Breaking News

పార్లమెంట్ ఎన్నికల్లో ఎలాగైనా గెలిచేందుకు బీజేపీ (BJP) పార్టీ రాష్ట్రంలో తీవ్రంగా శ్రమిస్తోంది. ప్రస్తుత కాంగ్రెస్(Congress) ప్రభుత్వం ఆరు గ్యారెంటీల(Six guarantees) అమలులో వైఫ్యలం చెందడంతో పాటు గత బీఆర్ఎస్ సర్కారు అవినీతి, అక్రమాలను ప్రజల్లోకి తీసుకెళ్లి తెలంగాణలో డబుల్ డిజిట్ స్థానాలను సాధించాలని చూస్తోంది. కేంద్రంలో నరేంద్ర మోడీ (PM MODI) ఛరిష్మాను అడ్డుపెట్టుకుని రాష్ట్రంలో బీజేపీ పాగా వేయాలని చూస్తోంది.

ఈ క్రమంలోనే రఘునందన్ రావు సోమవారం సిద్దిపేట జిల్లా దుబ్బాక రెడ్డి ఫంక్షన్ హాల్‌లో మెదక్ పార్లమెంట్ కిసాన్ మోర్చా సమ్మేళనం నిర్వహించారు. ఈ సందర్భంగా మెదక్ ఎంపీ అభ్యర్థి రఘునందన్ రావు(Medak mp Candidate Raghu Nandan Rao) మాట్లాడుతూ.. దుబ్బాక నియోజకవర్గం మీద ఎమ్మెల్యే కొత్త ప్రభాకర్ రెడ్డికి అవగాహన లేదన్నారు. ఆయనకు డబ్బులు పెట్టి ఓట్లు కొనడం మాత్రమే తెలుసునని ఎద్దేవా చేశారు.

ఓటర్లను బానిసలుగా చూసే సంస్కారం కొత్త ప్రభాకర్ రెడ్డి(Dubbaka Mla Kotta Prabakar reddy) ది అని, పార్లమెంట్ ఎన్నికలు పూర్తి అయ్యాక దుబ్బాక ఎమ్మెల్యే కాంగ్రెస్ పార్టీలో చేరడం ఖాయమని జోస్యం చెప్పారు.గల్లీలో, ఢిల్లీలో లేని కారును గెలిపిస్తే మనకు మిగిలేది శూన్యమని రఘునందన్ రావు కిసాన్ మోర్చాకు హాజరైన ఓటర్లకు వివరించారు. ఎన్నికల ముందు ఎన్నో హామీలు ఇచ్చిన కాంగ్రెస్ సర్కార్ ఐదు నెలలు గడుస్తున్నా ఇచ్చిన హామీలు అమలు చేయడం లేదని విమర్శించారు.

గతంలో కేసీఆర్ నూరు అబద్ధాలు ఆడితే ప్రస్తుత ముఖ్యమంత్రి రేవంత్ రెడ్డి 1000 అబద్ధాలు ఆడేందుకు సిద్దంగా ఉన్నాడని సెటైర్ వేశారు. కాంగ్రెస్ హయాంలో రైతులు ఎరువుల కోసం చెప్పులు లైన్‌లో పెట్టిన విషయాన్ని ప్రజలు మరవద్దన్నారు. కేంద్రంలో నరేంద్ర మోడీ ప్రధాని అయ్యాక ఎక్కడా ఎరువుల కొరత లేకుండా చూశారని చెప్పారు. కమలం గుర్తుకు ఓటు వేసి తనను నరేంద్ర మోడీ నాయకత్వంలో పనిచేసేందుకు పంపాలని రఘునందన్ రావు ఓటర్లకు విజ్ఞప్తి చేశారు.

మాజీ మంత్రి, సిద్దిపేట ఎమ్మెల్యే హరీశ్ రావు(MLA Harish rao) తాను చెప్పినట్లుగానే శుక్రవారం ఉదయం గన్‌పార్క్(Gun park) వద్దకు చేరుకున్నారు. సీఎం రేవంత్ రెడ్డి విసిరిన సవాల్‌(Political Sawal)ను తాను స్వీకరించానని, మరి రేవంత్ రెడ్డి తన సవాల్ స్వీకరించి వస్తారా? రారా? అనేది క్లారిటీ ఇవ్వాలని కోరారు. అయితే, అంతకుముందు హరీశ్ రావు గన్ పార్కుకు వస్తున్నారని తెలిసి ఎటువంటి అవాంఛనీయ ఘటనలు చోటుచేసుకోకుండా పోలీసులు భారీగా మొహరించారు.

గన్ పార్కు వద్దకు వెళ్లకుండా ఆయన్ను అడ్డుకునే ప్రయత్నం చేయగా.. కాసేపు పోలీసులతో హరీశ్ రావు వారించినట్లు తెలిసింది. అనంతరం హరీశ్ రావు గన్ పార్కు వద్ద ఉండి మీడియాతో మాట్లాడారు. ‘రేవంత్ రెడ్డి సవాల్‌ను నేను స్వీకరించి గన్‌పార్క్ వద్దకు వచ్చాను.సీఎం రేవంత్ రెడ్డి దేవుళ్లను కూడా వదలకుండా ప్రమాణాలు చేస్తున్నారు. నా రాజీనామా పత్రం రెడీగా వుంది.

