Crime

మద్యం కుంభకోణం(Delhi Liquor Scam)లో ముఖ్యమంత్రి అరవింద్ కేజ్రీవాల్(Chief Minister Arvind Kejriwal) సహా ఆప్ ఎంపీ సంజయ్ సింగ్, ఢిల్లీ మాజీ ఉప ముఖ్యమంత్రి మనీష్ సిసోడియా, భారత రాష్ట్ర సమితి (బీఆర్ఎస్) నాయకురాలు, ఎమ్మెల్సీ కవిత కూడా తీహార్ జైలు(Tihar Jail)లో ఉన్న విషయం తెలిసిందే.

ఈ క్రమంలో ఎన్‌ఫోర్స్‌మెంట్ డైరెక్టరేట్(ED) మరో మంత్రికి సమన్లు జారీ చేసింది. ఢిల్లీ మంత్రి, ఆప్ నేత కైలాష్ గెహ్లాట్‌కు నోటీసులు జారీ చేసి విచారణకు రావాలని ఆదేశించింది. ప్రస్తుతం గెహ్లాట్ ఢిల్లీ ప్రభుత్వంలో హోం, రవాణా, న్యాయశాఖ మంత్రిగా బాధ్యతలు నిర్వర్తిస్తున్నారు.

మనీలాండరింగ్ నిరోధక చట్టం (PMLA) కింద వాంగ్మూలాన్ని తీసుకోవాలని కైలాష్ గెహ్లాట్‌ను కోరినట్లు ఈడీ వెల్లడించింది. అయితే, ఈ పాలసీ రిటైలర్లకు దాదాపు 185శాతం, టోకు వ్యాపారులకు 12 శాతం అధిక లాభాలను అందించిందని ఈడీ ఆరోపిస్తోంది. అదేవిధంగా 600 కోట్లకు పైగా లంచాలుగా ఇచ్చినట్లుగా ఈడీ అనుమానం వ్యక్తం చేస్తోంది.

ఆ డబ్బునంతా గోవా, పంజాబ్ ఎన్నికల ప్రచారానికి ఉపయోగించినట్లు ఎన్‌ఫోర్స్‌మెంట్ డైరెక్టరేట్ ఆరోపిస్తోంది. ఈ నేపథ్యంలో మంత్రి కైలాష్ గెహ్లాట్‌ను విచారించి 2021-22లో ఢిల్లీ ప్రభుత్వ ఎక్సెజ్ పాలసీని రూపొందించి అమలు చేయడంలో అవినీతి, మనీలాండరింగ్ ఆరోపణలకు సంబంధించిన పలు అంశాలపై మంత్రితో విచారణ చేపట్టనున్నట్లు కేంద్ర ప్రభుత్వ ఏజెన్సీ పేర్కొంది.

జమ్మూకశ్మీర్‌(Jammu and Kashmir)లో ఘోర రోడ్డు ప్రమాదం(Road Accident) చోటుచేసుకుంది. జమ్మూ-శ్రీనగర్‌ జాతీయ రహదారిపై శుక్రవారం తెల్లవారుజామున జరిగిన ప్రమాదంలో పది మంది మృతిచెందారు. రహదారిపై వెళుతున్న ట్యాక్సీ రాంబన్‌ ప్రాంతానికి సమీపంలో అదుపుతప్పి లోయలో పడిపోయింది.

ఈ ప్రమాదంలో వాహనంలో ఉన్న వారిలో 10మంది వరకు మృతి చెందినట్లు సమాచారం. ప్రమాద సమాచారం అందిన వెంటనే ఎస్‌డీఆర్ఎఫ్, సివిల్ క్విక్ రెస్పాన్స్ టీమ్(QRT) ఘటనా స్థలికి చేరుకుని సహాయక చర్యలు చేపట్టారు. పోలీసులు, సహాయక బృందాలు మృతదేహాలను వెలికి తీసేందుకు రెస్క్యూ ఆపరేషన్ నిర్వహిస్తున్నారు.

