Breaking News

హెచ్‌డీఎఫ్‌సీ (HDFC) కి చెందిన యాడ్ పై వివాదం మొదలైంది. ఆ బ్యాంకుకు చెందిన ‘విజిల్ ఆంటీ’(Vigil Aunty)యాడ్ పై దుమారం రేగుతోంది. ఆ యాడ్ హిందువుల సెంటిమెంట్లకు వ్యతిరేక ఉందని హిందువులు ఫైర్ అవుతున్నారు. ఆ యాడ్‌ను హెచ్‌డీఎఫ్‌సీ బ్యాంకు ఉపసంహరించుకోవాలని హిందూ సంఘాలు డిమాండ్ చేస్తున్నాయి.

దేశ వ్యాప్తంగా సురక్షితమైన బ్యాంకింగ్ విధానాలను ప్రోత్సహించడమే లక్ష్యంగా 2022లో హెచ్‌డీఎఫ్‌సీ ఓ క్యాంపెయిన్ ను తీసుకు వచ్చింది. అందులో భాగంగా ‘విజిల్ అంటీ’పేరిట ఓ యాడ్ ను రూపొందించారు. ప్రజల్లో సైబర్ మోసాల గురించి అవగాహన కల్పించి వారిని జాగ్రత్త పరిచేలా ఈ యాడ్ ను రూపొందించారు.

ఈ యాడ్‌లో నటి అనురాధ మీనన్ నటించారు. ఈ యాడ్‌లో విజిల్ ఆంటీ నుదుటిపై ఓ బిందీ (బొట్టు బిళ్ల) ఉంటుంది. ఆ బిందీ ‘స్టాప్’ సింబల్ ఉంది. దీంతో ఈ యాడ్ పై హిందూ సంఘాలు మండి పడుతున్నాయి. బిందీని (బొట్టును) హిందూ మహిళలు అత్యంత పవిత్రంగా భావిస్తారని హిందూ సంఘాలు చెబుతున్నాయి.

అలాంటి పవిత్రమైన బింది స్థానంలో స్టాప్ సింబల్ పెట్టడం ఏంటని మండిపడుతున్నాయి. బాంక్ అధికారుల తీరుపై తీవ్రంగా మండిపడుతున్నారు. ఈ యాడ్ ను వెంటనే ఉపసంహరించుకోవాలని డిమాండ్ చేస్తున్నాయి. హెచ్‌డీఎఫ్‌సీకి చెందిన హిందూ ఖాతాదారులందరూ ఈ విషయాన్ని ఆయా బ్యాంకు అధికారుల దృష్టికి తీసుకు వెళ్లి నిరసన తెలపాలని హిందూ సంఘాలు డిమాండ్ చేస్తున్నాయి.

కాంగ్రెస్ అగ్రనేత రాహుల్ గాంధీ ( Rahul Gandhi) పై అసోం సీఎం హిమంత్ బిస్వ శర్మ (Himantha Biswa Sharma) తీవ్ర స్థాయిలో విరుచుకు పడ్డారు. రాహుల్ గాంధీ మొదట వారసత్వ రాజకీయాలు అంటే ఏంటో తెలుసుకోవాలని ఆయన ఫైర్ అయ్యారు. కేంద్ర హోం మంత్రి అమిత్ షా కుమారుడు బీజేపీలో లేరని తెలిపారు. జైషా ప్రస్తుతం బీసీసీఐలో వున్నారని తెలిపారు.

బహుశా బీసీసీఐ కూడా బీజేపీకి చెందిన ఒక శాఖ అని అనుకున్నట్టు వున్నారంటూ ఎద్దేవా చేశారు. పాపం నిరక్షరాస్యుడు అంటూ వ్యంగ్యాస్త్రాలు సంధించారు. రాహుల్ గాంధీ కుటుంబం మొత్తం కాంగ్రెస్‌లో ఉందన్నారు. రాహుల్ గాంధీ ప్రతి దానిపై విమర్శలు చేస్తారని ఆయన అన్నారు. కానీ ప్రతి దానికి ఆయనే కారణమని రాహుల్ గాంధీ తెలుసుకోరని ఎద్దేవా చేశారు.

రాజ్ నాథ్ సింగ్ కుమారుడు యూపీలో ఎమ్మెల్యేగా ఉన్నారని చెప్పారు. రాజ్ నాథ్ సింగ్ కుమారున్ని ప్రియాంక గాంధీతో ఎలా పోలుస్తారని ఆయన ప్రశ్నించారు. కాంగ్రెస్ పార్టీ మొత్తాన్ని ప్రియాంక గాంధీ కంట్రోల్ చేస్తున్నారని వెల్లడించారు. మరి బీజేపీ మొత్తాన్ని రాజ్ నాథ్ సింగ్ కుమారుడు కంట్రోల్ చేస్తున్నాడో కాంగ్రెస్ పెద్దలే చెప్పాలన్నారు.

