Breaking News

పౌరసత్వ సవరణ చట్టం ( CAA)పై కేంద్ర హోం శాఖ సహాయ మంత్రి అజయ్ మిశ్రా ( Ajay Mishra) కీలక వ్యాఖ్యలు చేశారు. సీఏఏ అమలుపై గ్రౌండ్ వర్క్ నడుస్తోందని తెలిపారు. ఇప్పటికే దీనిపై లోక్ సభ, రాజ్య సభ కమిటీలు పని చేస్తున్నాయని చెప్పారు. ఆయా కమిటీల నివేదికలు రాగానే దేశ వ్యాప్తంగా సీఏఏను పక్కాగా అమలు చేస్తామన్నారు.

పశ్చిమ బెంగాల్‌లోని 24 ఉత్తర పరగణాల్లో జరిగిన బహిరంగ సభలో మిశ్రా మాట్లాడుతూ…. సీఏఏ ఆమోదించినప్పుడు అనేక రాజకీయ పార్టీలు అరాచకాలను వ్యాప్తి చేశాయని అన్నారు. ఆయా పార్టీలు సుప్రీం కోర్టుకు వెళ్లి దానిపై పిటిషన్లు కూడా దాఖలు చేశాయని పేర్కొన్నారు. సీఏఏ పై తాము ఖచ్చితంగా చట్టాన్ని తీసుకు రాబోతున్నామన్నారు.

తమ కేసుపై సుప్రీం కోర్టులో పోరాటం చేస్తామని వెల్లడించారు. ఈ మేరకు బీజేపీ హామీ ఇస్తోందన్నారు. సీఏఏను త్వరలోనే ఖచ్చితంగా అమలు చేస్తామని స్పష్టం చేశారు. ఈ బిల్లును డిసెంబర్ 9, 2019న లోక్ సభ, డిసెంబర్ 11, 2019న రాజ్యసభ ఆమోద ముద్ర వేసిందన్నారు. అదే ఏడాది డిసెంబర్ 12న ఇది చట్టంగా మారిందన్నారు.

జనవరి 10, 2020న ఈ చట్టం అమల్లోకి వచ్చిందని వివరించారు. చట్టంగా మారిన తర్వాత, కొన్ని నిబంధనలను రూపొందించాల్సి ఉందన్నారు. వచ్చే ఏడాది జనవరి 9 వరకు నిబంధనల రూపకల్పనకు లోక్‌సభ లెజిస్లేటివ్ కమిటీ గడువు విధించిందన్నారు. రాజ్యసభ లెజిస్లేటివ్ కమిటీ మార్చి 30 వరకు గడువు విధించిందన్నారు.

భారతదేశం (India) సహజంగా లౌకిక తత్వం (Secularism)పై ఆధారపడి ఉందని ఆర్ఎస్ఎస్ చీఫ్ మోహన్ భగవత్ (Mohan Bhagwat) అన్నారు. అందువల్ల సెక్యులరిజం గురించి భారత్ కు ప్రపంచం పాఠాలు చెప్పాల్సిన అవసరం లేదన్నారు. భారత్ అన్ని మతాలను గౌరవిస్తుందన్నారు. భారత్ తన సొంత బలాల ఆధారంగా అభివృద్ధి నమూనాను అవలంభించాల్సిన అవసరం ఉందన్నారు.

యూపీలోని గ్రేటర్ నోయిడాలోని శారదా యూనివర్శిటీలో నిర్వహించిన కార్యక్రమంలో ఆయన పాల్గొన్నారు. ఈ సందర్బంగా ఆయన మాట్లాడుతూ…. ఆర్టిఫిషియల్ ఇంటెలిజెన్స్ వినియోగానికి సమతుల్య విధానాన్ని అనుసరించాలని సూచించారు. ప్రజలకు మెరుగైన సేవలందించేందుకు పాలనా వ్యవస్థలో సంస్కరణలు అవసరమని అన్నారు.

