Category:

Breaking News

Latest Breaking news in telugu, happening around the world, india and telangana, a.p.

టికెట్ నాదే.. మళ్లీ గెలిచేది నేనే..!

by admin September 9, 2023

written by admin

వచ్చే ఎన్నికల్లో తాను మూడోసారి గెలవడం ఖాయమన్నారు జనగామ ఎమ్మెల్యే ముత్తిరెడ్డి యాదగిరి రెడ్డి. నియోజకవర్గంలో జరుగుతున్న పరిణామాలను పార్టీ నిశితంగా పరిశీలిస్తోందన్న ఆయన.. ఇద్దరు ఎమ్మెల్సీలను మంత్రి కేటీఆర్ కట్టడి చేశారన్నారు. నియోజకవర్గంలో నేతలెవరూ గందరగోళానికి గురికావొద్దని చెప్పారు. పార్టీ ఎవరిని తప్పు పట్టదని.. డిస్టబెన్స్ చేసిన వారిని మాత్రమే తప్పుపడుతుందని తెలిపారు.

స్థానిక ప్రజా ప్రతినిధులెవరూ బెంగ పెట్టుకోవద్దన్న ముత్తిరెడ్డి.. పార్టీ అందరినీ ఆదరిస్తుందని చెప్పారు. అందరం కలిసి పని చేద్దామని పిలుపునిచ్చారు. ఇప్పటివరకు ఇబ్బంది పెట్టిన నాయకులు మరోసారి ఇబ్బంది పెట్టొద్దని కోరారు. కేసీఆర్ మూడోసారి ముఖ్యమంత్రి అవుతారని.. ఎమ్మెల్సీ పల్లా రాజేశ్వర్ రెడ్డి పార్టీ క్యాడర్ ను ఇబ్బందులకు గురి చేస్తున్నారని ఆరోపించారు. ఇక ప్రపంచంలో తెలంగాణను గ్రీన్ సిటీగా నిలిపిన ఘనత సీఎం కేసీఆర్, మంత్రి కేటీఆర్ కు దక్కుతుందన్నారు ముత్తిరెడ్డి.

ప్రజల కోరికలు ఒక్కొక్కటి నెరవేరుతున్నాయని.. జిల్లాలో అనేక అభివృద్ధి కార్యక్రమాలు చేపట్టామని వివరించారు. జిల్లా కోర్టుకు 10 ఎకరాలు కేటాయించామని.. పోలీస్ కార్యాలయం ఏర్పాటు చేస్తున్నామన్నారు. ఈనెల 15న వర్చువల్ గా సీఎం కేసీఆర్ మెడికల్ కాలేజీ ప్రారంభిస్తారని తెలిపారు. అదే రోజున పెద్ద ఎత్తున జనం తరలివచ్చి ఈ కార్యక్రమాన్ని దిగ్విజయం చేయాలన్నారు. ముఖ్యమంత్రి నిర్ణయం మేరకు ప్రతి గ్రామానికి నీరు అందించామని.. తాగు, సాగు నీరు, హరితహారం, పట్టణీకరణ, పరిపాలనా సౌలభ్యం కోసం అన్నీ ప్రజలకు అందుబాటులోకి తెచ్చిన ఘనత కేసీఆర్ కే దక్కుతుందని వివరించారు.

జనగామ టికెట్ కోసం ముత్తిరెడ్డి యాదగిరి రెడ్డి, ఎమ్మెల్సీ పల్లా రాజేశ్వర్ రెడ్డి మధ్య పోటీ నెలకొంది. ఈ క్రమంలోనే ఇద్దరి మధ్య కొన్ని రోజుల నుంచి మాటల యుద్ధం కొనసాగుతోంది. పైగా, అభ్యర్థిని ప్రకటించకుండా జనగామ టికెట్ ను పెండింగ్ లో పెట్టారు కేసీఆర్. దీంతో టికెట్ ఎవరికి దక్కుతుందోనని కొన్ని రోజులుగా నియోజకవర్గ నేతలు గందరగోళంలో ఉన్నారు.