ఆగస్టు 15లోపు ఏకకాలంలో రైతు రుణమాఫీ, ఆరు గ్యారెంటీలు అమలు చేయకపోతే రేవంత్ రెడ్డి రాజీనామా పత్రాన్ని గవర్నర్‌కు ఇస్తారా? రేవంత్ సీఎం అయ్యాక ఒక్కసారి కూడా గన్‌పార్క్ అమరవీరులకు నివాళులు అర్పించలేదు. ప్రతిపక్ష పార్టీగా ఇచ్చిన హామీలు అమలు చేయాలని డిమాండ్ చేసే బాధ్యత మాకుంది.
ఆరు గ్యారెంటీలు 100 రోజుల్లో అమలు చేస్తామని తెలంగాణ ప్రజలకు సోనియాగాంధీ లేఖ రాశారు.

తెలంగాణ ప్రజలకు రేవంత్ రెడ్డి క్షమాపణ చెప్పాలి. ఆగస్టు 15లోగా రైతు రుణమాఫీ,ఆరు గ్యారెంటీలు అమలు చేస్తే నేను ఎమ్మెల్యే పదవికి రాజీనామా చేసి ఉప ఎన్నికల్లో పోటీ చేయను.రేవంత్ రెడ్డి రాజీనామా లేఖను తన స్టాఫ్‌తో నైనా పంపించాలి. నేను స్పీకర్ ఫార్మాట్‌లో రాజీనామా లేఖను ఇస్తున్నా.
మా రాజీనామా లేఖను జర్నలిస్టులకు ఇచ్చి వెళ్తున్నా’ అని హరీశ్ రావు కీలక వ్యాఖ్యలు చేశారు.

పార్లమెంట్ ఎన్నికల నేపథ్యంలో సీఎం రేవంత్ రెడ్డి( Cm Revanth reddy) కీలక వ్యాఖ్యలు చేశారు. ఈసారి కేంద్రంలో బీజేపీ(BJP) మూడోసారి గెలిస్తే రిజర్వేషన్లు(Reservations) రద్దు చేస్తుందని వ్యాఖ్యానించారు. రిజర్వేషన్లు వద్దు అనుకునే వారు బీజేపీకి.. కావాలనుకునే వారు కాంగ్రెస్‌కు ఓటేయాలని ఆయన పిలుపునిచ్చారు. గురువారం ఆయన మీడియాతో మాట్లాడుతూ.. ఆరెస్సెస్(RSS) భావజాలం, బీజేపీ విధానం రిజర్వేషన్లు రద్దు చేయడమేనని చెప్పారు. 100 ఏళ్లలో రిజర్వేషన్లు రద్దు చేస్తామని ఆరెస్సెస్ కంకణం కట్టుకుంది. తమకు మెజారిటీ వస్తే రిజర్వేషన్లు తీసేయడం సులభమని మోదీ అనుకుంటున్నాడని వెల్లడించారు.

ప్రధాని మోడీ దేశాన్ని మోసం చేశారని, డబుల్ ఇంజిన్ అంటే అదానీ, ప్రధాని అని సీఎం రేవంత్ పేర్కొన్నారు. పదేండ్లలో కేంద్ర ప్రభుత్వం అన్ని వర్గాలను మోసం చేసిందన్నారు.పదేళ్లలో 20 కోట్ల ఉద్యోగాలు ఇస్తానని కేవలం 7 లక్షల ఉద్యోగాలు మాత్రమే ఇచ్చారన్నారు. మోడీది రైతు వ్యతిరేక ప్రభుత్వమని విమర్శించారు.
నల్లధనం తెస్తానన్న మోదీ పది పైసలు కూడా తీసుకురాలేదని, 55 రూపాయల పెట్రోల్ మోదీ వచ్చాక 110 అయ్యిందని ఎద్దేవాచేశారు.

జీఎస్టీ పేరుతో కేంద్రం దోపిడీకి పాల్పడుతోందని, దేవుడి పేరు చెప్పే బీజేపీ అగరబత్తీలపై కూడా జీఎస్టీ వేసిందని మండిపడ్డారు. చిన్న పిల్లల పెన్సిల్,రబ్బర్ లపై కూడా జీఎస్టీ వేస్తున్నారని, 14 మంది ప్రధాన మంత్రులు చేసిన అప్పుల కంటే మోదీ ఒక్కడే డబుల్ అప్పులు చేశారన్నారు. పోర్టులు,ఎయిర్ పోర్టులు,రహదారులు ఇలా అన్నింటినీ కార్పొరేట్ కంపెనీలకు అమ్మేశారని దుయ్యబట్టారు.