1947లో స్వాతంత్ర్యం వచ్చిన తర్వాత మన రాజ్యాంగంలో సెక్యులరిజాన్ని ప్రవేశపెట్టామన్నారు. భిన్నత్వంలో ఏకత్వాన్ని భారత్ విశ్వసిస్తుందన్నారు. అందరి క్షేమం కోసం భారత్ ఎప్పుడూ ప్రార్థిస్తుందన్నారు. భారత్ హూనా, కుషాన్, ఇస్లాం మతాలను కూడా ఆహ్వానించిందని గుర్తు చేశారు.

వాతావరణం, ఆహారం లేదా ఆధ్యాత్మిక శ్రేయస్సు వంటి ఏవైనా సమస్యలు మనకు లేవన్నారు. అందుకే, ఇక్కడ ఆశ్రయం పొందాలనుకునే వారందరికీ తాము సంతోషంగా వసతి కల్పించామన్నారు. హిందూ మతం మనకు ఇదే విషయాన్ని బోధిస్తుందన్నారు. అందుకే దీనని స్వాగతించామన్నారు.

భారతదేశ సంస్కృతి, యోగా సంప్రదాయం ప్రపంచంలోనే పురాతనమైనవన్నారు. గతంలో యోగాను విస్మరించారని తెలిపారు. ఒకప్పుడు యోగాను బ్లాక్ మ్యాజిక్ అని పిలిచేవారని అన్నారు. ఇప్పుడు ప్రపంచం మొత్తం దాన్ని ఆమోదిస్తోందని తెలిపారు. కొవిడ్-19 సమయంలో ఆయుర్వేదం చాలా మందికి సహాయపడిందని పేర్కొన్నారు. ఎంతో మందికి కరోనాను నయం చేసిందన్నారు.

మరుమలర్చి ద్రవిడ మున్నేట్ర కజగం (MDMK) ప్రధాన కార్యదర్శి వైకో సంచలన వ్యాఖ్యలు చేశారు. లిబరేషన్ టైగర్స్ ఆఫ్ తమిళ్ ఈలం (LTTE)చీఫ్ వేలు పిళ్లై ప్రభాకరన్ ఇంకా బతికే ఉన్నారని అన్నారు. ఎల్టీటీఈ చీఫ్ జయంతి సందర్బంగా కేక్ కోసి ప్రభాకరన్ జన్మదిన వేడుకలను ఆయన నిర్వహించారు. ఈ సందర్భంగా ఆయన మాట్లాడుతూ ఈ మేరకు వ్యాఖ్యలు చేశారు.

ఎల్టీటీఈ వేలు పిళ్లై ప్రభాకరన్ ఇంకా బతికే ఉన్నారని తాము బలంగా నమ్ముతున్నామని చెప్పారు. అందుకే తాము ప్రభాకరన్ పుట్టినరోజున కేక్ కట్ చేసి వేడుకలు జరుపుకుంటున్నామని తెలిపారు. ప్రభాకరన్‌తో పాటు ఉన్న పజా నెడుమారన్, కాశీ ఆనందన్ వంటి వ్యక్తులు అబద్దం చెప్పరని తాను విశ్వసిస్తున్నట్టు పేర్కొన్నారు.

అంతకు ముందు ఈ ఏడాది ఫిబ్రవరిలో తమిళ జాతీయ వాది పళ నెడు మారన్ సంచలన వ్యాఖ్యలు చేశారు. ఎల్టీటీఈ చీఫ్ ప్రభాకరన్ ఇంకా బతికే ఉన్నాడని అన్నారు. ప్రభాకరన్ చాలా ఆరోగ్యంగా ఉన్నారని తెలిపారు. త్వరలోనే ప్రజల ముందుకు ప్రభాకరన్ వస్తారంటూ అప్పట్లో ఆయన చేసిన వ్యాఖ్యలు సంచలనం రేపాయి.