September 9, 2023 0 comment

Breaking News National

దేశంలో వాస్తవ పరిస్థితులను దాచాల్సిన పని లేదు…. కేంద్రం పై రాహుల్ గాంధీ ఫైర్…!!

by admin September 9, 2023

written by admin

యూరప్ పర్యటనలో ఉన్న కాంగ్రెస్ అగ్రనేత రాహుల్ గాంధీ కేంద్రంపై మరోసారి తీవ్రంగా విరుచుకుపడ్డారు. భారత్ లోని వాస్తవాలను జీ-20 అతిథులకు కనిపించకుండా మోడీ సర్కార్ దాస్తోందని ఆయన అన్నారు. దేశంలో వాస్తవపరిస్థితులను దాచాల్సిన అవసరం లేదని ఆయన మండిపడ్డారు.

జీ-20 సమావేశాల నేపథ్యంలో పలు అంశాలపై కేంద్రాన్ని కాంగ్రెస్ తీవ్రంగా విమర్శిస్తోంది. ఢిల్లీలోని వసంత్ విహార్ లోని ఓ మురికి వాడలో వున్న కూలీల క్యాంపునకు సంబంధించిన వీడియోను కాంగ్రెస్ షేర్ చేసింది. జీ-20 నేపథ్యంలో మురికి వాడల్లోని వలస కూలీలను ఎవరికి కనిపించకుండా కేంద్రం ఏర్పాట్లు చేసిందని ఆరోపించింది.

అంతకు ముందు కాంగ్రెస్ మరో వీడియో షేర్ చేసింది. అందులో ఢిల్లీలో పలు ప్రాంతాల్లో కుక్కలను బంధించి బోన్లలో పెడుతున్నారని తెలిపింది. వాటికి సరిగ్గా అన్నం పెట్టకుండా, నీళ్లు ఇవ్వకుండా ఇబ్బందులు పెడుతున్నారని ఆరోపించింది. ఈ నేపథ్యంలో రాహుల్ గాంధీ ట్వీట్ చేశారు.

భారత్ ప్రభుత్వం మన పేదల ప్రజలను, జంతువులను దాచి పెడుతోందన్నారు. మన దేశ పరిస్థితులను జీ-20 అతిథులకు కనిపించకుండా దాచాల్సిన అవసరం లేదన్నారు. భారత్ లో ప్రజాస్వామ్య వ్యవస్థలపై దాడి జరుగుతోందని నిన్న రాహుల్ గాంధీ ఆరోపించారు. వ్యవస్థలను అణచి వేసేందుకు జరుగుతన్న ప్రయత్నాలపై యూరోపియన్ యూనియన్ లోనూ ఆందోళనలు నెలకొన్నాయన్నారు.

September 9, 2023 0 comment

Breaking News Viral

Earthquake: మొరాకోలో భారీ భూకంపం…600 మంది దుర్మరణం..!

by sai krishna September 9, 2023

written by sai krishna

ఉత్తర ఆఫ్రికా(North Africa)లోని మొరాకో(Morocco)లో భూమితల్లి కన్నెర్రజేసింది, ఉన్నట్టుండి భూప్రకంపనలు రావడంతో భవనాలు పేకమేడల్లా కూలిపోయాయి. ఈ భూప్రళయంలో మరణంచిన వారి సంఖ్య 600 కు చేరింది. యునైటెడ్ స్టేట్స్ జిలయోలాజికల్(USGS) సర్వే ప్రకారం రిక్టర్ స్కేల్ పై 6.8 నమోదయ్యింది.

గత 120 యేళ్లలో ఇంత శక్తివంతమైన భూకంపం సంభవించటం ఉత్తర ఆఫ్రికాలో ఇదే మొదటిసారని తెలిపింది. విధ్వంసానికి సంబంధించిన అనేక చిత్రాలు, వీడియోలు సోషల్ మీడియాలో వైరల్ అవుతున్నాయి. మొరాకోలో శుక్రవారం రాత్రి నిద్రలో ఉన్న సమయంలో అకస్మాత్తుగా నివాసితులు ఇళ్ళు ఊగుతున్నట్లు గ్రహించారు.