కేంద్రంలో కాంగ్రెస్ అధికారంలోకి వస్తే దేశాన్ని తప్పకుండా ఎక్స్ రే తీస్తామని, జనాభా ప్రాతిపదికన రిజర్వేషన్లు పెంచుతామని రేవంత్ రెడ్డి స్పష్టంచేశారు.
ఓబీసీ రిజర్వేషన్లు 27 శాతాన్ని 50 శాతానికి పెంచుతామని బీజేపీ భయం పట్టుకున్నదని చెప్పారు. మండల్ ఉద్యమానికి వ్యతిరేకంగా బీజేపీ కమండల్ ఉద్యమాన్ని తెచ్చిందన్నారు. బీజేపీకి వేసే ప్రతి ఓటు రిజర్వేషన్లు తీసేయడానికి ఉపయోగపడుతుందని వివరించారు. కొందరు స్థానిక రాజకీయాల కోసం రిజర్వేషన్లు తీసేయడానికి సిద్ధమైన బీజేపీకి మద్దతు ఇస్తున్నారని, రిజర్వేషన్లు కావాలా? వద్దా అనే దానికి ఈ ఎన్నికలు రెఫరెండం అన్నారు. రిజర్వేషన్లు ఉండాలి అనేవాళ్ళు కాంగ్రెస్‌కి,వద్దు అనేవాళ్ళు బీజేపీకి ఓటేయాలని సీఎం రేవంత్ సూచించారు.

పార్లమెంట్ ఎన్నికల అధికార, ప్రతిపక్ష పార్టీలు ఓటర్ల అటెన్షన్‌ను తమ వైపునకు తిప్పుకోవడానికి ఎంతో శ్రమిస్తున్నాయి. తెలంగాణలో మే 13 పార్లమెంట్ ఎన్నికల(Parliament elections) పోలింగ్ జరగనుంది. మొత్తం 17 స్థానాలకు ఒకే రోజు పోలింగ్ ఉండనుంది. ఈ క్రమంలోనే ఎన్నికల సమయం దగ్గర పడుతున్న వేళ కాంగ్రెస్, బీజేపీ, బీఆర్ఎస్ పార్టీలు రాష్ట్రంలో అధిక సంఖ్యలో ఎంపీ స్థానాలు కొల్లగొట్టాలని చూస్తున్నాయి.

అందుకే ప్రచారంలో జోరును పెంచాయి. బీజేపీ మిగతా పార్టీలతో పోలిస్తే ప్రచారంలో దూకుడును కొనసాగిస్తోంది. ఇటీవల మాజీ సీఎం కేసీఆర్ బస్సు యాత్రను ప్రారంభించారు. రైతు ఎజెండాతో ఆయన పార్లమెంట్ ఎన్నికల బరితో దిగుతున్నారు. కాంగ్రెస్ అటు ఆరు గ్యారెంటీలు నెరవేర్చేలేక, అభ్యర్థులను ఫైనల్ చేయలేక సతమతం అవుతోంది.

ఈ క్రమంలోనే కరీంనగర్ సిట్టింగ్ ఎంపీ బండి సంజయ్ (Mp bandi sanjay) గురువారం ఎన్నికల ప్రచారంలో పాల్గొని మాట్లాడుతూ.. నరేంద్ర మోడీ‌(Pm MODI) ప్రధాని అయితేనే భారత్‌కు రక్షణ అని అన్నారు. మోడీ‌ కావాలా?, రాహుల్ గాంధీ‌ కావాలా?, కేసీఆర్ ‌కావాలా? తేల్చుకోవాలని ఓటర్లను కోరారు. బండి సంజయ్ పక్కా లోకల్ అని.. కాంగ్రెస్,బీఆర్ఎస్ పార్టీలు నాణేనికి బొమ్మ బొరుసులు అని చెప్పారు.

తాను నిరుద్యోగ యువత కోసం కొట్లాడిన వ్యక్తి అని, రైతుల కోసం కొట్లాడి జైలుకి వెళ్లానని చెప్పారు. వందల కేసులు తనపై నమోదయ్యాయన్నారు. తనను ఓడగొట్టడానికి బీఆర్ఎస్, కాంగ్రెస్ పార్టీలు ఒక్కటయ్యాయన్నారు. పార్లమెంట్ ఎన్నికల్లో కాంగ్రెస్ పార్టీ అభ్యర్థి లోకలో,నాన్ లోకలోనని అయోమయంలో ఉన్నారని సెటైర్ వేశారు.డబ్బులు ఇచ్చి కాంగ్రెస్ ఎంపీ టికెట్ కొనుక్కున్న వ్యక్తి రాజేందర్ రావు అని విమర్శించారు. ‘మా‌ కెప్టెన్ నరేంద్ర మోడీ అని, మరి కాంగ్రెస్ పార్టీ కెప్టెన్ ఎవరు’ అని ప్రశ్నించారు. ఇక
బీఆర్ఎస్ పార్టీకి ప్లేయర్ లేడు,కెప్టెన్ లేరని ఎద్దేవాచేశారు.