బీజేపీపై రాహుల్ గాంధీ మంగళ వారం తీవ్ర స్థాయిలో విరుచుకు పడ్డారు. కాంగ్రెస్ వారసత్వ రాజకీయాలు చేస్తోందన్న వ్యాఖ్యలపై ఆయన తీవ్రంగా మండిపడ్డారు. మరి కేంద్ర హోం మంత్రి కుమారుడు, రక్షణ శాఖ మంత్రి రాజ్ నాథ్ సింగ్ కుమారుడు చేస్తున్నవేంటని ఆయన ప్రశ్నించారు. తాజాగా ఆ వ్యాఖ్యలపై అసోం సీఎం స్ట్రాంగ్ కౌంటర్ ఇచ్చారు.

యూపీ సర్కార్ (UP Govt) కీలక నిర్ణయం తీసుకుంది. ఈ దీపావళి పండుగకు ఉజ్వల పథం లబ్ధిదారులకు గిఫ్ట్ (Gift) ఇవ్వనున్నట్టు తెలిపింది. దీపావళి కానుకగా లబ్ధిదారులకు ఉచిత వంట గ్యాస్ ఇవ్వనున్నట్టు సీఎం యోగీ ఆదిత్య నాథ్ (Cm Yogi Adityanath) ప్రకటించారు. గ్యాస్ సిలిండర్ కు సంబంధించిన డబ్బులను లబ్దిదారుల ఖాతాలో జమ చేయనున్నట్టు వెల్లడించారు.

ఈ దిపావళి కానుక కింద రాష్ట్రంలోని 1.75 కోట్ల కుటుంబాలు లబ్ది పొందనున్నట్టు అధికారులు వెల్లడించారు. బులంద్ షహర్‌లో సీఎం యోగీ ఆదిత్య నాథ్ రూ. 632 కోట్ల విలువైన అభివృద్ధి పనులను ప్రారంభించి, శంకు స్థాపనలను చేశారు. ఈ సందర్బంగా ఆయన మాట్లాడుతూ…. రాష్ట్రంలో 55 లక్షల మంది మహిళల సొంతింటి కల నెరవేరిందన్నారు.

వారి కలను సాకారం చేసిన ప్రధాన మంత్రి ఆవాస్ యోజనా పథకానికి సీఎం ధన్యవాదాలు తెలిపారు. స్వచ్ఛ భారత్ కింద రాష్ట్రంలో 2.75 లక్షల టాయ్ లెట్ల నిర్మాణాలు జరిగాయని పేర్కొన్నారు. గడిచిన తొమ్మిదేండ్ల ప్రధాని మోడీ నాయకత్వంలో నూతన భారత దేశాన్ని చూస్తూ వున్నామని సీఎం అన్నారు.

ఈ నూతన భారత్ అత్యంత శక్తివంతమైన, స్వయం సంవృద్ధి గల, అభివృద్ది చెందుతున్న దేశమని తెలిపారు. ఈ నూతన భారత్‌లో యువత, మహిళలతో పాటు అన్ని వర్గాల ప్రజలకు లబ్ది పొందుతున్నారని చెప్పారు. ఆసియా క్రీడల్లో స్వర్ణాలు గెలిచిన పారుల్ చౌదరి, అన్ను రాణిలను డీఎస్పీలుగా నియమించనున్నట్టు తెలిపారు.

ఇజ్రాయెల్‌ (Israel) లో చిక్కుకున్న భారతీయులను స్వదేశానికి తీసుకు వచ్చేందుకు చేపట్టిన ఆపరేషన్ అజయ్ (Operation Ajay) కొనసాగుతోంది. తాజాగా 286 మందితో కూడిన స్పైస్ జెట్ (Spice Jet) విమానం టెల్ అవీవ్ నుంచి బయలు దేరి ఢిల్లీ చేరుకుంది. ఇందులో 18 మంది నేపాలీలు కూడా ఉన్నట్టు అధికారులు వెల్లడించారు.

ఇది ఆపరేషన్ అజయ్ కింద పంపిన ఐదవ విమానం కావడం గమనార్హం. ఢిల్లీ విమానాశ్రయంలొ దిగిన ప్రయాణికులకు కేంద్ర సమాచార ప్రసార మంత్రిత్వ సహాయ మంత్రి ఎల్ మురుగన్ ఘన స్వాగతం పలికారు. దీనికి సంబంధించిన ఫోటోలను విదేశాంగ శాఖ ప్రతినిధి అరిందమ్ బాగ్చీ ట్వీట్ చేశారు.