మరు క్షణంలో భూకంపంతో ఈ ప్రాంతంలోని భవనాలన్నీ నేలమట్టమయ్యాయి. కొందరు భయంతో బయటకు వచ్చేలోపే పలు ఇళ్లు కుప్పకూలిపోయాయి. విద్యుత్, టెలికాం కనెక్షన్లు వెంటనే తెగిపోయాయి. భవన శిథిలాల నుంచి .. ఏడుపులు,ఆర్తనాదాల శబ్దం మాత్రమే వినిపించాయని చెబుతూ కొందరు బాధితులు కన్నీటి పర్యంతమయ్యారు. భూప్రకంపన ధాటికి నదిలో నీరు ఉప్పొంగి ఒడ్డును తాకింది.

యుఎస్ జియోలాజికల్ సర్వే ప్రకారం, ఈ ప్రకంపనల మూలం మొరాకోలోని మరకేష్(Marrakesh)నుండి 71 కి.మీ.లో 18.5 కి.మీ. లోతులో ఏర్పడింది. స్థానిక కాలమానం ప్రకారం రాత్రి 11:00 గంటలకు ప్రకంపనలు సంభవించాయి. తీర ప్రాంతాల్లోని రబాత్, కాసాబ్లాంకా, ఎస్సోయిరా ఈ భూకంపానికి ఎక్కువగా ప్రభావితయ్యాయి.

ప్రజలు ఇళ్లలో ఉండవద్దని..రక్షిత ప్రాంతాలకు తరలి వెళ్లమంటూ అధికారులు హెచ్చరించారు. మరికొందరు వీధుల్లో నిద్రించడానికి ప్రయత్నిస్తున్నారు. మొరాకో చరిత్రలో ఇంతటి భయంకరమైన భూకంపం ఎప్పుడూ సంభవించలేదని అంటున్నారు. మొరాకోతోపాటు..పొరుగున ఉన్న అల్జీరియాలో భూ ప్రకంపనలు వచ్చాయి.

ఈ ఘటనపై స్పందిస్తూ ప్రధాని నరేంద్ర మోడీ విచారం వ్యక్తం చేశారు.ప్రజల మరణవార్త చాలా బాధ కలిగించిందని ట్విట్టర్‌లో పేర్కొన్నారు. ఈ కష్ట సమయంలో మొరాకో ప్రజలకు తన సానుభూతిని తెలియజేస్తూ .. భారతదేశం అన్ని సహాయానికి సిద్ధంగా ఉందని మొరాకో ప్రజలకు హామీనిచ్చారు.

September 9, 2023 0 comment

Morocco earthquake At least 632 killed in quake near Marrakesh

Breaking News National

మొరాకోలో భారీ భూకంపం… 296 మంది మృతి… ప్రధాని మోడీ దిగ్బ్రాంతి…!

by admin September 9, 2023

written by admin

మొరాకో(morocco)లో భారీ భూకంపం(earthquake) సంభవించింది. రిక్టర్ స్కేలు(richter scale)పై భూకంప తీవ్రత 6.8 గా నమోదైనట్టు అధికారులు వెల్లడించారు. ఈ ఘటనలో 296 మంది మరణించారు. సుమారు 160 మంది వరకు గాయపడ్డారు. వారందరనీ ఆస్పత్రికి తరలించి చికిత్స అందజేస్తున్నారు. భూకంపం వల్ల మరాకెచ్ నగరంలోని భవనాలు నేలమట్టమయ్యాయి.

నగరంలో శుక్రవారం రాత్రి భూమి ఒక్కసారిగా కంపించింది. దీంతో ఏం జరుగుతుందో అర్థం కాక ప్రజలు భయాందోళనలకు గురయ్యారు. వెంటనే రోడ్లపైకి పరుగులు తీశారు. పర్యాటకులు, స్థానికులు భూకంపానికి సంబందించిన వీడియోలను సోషల్ మీడియాలో షేర్ చేశారు. రాత్రి 11.11 గంటల ప్రాంతంలో భూకంపం సంభవించినట్టు యూఎస్ జియోలాజికల్ సర్వే వెల్లడించింది.

