Breaking News

అయోధ్య రామ మందిరం (Ayodhya Ram Mandir)లో జనవరి 22న ‘రామ్ లల్లా’విగ్రహానికి ప్రాణ ప్రతిష్ట నిర్వహించనున్నారు. ఆలయం రూపు దిద్దుకోవడంలో సోంపురా కుటుంబం (Sompura Family) ప్రముఖ పాత్ర పోషిస్తోంది. ఈ కుటుంబం గతంలో ఆధునిక సోమనాథ దేవాలయాన్ని నిర్మించడంలో కీలక పాత్ర పోషించింది. సోమనాథ ఆలయానికి సోంపురా కుటుంబానికి చెందిన ప్రభాశంకర్ ఓగద్ భాయ్ చీఫ్ ఆర్కిటెక్ట్‌గా పని చేశారు.

ప్రభాశంకర్ మనవడు ఆశీశ్ సోంపురా ప్రస్తుతం అయోధ్య రామ మందిరానికి ఆర్కిటెక్ట్ గా ఉన్నారు. రామాలయ గొప్పతనాన్ని సోంపురా వివరించారు. సుమారు 200 ఏండ్ల పాటు మనుగడ సాగించేలా ఆలయాన్ని నిర్మిస్తున్నట్టు తెలిపారు. సాధారణంగా 500 ఏండ్ల పాటు మనుగడ సాగించేలా పురాతన కట్టడాలను అనాలసిస్ చేసి నిర్మిస్తామన్నారు.

కానీ రామ మందిర్ విషయంలో దూరదృష్టితో ఆలోచించామన్నారు. ప్రకృతి వైపరిత్యాలు, భూకంపాలు వచ్చినా తట్టుకుని నిలబడేలా ఈ ఆలయాన్ని నిర్మిస్తున్నామని చెప్పారు. భారతీయ సంస్కృతి ప్రతిబింబించేలా నాగర శైలిలో అయోధ్య రామాలయాన్ని నిర్మిస్తున్నామన్నారు. ఉత్తర భారతం, పశ్చిమ, తూర్పు ప్రాంతాల్లో ఎక్కువగా ఉండే నాగర శైలిలో ఆలయాన్ని నిర్మిస్తున్నారు.

ఆలయంలో గర్బగుడిని అష్టభుజి ఆకారంలో తీర్చి దిద్దుతున్నామని వివరించారు. అష్టభుజి ఆకారంలో ఉండే దేవాలయాలు దేశంలో చాలా తక్కువగా ఉన్నాయని అన్నారు. రామ మందిరం అష్టభుజి ఆకారంలో ఉందన్నారు. ఇదే ఈ ఆలయ ప్రత్యేకతన్నారు. విష్ణువుతో అష్టభుజి ఆకారం ముడిపడి ఉందన్నారు. ఆలయ శిఖరం కూడా అష్టభుజి ఆకారంలోనే ఉండటం మరో ప్రత్యేకతన్నారు.

మొత్తం 58 ఎకరాల్లో ప్రస్తుత ఆలయ సముదాయం విస్తరించి ఉందన్నారు. కాన్నీ దాన్ని 108 ఎకరాలకు విస్తరించాలని ట్రస్టు కోరుతోందన్నారు. కానీ అక్కడ తాము కేవలం ప్రాథమిక సౌకర్యాలను మాత్రమే ఏర్పాటు చేయాలని అనుకుంటున్నామన్నారు. ఆ ప్రదేశంలో పచ్చదనంపై దృష్టి పెడతామన్నారు. ఆలయ కాంప్లెక్స్ లోపల తక్కువ భవనాలు ఉంటాయన్నారు. మ్యూజియం, పరిశోధనా కేంద్రం, ప్రార్థన మందిరం మొదలైన ఇతర సౌకర్యాలను బయట ఉంచాలనుకుంటున్నామన్నారు.

తొమ్మిదేండ్ల క్రితం బాలికపై అత్యాచారం చేసిన కేసులో యూపీ బీజేపీ ఎమ్మెల్యే (BJP MLA) రాందులర్ గోండ్(Ramdular Gond)కు కోర్టు జైలు శిక్ష విధించింది. ఈ కేసులో ఆయనకు న్యాయస్థానం 25 ఏండ్ల జైలు శిక్ష విధించింది. దీంతో పాటు రూ. పది లక్షల జరిమానా విధించింది. ఈ క్రమంలో ప్రజా ప్రాతినిధ్య చట్ట్ం కింద ఆయనపై అనర్హత వేటు పడినట్టు అధికార వర్గాలు వెల్లడించాయి.

