల్సిన పని లేదని ఆయన మండిపడ్డారు. హిందువులను చంపడమే లౌకిక వాదమా? అని ప్రశ్నించారు. తమకు సెక్యులరిజం అనే భాషను నేర్పకండంటూ తీవ్రంగా ఫైర్ అయ్యారు.

ఛత్తీస్ గఢ్‌లోని కవార్దలో నిర్వహించిన ప్రచార ర్యాలీలో పాల్గొన్నారు. ఈ సందర్భంగా ఆయన మాట్లాడుతూ….. ఛత్తీస్ గఢ్‌లో ఇటీవల లవ్ జిహాద్, మతమార్పిడి ఘటనలు బాగా పెరిగి పోతున్నాయని పేర్కొన్నారు. లవ్ జిహాద్, మతమార్పిడి, హిందువుల హత్యలను లౌకిక వాదం పేరిట సమర్థించలేమని ఆయన అన్నారు. కాంగ్రెస్ అధికారంలోకి వస్తే ఆ ఘటనలు తదుపరి స్థాయికి చేరుకుంటాయని హెచ్చరించారు.

రాష్ట్రంలో క్రైస్తవ మతంలోకి మారేలా గిరిజనులను ప్రోత్సహిస్తున్నారని తెలిపారు. ఒక వేళ దానికి వ్యతిరేకంగా ఎవరైనా గొంతెత్తితే అప్పుడు భూపేశ్ బాఘేల్ తనను తాను లౌకికవాదిగా చెప్పుకుంటారని ఆరోపించారు. హిందువులను చంపడమే లౌకికవాదమా..? అని ప్రశ్నించారు. ముమ్మాటికి భారత్ హిందువులదేనని స్పష్టం చేశారు., ఇది ఖచ్చితంగా హిందువులకే చెందుతుందని చెప్పారు.

అయోధ్యలో రామాలయాన్ని కూల్చి వేసి దానిపై బాబర్ మసీదు కట్టడం సెక్యులరిజం ఎలా అవుతుందని ఆయన ప్రశ్నించారు. మతమార్పిడులను సెక్యులరిజం అనరని స్పష్టం చేశారు. మాత కౌసల్య భూమిని మొఘల్ చక్రవర్తి అక్బర్ కు అప్పగించడం లౌకిక వాదం కానే కాదన్నారు. మన సెక్యులరిజం అనే భావనను బాబా సాహెబ్ అంబేద్కర్, హిందూ సంస్కృతి అందించాయన్నారు. సెక్యులరిజం అంటే లవ్ జిహాద్ కాదన్నారు.

కర్ణాటక డిప్యూటీ సీఎం (Deputy CM) డీకే శివకుమార్‌ (DK Shiva Kumar) కు ఆ రాష్ట్ర హైకోర్టు (High Court) షాక్ ఇచ్చింది. గతంలో ఆయనపై సీబీఐ నమోదు చేసిన అక్రమాస్తుల కేసును కొట్టి వేయాలని ఆయన దాఖలు చేసిన పిటిషన్‌ను హైకోర్టు తిరస్కరించింది. ఈ కేసులో సీబీఐ తాత్కాలిక విచారణపై ఉన్న నిషేధాన్ని ఎత్తి వేస్తున్నట్టు జస్టిస్ కే నటరాజన్ తెలిపారు.

ఈ కేసులో విచారణను పూర్తి చేయాలని సీబీఐని న్యాయమూర్తి ఆదేశించారు. ఈ కేసులో మూడు నెలలలోగా దర్యాప్తు నివేదికను అందించాలని సీబీఐకి ఆదేశాలు జారీ చేశారు. 2013-18 మధ్య డికే శివకుమార్ తో పాటు ఆయన కుటుంబ సభ్యులు రూ. 74.8 కోట్ల అక్రమాస్తులను కలిగి వున్నారని ఆరోపిస్తు సీబీఐ కేసు నమోదు చేసింది.

దానికి సంబంధించి సరైన పత్రాలను ఆయన అందజేయలేక పోయారని సీబీఐ తెలిపింది. సీబీఐ దాఖలు చేసిన ఎఫ్ఐఆర్ ను 2020లో కోర్టులో డీకే శివకుమార్ సవాల్ చేశారు. దీనిపై విచారణ చేపట్టిన కోర్టు ఆయనకు అనుకూలంగా తీర్పు ఇచ్చింది. దర్యాప్తుపై తాత్కాలికంగా స్టే విధిస్తున్నట్టు న్యాయస్థానం వెల్లడించింది.

ఈ కేసులో దర్యాప్తుపై విధించిన నిషేధాన్ని ఎత్తి వేయాలంటూ సుప్రీం కోర్టులో సీబీఐ ఇటీవల పిటిషన్ దాఖలు చేసింది. ఆ పిటిషన్ పై సర్వోన్నత న్యాయస్థానంలో సోమవారం విచారణ జరిగింది. ఈ కేసులో సీబీఐ విచారణపై ఉన్న నిషేధాన్ని తొలగించేందుకు సుప్రీం కోర్టు సోమవారం నిరాకరించింది. ఈ కేసులో డిప్యూటీ సీఎం డీకే శివ కుమార్ కు జస్టిస్ అనిరుద్దబోస్, జస్టిస్ బేలా ఎం త్రివేదిలతో కూడిన ధర్మాసనం నోటీసులు జారీ చేసింది. నోటీసులపై నవంబర్ 7లోగా స్పందించాలని ఆయన్ని ఉన్నత న్యాయస్థానం ఆదేశించింది.