దక్షిణ మరాకెచ్ కు 70 కిలో మీటర్ల దూరంలో దక్షిణ అట్లాస్ పర్వతాల్లో భూకంప కేంద్రం నిక్షిప్తమైనట్టు పేర్కొంది. భూమి లోపల 18 కిలో మీటర్ల లోతులో ప్రకంపనలు సంభవించినట్టు చెప్పింది. ఈ ఘటనపై ప్రధాని మోడీ తీవ్ర దిగ్బ్రాంతి వ్యక్తం చేశారు. భూకంపంలో మృతుల వార్త తనను తీవ్రంగా కలిచి వేసిందని అన్నారు.

మృతుల కుటుంబాలకు తన ప్రగాఢ సానుభూతి తెలియజేస్తున్నట్టు తెలిపారు. క్షతగాత్రులు త్వరగా కోలుకోవాలని ఆ భగవంతున్ని ప్రార్థిస్తున్నట్టు మోడీ ట్వీట్ చేశారు. ఈ క్లిష్ట సమయంలో మొరాకోకు అన్ని విధాలుగా సహకారం అందించేందుకు భారత్ సిద్ధంగా వుందని ప్రధాని మోడీ పేర్కొన్నారు.

September 9, 2023 0 comment

G20 includes African Union as permanent member

Breaking News National

జీ-20లోకి మరో దేశం… ఆఫ్రికా యూనియన్ కు శాశ్వత సభ్యత్వం

by admin September 9, 2023

written by admin

జీ-20లో మరో సభ్యదేశం చేరింది. తాజాగా ఆఫ్రికన్ యూనియన్‌కు(African Union) జీ-20 సభ్యత్వం లభించింది. జీ-20 సదస్సులో భాగంగా ఈ రోజు భారత మండపంలో వన్ ఎర్త్ సెషన్(Earth session) సమావేశాన్ని నిర్వహించారు. ఈ సెషన్ ప్రారంభోత్సవం సందర్భంగా ఆఫ్రికన్ యూనియన్ సభ్యత్వ విషయాన్ని ప్రతిపాదించారు.

ఈ ప్రతిపాదనకు సభ్య దేశాలు ఓకే చెప్పడంతో ఆఫ్రికన్ యూనియన్ కు శాశ్వత సభ్యత్వం ఇస్తున్నట్టు ప్రధాని మోడీ అధికారికంగా వెల్లడించారు. సభ్య దేశాల మద్దతుతో ఆఫ్రికన్ నేషన్ ను సాదరంగా జీ-20లోకి ఆహ్వానిస్తున్నట్టు ప్రధాని మోడీ తెలిపారు. దీంతో సభ్య దేశాలు చప్పట్లు కొట్టి జీ-20లోకి ఆహ్వానం పలికాయి.

అనంతరం ఆఫ్రికా యూనియన్ కు కేటాయించిన కుర్చీలో యూనియన్ ఆఫ్ కోమ్రోస్ అధ్యక్షుడు, ఆప్రికన్ యూనియన్ చైర్మన్ అజాలీ అసౌమనిని భారత విదేశాంగ మంత్రి ఎస్. జైశంకర్ కూర్చో బెట్టారు. అనంతరం ప్రధాని మోడీ మొరాకో మృతులకు సంతాపాన్ని తెలియజేశారు. మొరాకోకు ప్రపంచ దేశాలు అండగా వుండాలని సూచించారు.

ఆఫ్రికా యూనియన్ ను 2002లో ఏర్పాటు చేశారు. ఆఫ్రికా యూనియన్‌కు జీ-20లో సభ్యత్వం కల్పించాలని సభ్య దేశాలకు ప్రధాని మోడీ ఈ ఏడాది జూన్ లో లేఖ రాశారు. ఈ ప్రతిపాదనకు యురోపియన్ యూనియన్ మద్దతు తెలిపింది. దీంతో పాటు చైనా, రష్యా, అల్బెట్ దేశాలు కూడా ఈ ప్రతిపాదనకు మద్దతు తెలిపాయి.

September 9, 2023 0 comment

Breaking News Crime Hyderabad Telangana

Hyderabad: బిల్డింగ్ గోడ కూలి ముగ్గురి మృతి

by Prasanna September 7, 2023

written by Prasanna

హైదరాబాద్ (Hyderabad) కేపీహెచ్‌బీ పోలీస్ స్టేషన్ పరిధిలోని అడ్డగుట్ట సొసైటీ కాలనీలో నిర్మాణంలో ఉన్న గోడ కూలింది (Wall collapsed). ఈ ఘటనలో ముగ్గురు మరణించారు. మరొకరు తీవ్రంగా గాయపడి ఆసుపత్రిలో చికిత్స పొందుతున్నారు. విషయం తెలుసుకున్న స్థానికులు, పోలీసులు సహాయక చర్యలు చేపట్టారు.