జరిమానా మొత్తాన్ని బాధిత మహిళకు అందజేయాలని అధికారులను సోన్‌ భద్రలోని ఎంపీ-ఎమ్మెల్యే కోర్టు అదనపు జిల్లా సెషన్స్ జడ్జి అహ్సన్ ఉల్లా ఖాన్ తీర్పు వెల్లడించారు. ప్రజాప్రాతినిధ్య చట్టం ప్రకారం…. ఏదైనా కేసులో ఒక చట్ట సభ్యుడికి రెండు లేదా అంతకన్నా ఎక్కువ కాలం పాటు జైలు శిక్ష విధించినట్టయితే ఆ సభ్యున్ని చట్ట ప్రకారం అనర్హుడిగా ప్రకటిస్తారు.

తాజాగా బాలికపై అత్యాచారం కేసులో రాందులర్ గోండ్ కు 25 ఏండ్ల జైలు శిక్ష పడింది. ప్రజా ప్రాతినిధ్య చట్టం ప్రకారం రాందులర్ పై అనర్హత వేటు వేశారు.
దీంతో ఆయన ఎమ్మెల్యే సభ్యత్వాన్ని కోల్పోయారు. మరోవైపు యూపీలో అంతకు ముందు వేర్వేరు కేసుల్లో పలువురు ఎమ్మెల్యేలు దోషులుగా తేలడంతో వారిపై ఈ చట్టం ప్రకారం అనర్హత వేటు పడింది.

గతేడాది అక్టోబర్‌లో సమాజ్‌వాదీ పార్టీకి చెందిన ఎమ్మెల్యే ఆజం ఖాన్, బీజేపీకి చెందిన విక్రమ్ సింగ్ సైనీ (ఖటౌలీ ఎమ్మెల్యే)లపై అనర్హత వేటు పడింది. ద్వేష పూరిత ప్రసంగాల కేసులో ఆజంఖాన్ కు మూడేండ్ల జైలు శిక్ష, 2013లో జరిగిన ముజఫర్‌నగర్ అల్లర్ల కేసుకు సంబంధించి సైనీకి రెండేళ్ల జైలు శిక్ష పడింది. దీంతో వారిపై ప్రజాప్రాతినిధ్య చట్టం ప్రకారం అనర్హత వేటు వేశారు.

కేంద్ర మంత్రి గిరి రాజ్ సింగ్ (Giriraj Singh) సంచలన వ్యాఖ్యలు చేశారు. బిహార్‌ రాజకీయాల్లో త్వరలో అనూహ్యమైన మార్పులు చోటు చేసుకో బోతున్నాయని కేంద్ర మంత్రి వెల్లడించారు. బిహార్‌లోని రాష్ట్రీయ జనతాదళ్(RJD),జనతాదళ్ యునైటెడ్ (JDU)లు త్వరలో విలీనం కాబోతున్నాయని అన్నారు. అత్యంత విశ్వసనీయమైన వర్గాల ద్వారా ఈ విషయం తెలిసిందన్నారు.

లోక్ సభ సార్వత్రిక ఎన్నికలను దృష్టిలో పెట్టుకున్ని జనవరిలోగా ఇండియా కూటమిలోని అన్ని పార్టీలు సీట్ల సర్దుబాటును పూర్తి చేయాలని బిహార్ సీఎం నితీశ్ కుమార్ చెబుతున్నారని, దానిపై స్పందించాలని కేంద్ర మంత్రిని మీడియా కోరింది. దీనిపై కేంద్ర మంత్రి గిరిరాజ్ సింగ్ మాట్లాడుతూ… ఆర్జేడీ, జేడీయూ మధ్య సీట్ల సర్దుబాటు అనే మాట తలెత్తదన్నారు.

తాను ఆర్జేడీ చీఫ్ లాలూ ప్రసాద్ యాదవ్‌తో వ్యక్తిగత సమీకరణాలను పంచుకుంటూ ఉంటానని చెప్పారు. తన చెవిలో లాలు పలు రహస్య విషయాలను వెల్లడించారని తెలిపారు. వాటిని ఇప్పుడు బహిరంగంగా చెప్పలేనన్నారు. కానీ ఒక విషయం చెబుతానన్నారు. జేడీయూ, ఆర్జేడీలు త్వరలో విలీనం కాబోతున్నాయని పేర్కొన్నారు.

ఇటీవల లాలూ ప్రసాద్ యాదవ్ ఇండియా కూటమి సమావేశానికి హాజరయ్యారు. అదే సమయంలో గిరిరాజ్ సింగ్ పార్లమెంట్ సమావేశాలకు హాజరయ్యారు. ఆయా సమావేశాలు ముగిసిన తర్వాత ఇద్దరు నేతలు ఢిల్లీ నుంచి ఒకే విమానంలో బిహార్ కు వచ్చారు. అనంతరం ఆయన మాట్లాడుతూ…. తన కొడుకును సీఎం చేసే సమయం వచ్చిందని లాలూ తనతో అన్నారని గిరి రాజ్ సింగ్ చెప్పారు. ఆ వ్యాఖ్యలను తర్వాత ఆర్జేడీ ఖండించింది.