మరో వైపు తమిళ నేత కాశీ అనందన్ కూడా ఇలాంటి వ్యాఖ్యలే చేశారు. ప్రభాకరన్ ఇంకా జీవించి ఉన్నాడని వెల్లడించారు. ఒక వేళ ప్రభాకరన్ నిజంగా చనిపోయి ఉంటే శ్రీలంక ప్రభుత్వం ప్రభాకరన్ మరణం గురించి పత్రాలను ఎందుకు విడుదల చేయడం లేదని ప్రశ్నించారు. అందుకే ప్రభాకరన్ బతికే ఉన్నారని తాము నమ్ముతున్నామన్నారు.

అయోధ్య ( Ayodhya) లో వచ్చే ఏడాది జనవరి 22న శ్రీ రాముని విగ్రహ ప్రాణ ప్రతిష్టను చేయనున్నారు. ఈ క్రమంలో ఆలయ నిర్మాణ పనులను వేగవంతం చేశారు. ప్రస్తుతం ఆలయంలో ఫ్లోర్ (Floor Inlay) ను అత్యంత సుందరంగా తీర్చి దిద్దుతున్నారు. తాజాగా ఆలయానికి సంబంధించిన ఫోటోలను రామ జన్మ భూమి ట్రస్టు విడుదల చేసింది. ఫోటోలు సోషల్ మీడియాలో వైరల్ అవుతున్నాయి.

అంతకు ముందు నిర్మాణంలో ఉన్న ఆలయం క్రేన్ వ్యూ, రామ జన్మభూమి ఆలయంలో జరుగుతున్న పనులకు సంబంధించి ఫోటోలు విడుదల చేసింది. వచ్చే ఏడాది రామ్ లల్ల విగ్రహ ప్రాణ ప్రతిష్ట కార్యక్రమానికి భారీగా భక్తులు హాజరయ్యే అవకాశం ఉంది. ఈ నేపథ్యలో భక్తుల కోసం ప్రత్యేక ఏర్పాట్లను చేస్తున్నారు. సుమారు 80,000 మంది భక్తులు బస చేసేందుకు వీలుగా టెంట్ సిటీలను ఏర్పాటు చేస్తున్నారు.

ప్రాణ ప్రతిష్ట వేడుకకు ముఖ్య అతిథిగా ప్రధాని నరేంద్ర మోడీని శ్రీ రామ జన్మభూమి తీర్థ క్షేత్ర ట్రస్టు సభ్యులు ఆహ్వానించారు. దీంతో పాటు నూతనంగా నిర్మించిన రామాలయంలో పూజలు చేసేందుకు జనవరి 26 తర్వాత ఎన్ఆర్ఐలను ఆహ్వానించాలని ట్రస్టు నిర్ణయించింది. రామ్ లల్లా ఆరాధనకు కొత్త నిబంధనలను రూపొందించారు. ఏడాది పొడవునా నిర్వహించే వివిధ కార్యక్రమాలు, వేడుకలను వివరిస్తూ వార్షిక క్యాలెండర్‌ను ఆలయ ట్రస్టు విడుదల చేసింది.

రామాలయంలో ఏడాది పొడవునా డజనుకు పైగా ఉత్సవాలు జరుగుతాయని శ్రీ రామ జన్మభూమి తీర్థ క్షేత్ర ట్రస్ట్ కోశాధికారి గోవింద్ దేవగిరి వెల్లడించారు. వచ్చే ఏడాది రామ నవమి, ఝులన్ ఉత్సవ్, దీపావళి, వివాహ పంచమి, మకర సంక్రాంతి వేడుకలు ఉంటాయని తెలిపారు. ఏడాది పొడవునా భక్తులను ఆధ్యాత్మిక మరియు సాంస్కృతిక కార్యక్రమాలలో భాగస్వామ్యం చేయాలని ఈ పండుగల లక్ష్యమన్నారు.