నిర్మాణంలో ఉన్న భవనం ఆరో అంతస్తులో కొందరు కూలీలు సెంట్రింగ్ పనులు చేస్తున్నారు. ఇక్కడ సెంట్రింగ్ పనులు చేయడం కోసం ఐదో ఆంతస్థు స్లాబ్ ను ఆధారంగా చేసుకుని కర్రలతో సెంట్రింగ్ వేశారు. ఈ సెంట్రింగ్ పైనే వాళ్లు పనులు చేస్తునారు.

పనులు చేస్తున్న సమయంలో ఐదో అంతస్తులో ఉన్న గోడ కూలిపోయింది. దానిని ఆధారంగా చేసుకుని పెట్టిన సెంట్రింగ్ కర్రలు కూలిపోవడంతో ఆ సెంట్రింగ్ కర్రలపై పని చేస్తున్న ఆరో అంతస్థులో కూలీలు ఒక్కసారిగా కింద పడిపోయారు. దాంతో ముగ్గురు అక్కిడక్కడే ప్రాణాలు కోల్పోగా.. మరొకరు తీవ్రగాయాలతో ఆసుపత్రిలో చేరారు. ఆసుపత్రిలో చికిత్స పొందుతున్న వ్యక్తి పరిస్థితి కూడా విషమంగానే ఉన్నట్లు తెలుస్తోంది.

గత కొద్ది రోజులుగా హైదరాబాద్ లో భారీ వర్షాలు కురుస్తున్న విషయం తెలిసిందే. దీంతో వర్షాలకు నిర్మాణ పనులు జరుగుతున్న భవనం తడిసి ఈ గోడ కూలిందా లేక నిర్మాణ పనుల్లో లోపమా అనేది తెలియాల్సి ఉంది. దీనిపై పోలీసులు విచారణ జరుపుతున్నారు.

మరో వైపు ఈ ప్రమాదంలో మరణించిన కూలీల వివరాలు ఇంకా తెలియలేదు. వీరు ఎవరు, ఎక్కడ నుంచి వచ్చారనే దానిపై ఇంకా పోలీసులు సమాచారం సేకరిస్తున్నారు.

September 7, 2023 0 comment

Andhra Pradesh Breaking News

Elephant Attack: బస్సుపై దాడి చేసి ధ్వంసం చేసిన ఏనుగు

by Prasanna September 4, 2023

written by Prasanna

ఆంధ్రప్రదేశ్ లో ఒక ఏనుగు బీభత్సం (Elephant Attack) సృష్టించింది. ప్రయాణీకులతో వెళ్తున్న బస్సుపై దాడి చేసి బస్సును పాక్షికంగా ధ్వంసం చేసింది. ఈ ఘటన పార్వతీపురం మన్యం (Parvathipuram) జిల్లా కొమరాడ (Komarada) మండలం అర్థాం గ్రామంలో జరిగింది.

పార్వతీపురం మన్యం జిల్లాలో గుంపు నుంచి తప్పిపోయిన మగ ఏనుగు బీభత్సం సృష్టించింది. రాయగడ నుంచి పార్వతీపురం వెళుతున్న విజయదుర్గా ట్రావెల్స్ బస్సుపై ఏనుగు దాడి చేసింది.

అర్థాం గ్రామ రహదారిపై వస్తున్నబస్సుకు ఎదురుగా వచ్చిన ఏనుగు బస్సును బలంగా ఢీ కొట్టింది. దాంతో దాని అద్దాలు ధ్వంసమయ్యాయి. ఆ తర్వాత మరో సారి ఢీ కొట్టడంతో లోపలున్న ప్రయాణీకుల సామాగ్రి, బస్సు లోపలి భాగాలు చెల్లాచెదురుగా పడి పోయాయి. ఏనుగు దాడితో ప్రయాణీకులంతా బెంబేలెత్తిపోయారు.