ప్రస్తుతం అక్కడ సహాయక చర్యలు కొనసాగుతూనే ఉన్నారు. ప్రమాదానికి సంబంధించి పూర్తి వివరాలు ఇంకా తెలియాల్సి ఉంది. జమ్మూలో మంచుకొండలను చూసేందుకు పర్యాటకులు ప్రత్యేక వాహనాల్లో వెళ్తుంటారు. ఈ క్రమంలో తరచూ ప్రమాదాలు చోటుచేసుకుంటున్నాయి. గతేడాది ఇలాంటి ఘటనలు అనేకసార్లు చోటుచేసుకోగా పదుల సంఖ్యలో టూరిస్టులు మృతిచెందారు.

గతేడాది నవంబర్ మాసంలో కిష్త్వర్ నుంచి జమ్మూ కశ్మీర్‌కు 60 మంది ప్రయాణికులతో ఓ బస్సు లోయలో పడి 38మంది మృతిచెందారు. మరో ప్రమాదంలో జాజ్జర్‌ కోట్లీలో అమృత్‌సర్‌ నుంచి కత్రా వెళ్తున్న బస్సు లోయలో పడి 10మంది మృతిచెందారు. అప్పుడు బస్సులో 75మంది వరకు ఉండగా మిగతా వారికి తీవ్రగాయాలయ్యాయి.

ఆలిండియా స్థాయి ప్రవేశ పరీక్షలకు కోచింగ్ హబ్‌గా పేరొందిన రాజస్థాన్‌లోని కోటా(KOTA) ఆత్మహత్యలు (Students Suicides) అస్సలు ఆగడం లేదు. విద్యార్థులు వరుసగా సూసైడ్స్ చేసుకుంటున్నారు. అయితే, ఈ వరుస సూసైడ్స్‌కు సంబంధించి కారణాలు తెలియరావడం లేదు. విద్యార్థులు తీవ్ర ఒత్తిడి కారణంగానే చనిపోతున్నారని కొందరు ఆరోపిస్తున్నారు.

రెండ్రోజుల కిందట యూపీకి చెందిన మహ్మద్ ఉరుజ్ ఖాన్ అనే విద్యార్థి ఉరేసుకుని ఆత్మహత్యకు పాల్పడగా.. తాజాగా మరో విద్యార్థిని ప్రాణాలు తీసుకుంది. పోలీసుల కథనం ప్రకారం..యూపీలోని లక్నోకు చెందిన సౌమ్య (19)కోటాలో నివాసముంటూ నేషనల్ ఎలిజిబిలిటీ కమ్ ఎంట్రన్స్ టెస్టు (NEET)కి ప్రిపేర్ అవుతోంది.

ఈ క్రమంలోనే బుధవారం రాత్రి తన హాస్టల్ గదిలో ఉరేసుకుని ఆత్మహత్యకు పాల్పడింది. సమాచారం అందుకున్న పోలీసులు కేసు నమోదు చేసుకుని మృతదేహాన్ని పోస్టుమార్టంకు తరలించారు. అనంతరం కుటుంబసభ్యులకు సమాచారం అందించారు.

2024లో ప్రారంభంలోనే కోటాలో ఆత్మహత్య చేసుకున్న విద్యార్థుల సంఖ్య 8కి చేరింది. గతేడాది ప్రాణాలు తీసుకున్న విద్యార్థుల సంఖ్య 29గా ఉంది. విద్యార్థుల ఆత్మహత్యలపై ఆందోళన వ్యక్తంచేసిన కేంద్రం కోచింగ్ సెంటర్లకు ఆదేశాలు జారీచేసింది.విద్యార్థులపై ఒత్తిడి చేయరాదని స్పష్టంచేసింది.అయినా, ఆశించిన ఫలితాలు రావడం లేదు. దీంతో కోటాను విద్యార్థుల ఆత్మహత్యలకు నిలయంగా కొందరు అభివర్ణిస్తున్నారు.