కాంగ్రెస్ ఎంపీ కార్తీ చిదంబరం (Karti Chidambaram)ఈడీ (ED) విచారణకు హాజరయ్యారు. చైనా పౌరులకు అక్రమ వీసాల కేసులో మనీలాండరింగ్ కేసుకు సంబంధించి ఆయన్ని ఈడీ ప్రశ్నించింది. చైనీస్ వీసా కేసు నిద్రాణ స్థితిలో ఉందన్నారు. అది పూర్తిగా చనిపోయిందని, కేసును మూసి వేశారని అన్నారు. దర్యాప్తు సంస్థ ముందు తాను హాజరు కావడం రొటీన్ వ్యవహారం అన్నారు.

తాను ఎన్‌ఫోర్స్‌మెంట్ డైరెక్టరేట్ ఎదుట హాజరు కావడం ఇది 20వసారి అని పేర్కొన్నారు. బహుశా వాళ్లు నన్ను మిస్ అవుతున్నట్టు ఉన్నారని ఎద్దేవా చేశారు. అందుకే వాళ్లకు క్రిస్మస్ శుభాకాంక్షలు చెప్పేందుకు వెళ్తున్నానని తెలిపారు. ఈ కేసులో వ్యూహం ఏంటి ? అని ప్రశ్నించారు. తనపై మొత్తం మూడు కేటగిరీల కేసులు ఉన్నాయని వివరించారు.

అందులో మొదటి వర్గాన్ని బోగస్ అంటారని చెప్పారు. రెండో కేటగిరీని మోర్ బోగస్ అని, మూడో కేటగిరీని మోస్ట్ బోగస్ అని అంటారని వ్యంగ్యాస్త్రాలు సంధించారు. ఈ కేసు వెనుక ఎవరున్నారో తనకు తెలియడం లేదన్నారు. బహుశా అదేదో చైనా దెయ్యం అయి ఉండాలన్నారు. తన లాయర్లు ఇప్పటికే విస్తృతమైన సమాచారాన్ని ఇచ్చారని స్పష్టం చేశారు.

వారికి సుమారు 100 పేజీల సమాధానం ఇచ్చారన్నారు. తాను కూడా దాన్నే పునరావృతం చేస్తానన్నారు. ఇది క్రిస్మస్ సీజన్ అన్నారు. వారు తనను మిస్ అవుతున్నట్టు కనిపిస్తోందన్నారు. అందుకే వాళ్లు మరోసారి తనను పిలిచారన్నారు. అందుకే వారికి క్రిస్మస్ శుభాకాంక్షలు చెప్పేందుకు తాను ఇక్కడకు వచ్చానన్నారు. గతేడాది మేలో కార్తీ చిదంబరంపై మనీలాండరింగ్ కేసును ఈడీ నమోదుచేసింది.

బిహార్ డిప్యూటీ సీఎం, ఆర్జేడీ నేత తేజస్వీ యాదవ్‌ (Tejashwi Yadav)కు మరోసారి షాక్ తగిలింది. ల్యాండ్ ఫర్ జాబ్ కేసు (Land For Jobs scam case)లో తాజాగా ఆయనకు ఈడీ మరోసారి సమన్లు జారీ చేసింది. జనవరి 5న ఈడీ విచారణకు హాజరు కావాలని తేజస్వీ యాదవ్ ను ఈడీ ఆదేశించింది. అంతకు ముందు గత నెలలో ఆయనకు ఈడీ సమన్లు పంపింది.

డిసెంబర్ 22న ఈడీ విచారణకు హాజరు కావాలని ఆదేశాలు జారీ చేసింది. కానీ ఈడీ విచారణకు తేజస్వీ గైర్హాజరయ్యారు. ఈడీ నోటీసులు అనేవి రొటీన్ వ్యవహారమని ఆయన పేర్కొన్నారు. గతంలో కూడా ఈడీ, సీబీఐ, ఐటీ దర్యాప్తు సంస్థలు తనను ఎన్నో సార్లు విచారణకు పిలిచాయని తెలిపారు. ఇందులో కొత్త విషయమేమీ లేదని ఆయన అన్నారు.

కాషాయ పార్టీ ఆదేశాల మేరకే తనకు ఈ నోటీసులు జారీ చేశారని ఆరోపించారు. గతంలో తాను ప్రతిసారి సక్రమంగా విచారణకు హాజరయ్యానన్నారు. కానీ ఇప్పుడు అది రొటీన్ గా మారిందన్నారు. మరోవైపు ఇటీవల తేజస్వీ తండ్రి, ఆర్జేడీ చీఫ్ లాలూ ప్రసాద్ యాదవ్ కు కూడా ఈడీ నోటీసులు పంపింది. ఈ నెల 27న ఢిల్లీలో ఈడీ విచారణకు హాజరు కావాలని ఆదేశించింది.