బస్సుపై దాడి చేసిన ఏనుగు ఆ తర్వాత అటుగా వెళ్తున్న స్థానికులను సైతం కాసేపు వెంబడించి హడలెత్తించింది. కొమరాడ మండలంలోని గుంపు నుంచి తప్పించుకుని తిరుగుతున్న ఆరు ఏనుగులను అటవీ ప్రాంతంలోకి పంపేందుకు అటవీ శాఖ గతంలో ఇద్దరు ట్రాకర్లను ఏర్పాటు చేశారు. కానీ ఏనుగులు మాత్రం ఇక్కడే సంచరిస్తున్నాయి.

కొమరాడ మండలోం హరి అనే మగ ఏనుగు ఒంటరిగా తిరుగుతూ చుట్టు పక్కల ప్రాంతాల్లో విధ్వంసం సృష్టిస్తోంది. గతంలో కూడా చాలా సార్లు గుంపు నుంచి విడిపోయి అంతరాష్ట్ర సరిహద్దుల్లో సంచరిస్తూ ఆస్తినష్టానికి కారణమైనట్లు స్థానికులు చెబుతున్నారు.

September 4, 2023 0 comment

Breaking News Crime Hyderabad Telangana

New angles in Madhapur Drugs Case: సినిమా అవకాశాల పేరుతో యువతులతో డ్రగ్స్ పార్టీలు

by Prasanna September 1, 2023

written by Prasanna

మాదాపూర్ డ్రగ్స్ కేసు (Madapur Drugs case)లో కీలక విషయాలు బయటపడుతున్నాయి. ఈ కేసులో నిందితుడిగా ఉన్న సినీ ఫైనాన్షియర్ (Cine Financier) వెంకట రత్నాకర్ రెడ్డి (Venkata Ratnakar Reddy) విషయంలో స్టేట్ యాంటీ నార్కోటిక్స్ బ్యూరో (Narcotics Buearu) అధికారులు లోతుగా విచారిస్తున్నారు. తెలుగు రాష్ట్రాల్లో అతడిపై వివిధ రకాల మోసాలకు సంబంధించి 25కు పైగా ఉన్నట్లు వీరి దర్యాప్తులో వెల్లడైంది.

drugs

గుంటూరుకు చెందిన వెంకట రత్నాకర్ రెడ్డి గతంలో ఒక వ్యభిచార కేసులో అరెస్టై ఆ తర్వాత అమెరికా వెళ్లిపోయారు. అక్కడి నుంచి తిరిగి వచ్చిన వెంకట్ రత్నాకర్ రెడ్డి సినీ ఫైనాన్షియర్ అవతారమెత్తారు. ఆ క్రమంలో రేవ్ పార్టీలకు హాజరయ్యేవాడు. అక్కడ హై ప్రొఫెల్ పీపుల్ తో పరిచయాలు పెంచుకునేవాడు. ఈ క్రమంలోనే ఇద్దరు సినీ నిర్మాతల (Cine Producers) నుంచి రూ.30 లక్షలకు పైగా అతడు వసూలు చేసినట్లు, ఒక అధికారిణిని కూడా అబద్ధాలు చెప్పి పెళ్లి చేసుకుని మోసం చేసినట్లు బయటపడింది.

వెంటక్ రత్నారక్ రెడ్డికి సంబంధించి అనేక వివరాలను నార్కోటిక్స్ బ్యూరో పోలీసులు సేకరించారు. సినిమాల్లో అవకాశాల పేరిట యువతులకు రప్పించి, వారితో రేవ్ పార్టీలు నిర్వహించి అందులో డ్రగ్స్ సప్లై (Drugs supply) చేస్తున్నట్లు సమాచారం సేకరించారు. అలాగే ఇతర రాష్ట్రాల నుంచి యువతులను రప్పించి వ్యభిచారం చేయించడం, మరో వైపు హైదరాబాద్లో డ్రగ్స్ పార్టీలు నిర్వహిస్తున్నట్లుగా కూడా అధికారుల విచారణలో తేలింది.