ఈ విమానంలో తమ రాష్ట్రానికి చెందిన 22 మంది ఉన్నట్టు కేరళ ప్రభుత్వం వెల్లడించింది. ఇది ఇలా వుంటే స్పైస్ జెట్ విమానం నిన్న టెల్ అవీవ్ ల్యాండ్ అయింది. ఆ కొద్ది సేపటికే విమానంలో సాంకేతిక సమస్యలు ఏర్పడ్డాయి. దీంతో విమానాన్ని జోర్డాన్ కు తరలించి విమానంలో సమస్యను పరిష్కరించారు.

అనంతరం మళ్లీ విమానాన్ని టెల్ అవీవ్ ల్యాండ్ చేశారు. షెడ్యూల్ ప్రకారం విమానం సోమవారమే భారత్ చేరుకోవాల్సి ఉంది. కానీ సాంకేతిక సమస్యల నేపథ్యంలో ఈ రోజు ఉదయం భారత్ కు చేరుకున్నట్టు అధికారులు వెల్లడించారు. ఢిల్లీలో దిగిన తర్వాత భారత పౌరులు భావోద్వేగానికి గురయ్యారు.

పెళ్లైన కూతురు చిన్న గొడవ పెట్టుకుని అత్తింటి నుంచి పుట్టింటికి వచ్చిందంటేనే తల్లి దండ్రులు (Parents) కంగారు పడిపోతారు. అలాంటిది పూర్తిగా అత్తింటితో బంధాన్ని తెంచుకుని వస్తున్నానని చెబితే ఆ తల్లి దండ్రులు బాధ ఎలా వుంటుందో చెప్పాల్సిన పని లేదు. కానీ జార్ఖండ్ (Jarkhand) లో ఓ తండ్రి మాత్రం అలా చేయలేదు. తన కూతరిని ఊరేగింపుగా తన ఇంటికి తీసుకు వచ్చాడు. పెళ్లిలో చేసినట్టుగానే టపాసులు పేలుస్తూ ఊరేగింపుతో తన కూతురిని ఇంటికి తీసుకు వచ్చాడు.

ఇంతకు ఏం జరిగిందంటే.. రాంచీలోని కైలాశ్ నగర్ లోని కుమ్​హర్టోలి ప్రాంతంలో ప్రేమ్ గుప్తా అనే వ్యక్తి నివసిస్తున్నారు. గతేడాది ఏప్రిల్ 28న సర్వేశ్వరి నగర్‌ కు చెందిన సచిన్ కుమార్ అనే వ్యక్తితో తన కూతురు సాక్షి గుప్తాకు వివాహం చేశారు. రాష్ట్రంలోని విద్యుత్ పంపిణీ సంస్థలో అసిస్టెంట్ ఇంజనీర్ గా సచిన్ పని చేస్తున్నారు.

మొదట్లో కొన్ని రోజులు పాటు సాక్షితో సచిన్ బాగానే ఉండే వాడని ప్రేమ్ గుప్తా తెలిపారు. ఆ తర్వాత ఏం జరగిందో తెలియదు కానీ నెమ్మదిగా తన కూతుర్ని సచిన్ తరుచూ వేధించడం మొదలు పెట్టాడన్నారు. పలు మార్లు ఆమెను ఇంట్లో నుంచి బయటకు గెంటేశాడన్నారు. ఇటీవల సచిన్ గురించి మరో విషయం తన కుమార్తెకు తెలిసిందన్నారు. అతనికి ఇది వరకే వివాహం అయిందని, తాను రెండవ భార్యనని తన కుమార్తెకు అర్థమైందన్నారు.

అసలు విషయం తెలిసినప్పిటికీ సచిన్‌తో కలిసి వుండాలని తను కుమార్తె నిశ్చయించుకుందన్నారు. కానీ రోజులు గడుస్తున్నా కొద్ది సచిన్ వేధింపులు పెరిగాయే తప్ప తగ్గలేదన్నారు. దీంతో తను కూతురు విసుగు చెంది సచిన్‌తో బంధాన్ని తెంచేసుకుని రావాలనుకుంటున్నట్టు చెప్పిందన్నారు. దీంతో తన కూతుర్ని ఇంటికి రావాలని చెప్పానన్నారు.

తన కూతురుకు అత్తింటి వేధింపుల నుంచి విముక్తి లభించిందన్నారు. ఇది సంతోషించాల్సిన విషయమని చెప్పారు. అందుకే సంతోషాన్ని సెలబ్రేట్ చేసుకోవాలని అనుకున్నట్టు వెల్లడించారు. అందుకే బాజా భజంత్రీలు, టపాసులతో తన కుమార్తెను ఇంటికి తీసుకు వచ్చానన్నారు. కూతురు అంటే తండ్రికి భారం కాదని, వాళ్లు అత్తింట్లో ఇబ్బందులు ఎదురైతే గౌరవంతో పుట్టింటికి తీసుకు రావాలన్నారు. ప్రస్తుతం వారి విడాకులపై కోర్టులో వాదనలు నడుస్తున్నాయి. త్వరలోనే వారికి విడాకులు మంజూరు అవుతాయని అంటున్నారు.