ఈ క్రమంలో బీజేపీపై లాలూ ప్రసాద్ యాదవ్ తీవ్రంగా మండిపడ్డారు. పలువురు నేతలకు ఈడీ సమన్లు పంపిందన్నారు. కేంద్ర ప్రభుత్వ ఒత్తిడి మేరకే దర్యాప్తు సంస్థలు పనిచేస్తున్నాయని మండిపడ్డారు. రాజస్థాన్, మధ్యప్రదేశ్, ఛత్తీస్‌గఢ్‌లలో అసెంబ్లీ ఎన్నికలు ముగియగానే దర్యాప్తు సంస్థలు మళ్లి తమ పనులు మొదలు పెడతాయని తాను గతంలోనే చెప్పానన్నారు. ఢిల్లీ సీఎం అరవింద్ కేజ్రీవాల్‌కు ఏం జరుగుతుందో మీరే చూస్తారన్నారు.

కర్ణాటకలో హిజాబ్ ( Hijab)పై నిషేధాన్ని (Ban) ఎత్తివేస్తు కాంగ్రెస్ సర్కార్ తీసుకున్న నిర్ణయంపై బీజేపీ (BJP) మండిపడింది. అధికార కాంగ్రెస్ ‘విభజించు-పాలించు’ అనే బ్రిటిష్ విధానాన్ని ముందుకు తీసుకువెళుతోందని ఫైర్ అయింది. ప్రభుత్వం తీసుకున్న ఈ చర్య విద్యా స్థలాల “లౌకిక స్వభావం” గురించి ఆందోళన కలిగిస్తోందని బీజేపీ వెల్లడించింది.

ఢిల్లీలో మీడియా సమావేశంలో బీజేపీ కర్ణాటక చీఫ్ విజయేంద్ర మాట్లాడుతూ…. విద్యా సంస్థల్లో వాతావరణాన్ని సీఎం సిద్ధరామయ్య’ దెబ్బతీస్తున్నారని ఆరోపించారు. హిజాబ్‌పై నిషేధాన్ని ఎత్తివేస్తామని ముఖ్యమంత్రి బాధ్యతారాహిత్య ప్రకటన చేశారని తీవ్ర స్థాయిలో ధ్వజమెత్తారు. రాష్ట్రంలో విద్యా వాతావరణాన్ని సీఎం చెడగొట్టారంటూ నిప్పులు చెరిగారు.

కనీసం ఈ చెత్త రాజకీయాల నుంచి పిల్లలనైనా తప్పించి ఉండాల్సిందని అన్నారు. స్వాతంత్ర్యం వచ్చి చాలా సంవత్సరాలు గడుస్తున్నా ఇప్పటికి కూడా మైనారిటీల్లో అక్షరాస్యత, ఉపాధి రేటు ఇప్పటికీ 50 శాతంగా ఉందని తెలిపారు. మైనారిటీల స్థితిగతులను మెరుగు పరచడానికి కాంగ్రెస్ ఎప్పుడూ ప్రయత్నించలేదని ఫైర్ అయ్యారు.

బ్రిటీష్ పాలకులు అవలంబించిన విభజించి పాలించు విధానాన్ని కాంగ్రెస్ విశ్వసిస్తోందన్నారు. ఆ పార్టీ బ్రిటిష్ వారసత్వాన్ని ముందుకు తీసుకువెళ్లేందుకు ప్రయత్నాలు చేస్తోందన్నారు. విద్యాసంస్థల్లో మతపరమైన దుస్తులను అనుమతించడం ద్వారా సిద్ధరామయ్య ప్రభుత్వం యువ మనస్సులను మతపరమైన మార్గాల్లో విభజిస్తోందని, సమ్మిళిత అభ్యాస వాతావరణానికి విఘాతం కలిగిస్తోందన్నారు.

కర్ణాటకలో హిజాబ్ ధరించడంపై గత బీజేపీ ప్రభుత్వం విధించిన నిషేధాన్ని ఎత్తివేస్తూ సిద్ధరామయ్య ప్రభుత్వం కీలక నిర్ణయం తీసుకుంది. ఇక నుంచి రాష్ట్రంలో హిజాబ్ ధరించడంపై ఎలాంటి నిషేధం ఉండదని వెల్లడించింది. మహిళలు తమకు నచ్చిన దుస్తులు ధరించ వచ్చని, హిజాబ్ ధరించి ఎక్కడికైనా వెల్లవచ్చని సిద్దరామయ్య వెల్లడించారు.