ప్రస్తుతం పోలీసులు వెంకట రత్నాకర్రెడ్డి మెబైల్ ఫోన్లను పోలీసులు పరిశీలిస్తున్నారు. అతడితో పరిచయాలు, సన్నిహితులను కేసు దర్యాప్తులో భాగంగా ప్రశ్నించాలని భావిస్తున్నారు. ఎక్కడి నుంచి మాదక ద్రవ్యాలు తీసుకొచ్చారు, దీనికోసం ప్రత్యేకంగా ఎవరిని ఏర్పాటు చేసుకున్నాడు? నైజీరియన్లతో వెంకట్ రత్నాకర్ రెడ్డికి ఉన్న సంబంధాలు తదిత అంశాలపై పోలీసులు ఆరా తీస్తున్నారు. అతడు నిర్వహించే డ్రగ్స్ పార్టీలకు హాజరైన వారి వివరాలను కూడా సేకరిస్తున్నారు.

September 1, 2023 0 comment

Breaking News Hyderabad Telangana

Attempted siege of Telangana DGP office: జీవో నెంబరు 46పై డీజీపీ కార్యలయ ముట్టడికి ప్రయత్నం

by Prasanna September 1, 2023

written by Prasanna

జీవో నెంబరు 46 వలన తాము తీవ్రంగా నష్టపోతున్నామని తెలంగాణా డీజీపీ కార్యాలయాన్ని ముట్టడించే ప్రయత్నం చేశారు కానిస్టేబుల్‌ అభ్యర్థులు. తెలంగాణా డీజీపీ కార్యాలయం ముట్టడి (Attempted siege) కి ప్రయత్నించడంతో ఇవాళ (శుక్రవారం) అక్కడ తీవ్ర ఉద్రిక్తత (Tension at DGP ofice) చోటు చేసుకుంది.

జీవో నెంబర్‌ 46 పై శాంతియుత నిరసన తెలిపేందుకు కానిస్టేబుల్ అభ్యర్థులు అనుమతి తీసుకున్నారు. అయితే అసెంబ్లీ (Telangana Aseembly) వైపుగా వస్తున్న కానిస్టేబుల్ అభ్యర్థులు ఒక్కసారిగా డీజీపీ కార్యాలయం ముట్టడికి పరుగులు తీశారు. dgp

ఏమిటీ ఈ జీవో 46…

జీవో నెంబర్‌ 46 (GO 46)తో హైదరాబాద్‌ చెందిన అభ్యర్థులకు కు 53 శాతం రిజర్వేషన్‌.. మిగతా ప్రాంతాల అభ్యర్థులకు 47 శాతం రిజర్వేషన్‌ వర్తిస్తుంది. దీతో మార్కులు ఎక్కువ వచ్చినా కూడా హైదారాబాద్ యేతర జిల్లాల వాళ్లు తొలి ప్రాధాన్యతలో ఎంపిక కాకపోవచ్చు. దీంతో ఈ జీవో వల్ల గ్రామీణ ప్రాంత అభ్యర్థులు తీవ్రంగా నష్టపోతున్నామని ఆవేదన వ్యక్తం చేస్తున్నారు. తమకు న్యాయం చేయాలంటూ ప్రభుత్వానికి విన్నవించుకున్నా ప్రయోజనం లేకుండా పోతోందని కానిస్టేబుల్ అభ్యర్థులు చెబుతున్నారు.

మార్కులు సాధించినా ఉపయోగం ఉండదు…

హైదరాబాద్ మినహా తెలంగాణలోని ఇతర గ్రామీణ జిల్లాలలో నివసిస్తూ 130 మార్కులు పైగా సాధిస్తే తప్ప ఉద్యోగం రాని పరిస్థితి నెలకొందని చెబుతున్నారు. అదే హైదరాబాద్ జిల్లాలో 80 మార్కులు వచ్చిన వారికి కూడా ఉద్యోగం వచ్చే అవకాశం ఉందంటున్నారు.

గ్రామీణ ప్రాంత అభ్యర్థులకు అన్యాయం…

జీవో 46 వల్ల గ్రామీణ ప్రాంత యువకులకు తీవ్ర అన్యాయం జరుగుతోందని, గ్రామీణ ప్రాంతాలలో నివాసం ఉంటూ పరీక్షల్లో అర్హత సాధించిన అభ్యర్థులకు రాష్ట్ర స్థాయిలో నియమించే కానిస్టేబుల్ ఉద్యోగాలలో అర్హత కోల్పోతారని అంటున్నారు. ఉమ్మడి హైదరాబాదు జిల్లాకి 53% రిజర్వేషన్ కల్పించి మిగతా 26 జిల్లాలకి 47% కేటాయించడం వల్ల ఇతర జిల్లాల గ్రామీణ అభ్యర్థులకి తక్కువ స్థాయిలో ఉద్యోగాలు వస్తాయని ఆందోళన చెందుతున్నారు.

September 1, 2023 0 comment

Breaking News Sports

neeraj chopra: చరిత్ర సృష్టించిన నీరజ్‌ చోప్రా!

by Sai August 28, 2023

written by Sai

భారత అమ్ములపొదిలోకి మరో బంగారు పతకం వచ్చి చేరింది. ప్రపంచ అథ్లెటిక్స్ ఛాంపియన్‌ షిప్‌ (world athletics championships 2023) లో భారత స్టార్‌ జావెలిన్‌ త్రోయర్‌ నీరజ్‌ చోప్రా (neeraj chopra) అద్భుతమైన ప్రదర్శన చేశాడు. ఆదివారం నాడు హంగేరీ రాజధాని బుడాపెస్ట్ లో జరుగుతున్న మెగా టోర్నీలో బరిసెను నీరజ్‌ 88.17 మీటర్ల దూరం విసిరి అగ్రస్థానంలో నిలిచాడు. ప్రపంచ అథ్లెటిక్స్ చాంపియన్‌షిప్స్‌లో పసిడి పతకం సాధించిన తొలి భారతీయుడిగా చరిత్ర సృష్టించాడు.

క్వాలిఫయింగ్‌ రౌండ్‌లో మొదటి ప్రయత్నంలోనే నీరజ్‌ బరిసెను 88.77 మీటర్ల దూరం విసిరి ఫైనల్‌ కు చేరడమే కాకుండా వచ్చే ఏడాది పారిస్‌ వేదికగా జరుగుతున్న ఒలింపిక్స్‌ కు అర్హత కూడా సాధించాడు. గతేడాది ఈ ప్రతిష్ఠాత్మక టోర్నీలో రజతం నెగ్గిన నీరజ్‌ ఈసారి పసిడి ముద్దాడాడు.

భారీ అంచనాల మధ్య బరిలోకి దిగిన నీరజ్‌ తొలి ప్రయత్నంలో ఫౌల్‌ చేయగా.. రెండో ప్రయత్నంలో బరిసెను 88.17 మీటర్ల దూరం విసిరి టాప్‌కు దూసుకెళ్లాడు. పాకిస్థాన్‌కు చెందిన అర్షద్‌ నదీమ్‌ రజతం, వాడ్లెచ్‌ కాంస్యం దక్కించుకున్నారు. మూడో ప్రయత్నంలో నీరజ్‌ 86.32 మీటర్ల దూరం నమోదు చేసుకోగా.. అర్షద్‌ మూడో ప్రయత్నంలో బరిసెను 87.82 మీటర్ల దూరం విసిరి రెండో స్థానానికి దూసుకొచ్చాడు.

మరో భారత త్రోయర్‌ డీపీ మను మూడో ప్రయత్నంలో 83.72 మీటర్ల దూరం నమోదు చేసుకున్నాడు. కిషోర్‌ జెనా రెండో ప్రయత్నంలో బరిసెను 82.82 మీటర్ల దూరం విసిరాడు. రెండో ప్రయత్నంలోనే అత్యుత్తమ ప్రదర్శన కనబర్చిన నీరజ్‌ నాలుగోసారి 84.64, ఐదోసారి 87.73 మీటర్లకు పరిమితమయ్యాడు.

రెండో రౌండ్‌ నుంచి టాప్‌లో నిలిచిన నీరజ్‌ను చివరి వరకు మరే త్రోయర్‌ అధిగమించలేకపోయాడు. దీంతో భారత అథ్లెటిక్స్‌ చాంపియన్‌షిప్‌లో నయా శకానికి నీరజ్‌ నాంది పలికాడు.

August 28, 2023 0 comment

Newer Posts

Older Posts